ਨਵੀਂ ਦਿੱਲੀ - ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਆਬੂ ਧਾਬੀ ਦੀ ਪਿੱਚ 'ਤੇ ਰਾਜਸਥਾਨ ਰਾਇਲਜ਼ ਨੇ ਆਖ਼ਿਰਕਾਰ ਯਸ਼ਸਵੀ ਜੈਸਵਾਲ ਨੂੰ ਮੌਕਾ ਦੇ ਦਿੱਤਾ। ਯਸ਼ਸਵੀ ਬੀਤੇ ਅੰਡਰ-19 ਵਿਸ਼ਵ ਕੱਪ 'ਚ ਸਭ ਤੋਂ ਜ਼ਿਆਦਾ ਸਕੋਰ ਬਣਾਉਣ ਵਾਲਾ ਭਾਰਤੀ ਖਿਡਾਰੀ ਸੀ। ਯਸ਼ਸਵੀ ਨੂੰ ਆਈ.ਪੀ.ਐੱਲ. ਨੀਲਾਮੀ 'ਚ 2.40 ਕਰੋੜ ਦੀ ਭਾਰੀ ਭਰਕਮ ਰਾਸ਼ੀ ਮਿਲੀ ਸੀ ਅਤੇ ਯਸ਼ਸਵੀ ਦੀ ਕ੍ਰਿਕਟ ਯਾਤਰਾ ਨਾਲ ਬਾਲੀਵੁੱਡ ਅਦਾਕਾਰਾ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਦੀ ਸਹਿ ਮਾਲਕੀਨ ਪ੍ਰਿੰਟੀ ਜਿੰਟਾ ਬੇਹੱਦ ਪ੍ਰਭਾਵਿਤ ਹੋਈ ਸੀ।
ਉਨ੍ਹਾਂ ਨੇ ਯਸ਼ਸਵੀ ਲਈ ਟਵੀਟ ਕਰਦੇ ਹੋਏ ਲਿਖਿਆ ਸੀ-
17 ਸਾਲਾ ਯਸ਼ਸਵੀ ਜੈਸਵਾਲ 2 ਸਾਲ ਪਹਿਲਾਂ ਸੜਕਾਂ 'ਤੇ ਪਾਣੀ ਪੂਰੀ ਵੇਚ ਕੇ ਗੁਜਾਰਾ ਕਰਦੇ ਸਨ। ਅੱਜ ਇਸ ਪ੍ਰਤਿਭਾਵਾਨ ਕ੍ਰਿਕਟਰ ਨੂੰ ਆਈ.ਪੀ.ਐੱਲ. 2020 ਨੀਲਾਮੀ 'ਚ ਇੱਕ ਫ੍ਰੈਂਚਾਇਜੀ ਨੇ 2.40 ਕਰੋੜ 'ਚ ਖਰੀਦਿਆ ਹੈ। ਸ਼ਾਨਦਾਰ ਅਤੇ ਪ੍ਰੇਰਣਾਦਾਇਕ ਕਹਾਣੀ। ਆਈ.ਪੀ.ਐੱਲ. ਅਸਲ 'ਚ ਇੱਕ ਜਗ੍ਹਾ ਹੈ ਜਿੱਥੇ ਸੁਪਨੇ ਸੱਚ ਹੁੰਦੇ ਹਨ।
ਸੂਚੀ ਏ 'ਚ ਹੈ ਸ਼ਾਨਦਾਰ ਰਿਕਾਰਡ
ਯਸ਼ਸਵੀ ਦੇ ਨਾਮ ਸੂਚੀ ਏ ਦਾ ਸ਼ਾਨਦਾਰ ਰਿਕਾਰਡ ਹੈ। ਉਨ੍ਹਾਂ ਨੇ 13 ਮੈਚਾਂ 'ਚ ਦੋ ਵਾਰ ਨਾਟ ਆਊਟ ਰਹਿੰਦੇ ਹੋਏ 779 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਨ੍ਹਾਂ ਦੀ ਔਸਤ 70.81 ਰਹੀ ਹੈ ਜਦੋਂ ਕਿ ਸਟ੍ਰਾਇਕ ਰੇਟ 91.53। ਖਾਸ ਗੱਲ ਇਹ ਹੈ ਕਿ ਉਹ ਤਿੰਨ ਸੈਂਕੜੇ ਅਤੇ ਤਿੰਨ ਅਰਧ ਸੈਂਕੜੇ ਵੀ ਲਗਾ ਚੁੱਕੇ ਹਨ।
ਯਸ਼ਸਵੀ ਨਾਲ ਜੁੜੇ ਕੁੱਝ ਫੈਕਟਸ
- ਸਚਿਨ ਤੇਂਦੁਲਕਰ ਅਤੇ ਵਸੀਮ ਜਾਫਰ ਨੂੰ ਬੱਲੇਬਾਜ਼ੀ ਆਇਡਲ ਮੰਨਦੇ ਹਨ।
- ਸਭ ਤੋਂ ਵਧੀਆ ਫਿਲਮ ਬਾਲੀਵੁੱਡ 'ਚ ਇਕਬਾਲ ਤਾਂ ਹਾਲੀਵੁੱਡ 'ਚ ਟਾਇਟੈਨਿਕ ਲੱਗਦੀ ਹੈ।
- ਸਚਿਨ ਨੂੰ ਪਹਿਲੀ ਵਾਰ ਮਿਲੇ ਸਨ ਤਾਂ ਉਨ੍ਹਾਂ ਨੂੰ ਦੇਖ ਕੇ ਹੀ ਬੋਲੇ- ਤੁਸੀਂ ਮੈਨੂੰ ਨਰਵਸ ਕਰ ਦਿੱਤਾ। ਸਚਿਨ ਮੁਸਕਰਾਉਣ ਲੱਗੇ। ਕੋਲ ਬਿਠਾਇਆ ਅਤੇ ਕ੍ਰਿਕਟ ਦੀਆਂ ਗੱਲਾਂ ਸ਼ੁਰੂ ਹੋ ਗਈਆਂ।
ਹਿਜਾਬ 'ਚ ਖਿਡਾਰਨ ਨੂੰ ਅਮਰੀਕਾ 'ਚ ਵਾਲੀਬਾਲ ਮੈਚ ਖੇਡਣ ਤੋਂ ਰੋਕਿਆ
NEXT STORY