ਜੇ ਟਰੰਪ ਖ਼ਿਲਾਫ਼ ਮਤਾ ਸਦਨ ਵਿੱਚ ਰੱਖਿਆ ਜਾਂਦਾ ਹੈ ਤਾਂ ਇਹ ਦੂਜਾ ਮੌਕਾ ਹੋਵੇਗਾ ਜਦੋਂ ਉਨ੍ਹਾਂ ਖ਼ਿਲਾਫ਼ ਮਹਾਂਦੋਸ਼ ਲਾਇਆ ਜਾਵੇਗਾ
ਬੁੱਧਵਾਰ ਨੂੰ ਟਰੰਪ ਪੱਖੀਆਂ ਵੱਲੋਂ ਅਮਰੀਕਾ ਦੀ ਕੈਪੀਟਲ ਹਿਲ ਇਮਾਰਤ ਵਿੱਚ ਵੜ ਕੇ ਕੀਤੀ ਹਿੰਸਾ ਅਤੇ ਹੁੜਦੰਗ ਵਿੱਚ ਟਰੰਪ ਦੀ ਭੂਮਿਕਾ ਨੂੰ ਦੇਖਦਿਆਂ ਵਿਰੋਧੀ ਅਤੇ ਜੋਅ ਬਾਇਡਨ ਦੀ ਪਾਰਟੀ ਵੱਲੋਂ ਉਨ੍ਹਾਂ ਖ਼ਿਲਾਫ਼ ਆਰਟੀਕਲ ਆਫ਼ ਇਮਪੀਚਮੈਂਟ ਲਿਆਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਸਦਨ ਦੀ ਸਪੀਕਰ ਨੈਨਸੀ ਪੇਲੋਸੀ ਨੇ ਕਿਹਾ ਕਿ ਜੇ ਟਰੰਪ ਫੌਰਨ ਆਪਣਾ ਅਸਤੀਫ਼ਾ ਨਹੀਂ ਦਿੰਦੇ ਤਾਂ ਉਹ ਉਨ੍ਹਾਂ ਖ਼ਿਲਾਫ਼ ਮਹਾਂਦੋਸ਼ ਦਾ ਮਤਾ ਸਦਨ ਵਿੱਚ ਰੱਖਣਗੇ।
ਇਸ ਮਤੇ ਵਿੱਚ ਡੈਮੋਕਰੇਟਸ ਵੱਲੋਂ ਟਰੰਪ ਉੱਪਰ ਬਗ਼ਾਵਤ ਭੜਕਾਉਣ ਦਾ ਇਲਜ਼ਾਮ ਲਾਇਆ ਜਾਵੇਗਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਟਰੰਪ ਨੇ ਉਹ ਹਿੰਸਾ ਭੜਕਾਈ ਜਿਸ ਵਿੱਚ ਚਾਰ ਵਿਅਕਤੀਆਂ ਦੀ ਜਾਨ ਚਲੀ ਗਈ।
ਇਹ ਵੀ ਪੜ੍ਹੋ:
ਰਾਸ਼ਟਰਪਤੀ ਚੁਣੇ ਜਾ ਚੁੱਕੇ ਜੋਅ ਬਾਇਡਨ ਨੇ ਹਾਲਾਂਕਿ ਕਿਹਾ ਕਿ ਮਹਾਂਦੋਸ਼ ਬਾਰੇ ਫ਼ੈਸਲਾ ਕਰਨਾ ਸੰਸਦ ਦਾ ਇਖ਼ਤਿਆਰ ਹੈ ਪਰ ਉਹ ਲੰਬੇ ਸਮੇਂ ਤੋਂ ਕਹਿੰਦੇ ਰਹੇ ਨਹ ਕਿ 'ਰਾਸ਼ਟਰਪਤੀ ਟਰੰਪ ਇਸ ਕੰਮ ਦੇ ਯੋਗ ਨਹੀਂ ਹਨ।'
