ਸਪੋਰਟਸ ਡੈਸਕ : ਭਾਰਤੀ ਜੈਵਲਿਨ ਥ੍ਰੋਅਰ ਅਤੇ ਗੋਲਡਨ ਬੁਆਏ ਨੀਰਜ ਚੋਪੜਾ ਨੇ ਪੈਰਿਸ ਡਾਇਮੰਡ ਲੀਗ 2025 ਦੇ ਪੁਰਸ਼ ਜੈਵਲਿਨ ਥ੍ਰੋਅ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਨੀਰਜ ਨੇ ਜਰਮਨੀ ਦੇ ਜੂਲੀਅਨ ਵੇਬਰ ਨੂੰ ਹਰਾਇਆ। ਸ਼ੁੱਕਰਵਾਰ ਨੂੰ ਚੋਪੜਾ ਨੇ ਪਹਿਲੇ ਦੌਰ ਵਿੱਚ 88.16 ਮੀਟਰ ਦੇ ਥ੍ਰੋਅ ਨਾਲ ਖਿਤਾਬ ਜਿੱਤਿਆ। ਨੀਰਜ ਨੂੰ ਪਿਛਲੇ ਦੋ ਮੈਚਾਂ ਵਿੱਚ ਵੇਬਰ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ, ਹਾਲਾਂਕਿ, ਇਸ ਮੈਚ ਵਿੱਚ ਉਸਨੇ ਆਪਣੀ ਪੁਰਾਣੀ ਹਾਰ ਦਾ ਬਦਲਾ ਲੈ ਲਿਆ।
ਨੀਰਜ ਚੋਪੜਾ 8 ਸਾਲਾਂ ਦੇ ਲੰਬੇ ਅੰਤਰਾਲ ਤੋਂ ਬਾਅਦ ਪੈਰਿਸ ਡਾਇਮੰਡ ਲੀਗ ਵਿੱਚ ਵਾਪਸੀ ਕੀਤੀ ਹੈ। 27 ਸਾਲਾ ਨੀਰਜ ਚੋਪੜਾ ਪਿਛਲੇ ਦੋ ਮੁਕਾਬਲਿਆਂ ਵਿੱਚ ਦੂਜੇ ਸਥਾਨ 'ਤੇ ਰਿਹਾ ਸੀ। ਉਸਨੇ ਆਖਰੀ ਵਾਰ 2017 ਵਿੱਚ ਇਸ ਮੁਕਾਬਲੇ ਵਿੱਚ ਹਿੱਸਾ ਲਿਆ ਸੀ। ਉਸ ਸਮੇਂ ਉਸਨੇ 84.67 ਮੀਟਰ ਦੇ ਥ੍ਰੋਅ ਨਾਲ ਪੰਜਵਾਂ ਸਥਾਨ ਹਾਸਲ ਕੀਤਾ ਸੀ। ਇਸ ਮੈਚ ਵਿੱਚ ਨੀਰਜ ਚੋਪੜਾ (ਭਾਰਤ) - 88.16 ਮੀਟਰ ਸੁੱਟਿਆ। ਦੂਜੇ ਨੰਬਰ 'ਤੇ ਜੂਲੀਅਨ ਵੇਬਰ ਨੇ 87.88 ਮੀਟਰ ਸੁੱਟਿਆ। ਇਸ ਦੇ ਨਾਲ ਹੀ ਬ੍ਰਾਜ਼ੀਲ ਦੇ ਲੁਈਜ਼ ਡਾ ਸਿਲਵਾ ਨੇ 86.62 ਮੀਟਰ ਦੇ ਥਰੋਅ ਨਾਲ ਤੀਜਾ ਸਥਾਨ ਹਾਸਲ ਕੀਤਾ।
ਇਹ ਵੀ ਪੜ੍ਹੋ : ਈਸ਼ਾਨ ਕਿਸ਼ਨ ਦਾ ਵੱਡਾ ਫੈਸਲਾ, ਹੁਣ ਇਸ ਵਿਦੇਸ਼ੀ ਟੀਮ ਲਈ ਖੇਡੇਗਾ ਕ੍ਰਿਕਟ
