ਦੁਬਈ : ਆਸਟ੍ਰੇਲੀਅਨ ਓਪਨ ਚੈਂਪੀਅਨ ਐਰੀਨਾ ਸਬਾਲੇਂਕਾ ਨੇ ਯੇਲੇਨਾ ਓਸਟਾਪੇਂਕੋ ਨੂੰ ਹਰਾ ਕੇ ਇਸ ਸਾਲ ਲਗਾਤਾਰ 13ਵੀਂ ਜਿੱਤ ਦਰਜ ਕੀਤੀ ਅਤੇ ਦੁਬਈ ਟੈਨਿਸ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾ ਲਈ। ਵਿਸ਼ਵ ਦੀ ਦੂਜੇ ਨੰਬਰ ਦੀ ਖਿਡਾਰਨ ਸਬਾਲੇਂਕਾ ਨੇ ਓਸਤਾਪੇਂਕੋ ਨੂੰ 2-6, 6-1, 6-1 ਨਾਲ ਹਰਾਇਆ।
ਸਬਾਲੇਂਕਾ ਦਾ ਸਾਹਮਣਾ ਹੁਣ ਬਾਰਬਰਾ ਕ੍ਰੇਸੀਕੋਵਾ ਨਾਲ ਹੋਵੇਗਾ, ਜਿਸ ਨੇ ਬੁੱਧਵਾਰ ਨੂੰ ਕੁਆਰਟਰ ਫਾਈਨਲ ਵਿੱਚ ਚੈੱਕ ਗਣਰਾਜ ਦੀ ਪੇਤਰਾ ਕਵਿਤੋਵਾ ਨੂੰ 6-3, 6-2 ਨਾਲ ਹਰਾਇਆ। ਇਸ ਤੋਂ ਪਹਿਲਾਂ ਚੋਟੀ ਦੀ ਰੈਂਕਿੰਗ ਵਾਲੀ ਇਗਾ ਸਵੀਆਤੇਕ ਨੇ ਲਿਊਡਮਿਲਾ ਸੈਮਸੋਨੋਵਾ ਨੂੰ ਸਿੱਧੇ ਸੈੱਟਾਂ 'ਚ 6-1, 6-0 ਨਾਲ ਹਰਾ ਕੇ ਆਖਰੀ ਅੱਠ 'ਚ ਜਗ੍ਹਾ ਬਣਾਈ।
ਪੋਲੈਂਡ ਦੀ 21 ਸਾਲਾ ਸਵੀਆਟੇਕ ਉਸ ਸਮੇਂ ਵਾਕਓਵਰ ਮਿਲਣ ਤੋਂ ਬਾਅਦ ਸੈਮੀਫਾਈਨਲ 'ਚ ਪਹੁੰਚ ਗਈ ਜਦੋਂ ਸਾਬਕਾ ਨੰਬਰ ਇਕ ਕੈਰੋਲੀਨਾ ਪਲਿਸਕੋਵਾ ਬੀਮਾਰੀ ਕਾਰਨ ਟੂਰਨਾਮੈਂਟ ਤੋਂ ਹਟ ਗਈ। ਪਲਿਸਕੋਵਾ ਨੇ ਐਨਹੇਲੀਨਾ ਕੇਲਿਨੀਨਾ ਨੂੰ 7-5, 6-7(6) 6-2 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ਸੀ।
Women T20 WC Semi-finals : ਭਾਰਤ ਨੂੰ ਝਟਕਾ, ਪੂਜਾ ਬਾਹਰ, ਹਰਮਨਪ੍ਰੀਤ ਦਾ ਖੇਡਣਾ ਮੁਸ਼ਕਲ
NEXT STORY 
