ਨਵੀਂ ਦਿੱਲੀ (ਭਾਸ਼ਾ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮਹਿੰਦਰ ਸਿੰਘ ਧੋਨੀ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਦੇ ਬਾਅਦ ਲਿਖੇ ਪੱਤਰ ਵਿਚ ਕਿਹਾ ਕਿ 2 ਵਾਰ ਦੇ ਵਿਸ਼ਵ ਕੱਪ ਜੇਤੂ ਸਾਬਕਾ ਕ੍ਰਿਕਟ ਕਪਤਾਨ ਨਵੇਂ ਭਾਰਤ ਦੀ ਪਛਾਣ ਹਨ, ਜਿਸ ਵਿਚ ਪਰਿਵਾਰ ਦੇ ਨਾਮ ਤੋਂ ਕਿਸਮਤ ਨਹੀਂ ਲਿਖੀ ਜਾਂਦੀ। ਧੋਨੀ ਨੇ ਆਪਣੇ ਟਵਿਟਰ ਪੇਜ 'ਤੇ ਇਹ ਪੱਤਰ ਸਾਂਝਾ ਕੀਤਾ ਹੈ। ਸ਼ਨੀਵਾਰ ਨੂੰ ਇੰਸਟਾਗਰਾਮ 'ਤੇ 'ਮੈਂ ਪਲ ਦੋ ਪਲ ਕਾ ਸ਼ਾਇਰ ਹੂੰ' ਗੀਤ ਨਾਲ 'ਮੈਨੂੰ ਸ਼ਾਮ 7 ਵਜ ਕੇ 29 ਮਿੰਟ ਤੋਂ ਰਿਟਾਇਰਡ ਸੱਮਝੋ' ਸੰਦੇਸ਼ ਪਾ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦੇਣ ਦੇ ਬਾਅਦ ਸੋਸ਼ਲ ਮੀਡੀਆ 'ਤੇ ਧੋਨੀ ਦੀ ਇਹ ਪਹਿਲੀ ਪੋਸਟ ਹੈ। ਮੋਦੀ ਨੇ ਪੱਤਰ ਵਿਚ ਲਿਖਿਆ,'ਤੁਸੀਂ ਨਵੇਂ ਭਾਰਤ ਦੀ ਭਾਵਨਾ ਦੇ ਮਹੱਤਵਪੂਰਣ ਉਦਾਹਰਣਾਂ ਵਿਚੋਂ ਇਕ ਹੋ, ਜਿਸ ਵਿਚ ਨੌਜਵਾਨਾਂ ਦੀ ਤਕਦੀਰ ਪਰਿਵਾਰ ਦੇ ਨਾਮ ਤੋਂ ਨਹੀਂ ਲਿਖੀ ਜਾਂਦੀ। ਉਹ ਖੁਦ ਆਪਣਾ ਨਾਮ ਅਤੇ ਕਿਸਮਤ ਬਣਾਉਂਦੇ ਹਨ।'
ਉਨ੍ਹਾਂ ਲਿਖਿਆ,'ਇਹ ਮਾਇਨੇ ਨਹੀਂ ਰੱਖਦਾ ਕਿ ਅਸੀਂ ਕਿੱਥੋ ਜਾਂਦੇ ਹਾਂ ਜਦੋਂ ਤੱਕ ਸਾਨੂੰ ਇਹ ਪਤਾ ਹੋਵੇ ਕਿ ਸਾਨੂੰ ਕਿੱਥੇ ਜਾਣਾ ਹੈ। ਤੁਸੀਂ ਇਹ ਜਜਬਾ ਵਿਖਾਇਆ ਹੈ ਅਤੇ ਇਸਦੇ ਨਾਲ ਕਈ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ। ਮੋਦੀ ਨੇ ਇਹ ਵੀ ਲਿਖਿਆ ਕਿ ਸਿਰਫ਼ ਇਕ ਖਿਡਾਰੀ ਦੇ ਤੌਰ 'ਤੇ ਧੋਨੀ ਦਾ ਮੁਲਾਂਕਣ ਬੇਇਨਸਾਫ਼ੀ ਹੋਵੇਗਾ, ਕਿਉਂਕਿ ਉਨ੍ਹਾਂ ਦਾ ਪ੍ਰਭਾਵ ਗ਼ੈਰ-ਮਾਮੂਲੀ ਰਿਹਾ ਹੈ। ਉਨ੍ਹਾਂ ਲਿਖਿਆ, 'ਮਹਿੰਦਰ ਸਿੰਘ ਧੋਨੀ ਨਾਮ ਸਿਰਫ ਅੰਕੜਿਆਂ ਜਾਂ ਮੈਚ ਜਿਤਾਉਣ ਵਿਚ ਭੂਮਿਕਾਵਾਂ ਲਈ ਯਾਦ ਨਹੀਂ ਰੱਖਿਆ ਜਾਵੇਗਾ। ਸਿਰਫ਼ ਇਕ ਖਿਡਾਰੀ ਦੇ ਤੌਰ 'ਤੇ ਉਨ੍ਹਾਂ ਦਾ ਮੁਲਾਂਕਣ ਜ਼ਿਆਦਤੀ ਹੋਵੋਗੀ।'
ਇਹ ਵੀ ਪੜ੍ਹੋ: ਹਾਰਦਿਕ ਪੰਡਯਾ ਨੂੰ ਕਿੱਸ ਕਰਨ ਵਾਲੀ ਤਸਵੀਰ ਇੰਸਟਾਗਰਾਮ ਨੇ ਕੀਤੀ ਡਿਲੀਟ, ਭੜਕੀ ਨਤਾਸ਼ਾ
ਟੈਰੀਟੋਰੀਅਲ ਆਰਮੀ ਵਿਚ ਆਨਰੇਰੀ ਲੈਫਟੀਨੈਂਟ ਕਰਨਲ ਧੋਨੀ ਨੇ ਪ੍ਰਧਾਨ ਮੰਤਰੀ ਨੂੰ ਪ੍ਰਸ਼ੰਸਾ ਲਈ ਧੰਨਵਾਦ ਦਿੱਤਾ। ਉਨ੍ਹਾਂ ਕਿਹਾ, 'ਇਕ ਕਲਾਕਾਰ, ਫੌਜੀ ਜਾਂ ਖਿਡਾਰੀ ਪ੍ਰਸ਼ੰਸਾ ਹੀ ਚਾਹੁੰਦਾ ਹੈ। ਉਹ ਇਹੀ ਚਾਹੁੰਦਾ ਹੈ ਕਿ ਉਸ ਦੀ ਮਿਹਨਤ ਅਤੇ ਕੁਰਬਾਨੀ ਨੂੰ ਪਛਾਣ ਅਤੇ ਪ੍ਰਸ਼ੰਸਾ ਮਿਲੇ। ਤੁਹਾਡੀ ਪ੍ਰਸ਼ੰਸਾ ਅਤੇ ਸ਼ੁਭਕਾਮਨਾਵਾਂ ਲਈ ਧੰਨਵਾਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜੀ।' ਪ੍ਰਧਾਨ ਮੰਤਰੀ ਨੇ ਲੰਬੇ ਪੱਤਰ ਵਿਚ ਧੋਨੀ ਦੇ ਸ਼ਾਂਤਚਿੱਤ ਰਵੱਈਏ ਦੀ ਵੀ ਤਾਰੀਫ਼ ਕੀਤੀ। ਉਨ੍ਹਾਂ ਕਿਹਾ,'ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਹਾਡੀ ਹੇਅਰਸਟਾਈਲ ਕੀ ਹੈ। ਤੁਹਾਡਾ ਸ਼ਾਂਤ ਰਵੱਈਆ ਹਾਰ ਅਤੇ ਜਿੱਤ ਵਿਚ ਸਮਾਨ ਰਿਹਾ ਜੋ ਹਰ ਨੌਜਵਾਨ ਲਈ ਕਾਫ਼ੀ ਅਹਿਮ ਹੈ।' ਧੋਨੀ ਆਪਣੇ ਕੈਰੀਅਰ ਵਿਚ ਵੱਖ-ਵੱਖ ਹੇਅਰਕਟ ਲਈ ਵੀ ਪ੍ਰਸਿੱਧ ਰਹੇ ਹਨ। ਸ਼ੁਰੂਆਤੀ ਦੌਰ ਵਿਚ ਉਨ੍ਹਾਂ ਦੇ ਲੰਬੇ ਵਾਲ ਹੁੰਦੇ ਸਨ, ਜਿਸ ਦੀ ਇਕ ਸਮੇਂ ਪਾਕਿਸਤਾਨ ਦੇ ਤਤਕਾਲੀਨ ਰਾਸ਼ਟਰਪਤੀ ਪਰਵੇਜ ਮੁਸ਼ੱਰਫ ਨੇ ਵੀ ਤਾਰੀਫ਼ ਕੀਤੀ ਸੀ। ਉਨ੍ਹਾਂ ਨੂੰ ਦੁਨੀਆ ਦੇ ਸਭ ਤੋਂ ਉੱਤਮ ਕਪਤਾਨਾਂ ਅਤੇ ਵਿਕੇਟਕੀਪਰਾਂ ਵਿਚ ਸ਼ਾਮਿਲ ਕਰਦੇ ਹੁਏ ਮੋਦੀ ਨੇ ਕਿਹਾ, 'ਕਠਿਨ ਹਾਲਾਤਾਂ ਵਿਚ ਤੁਸੀਂ ਭਰੋਸੇਮੰਦ ਸਾਬਤ ਹੋਏ ਅਤੇ ਮੈਚ ਨੂੰ ਜਿੱਤ ਤੱਕ ਲਿਜਾਣ ਦੀ ਤੁਹਾਡੀ ਸ਼ੈਲੀ ਲੋਕਾਂ ਦੀਆਂ ਯਾਦਾਂ ਵਿਚ ਪੀੜ੍ਹੀਆਂ ਤੱਕ ਰਹੇਗੀ, ਖ਼ਾਸਕਰ 2011 ਵਿਸ਼ਵ ਕੱਪ ਫਾਇਨਲ।'
ਇਹ ਵੀ ਪੜ੍ਹੋ: ਪਹਿਲੀ ਵਾਰ TikTok 'ਤੇ ਖੁੱਲ੍ਹ ਕੇ ਬੋਲੀ ਹਸੀਨ ਜਹਾਂ, ਕਿਹਾ - ਟਿਕਟਾਕ ਬੈਨ ਹੋਇਆ, ਮੇਰੀ ਪਰਫਾਰਮੈਂਸ ਨਹੀਂ
ਉਨ੍ਹਾਂ ਲਿਖਿਆ,'ਇਕ ਛੋਟੇ ਸ਼ਹਿਰ ਦੇ ਸਧਾਰਣ ਪਰਿਵਾਰ ਤੋਂ ਆਉਣ ਦੇ ਬਾਅਦ ਤੁਸੀਂ ਰਾਸ਼ਟਰੀ ਪੱਧਰ 'ਤੇ ਚਮਕੇ ਅਤੇ ਆਪਣਾ ਨਾਮ ਰੋਸ਼ਨ ਕਰਣ ਦੇ ਨਾਲ-ਨਾਲ ਭਾਰਤ ਨੂੰ ਮਾਣ ਦਿਵਾਇਆ ਜੋ ਸਭ ਤੋਂ ਮਹੱਤਵਪੂਰਣ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਧੋਨੀ ਦੀ ਕਾਮਯਾਬੀ ਅਤੇ ਸੁਭਾਅ ਕਰੋੜਾਂ ਨੌਜਵਾਨਾਂ ਨੂੰ ਤਾਕਤ ਅਤੇ ਪ੍ਰੇਰਨਾ ਦਿੰਦਾ ਹੈ ਜੋ ਉਨ੍ਹਾਂ ਦੀ ਤਰ੍ਹਾਂ ਵੱਡੇ ਸਕੂਲਾਂ ਜਾਂ ਕਾਲਜਾਂ ਵਿਚ ਨਹੀਂ ਪੜ੍ਹੇ ਜਾਂ ਵੱਡੇ ਪਰਿਵਾਰਾਂ ਤੋਂ ਨਹੀਂ ਹਨ ਪਰ ਉਨ੍ਹਾਂ ਵਿਚ ਇੰਨੀ ਪ੍ਰਤਿਭਾ ਹੈ ਕਿ ਉੱਚੇ ਪੱਧਰ 'ਤੇ ਵੱਖ ਪਛਾਣ ਬਣਾ ਸਕਣ।' ਮੋਦੀ ਨੇ ਉਨ੍ਹਾਂ ਨੂੰ ਭਵਿੱਖ ਲਈ ਸ਼ੁਭਕਾਮਨਾ ਵੀ ਦਿੱਤੀ।
ਇਹ ਵੀ ਪੜ੍ਹੋ: ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਨਹੀਂ ਭੁਲਾ ਪਾ ਰਹੇ ਸੁਰੇਸ਼ ਰੈਨਾ, ਕਿਹਾ- ਸੱਚ ਦੀ ਹੋਵੇਗੀ ਜਿੱਤ
ਦੱਖਣੀ ਅਫ਼ਰੀਕਾ ਦੇ 2 ਕ੍ਰਿਕਟਰ ਕੋਰੋਨਾ ਪਾਜ਼ੇਟਿਵ
NEXT STORY 
