ਮੁੰਬਈ : ਭਾਰਤੀ ਟੀਮ ਨੇ ਨਿਊਜ਼ੀਲੈਂਡ ਨੂੰ ਹਰਾ ਕੇ ਤੀਜੀ ਵਾਰ ਕ੍ਰਿਕਟ ਦੇ ਸਭ ਤੋਂ ਛੋਟੇ ਫਾਰਮੈਟ ਵਿੱਚ ਵਿਸ਼ਵ ਚੈਂਪੀਅਨ ਦਾ ਖ਼ਿਤਾਬ ਆਪਣੇ ਨਾਮ ਕੀਤਾ। ਇਸ ਜਿੱਤ ਦੇ ਅਸਲੀ ਨਾਇਕਾਂ ਵਿੱਚੋਂ ਇੱਕ ਰਹੇ ਆਲਰਾਊਂਡਰ ਸ਼ਿਵਮ ਦੂਬੇ, ਜਿਨ੍ਹਾਂ ਨੇ ਅੰਤਿਮ ਓਵਰਾਂ ਵਿੱਚ ਮਹਿਜ਼ 8 ਗੇਂਦਾਂ ਵਿੱਚ 3 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ ਨਾਬਾਦ 26 ਦੌੜਾਂ ਦੀ ਤੂਫ਼ਾਨੀ ਪਾਰੀ ਖੇਡੀ। ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਮੈਦਾਨ 'ਤੇ ਚੌਕੇ-ਛੱਕੇ ਜੜਨ ਵਾਲਾ ਇਹ ਸਟਾਰ ਖਿਡਾਰੀ ਜਿੱਤ ਦੇ ਕੁਝ ਘੰਟਿਆਂ ਬਾਅਦ ਹੀ ਆਪਣੀ ਪਛਾਣ ਛੁਪਾਉਣ ਦੀ ਕੋਸ਼ਿਸ਼ ਕਰਦਾ ਨਜ਼ਰ ਆਇਆ।
ਬੱਚਿਆਂ ਨੂੰ ਮਿਲਣ ਦੀ ਤਾਂਘ 'ਚ ਫਲਾਈਟ ਨਾ ਮਿਲਣ ਕਾਰਨ ਟ੍ਰੇਨ ਦੇ 'ਥਰਡ AC' 'ਚ ਕੀਤਾ ਸਫ਼ਰ
ਇੱਕ ਰਿਪੋਰਟ ਮੁਤਾਬਕ, ਜਿੱਤ ਦੇ ਜਸ਼ਨ ਤੋਂ ਬਾਅਦ ਸ਼ਿਵਮ ਦੂਬੇ ਜਲਦੀ ਤੋਂ ਜਲਦੀ ਮੁੰਬਈ ਸਥਿਤ ਆਪਣੇ ਘਰ ਪਹੁੰਚਣਾ ਚਾਹੁੰਦੇ ਸਨ। ਮੁੰਬਈ ਵਿੱਚ ਉਨ੍ਹਾਂ ਦਾ ਚਾਰ ਸਾਲ ਦਾ ਬੇਟਾ ਅਯਾਨ ਅਤੇ ਦੋ ਸਾਲ ਦੀ ਬੇਟੀ ਮਹਿਵਿਸ਼ ਉਨ੍ਹਾਂ ਦਾ ਇੰਤਜ਼ਾਰ ਕਰ ਰਹੇ ਸਨ। ਸਾਰੀਆਂ ਫਲਾਈਟਾਂ ਬੁੱਕ ਹੋਣ ਕਾਰਨ ਦੂਬੇ ਨੇ ਆਪਣੀ ਪਤਨੀ ਅੰਜੁਮ ਅਤੇ ਇੱਕ ਦੋਸਤ ਨਾਲ ਅਹਿਮਦਾਬਾਦ-ਮੁੰਬਈ ਸਯਾਜੀ ਐਕਸਪ੍ਰੈਸ ਦੇ ਥਰਡ ਏਸੀ (3rd AC) ਵਿੱਚ ਟ੍ਰੇਨ ਦਾ ਸਫ਼ਰ ਕਰਨ ਦਾ ਫੈਸਲਾ ਕੀਤਾ।
ਪਛਾਣ ਛੁਪਾਉਣ ਲਈ ਬਣਾਇਆ ਖ਼ਾਸ ਪਲਾਨ
ਭੀੜ ਤੋਂ ਬਚਣ ਲਈ ਦੂਬੇ ਨੇ ਮਾਸਕ, ਟੋਪੀ ਅਤੇ ਪੂਰੀਆਂ ਬਾਹਾਂ ਵਾਲੀ ਟੀ-ਸ਼ਰਟ ਪਹਿਨੀ ਹੋਈ ਸੀ। ਦੂਬੇ ਨੇ ਦੱਸਿਆ, "ਮੈਂ ਟ੍ਰੇਨ ਛੁੱਟਣ ਤੋਂ ਸਿਰਫ਼ 5 ਮਿੰਟ ਪਹਿਲਾਂ ਕਾਰ ਵਿੱਚੋਂ ਨਿਕਲ ਕੇ ਪਲੇਟਫਾਰਮ ਵੱਲ ਦੌੜਿਆ ਤਾਂ ਜੋ ਕੋਈ ਪਛਾਣ ਨਾ ਸਕੇ।" ਟ੍ਰੇਨ ਵਿੱਚ ਚੜ੍ਹਦਿਆਂ ਹੀ ਉਹ ਸਿੱਧਾ ਸਭ ਤੋਂ ਉੱਪਰ ਵਾਲੀ ਬਰਥ (Upper Berth) 'ਤੇ ਚੜ੍ਹ ਗਏ।
ਜਦੋਂ ਟੀਟੀਈ (TTE) ਨੇ ਪੁੱਛਿਆ- 'ਕੀ ਇਹ ਸ਼ਿਵਮ ਦੂਬੇ ਹੈ?'
