ਨਵੀਂ ਦਿੱਲੀ- ਕੌਮਾਂਤਰੀ ਓਲੰਪਿਕ ਕਮੇਟੀ (ਆਈ. ਓ. ਸੀ.) ਦੀ ਸ਼ੁਰੂਆਤੀ ਸੂਚੀ 'ਚ ਜਗ੍ਹਾ ਨਹੀਂ ਮਿਲਣ ਦੇ ਬਾਵਜੂਦ ਕੌਮਾਂਤਰੀ ਕ੍ਰਿਕਟ ਪਰਿਸ਼ਦ (ਆਈ. ਸੀ. ਸੀ.) ਨੂੰ ਉਮੀਦ ਹੈ ਕਿ ਕ੍ਰਿਕਟ ਵਾਧੂ ਖੇਡ ਦੇ ਰੂਪ 'ਚ ਲਾਸ ਏਂਜਲਸ ਓਲੰਪਿਕ ਖੇਡ 2028 'ਚ ਜਗ੍ਹਾ ਪ੍ਰਾਪਤ ਕਰਨ 'ਚ ਸਫਲ ਰਹੇਗ। ਆਈ. ਓ. ਸੀ. ਨੇ ਓਲੰਪਿਕ 2028 ਲਈ ਵੀਰਵਾਰ ਨੂੰ 28 ਖੇਡਾਂ ਦੀ ਸ਼ੁਰੂਆਤੀ ਸੂਚੀ ਜਾਰੀ ਕੀਤੀ ਜਿਸ 'ਚ ਸਕੇਟਬੋਰਡਿੰਗ, ਸਰਫਿੰਗ ਤੇ ਸਪੋਰਟਸ ਕਲਾਇੰਬਿੰਗ ਵੀ ਸ਼ਾਮਲ ਹਨ।
ਮੁੱਕੇਬਾਜ਼ੀ, ਵੇਟਲਿਫਟਿੰਗ ਤੇ ਮਾਰਡਨ ਪੇਂਟਾਥਲਾਨ ਨੂੰ ਇਸ 'ਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਇਨ੍ਹਾਂ ਖੇਡਾਂ ਨਾਲ ਸਬੰਧਤ ਮਹਾਸੰਘਾਂ ਨੂੰ ਓਲੰਪਿਕ 2028 'ਚ ਆਪਣਾ ਸਥਾਨ ਸੁਰੱਖਿਅਤ ਕਰਨ ਲਈ ਕੁਝ ਮਿਆਰਾਂ ਨੂੰ ਪੂਰਾ ਕਰਨ ਲਈ 2023 ਤਕ ਦਾ ਸਮਾਂ ਦਿੱਤਾ ਹੈ। ਇਸ ਸੂਚੀ ਨੂੰ ਅਗਲੇ ਸਾਲ ਫ਼ਰਵਰੀ 'ਚ ਬੀਜਿੰਗ 'ਚ ਆਈ. ਓ. ਸੀ. ਬੈਠਕ 'ਚ ਮਨਜ਼ੂਰੀ ਲਈ ਰੱਖਿਆ ਜਾਵੇਗਾ ਜੋ ਕਿ ਸਿਰਫ਼ ਰਸਮੀ ਹੋਣ ਦੀ ਸੰਭਾਵਨਾ ਹੈ।
ਮੇਜ਼ਬਾਨ ਸ਼ਹਿਰ ਲਾਸ ਏਂਜਲਿਸ ਓਲੰਪਿਕ 2028 'ਚ ਸ਼ਾਮਲ ਕਰਨ ਲਈ 2023 'ਚ ਵਾਧੂ ਖੇਡਾਂ ਦਾ ਪ੍ਰਸਤਾਵ ਰੱਖ ਸਕਦਾ ਹੈ ਤੇ ਆਈ. ਸੀ. ਸੀ. ਨੂੰ ਉਮੀਦ ਹੈ ਕਿ ਇਸ 'ਚ ਕ੍ਰਿਕਟ ਵੀ ਸ਼ਾਮਲ ਹੋਵੇਗਾ। ਬੇਸਬਾਲ ਸਾਫਟਬਾਲ ਤੇ ਅਮਰੀਕੀ ਫੁੱਟਬਾਲ ਦਾ ਇਕ ਹੋਰ ਫਾਰਮੈਟ ਓਲੰਪਿਕ 2028 'ਚ ਵਾਧੂ ਖੇਡ ਦੇ ਲਈ ਦੌੜ 'ਚ ਸ਼ਾਮਲ ਹੋ ਸਕਦੇ ਹਨ। ਆਈ. ਓ. ਸੀ. ਬੋਰਡ ਦੇ ਇਕ ਮੈਂਬਰ ਨੇ ਗੁਪਤਤਾ ਦੀ ਸ਼ਰਤ 'ਤੇ ਕਿਹਾ ਕਿ ਮੇਜ਼ਬਾਨ ਸ਼ਹਿਰ ਵਲੋਂ ਵਾਧੂ ਖੇਡਾਂ ਦੀ ਚੋਣ ਪ੍ਰਕਿਰਿਆ ਅਗਲੇ ਸਾਲ (2023) ਤੋਂ ਸ਼ੁਰੂ ਹੋ ਜਾਵੇਗੀ ਤੇ ਸਾਨੂੰ ਉਮੀਦ ਹੈ ਕਿ ਕ੍ਰਿਕਟ ਇਸ 'ਚ ਸ਼ਾਮਲ ਹੋਵੇਗਾ।
CDS ਰਾਵਤ ਦੀ ਭਤੀਜੀ ਬਾਂਧਵੀ ਨੇ ਨੈਸ਼ਨਲ ਸ਼ੂਟਿੰਗ ਚੈਂਪੀਅਨਸ਼ਿਪ ’ਚ ਜਿੱਤੇ 8 ਸੋਨ ਤਮਗੇ, ਭੂਆ-ਫੁੱਫੜ ਨੂੰ ਕੀਤੇ ਸਮਰਪਿਤ
NEXT STORY 
