ਭੁਵਨੇਸ਼ਵਰ : ਭੁਵਨੇਸ਼ਵਰ ਦੇ ਕਲਿੰਗਾ ਹਾਕੀ ਸਟੇਡੀਅਮ ਵਿੱਚ ਘਰੇਲੂ ਦਰਸ਼ਕਾਂ ਦੇ ਸਾਹਮਣੇ ਖੇਡੇ ਗਏ ਇੱਕ ਬੇਹੱਦ ਰੋਮਾਂਚਕ ਫਾਈਨਲ ਮੁਕਾਬਲੇ ਵਿੱਚ ਵੇਦਾਂਤਾ ਕਲਿੰਗਾ ਲਾਂਸਰਜ਼ ਨੇ ਰਾਂਚੀ ਰਾਇਲਜ਼ ਨੂੰ 3-2 ਨਾਲ ਹਰਾ ਕੇ ਮਰਦ ਹੀਰੋ ਹਾਕੀ ਇੰਡੀਆ ਲੀਗ (HIL) ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ। ਇਸ ਜਿੱਤ ਦੇ ਨਾਲ ਹੀ ਲਾਂਸਰਜ਼ ਨੂੰ 3 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ, ਜਦਕਿ ਉਪ-ਜੇਤੂ ਰਾਂਚੀ ਰਾਇਲਜ਼ ਨੂੰ 2 ਕਰੋੜ ਰੁਪਏ ਅਤੇ ਤੀਜੇ ਸਥਾਨ 'ਤੇ ਰਹੀ ਹੈਦਰਾਬਾਦ ਤੂਫ਼ਾਨ ਟੀਮ ਨੂੰ 1 ਕਰੋੜ ਰੁਪਏ ਦਿੱਤੇ ਗਏ।
ਮੈਚ ਦਾ ਲੇਖਾ-ਜੋਖਾ
ਮੈਚ ਦੀ ਸ਼ੁਰੂਆਤ ਤੋਂ ਹੀ ਦੋਵਾਂ ਟੀਮਾਂ ਵਿਚਾਲੇ ਸਖ਼ਤ ਟੱਕਰ ਦੇਖਣ ਨੂੰ ਮਿਲੀ। ਵੇਦਾਂਤਾ ਕਲਿੰਗਾ ਲਾਂਸਰਜ਼ ਲਈ ਅਲੈਗਜ਼ੈਂਡਰ ਹੈਂਡ੍ਰਿਕਸ ਨੇ ਚੌਥੇ ਅਤੇ 27ਵੇਂ ਮਿੰਟ ਵਿੱਚ ਦੋ ਅਹਿਮ ਗੋਲ ਕੀਤੇ, ਜਦਕਿ ਦਿਲਪ੍ਰੀਤ ਸਿੰਘ ਨੇ 25ਵੇਂ ਮਿੰਟ ਵਿੱਚ ਇੱਕ ਸ਼ਾਨਦਾਰ ਗੋਲ ਕਰਕੇ ਟੀਮ ਦੀ ਬੜ੍ਹਤ ਮਜ਼ਬੂਤ ਕੀਤੀ। ਰਾਂਚੀ ਰਾਇਲਜ਼ ਵੱਲੋਂ ਅਰਾਈਜੀਤ ਸਿੰਘ ਹੁੰਦਲ ਨੇ 9ਵੇਂ ਮਿੰਟ ਵਿੱਚ ਅਤੇ ਕਪਤਾਨ ਟੌਮ ਬੂਨ ਨੇ 59ਵੇਂ ਮਿੰਟ ਵਿੱਚ ਗੋਲ ਕੀਤੇ, ਪਰ ਉਹ ਸਮਾਂ ਰਹਿੰਦੇ ਬਰਾਬਰੀ ਨਹੀਂ ਕਰ ਸਕੇ। ਲਾਂਸਰਜ਼ ਦੇ ਗੋਲਕੀਪਰ ਕ੍ਰਿਸ਼ਨ ਬਹਾਦਰ ਪਾਠਕ ਨੇ ਆਖਰੀ ਕੁਆਰਟਰ ਵਿੱਚ ਕਈ ਸ਼ਾਨਦਾਰ ਬਚਾਅ ਕਰਕੇ ਆਪਣੀ ਟੀਮ ਦੀ ਜਿੱਤ ਪੱਕੀ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ।
ਟੂਰਨਾਮੈਂਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਨੂੰ ਵਿਸ਼ੇਸ਼ ਪੁਰਸਕਾਰਾਂ ਨਾਲ ਨਿਵਾਜਿਆ ਗਿਆ
- ਹੀਰੋ ਪਲੇਅਰ ਆਫ਼ ਦਿ ਟੂਰਨਾਮੈਂਟ: ਅਮਨਦੀਪ ਲਾਕੜਾ (हैਦਰਾਬਾਦ ਤੂਫ਼ਾਨ) - 20 ਲੱਖ ਰੁਪਏ।
- ਟੌਪ ਸਕੋਰਰ: ਟੌਮ ਬੂਨ (ਰਾਂਚੀ ਰਾਇਲਜ਼) - 19 ਗੋਲ।
- ਸਰਵੋਤਮ ਗੋਲਕੀਪਰ: ਪ੍ਰਿੰਸ ਦੀਪ ਸਿੰਘ (ਤਾਮਿਲਨਾਡੂ ਡ੍ਰੈਗਨਜ਼) - 10 ਲੱਖ ਰੁਪਏ।
- ਉੱਭਰਦਾ ਖਿਡਾਰੀ: ਤਾਲੇਮ ਪ੍ਰਿਓਬਰਤਾ (HIL GC) - 10 ਲੱਖ ਰੁਪਏ।
ਬੰਗਲਾਦੇਸ਼ ਦੀ T20 WC 'ਚ ਵਾਪਸੀ! ਪਾਕਿ 'ਤੇ ਲਟਕੀ ਬਾਹਰ ਹੋਣ ਦੀ ਤਲਵਾਰ
NEXT STORY 
