ਸਪੋਰਟਸ ਡੈਸਕ : ਸੁਸ਼ਾਂਤ ਸਿੰਘ ਰਾਜਪੂਤ ਮਾਮਲੇ ਵਿਚ ਕੱਲ ਯਾਨੀ ਬੁੱਧਵਾਰ ਨੂੰ 2 ਮਹੀਨੇ ਦੇ ਲੰਬੇ ਇੰਤਜਾਰ ਦੇ ਬਾਅਦ ਸੁਪਰੀਮ ਕੋਰਟ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਇਸ ਕੇਸ ਦੀ ਹੁਣ ਸੀ.ਬੀ.ਆਈ. ਹੀ ਜਾਂਚ ਕਰੇਗੀ, ਜਿਸ ਦੇ ਬਾਅਦ ਪ੍ਰਸ਼ੰਸਕਾਂ ਤੋਂ ਲੈ ਕੇ ਬਾਲੀਵੁੱਡ ਤੱਕ ਖੁਸ਼ੀ ਦੀ ਲਹਿਰ ਛਾਅ ਗਈ ਹੈ। ਅਜਿਹੇ ਵਿਚ ਟੀਮ ਇੰਡੀਆ ਦੇ ਸਾਬਕਾ ਬੱਲੇਬਾਜ ਸੁਰੇਸ਼ ਰੈਨਾ ਨੇ ਵੀ ਇਸ ਫੈਸਲੇ 'ਤੇ ਖੁਸ਼ੀ ਜਤਾਈ ਹੈ।
ਰੈਨਾ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿਚ ਲਿਖਿਆ ਹੈ - 'ਅੱਜ ਵੀ ਤੁਹਾਡੇ ਜਾਣ ਦਾ ਦੁੱਖ ਹੁੰਦਾ ਹੈ। ਉਮੀਦ ਹੈ ਜਿੱਤ ਸੱਚ ਦੀ ਹੋਵੇਗੀ।' ਦੱਸ ਦੇਈਏ ਇਸ ਤਸਵੀਰ ਵਿਚ ਰੈਨਾ ਸੁਸ਼ਾਂਤ ਸਿੰਘ ਰਾਜਪੂਤ ਨਾਲ ਵਿਖਾਈ ਦੇ ਰਹੇ ਹਨ। ਹਾਲਾਂਕਿ ਇਸ ਤਸਵੀਰ ਵਿਚ ਸੁਸ਼ਾਂਤ ਦੇ ਵਾਲ ਕਾਫ਼ੀ ਵੱਡੇ ਨਜ਼ਰ ਆ ਰਹੇ ਹਨ। ਸੁਸ਼ਾਂਤ ਦਾ ਲੁੱਕ ਵੇਖ ਕੇ ਸੱਮਝ ਆ ਰਿਹਾ ਹੈ ਕਿ ਇਹ ਉਸ ਸਮੇਂ ਦੀ ਤਸਵੀਰ ਹੈ ਜਦੋਂ ਉਹ ਧੋਨੀ ਫਿਲਮ ਦੀ ਸ਼ੂਟਿੰਗ ਕਰ ਰਹੇ ਸਨ, ਜਿਸ ਦੇ ਬਾਅਦ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦੀ ਇਸ ਪੋਸਟ'ਤੇ ਕਾਫ਼ੀ ਕੁਮੈਂਟਸ ਕੀਤੇ।
ਧਿਆਨਦੇਣਯੋਗ ਹੋ ਕਿ ਰੈਨਾ ਆਈ.ਪੀ.ਐਲ. ਦੀਆਂ ਤਿਆਰੀਆਂ ਵਿਚ ਲੱਗ ਗਏ ਹਨ। ਉਥੇ ਹੀ ਕੁੱਝ ਦਿਨ ਪਹਿਲਾਂ ਰੈਨਾ ਨੇ 15 ਅਗਸਤ ਨੂੰ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਸੀ। ਧੋਨੀ ਦੇ ਸੰਨਿਆਸ ਦੇ ਐਲਾਨ ਦੇ ਤੁਰੰਤ ਬਾਅਦ ਹੀ ਰੈਨਾ ਨੇ ਆਪਣੇ ਸੋਸ਼ਲ ਮੀਡੀਆ ਪੋਸਟ 'ਤੇ ਲਿਖਿਆ ਕਿ ਉਹ ਵੀ ਧੋਨੀ ਦੀ ਇਸ ਯਾਤਰਾ ਵਿਚ ਸ਼ਾਮਿਲ ਹੋ ਰਹੇ ਹਨ। ਰੈਨਾ ਨੇ ਆਪਣੇ ਇੰਸਟਾਗਰਾਮ ਅਕਾਊਂਟ 'ਤੇ ਇਕ ਤਸਵੀਰ ਸ਼ੇਅਰ ਕਰਕੇ ਲਿਖਿਆ, 'ਮਾਹੀ ਤੁਹਾਡੇ ਨਾਲ ਖੇਡਣਾ ਚੰਗਾ ਸੀ। ਪੂਰੇ ਦਿਲ ਤੋਂ, ਮਾਣ ਦੇ ਨਾਲ, ਮੈਂ ਤੁਹਾਡੀ ਇਸ ਯਾਤਰਾ ਵਿਚ ਸ਼ਾਮਲ ਹੋਣਾ ਚਾਹੁੰਦਾ ਹਾਂ। ਥੈਂਕ ਯੂ ਇੰਡੀਆ। ਜੈ ਹਿੰਦ।'
ਯਾਤਰਾ ਦੇ ਬਾਅਦ ਖਿਡਾਰੀਆਂ ਦੇ ਇਕਾਂਤਵਾਸ ਨਿਯਮ ਤੋਂ ਛੋਟ ਚਾਹੁੰਦਾ ਹੈ UEFA
NEXT STORY 
