ਸਪੋਰਟਸ ਡੈਸਕ- ਭਾਰਤੀ ਅੰਡਰ-19 ਟੀਮ ਦੇ 14 ਸਾਲਾ ਕਪਤਾਨ ਵੈਭਵ ਸੂਰਿਆਵੰਸ਼ੀ ਨੇ ਦੱਖਣੀ ਅਫਰੀਕਾ ਵਿਰੁੱਧ ਦੂਜੇ ਯੂਥ ਵਨਡੇ ਮੈਚ ਵਿੱਚ ਆਪਣੀ ਤੂਫਾਨੀ ਬੱਲੇਬਾਜ਼ੀ ਨਾਲ ਤਹਿਲਕਾ ਮਚਾ ਦਿੱਤਾ ਹੈ। ਵੈਭਵ ਨੇ ਮੈਦਾਨ 'ਤੇ ਉਤਰਦਿਆਂ ਹੀ ਅਜਿਹੀ ਧਮਾਕੇਦਾਰ ਸ਼ੁਰੂਆਤ ਕੀਤੀ ਕਿ ਦੱਖਣੀ ਅਫਰੀਕੀ ਗੇਂਦਬਾਜ਼ ਬੇਵੱਸ ਨਜ਼ਰ ਆਏ।
ਸਿਰਫ ਛੱਕਿਆਂ ਨਾਲ ਪੂਰਾ ਕੀਤਾ ਅਰਧ ਸੈਂਕੜਾ
ਵੈਭਵ ਸੂਰਿਆਵੰਸ਼ੀ ਨੇ ਮਹਿਜ਼ 24 ਗੇਂਦਾਂ ਵਿੱਚ 68 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਇਸ ਪਾਰੀ ਦੀ ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਸੀ ਕਿ ਉਸ ਨੇ ਆਪਣਾ ਅਰਧ ਸੈਂਕੜਾ ਸਿਰਫ 19 ਗੇਂਦਾਂ ਵਿੱਚ ਪੂਰਾ ਕਰ ਲਿਆ, ਜਿਸ ਵਿੱਚ ਇੱਕ ਵੀ ਚੌਕਾ ਸ਼ਾਮਲ ਨਹੀਂ ਸੀ। ਵੈਭਵ ਨੇ ਆਪਣੀ ਇਸ ਪਾਰੀ ਦੌਰਾਨ ਕੁੱਲ 10 ਛੱਕੇ ਅਤੇ ਸਿਰਫ ਇੱਕ ਚੌਕਾ ਜੜਿਆ। ਉਸ ਦਾ ਸਟ੍ਰਾਈਕ ਰੇਟ 283.33 ਰਿਹਾ, ਜਿਸ ਨੇ ਮੈਚ ਦਾ ਪਾਸਾ ਪੂਰੀ ਤਰ੍ਹਾਂ ਪਲਟ ਦਿੱਤਾ।
ਇਹ ਵੀ ਪੜ੍ਹੋ- 'ਕੋਈ ਨਹੀਂ ਦੇਖੇਗਾ T20 ਵਿਸ਼ਵ ਕੱਪ...!', ICC 'ਤੇ ਭੜਕੇ ਅਸ਼ਵਿਨ, ਦੱਸੀ ਵੱਡੀ ਵਜ੍ਹਾ
ਇਹ ਵੀ ਪੜ੍ਹੋ- ਵਿਰਾਟ ਕੋਹਲੀ ਨਹੀਂ ਖੇਡਣਗੇ ਇਹ ਵਨਡੇ ਮੈਚ, ਨਿਊਜ਼ੀਲੈਂਡ ਸੀਰੀਜ਼ ਤੋਂ ਪਹਿਲਾਂ ਆਈ ਵੱਡੀ ਖ਼ਬਰ
