ਨਵੀਂ ਦਿੱਲੀ– ਹੌੰਡਾ ਆਪਣੀ ਨਵੀਂ ਜਨਰੇਸ਼ਨ CR-V SUV 9 ਅਕਤੂਬਰ ਨੂੰ ਭਾਰਤ ’ਚ ਲਾਂਚ ਕਰੇਗੀ। ਇਸ ਦੇ ਨਾਲ ਹੀ ਹੌੰਡਾ CR-V ਲਵਰਸ ਦੀ ਇਸ ਵਿਚ ਡੀਜ਼ਲ ਇੰਜਣ ਨਾ ਹੋਣ ਦੀ ਸ਼ਿਕਾਇਤ ਦੂਰ ਹੋ ਜਾਵੇਗੀ। ਦਰਅਸਲ, ਲਾਂਚਿੰਗ ਤੋਂ ਪਹਿਲਾਂ ਹੀ ਨਵੀਂ ਹੌੰਡਾ ਸੀ.ਆਰ.-ਵੀ ਦੇ ਇੰਜਣ ਦੀ ਜਾਣਕਾਰੀ ਲੀਕ ਹੋ ਗਈ ਹੈ। ਲੀਕ ਹੋਈ ਜਾਣਕਾਰੀ ਮੁਤਾਬਕ ਨਵੀਂ ਸੀ.ਆਰ.-ਵੀ ’ਚ 1.6-ਲੀਟਰ ਡੀਜ਼ਲ ਇੰਜਣ ਦਿੱਤਾ ਜਾਵੇਗਾ, ਜੋ 9-ਸਪੀਡ ਆਟੋਮੈਟਿਕ ਟ੍ਰਾਂਸਮਿਸ਼ਨ ਨਾਲ ਲੈਸ ਹੋਵੇਗਾ। ਇਹ ਇੰਜਣ 4,000rpm ’ਤੇ 120hp ਅਤੇ 2,000rmp ’ਤੇ 300Nm ਦਾ ਪੀਕ ਟਾਰਕ ਪੈਦਾ ਕਰੇਗਾ।
ਨਵੀਂ ਸੀ.ਆਰ.-ਵੀ ਦੇ ਪੈਟਰੋਲ ਇੰਜਣ ਦੀ ਗੱਲ ਕਰੀਏ ਤਾਂ ਇਸ ਵਿਚ ਪੁਰਾਣੀ ਸੀ.ਆਰ.-ਵੀ ਦਾ 2.0-ਲੀਟਰ ਵਾਲਾ ਪੈਟਰੋਲ ਇੰਜਣ ਦਿੱਤਾ ਜਾਵੇਗਾ। ਇਹ ਇੰਜਣ 156hp ਦੀ ਪਾਵਰ ਅਤੇ 190Nm ਟਾਰਕ ਪੈਦਾ ਕਰਦਾ ਹੈ। ਹਾਲਾਂਕਿ, ਇਸ ਦੇ ਗਿਅਰਬਾਕਸ ’ਚ ਬਦਲਾਅ ਕੀਤਾ ਗਿਆ ਹੈ। ਇਸ ਵਿਚ 5-ਸਪੀਡ ਆਟੋਮੈਟਿਕ ਗਿਅਰਬਾਕਸ ਦੀ ਥਾਂ ਸੀ.ਵੀ.ਟੀ. ਗਿਅਰਬਾਕਸ ਦੇਖਣ ਨੂੰ ਮਿਲ ਸਕਦਾ ਹੈ। ਡੀਜ਼ਲ ਇੰਜਣ ਦੀ ਮਾਈਲੇਜ ਦੀ ਗੱਲ ਕਰੀਏ ਤਾਂ ਦਾਅਵਾ ਕੀਤਾ ਜਾਂਦਾ ਹੈ ਕਿ ਇਹ ਇੰਜਣ 18.6 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦਾ ਹੈ।
ਨਵੀਂ ਸੀ.ਆਰ.-ਵੀ ਦੇ ਡੀਜ਼ਣ ਇੰਜਣ ਦੀ ਮਾਈਲੇਜ ਨੂੰ ਦੇਖਦੇ ਹੋਏ ਮੰਨਿਆ ਜਾ ਰਿਹਾ ਹੈ ਕਿ ਸੀ.ਆਰ.-ਵੀ ਯੂਜ਼ਰਸ ਦੀ ਮਾਈਲੇਜ ਦੀ ਸ਼ਿਕਾਇਤ ਦੂਰ ਹੋ ਜਾਵੇਗੀ ਕਿਉਂਕਿ ਅਜੇ ਤਕ ਇਹ ਐੱਸ.ਯੂ.ਵੀ. ਘੱਟ ਮਾਈਲੇਜ ਦੇਣ ਵਾਲੇ ਇੰਜਣ ਨਾਲ ਉਪਲੱਬਧ ਸੀ। ਫਿਲਹਾਲ ਸੀ.ਆਰ.-ਵੀ ਦੋ ਪੈਟਰੋਲ ਇੰਜਣ ਦੇ ਵੇਰੀਐਂਟ ’ਚ ਉਪਲੱਬਧ ਹੈ। ਇਸ ਵਿਚ ਇਕ 2-ਲੀਟਰ ਵਾਲਾ ਪੈਟਰੋਲ ਇੰਜਣ ਹੈ, ਜਦੋਂ ਕਿ ਦੂਜਾ 2.4-ਲੀਟਰ ਪੈਟਰੋਲ ਇੰਜਣ ਹੈ। 2.4-ਲੀਟਰ ਪੈਟਰੋਲ ਇੰਜਣ 12 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦਾ ਹੈ। ਹਾਲਾਂਕਿ 2.4-ਲੀਟਰ ਵਾਲਾ ਪੈਟਰੋਲ ਇੰਜਣ ਨਵੀਂ ਸੀ.ਆਰ.-ਵੀ ’ਚ ਨਹੀਂ ਦਿੱਤਾ ਜਾਵੇਗਾ।
ਮਾਸੇਰਾਤੀ ਘਿਬਲੀ ਦੇ ਨਵੇਂ ਲਿਮਟਿਡ ਐਡੀਸ਼ਨ ਦਾ ਨਾਂ ਹੈ ਰਿਬੇਲ
NEXT STORY 
