ਹਰਾਰੇ— ਕਪਤਾਨ ਸੀਨ ਵਿਲੀਅਮਸ (107) ਦੀ ਸੈਂਕੜੇ ਵਾਲੀ ਪਾਰੀ ਨਾਲ ਜ਼ਿੰਬਾਬਵੇ ਨੇ ਸ਼੍ਰੀਲੰਕਾ ਵਿਰੁੱਧ ਸੀਰੀਜ਼ ਦੇ ਦੂਜੇ ਤੇ ਆਖਰੀ ਟੈਸਟ ਮੈਚ ਦੇ ਪਹਿਲੇ ਦਿਨ ਸੋਮਵਾਰ ਨੂੰ 6 ਵਿਕਟਾਂ 'ਤੇ 352 ਦੌੜਾਂ ਬਣਾ ਲਈਆਂ ਸਨ। ਦਿਨ ਦਾ ਖੇਡ ਖਤਮ ਹੋਣ ਤਕ ਵਿਕਟਕੀਪਰ ਰੇਗਿਸ ਚਕਾਬਵਾ 31 ਟਿਨੋਤੇਂਦਾ ਮੁਤੋਮਬੋਦਜੀ 10 ਦੌੜਾਂ ਬਣਾ ਕ੍ਰੀਜ਼ 'ਤੇ ਮੌਜੂਦ ਸੀ। ਵਿਲੀਅਮਸ ਨੇ 137 ਗੇਂਦਾਂ ਦੀ ਪਾਰੀ 10 ਚੌਕਿਆਂ ਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ ਟੈਸਟ ਕਰੀਅਰ ਦਾ ਦੂਜਾ ਸੈਂਕੜਾ ਲਗਾਇਆ। ਬ੍ਰੇਂਡਨ ਟੇਲਰ (62) ਤੇ ਸਿਕੰਦਰ ਰਜਾ (72) ਨੇ ਵੀ ਟੀਮ ਦੇ ਲਈ ਵਧੀਆ ਯੋਗਦਾਨ ਦਿੱਤਾ।
ਟੇਲਰ ਨੇ 62 ਗੇਂਦਾਂ ਦੀ ਪਾਰੀ 'ਚ 10 ਚੌਕੇ ਤੇ ਇਕ ਛੱਕਾ ਲਗਾਇਆ ਜਦਕਿ ਰਜਾ ਨੇ 99 ਗੇਂਦ ਦੀ ਪਾਰੀ 'ਚ ਚਾਰ ਚੌਕੇ ਤੇ 2 ਛੱਕੇ ਲਗਾਏ। ਵਿਲੀਅਮਸ ਤੇ ਰਜਾ ਨੇ 5ਵੇਂ ਵਿਕਟ ਲਈ 159 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸ਼੍ਰੀਲੰਕਾ ਦੇ ਲਈ ਸੁਰੰਗਾ ਲਕਮਲ ਤੇ ਧਨੰਜੈ ਡਿਸਿਲਵਾ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਸ਼੍ਰੀਲੰਕਾ ਪਹਿਲਾ ਟੈਸਟ 10 ਵਿਕਟਾਂ ਨਾਲ ਜਿੱਤ ਕੇ ਸੀਰੀਜ਼ 'ਚ 1-0 ਨਾਲ ਅੱਗੇ ਹੈ।
ਭਾਰਤੀ ਹਾਕੀ ਟੀਮ ਦੀ ਸਾਬਕਾ ਕਪਤਾਨ ਸੁਨੀਤਾ ਚੰਦਰਾ ਦਾ ਦਿਹਾਂਤ
NEXT STORY