ਨਵੀਂ ਦਿੱਲੀ : ਕ੍ਰਿਕਟ ਦੇ ਮੈਦਾਨ 'ਚ ਰੋਜ਼ਾਨਾ ਰਿਕਾਰਡ ਬਣਦੇ ਹਨ ਅਤੇ ਪੁਰਾਣੇ ਟੁੱਟਦੇ ਹਨ ਪਰ ਕੁਝ ਅਜਿਹੇ ਰਿਕਾਰਡ ਹੁੰਦੇ ਹਨ ਜੋ ਖਿਡਾਰੀ ਕਦੇ ਯਾਦ ਨਹੀਂ ਰੱਖਣਾ ਚਾਹੁੰਦਾ। ਅਜਿਹਾ ਇਕ ਅਣਚਾਹਾ ਰਿਕਾਰਡ ਤਾਮਿਲਨਾਡੂ ਦੇ ਖਿਡਾਰੀ ਟੀ. ਨਟਰਾਜਨ ਦੇ ਨਾਂ ਦਰਜ ਹੈ। ਉਹ ਪਿਛਲੀ 10 ਪਾਰੀਆਂ ਤੋਂ ਆਪਣਾ ਖਾਤਾ ਵੀ ਨਹੀਂ ਖੋਲ ਸਕਿਆ। ਟੀ. ਨਟਰਾਜਨ ਅਜਿਹੇ ਪਹਿਲੇ ਭਾਰਤੀ ਹਨ, ਜਿਸ ਨੇ ਲਗਾਤਾਰ 10 ਪਾਰੀਆਂ ਵਿਚ ਇਕ ਵੀ ਦੌੜ ਨਹੀਂ ਬਣਾਈ ਹੈ।
ਨਟਰਾਜਨ ਫਿਲਹਾਲ ਤਾਮਿਲਨਾਡੂ ਲਈ ਰਣਜੀ ਟਰਾਫੀ ਖੇਡ ਰਹੇ ਹਨ ਅਤੇ ਉਹ ਇਸ ਰਣਜੀ ਸੀਜ਼ਨ ਵਿਚ 7 ਪਾਰੀਆਂ ਵਿਚ ਅਜੇ ਤਕ ਆਪਣਾ ਖਾਤਾ ਵੀ ਨਹੀਂ ਖੋਲ ਸਕੇ ਹਨ। ਉਹ ਹਰ ਪਾਰੀ ਵਿਚ ਜ਼ੀਰੋ 'ਤੇ ਆਊਟ ਹੋਏ ਹਨ। ਨਟਰਾਜਨ ਨੇ ਆਖਰੀ ਦੌੜ 14 ਮਹੀਨੇ ਪਹਿਲਾਂ ਪੰਜਾਬ ਟੀਮ ਖਿਲਾਫ ਬਣਾਈ ਸੀ। ਉਹ ਪੰਜਾਬ ਖਿਲਾਫ ਮੈਚ ਵਿਚ 1 ਦੌੜ ਦੇ ਨਿਜੀ ਸਕੋਰ 'ਤੇ ਆਊਟ ਹੋ ਗਏ ਸਨ। ਨਟਰਾਜਨ ਦੇ ਨਾਂ ਪਿਛਲੀ 10 ਪਾਰੀਆਂ ਵਿਚ ਖਾਤਾ ਨਾ ਖੋਲ ਸਕਣ ਦਾ ਅਣਚਾਹਾ ਰਿਕਾਰਡ ਦਰਜ ਹੋ ਗਿਆ ਹੈ।
ਦੱਸ ਦਈਏ ਕਿ ਨਟਰਾਜਨ ਵੈਸੇ ਤਾਂ ਇਕ ਗੇਂਦਬਾਜ਼ ਹਨ ਪਰ ਇਹ ਰਿਕਾਰਡ ਉਸ ਦੇ ਨਾਂ ਦਰਜ ਹੋ ਗਿਆ ਹੈ। ਇਸ ਮਾਮਲੇ ਵਿਚ ਟੀ. ਨਟਰਾਜਨ ਨੇ ਗੋਵਿੰਦਾਮੇਨਨ ਜੈ ਕੁਮਾਰ, ਪ੍ਰਸ਼ਾਂਤ ਪਰਮੇਸ਼ਰਨ, ਅੰਕਿਤ ਰਾਜਪੂਤ ਦਾ ਰਿਕਾਰਡ ਤੋੜ ਦਿੱਤਾ ਹੈ, ਜਿਸ ਨੇ ਲਗਾਤਾਰ 9 ਪਾਰੀਆਂ ਵਿਚ ਆਪਣਾ ਖਾਤਾ ਨਹੀਂ ਖੋਲਿਆ ਸੀ। ਟੀ. ਨਟਰਾਜਨ ਨੇ 2017 ਦੇ ਆਈ. ਪੀ. ਐੱਲ. ਵਿਚ ਸੁਰਖੀਆਂ ਬਟੋਰੀਆਂ ਸੀ। ਉਸ ਸਮੇਂ ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਨੇ ਨਟਰਾਜਨ ਨੂੰ 3 ਕਰੋੜ ਰੁਪਏ ਦੀ ਮੋਟੀ ਰਕਮ ਵਿਚ ਖਰੀਦਿਆ ਸੀ। ਹਾਲਾਂਕਿ ਉਹ ਉਸ ਸੀਜ਼ਨ ਵਿਚ ਕੁਝ ਖਾਸ ਪ੍ਰਦਰਸ਼ਨ ਨਹੀਂ ਕਰ ਸਕੇ।
ਆਸਟਰੇਲੀਆ ਖਿਲਾਫ ਟੀ20 ਸੀਰੀਜ਼ ਲਈ ਦੱ. ਅਫਰੀਕੀ ਟੀਮ ਦਾ ਹੋਇਆ ਐਲਾਨ
NEXT STORY 
