ਤਾਰੋਬਾ : ਦੱਖਣੀ ਅਫਰੀਕਾ ਨੂੰ ਪਹਿਲੀ ਵਾਰ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ 'ਚ ਪਹੁੰਚਾਉਣ ਵਾਲੇ ਕਪਤਾਨ ਏਡਨ ਮਾਰਕਰਮ ਨੇ ਖਿਡਾਰੀਆਂ ਨੂੰ ਸ਼ਾਂਤ ਰਹਿਣ ਅਤੇ ਖਿਤਾਬੀ ਮੈਚ ਤੋਂ ਨਾ ਡਰਨ ਦੀ ਅਪੀਲ ਕੀਤੀ ਹੈ। ਦੱਖਣੀ ਅਫਰੀਕਾ ਨੇ ਪਹਿਲੇ ਸੈਮੀਫਾਈਨਲ 'ਚ ਅਫਗਾਨਿਸਤਾਨ ਨੂੰ 9 ਵਿਕਟਾਂ ਨਾਲ ਹਰਾਇਆ ਸੀ। ਹੁਣ ਫਾਈਨਲ ਵਿੱਚ ਉਸ ਦਾ ਸਾਹਮਣਾ ਇੰਗਲੈਂਡ ਜਾਂ ਭਾਰਤ ਨਾਲ ਹੋਵੇਗਾ। ਮੈਚ ਤੋਂ ਬਾਅਦ ਮਾਰਕਰਮ ਨੇ ਕਿਹਾ, 'ਇਹ ਸਾਡੇ ਲਈ ਅਗਲਾ ਕਦਮ ਹੈ। ਅਸੀਂ ਪਹਿਲੀ ਵਾਰ ਫਾਈਨਲ ਖੇਡਣ ਜਾ ਰਹੇ ਹਾਂ ਪਰ ਡਰਨ ਦੀ ਕੋਈ ਗੱਲ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ, 'ਇਹ ਜਿੱਤ ਸਾਡੇ ਲਈ ਬਹੁਤ ਮਾਇਨੇ ਰੱਖਦੀ ਹੈ। ਸਾਡੇ ਕੋਲ ਬਹੁਤ ਸਾਰੇ ਵਿਸ਼ਵ ਪੱਧਰੀ ਖਿਡਾਰੀ ਹਨ ਪਰ ਇਸ ਤਰ੍ਹਾਂ ਦੇ ਪ੍ਰਦਰਸ਼ਨ ਨੂੰ ਹਾਸਲ ਕਰਨ ਲਈ ਪੂਰੀ ਟੀਮ ਨੂੰ ਇਕ ਯੂਨਿਟ ਦੇ ਤੌਰ 'ਤੇ ਖੇਡਣਾ ਹੁੰਦਾ ਹੈ।
ਅਫਗਾਨਿਸਤਾਨ ਨੂੰ 56 ਦੌੜਾਂ 'ਤੇ ਆਊਟ ਕਰਨ ਵਾਲੇ ਆਪਣੇ ਗੇਂਦਬਾਜ਼ਾਂ ਦੀ ਤਾਰੀਫ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ, 'ਅਸੀਂ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਗੇਂਦ ਨੂੰ ਸਹੀ ਥਾਵਾਂ 'ਤੇ ਸੁੱਟਿਆ। ਗੇਂਦਬਾਜ਼ਾਂ ਨੇ ਪੂਰੇ ਟੂਰਨਾਮੈਂਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਮਾਰਕਰਮ ਨੇ ਕਿਹਾ, 'ਇਸ ਸਥਿਤੀ ਵਿਚ ਬੱਲੇਬਾਜ਼ੀ ਕਰਨਾ ਚੁਣੌਤੀਪੂਰਨ ਸੀ। ਕਿਸਮਤ ਨੇ ਸਾਡਾ ਸਾਥ ਦਿੱਤਾ ਤਾਂ ਜੋ ਅਸੀਂ ਸਾਂਝੇਦਾਰੀ ਕਰ ਸਕੀਏ। ਕੁਝ ਮੈਚ ਨੇੜੇ ਸਨ ਅਤੇ ਦੱਖਣੀ ਅਫਰੀਕਾ ਦੇ ਲੋਕ ਜੋ ਸਵੇਰੇ-ਸਵੇਰੇ ਉੱਠ ਕੇ ਮੈਚ ਦੇਖਣ ਵਾਲਿਆਂ ਦੇ ਸਾਹ ਰੁਕ ਜਾਂਦੇ ਸਨ ਪਰ ਸ਼ੁਕਰ ਹੈ ਕਿ ਅੱਜ ਅਜਿਹਾ ਨਹੀਂ ਹੋਇਆ। ਪਲੇਅਰ ਆਫ ਦਿ ਮੈਚ ਮਾਰਕੋ ਜੇਨਸਨ ਨੇ ਕਿਹਾ ਕਿ ਉਨ੍ਹਾਂ ਦਾ ਧਿਆਨ ਗੇਂਦ ਨੂੰ ਸਹੀ ਥਾਵਾਂ 'ਤੇ ਲਗਾਉਣ 'ਤੇ ਸੀ। ਉਨ੍ਹਾਂ ਨੇ ਕਿਹਾ, 'ਬਹੁਤ ਵਧੀਆ ਲੱਗਦਾ ਹੈ।' ਅਸੀਂ ਚੰਗਾ ਖੇਡਿਆ ਅਤੇ ਰਣਨੀਤੀ ਨੂੰ ਚੰਗੀ ਤਰ੍ਹਾਂ ਨਿਭਾਇਆ। ਅਸੀਂ ਸਿਰਫ ਸਹੀ ਜਗ੍ਹਾ 'ਤੇ ਗੇਂਦ ਸੁੱਟਣ 'ਤੇ ਧਿਆਨ ਦੇ ਰਹੇ ਸੀ।
T20 WC : ਭਾਰਤ ਤੇ ਇੰਗਲੈਂਡ ਮੈਚ 'ਚ ਮੀਂਹ ਦਾ ਸਾਇਆ, ਸੰਭਾਵਿਤ ਪਲੇਇੰਗ 11 ਵੀ ਦੇਖੋ
NEXT STORY 
