ਜੈਪੁਰ— ਤਜਰਬੇਕਾਰ ਗੋਲਫਰ ਓਮ ਪ੍ਰਕਾਸ਼ ਚੌਹਾਨ ਨੇ ਜੈਪੁਰ ਓਪਨ ਗੋਲਫ ਦੇ ਆਖਰੀ ਦਿਨ ਇੱਥੇ ਛੇ ਅੰਡਰ 64 ਦੇ ਸ਼ਾਨਦਾਰ ਕਾਰਡ ਖੇਡ ਆਪਣੇ ਕਰੀਅਰ ਦਾ ਸੱਤਵਾਂ ਖਿਤਾਬ ਜਿੱਤ ਲਿਆ। ਮੱਧ ਪ੍ਰਦੇਸ਼ ਦਾ 36 ਸਾਲਾ ਚੌਹਾਨ ਤੀਜੇ ਦੌਰ ਦੀ ਖੇਡ ਤੋਂ ਬਾਅਦ ਅੰਕ ਸੂਚੀ 'ਚ ਦੂਜੇ ਸਥਾਨ 'ਤੇ ਰਿਹਾ ਸੀ ਪਰ ਉਸ ਨੇ ਆਖਰੀ ਦੌਰ 'ਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕੀਤਾ ਅਤੇ ਚੈਂਪੀਅਨ ਬਣ ਕੇ ਉਭਰਿਆ। ਉਸਦਾ ਕੁੱਲ ਸਕੋਰ 18 ਅੰਡਰ 262 (67-66-65-64) ਸੀ।
ਇਸ ਜਿੱਤ ਦੇ ਨਾਲ, ਉਸਨੇ ਛੇ ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਹਾਸਲ ਕੀਤੀ ਅਤੇ ਪੀਜੀਟੀਆਈ ਆਰਡਰ ਆਫ਼ ਮੈਰਿਟ ਵਿੱਚ 18ਵੇਂ ਤੋਂ ਅੱਠਵੇਂ ਸਥਾਨ 'ਤੇ ਪਹੁੰਚ ਗਿਆ। ਚੰਡੀਗੜ੍ਹ ਦਾ ਅਭਿਜੀਤ ਸਿੰਘ ਚੱਢਾ (62-69-65-67) ਜੋ ਤੀਜੇ ਦੌਰ ਤੋਂ ਬਾਅਦ 17 ਅੰਡਰ 263 ਦੇ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਿਹਾ।
ਚੰਡੀਗੜ੍ਹ ਦਾ ਇਕ ਹੋਰ ਗੋਲਫਰ ਅਕਸ਼ੈ ਸ਼ਰਮਾ (67) 13 ਅੰਡਰ 267 ਦੇ ਸਕੋਰ ਨਾਲ ਤੀਜੇ ਸਥਾਨ 'ਤੇ ਰਿਹਾ। ਫਰੀਦਾਬਾਦ ਦਾ ਅਭਿਨਵ ਲੋਹਾਨ (68) ਅਤੇ ਬੰਗਲਾਦੇਸ਼ ਦਾ ਜਮਾਲ ਹੁਸੈਨ (69) ਸਾਂਝੇ ਤੌਰ 'ਤੇ ਚੌਥੇ ਸਥਾਨ 'ਤੇ ਰਹੇ।
ਮੁਹੰਮਦ ਸ਼ੰਮੀ ਕੋਵਿਡ-19 ਪਾਜ਼ੇਟਿਵ, ਆਸਟ੍ਰੇਲੀਆ ਸੀਰੀਜ਼ 'ਚੋਂ ਹੋਏ ਬਾਹਰ
NEXT STORY 