ਸਫ਼ਰ ਦੌਰਾਨ ਜਦੋਂ ਟਿਕਟ ਚੈਕਰ (TTE) ਆਇਆ ਤਾਂ ਉਸ ਨੂੰ ਕੁਝ ਸ਼ੱਕ ਹੋਇਆ। ਉਸ ਨੇ ਪੁੱਛਿਆ, "ਸ਼ਿਵਮ ਦੂਬੇ? ਉਹ ਕੌਣ ਹੈ, ਕ੍ਰਿਕਟਰ?" ਇਸ 'ਤੇ ਉਨ੍ਹਾਂ ਦੀ ਪਤਨੀ ਅੰਜੁਮ ਨੇ ਬੜੀ ਚਲਾਕੀ ਨਾਲ ਜਵਾਬ ਦਿੱਤਾ, "ਨਹੀਂ, ਨਹੀਂ, ਉਹ ਇੱਥੇ ਕਿੱਥੋਂ ਆਵੇਗਾ?" ਪਤਨੀ ਦੇ ਇਸ ਜਵਾਬ ਤੋਂ ਬਾਅਦ ਟੀਟੀਈ ਅੱਗੇ ਚਲਾ ਗਿਆ ਅਤੇ ਦੂਬੇ ਦੀ ਪਛਾਣ ਗੁਪਤ ਰਹੀ।
ਪੁਲਸ ਦੀ ਮਦਦ ਨਾਲ ਸੁਰੱਖਿਅਤ ਪਹੁੰਚੇ ਘਰ
ਸ਼ਿਵਮ ਦੂਬੇ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬੋਰੀਵਲੀ ਸਟੇਸ਼ਨ 'ਤੇ ਉਤਰਨ ਦੀ ਚਿੰਤਾ ਸੀ ਕਿਉਂਕਿ ਉੱਥੇ ਭੀੜ ਹੋ ਸਕਦੀ ਸੀ। ਅਖੀਰ ਉਨ੍ਹਾਂ ਨੇ ਪੁਲਿਸ ਦੀ ਮਦਦ ਲਈ। ਜਦੋਂ ਪੁਲਿਸ ਨੂੰ ਪਤਾ ਲੱਗਾ ਕਿ ਵਿਸ਼ਵ ਚੈਂਪੀਅਨ ਟ੍ਰੇਨ ਵਿੱਚ ਸਫ਼ਰ ਕਰ ਰਿਹਾ ਹੈ, ਤਾਂ ਉਹ ਵੀ ਹੈਰਾਨ ਰਹਿ ਗਏ। ਪੁਲਸ ਸੁਰੱਖਿਆ ਦੇ ਵਿਚਕਾਰ ਦੂਬੇ ਸੁਰੱਖਿਅਤ ਆਪਣੇ ਪਰਿਵਾਰ ਕੋਲ ਪਹੁੰਚ ਗਏ।
ਸਾਰਾ ਨਹੀਂ, ਇਸ ਅਦਾਕਾਰਾ ਨੂੰ ਡੇਟ ਕਰ ਰਿਹਾ ਸ਼ੁੱਭਮਨ ਗਿੱਲ ? ਮਸ਼ਹੂਰ Actress ਨੇ ਖ਼ੁਦ ਦੱਸੀ ਪੂਰੀ ਗੱਲ
NEXT STORY 