ਪਹਿਲੀ ਗੇਂਦ ਤੋਂ ਹੀ ਦਿਖਾਏ ਤੇਵਰ
ਕਪਤਾਨ ਵੈਭਵ ਜਿਵੇਂ ਹੀ ਕ੍ਰੀਜ਼ 'ਤੇ ਪਹੁੰਚਿਆ, ਉਸ ਨੇ ਪਹਿਲੀ ਹੀ ਗੇਂਦ 'ਤੇ ਛੱਕਾ ਜੜ ਕੇ ਆਪਣੇ ਇਰਾਦੇ ਸਾਫ਼ ਕਰ ਦਿੱਤੇ। ਉਸ ਨੇ ਤੇਜ਼ ਗੇਂਦਬਾਜ਼ ਬੈਸਾਨ ਅਤੇ ਮਜੋਲਾ ਦੀਆਂ ਗੇਂਦਾਂ 'ਤੇ ਲਗਾਤਾਰ ਵੱਡੇ ਸ਼ਾਟ ਲਗਾਏ। ਉਸ ਦੀ ਬੱਲੇਬਾਜ਼ੀ ਦਾ ਦਬਦਬਾ ਇੰਨਾ ਸੀ ਕਿ ਜਦੋਂ ਉਸ ਨੇ ਆਪਣਾ ਸੱਤਵਾਂ ਛੱਕਾ ਲਗਾਇਆ, ਤਾਂ ਗੇਂਦ ਸਟੇਡੀਅਮ ਤੋਂ ਬਾਹਰ ਚਲੀ ਗਈ, ਜਿਸ ਕਾਰਨ ਖੇਡ ਨੂੰ ਕੁਝ ਸਮੇਂ ਲਈ ਰੋਕਣਾ ਪਿਆ ਅਤੇ ਨਵੀਂ ਗੇਂਦ ਮੰਗਵਾਉਣੀ ਪਈ।
ਵੈਭਵ ਦੀ ਇਸ ਵਿਸਫੋਟਕ ਪਾਰੀ 'ਤੇ ਬ੍ਰੇਕ ਤੇਜ਼ ਗੇਂਦਬਾਜ਼ ਕਰੂਸਕੈਂਪ ਨੇ ਲਗਾਈ। ਇੱਕ ਹੋਰ ਵੱਡਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਵੈਭਵ ਨੇ ਗੇਂਦ ਹਵਾ ਵਿੱਚ ਉਛਾਲ ਦਿੱਤੀ ਅਤੇ ਡੈਨੀਅਲ ਬੋਸਮੈਨ ਨੇ ਉਸ ਦਾ ਕੈਚ ਫੜ ਲਿਆ। ਭਾਰਤ ਨੂੰ ਇਸ ਮੈਚ ਵਿੱਚ ਜਿੱਤ ਲਈ 246 ਦੌੜਾਂ ਦਾ ਟੀਚਾ ਮਿਲਿਆ ਸੀ।
ਦੱਸਣਯੋਗ ਹੈ ਕਿ ਵੈਭਵ ਨੇ ਪਿਛਲੇ ਮੈਚ ਵਿੱਚ ਸਭ ਤੋਂ ਘੱਟ ਉਮਰ ਵਿੱਚ ਜਿੱਤ ਦਰਜ ਕਰਨ ਵਾਲੇ ਕਪਤਾਨ ਦਾ ਵਿਸ਼ਵ ਰਿਕਾਰਡ ਵੀ ਬਣਾਇਆ ਸੀ।
ਇਹ ਵੀ ਪੜ੍ਹੋ- ਸਾਰਾ ਤੇਂਦੁਲਕਰ ਦੀ ਵਾਇਰਲ ਵੀਡੀਓ 'ਤੇ ਮਚਿਆ ਹੰਗਾਮਾ
ਮਲੇਸ਼ੀਆ ਓਪਨ 2026: ਪੀਵੀ ਸਿੰਧੂ ਦੀ ਅਗਵਾਈ ਹੇਠ ਭਾਰਤੀ ਟੀਮ ਨਵੀਂ ਸ਼ੁਰੂਆਤ ਲਈ ਤਿਆਰ
NEXT STORY 
