ਨਵੀਂ ਦਿੱਲੀ (ਨਿਕਲੇਸ਼ ਜੈਨ)- ਫਿਡੇ ਮਹਿਲਾ ਗ੍ਰਾਂ ਪ੍ਰੀ ਸੀਰੀਜ਼ ਦੇ ਤੀਜੇ ਟੂਰਨਾਮੈਂਟ ਦੀ ਸ਼ੁਰੂਆਤ ਭਾਰਤ ਦੀ ਚੋਟੀ ਦੇ ਗ੍ਰੈਂਡ ਮਾਸਟਰ ਅਤੇ ਖਿਤਾਬ ਦੀ ਦਾਅਵੇਦਾਰ ਕੋਨੇਰੂ ਹੰਪੀ ਅਤੇ ਹਰਿਕਾ ਦ੍ਰੋਣਾਵਲੀ ਵਿਚਾਲੇ ਪਹਿਲੇ ਦੌਰ 'ਚ ਡਰਾਅ ਨਾਲ ਹੋ ਗਈ ਹੈ। ਪਹਿਲੇ ਦਿਨ ਖੇਡੇ ਗਏ ਸਾਰੇ ਮੈਚ ਬੇਸਿੱਟਾ ਰਹੇ। ਰੂਸ ਦੀ ਪੋਲੀਨਾ ਸ਼ੁਵਾਲੋਵਾ ਨੇ ਹਮਵਤਨ ਲਾਗਾਨੋ ਕਾਟੇਰਾਯਾਨਾ ਨਾਲ, ਚੀਨ ਦੀ ਜ਼ੂ ਜਿਨਾਰ ਨੇ ਰੂਸ ਦੀ ਅਲੈਗਜ਼ੈਂਡਰਾ ਗੋਰਿਆਚਕੀਨਾ ਨਾਲ ਅਤੇ ਜਾਰਜੀਆ ਦੀ ਨੀਨੋ ਬਾਤਸਿਆਸ਼ਵਿਲੀ ਨੇ ਹਮਵਤਨ ਨਾਨਾ ਦਾਗਨਿਦਜ਼ੇ ਨਾਲ ਮੈਚ ਡਰਾਅ ਖੇਡੇ।
ਹਾਲਾਂਕਿ, ਕੁਝ ਵਿਵਾਦਾਂ ਕਾਰਨ ਟੂਰਨਾਮੈਂਟ ਆਪਣੇ ਨਿਰਧਾਰਤ ਸਮੇਂ ਤੋਂ ਇੱਕ ਦਿਨ ਬਾਅਦ ਸ਼ੁਰੂ ਹੋਇਆ। ਪਹਿਲਾਂ, ਕਜ਼ਾਕਿਸਤਾਨ ਦੀ ਚੋਟੀ ਦੀ ਖਿਡਾਰਨ ਅਤੇ ਡਿਪਲੋਮੈਟਿਕ ਪਾਸਪੋਰਟ ਧਾਰਕ ਅਬਦੁਮਲਿਕ ਝਾਂਸਾਯਾ ਅਚਾਨਕ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਕਿਉਂਕਿ ਉਸ ਨੂੰ ਲੱਗਦਾ ਸੀ ਕਿ ਉੱਥੇ ਖੇਡਣ ਲਈ ਸਹੀ ਮਾਹੌਲ ਨਹੀਂ ਸੀ, ਜਦੋਂ ਕਿ ਜਰਮਨੀ ਦੀ ਐਲਿਜ਼ਾਬੇਥ ਪਾਹੇਟਜ਼ ਨੇ ਆਖਰੀ ਸਮੇਂ 'ਤੇ ਭਾਰਤ ਦੀ ਆਰ ਵੈਸ਼ਾਲੀ ਨੂੰ ਵਾਕ ਓਵਰ ਦੇ ਕੇ ਬਾਹਰ ਕਰ ਦਿੱਤਾ। ਹੁਣ ਇਹ ਟੂਰਨਾਮੈਂਟ 10 ਖਿਡਾਰੀਆਂ ਵਿਚਾਲੇ ਰਾਊਂਡ ਰੌਬਿਨ ਦੇ ਆਧਾਰ 'ਤੇ ਖੇਡਿਆ ਜਾਵੇਗਾ। FIDE ਗ੍ਰਾਂ ਪ੍ਰੀ ਦਾ ਮਹੱਤਵ ਜ਼ਿਆਦਾ ਹੈ ਕਿਉਂਕਿ ਇਹ FIDE ਵਿਸ਼ਵ ਸ਼ਤਰੰਜ ਚੈਂਪੀਅਨਸ਼ਿਪ ਚੱਕਰ ਦਾ ਹਿੱਸਾ ਹੈ।
BCCI ਵਲੋਂ ਕ੍ਰਿਕਟਰਾਂ ਨਾਲ ਸਾਲਾਨਾ ਕਰਾਰ ਦਾ ਐਲਾਨ, ਜਾਣੋ ਕਿਸ ਨੂੰ ਮਿਲੀ ਜਗ੍ਹਾ ਤੇ ਕੌਣ ਹੋਇਆ ਬਾਹਰ
NEXT STORY 
