ਹੈਦਰਾਬਾਦ— ਤਾਨੋਂਗਸਾਕ ਸੇਨਸੋਮਬੂਨਸੁਕ ਤੇ ਰਿਤੁਪਰਣਾ ਦਾਸ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਨਾਰਥ ਈਸਟਰਨ ਵਾਰੀਅਰਸ ਨੇ ਮੁੰਬਈ ਰਾਕੇਟਸ ਨੂੰ ਵੀਰਵਾਰ ਪ੍ਰੀਮੀਅਰ ਬੈਡਮਿੰਟਨ ਲੀਗ 'ਚ 4-1 ਨਾਲ ਹਰਾ ਦਿੱਤਾ। ਟੀਮ ਦੀ ਟੂਰਨਾਮੈਂਟ 'ਚ ਪਹਿਲੀ ਜਿੱਤ ਹੈ। ਉਸ ਨੂੰ ਆਪਣੇ ਪਹਿਲੇ ਮੈਚ 'ਚ ਅਹਿਮਦਾਬਾਦ ਸਮੈਸ਼ ਮਾਸਟਰਸ ਤੋਂ 1-4 ਦੇ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਤਾਨੋਂਗਸਾਕ ਨੇ ਮੁੰਬਈ ਦੇ ਟ੍ਰਮਪ ਮੈਚ 'ਚ ਐਡਰਸ ਐਟਨਸਨ ਨੂੰ 15-9, 10-15, 15-11 ਨਾਲ ਹਰਾਇਆ। ਸਾਬਕਾ ਰਾਸ਼ਟੀ ਚੈਂਪੀਅਨ ਰਿਤੁਪਰਣਾ ਦਾਸ ਨੇ ਸ਼੍ਰੇਆਂਸ਼ੀ ਪਰਦੇਸ਼ੀ ਨੂੰ 12-15, 15-10, 15-12 ਨਾਲ ਹਰਾ ਕੇ ਜਿੱਤ ਨਾਰਥ ਈਸਟ ਟੀਮ ਦੀ ਝੋਲੀ 'ਚ ਪਾ ਦਿੱਤੀ।
ਭਾਰਤ ਨੇ ਅਭਿਆਸ ਮੈਚ 'ਚ ਓਮਾਨ ਨਾਲ ਗੋਲਰਹਿਤ ਖੇਡਿਆ ਡਰਾਅ
NEXT STORY 