ਪਹਿਲੇ ਥਰੋਅ 'ਚ ਹੀ ਬਣਾਈ ਨੀਰਜ ਨੇ ਲੀਡ
ਪੈਰਿਸ ਡਾਇਮੰਡ ਲੀਗ ਵਿੱਚ ਨੀਰਜ ਚੋਪੜਾ ਨੇ ਪਹਿਲੀ ਕੋਸ਼ਿਸ਼ ਵਿੱਚ 88.16 ਮੀਟਰ ਸੁੱਟਿਆ। ਪਹਿਲੀ ਕੋਸ਼ਿਸ਼ ਵਿੱਚ ਸਭ ਤੋਂ ਲੰਬੇ ਥਰੋਅ ਕਾਰਨ ਉਹ ਅੰਤ ਤੱਕ ਲੀਡ ਲੈਣ ਵਿੱਚ ਕਾਮਯਾਬ ਰਿਹਾ। ਦੂਜੇ ਦੌਰ ਵਿੱਚ ਨੀਰਜ ਨੇ 85.10 ਮੀਟਰ ਸੁੱਟਿਆ। ਹਾਲਾਂਕਿ, ਗੋਲਡਨ ਬੁਆਏ ਦੇ ਤੀਜੇ, ਚੌਥੇ ਅਤੇ ਪੰਜਵੇਂ ਯਤਨ ਫਾਊਲ ਸਨ। ਛੇਵੇਂ ਥਰੋਅ ਦੀ ਗੱਲ ਕਰੀਏ ਤਾਂ ਉਸਨੇ 82.89 ਮੀਟਰ ਸੁੱਟਿਆ।
ਵੇਬਰ ਤੋਂ ਲਿਆ ਹਾਰ ਦਾ ਬਦਲਾ
ਨੀਰਜ ਚੋਪੜਾ ਨੇ ਜਰਮਨੀ ਦੇ ਜੂਲੀਅਨ ਵੇਬਰ ਤੋਂ ਆਪਣੀ ਪੁਰਾਣੀ ਹਾਰ ਦਾ ਬਦਲਾ ਲਿਆ। ਵੇਬਰ ਨੇ ਦੋਹਾ ਵਿੱਚ ਚੋਪੜਾ ਨੂੰ ਹਰਾਇਆ ਸੀ, ਉਸ ਸਮੇਂ ਜੂਲੀਅਨ ਵੇਬਰ ਨੇ 91.06 ਮੀਟਰ ਦਾ ਆਖਰੀ ਥਰੋਅ ਸੁੱਟ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਸੀ। ਉਸੇ ਸਮੇਂ ਨੀਰਜ 90.23 ਮੀਟਰ ਦੇ ਥਰੋਅ ਨਾਲ ਦੂਜੇ ਸਥਾਨ 'ਤੇ ਸੀ। ਇਸ ਤੋਂ ਬਾਅਦ ਵੇਬਰ ਨੇ ਇੱਕ ਵਾਰ ਫਿਰ ਪੋਲੈਂਡ ਵਿੱਚ ਨੀਰਜ ਚੋਪੜਾ ਨੂੰ ਹਰਾਇਆ। ਨੀਰਜ ਨੇ ਅੱਜ ਪੈਰਿਸ ਡਾਇਮੰਡ ਲੀਗ ਵਿੱਚ ਇਨ੍ਹਾਂ ਦੋ ਹਾਰਾਂ ਦਾ ਬਦਲਾ ਲੈ ਲਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਈਸ਼ਾਨ ਕਿਸ਼ਨ ਦਾ ਵੱਡਾ ਫੈਸਲਾ, ਹੁਣ ਇਸ ਵਿਦੇਸ਼ੀ ਟੀਮ ਲਈ ਖੇਡੇਗਾ ਕ੍ਰਿਕਟ
NEXT STORY 
