ਦੋਹਾ (ਕਤਰ)- ਦਿੱਗਜ ਟੈਨਿਸ ਖਿਡਾਰੀ ਰਾਫੇਲ ਨਡਾਲ ਅਗਲੇ ਹਫਤੇ ਤੋਂ ਸ਼ੁਰੂ ਹੋ ਰਹੇ ਕਤਰ ਓਪਨ ਤੋਂ ਹਟ ਗਏ ਹਨ, ਕਿਉਂਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਕੋਰਟ 'ਤੇ ਵਾਪਸੀ ਲਈ ਉਹ ਅਜੇ ਪੂਰੀ ਤਰ੍ਹਾਂ ਸਿਹਤਮੰਦ ਨਹੀਂ ਹਨ। ਨਡਾਲ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ, ''ਮੈਂ ਦੋਹਾ 'ਚ ਖੇਡਣਾ ਪਸੰਦ ਕਰਾਂਗਾ ਜਿੱਥੇ ਪ੍ਰਬੰਧਕਾਂ ਦੇ ਨਾਲ-ਨਾਲ ਦਰਸ਼ਕਾਂ ਨੇ ਮੇਰਾ ਬਹੁਤ ਸਮਰਥਨ ਕੀਤਾ। ਬਦਕਿਸਮਤੀ ਨਾਲ, ਮੈਂ ਅਜੇ ਮੁਕਾਬਲਾ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਨਹੀਂ ਹਾਂ ਅਤੇ ਇਸ ਲਈ ਦੋਹਾ ਨਹੀਂ ਆ ਸਕਾਂਗਾ। ਮੈਂ 2014 ਵਿੱਚ ਨਾ ਭੁੱਲਣ ਵਾਲੀ ਜਿੱਤ ਤੋਂ ਬਾਅਦ ਦੋਹਾ ਵਿੱਚ ਖੇਡਣਾ ਚਾਹੁੰਦਾ ਸੀ। ਉਸਨੇ ਕਿਹਾ, "ਮੈਂ ਲਾਸ ਵੇਗਾਸ ਵਿੱਚ ਪ੍ਰਦਰਸ਼ਨੀ ਮੈਚ ਅਤੇ ਇੰਡੀਅਨ ਵੇਲਜ਼ ਟੂਰਨਾਮੈਂਟ ਵਿੱਚ ਖੇਡਣ ਲਈ ਆਪਣੇ ਆਪ ਨੂੰ ਤਿਆਰ ਕਰਨ 'ਤੇ ਧਿਆਨ ਦੇਵਾਂਗਾ।"
37 ਸਾਲਾ ਸਪੈਨਿਸ਼ ਖਿਡਾਰੀ ਨੇ 3 ਮਾਰਚ ਨੂੰ ਕਾਰਲੋਸ ਅਲਕਾਰਜ਼ ਖਿਲਾਫ ਪ੍ਰਦਰਸ਼ਨੀ ਮੈਚ ਖੇਡਣਾ ਹੈ ਅਤੇ ਇਸ ਤੋਂ ਬਾਅਦ ਉਹ ਕੈਲੀਫੋਰਨੀਆ 'ਚ ਇੰਡੀਅਨ ਵੇਲਸ ਟੂਰਨਾਮੈਂਟ 'ਚ ਹਿੱਸਾ ਲੈਣਗੇ। ਨਡਾਲ ਨੇ ਇੱਕ ਸਾਲ ਬਾਅਦ ਜਨਵਰੀ ਵਿੱਚ ਪ੍ਰਤੀਯੋਗੀ ਟੈਨਿਸ ਵਿੱਚ ਵਾਪਸੀ ਕੀਤੀ। ਉਸਨੇ ਬ੍ਰਿਸਬੇਨ ਇੰਟਰਨੈਸ਼ਨਲ ਵਿੱਚ ਤਿੰਨ ਮੈਚ ਖੇਡੇ ਪਰ ਇਸ ਤੋਂ ਬਾਅਦ ਉਹ ਆਸਟ੍ਰੇਲੀਅਨ ਓਪਨ ਤੋਂ ਹਟ ਗਏ ਸਨ। ਇਸ ਤੋਂ ਬਾਅਦ ਉਸ ਨੇ ਕੋਈ ਮੈਚ ਨਹੀਂ ਖੇਡਿਆ ਹੈ।
ਮੁਕੇਸ਼ ਕੁਮਾਰ ਨੂੰ ਰਣਜੀ ਟਰਾਫੀ 'ਚ ਖੇਡਣ ਲਈ ਭਾਰਤੀ ਟੀਮ 'ਚੋਂ 'ਰਿਲੀਜ਼' ਕੀਤਾ ਗਿਆ
NEXT STORY 