ਸਦਨ ਦੀ ਸਪੀਕਰ ਦੇ ਦਫ਼ਤਰ ਵਿੱਚ ਬੈਠਾ ਹੋਇਆ ਇੱਕ ਦੰਗਾਈ, ਉਸ ਨੇ ਉੱਥੋਂ ਇੱਕ ਕਾਗਜ਼ ਵੀ ਚੋਰੀ ਕੀਤਾ ਸੀ ਜੋ ਉਸ ਨੇ ਬਾਹਰ ਜਾ ਕੇ ਲੋਕਾਂ ਨੂੰ ਦਿਖਾਇਆ
ਟਵਿੱਟਰ ਵੱਲੋਂ ਟਰੰਪ ਦਾ ਖਾਤਾ ਸਦਾ ਲਈ ਬੰਦ
ਟਵਿੱਟਰ ਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਖਾਤਾ ਸਦਾ ਲਈ ਬੰਦ ਕਰ ਦਿੱਤਾ ਹੈ। ਕੰਪਨੀ ਨੇ ਖ਼ਦਸ਼ਾ ਜਤਾਇਆ ਹੈ ਕਿ ਇਸ "ਰਾਹੀਂ ਫਿਰ ਤੋਂ ਹਿੰਸਾ ਭੜਕਾਈ ਜਾ ਸਕਦੀ ਹੈ"।
ਕੰਪਨੀ ਨੇ ਇਹ ਵੀ ਕਿਹਾ ਕਿ ਇਹ ਫ਼ੈਸਲਾ ਉਨ੍ਹਾਂ ਦੇ ਅਕਾਊਂਟ @realDonaldTrump ਤੋਂ ਕੀਤੀਆਂ ਗਈਆਂ ਹਾਲੀਆਂ ਟਵੀਟਾਂ ਦੇ ਗੰਭੀਰ ਰਿਵੀਊ ਤੋਂ ਬਾਅਦ ਲਿਆ ਗਿਆ।
ਅਮਰੀਕਾ ਦੇ ਕਈ ਕਾਨੂੰਨਘਾੜੇ ਪਿਛਲੇ ਕੁਝ ਸਾਲਾਂ ਤੋਂ ਟਰੰਪ ਦਾ ਅਕਾਊਂਟ ਬੰਦ ਕਰਨ ਲਈ ਟਵਿੱਟਰ ਨੂੰ ਅਪੀਲਾਂ ਕਰ ਰਹੇ ਸਨ।
ਸਾਬਕਾ ਪ੍ਰਥਮ ਮਹਿਲਾ ਮਿਸ਼ੇਲ ਓਬਾਮਾ ਨੇ ਵੀਰਵਾਰ ਨੂੰ ਟਵੀਟ ਕੀਤਾ ਸੀ ਕਿ ਟਵਿੱਟਰ ਨੂੰ ਟਰੰਪ ਨੂੰ ਆਪਣਾ ਅਜਿਹਾ ਵਿਹਾਰ ਜਾਰੀ ਰੱਖਣ ਨਹੀਂ ਦੇਣਾ ਚਾਹੀਦਾ ਅਤੇ ਹਮੇਸ਼ਾ ਲਈ ਕੱਢ ਦੇਣਾ ਚਾਹੀਦਾ ਹੈ।
ਟਰੰਪ ਦੀ ਪ੍ਰਤੀਕਿਰਿਆ
ਜਿਉਂ ਹੀ ਟਰੰਪ ਦਾ ਅਕਾਊਂਟ ਟਵਿੱਟਰ ਵੱਲੋਂ ਬੰਦ ਕੀਤਾ ਗਿਆ ਉਨ੍ਹਾਂ ਨੇ ਅਮਰੀਕੀ ਰਾਸ਼ਟਰਪਤੀ ਦੇ ਅਧਿਕਾਰਿਤ ਟਵਿੱਟਰ ਹੈਂਡਲ ਤੋਂ ਦੋ ਟਵੀਟ ਕੀ,ਜਿਨ੍ਹਾਂ ਨੂੰ ਟਵਿੱਟਰ ਵੱਲੋਂ ਪੋਸਟ ਹੋਣ ਸਾਰ ਹੀ ਡਿਲੀਟ ਕਰ ਦਿੱਤਾ ਗਿਆ।
ਇਨ੍ਹਾਂ ਟਵੀਟਸ ਵਿੱਚ ਟਰੰਪ ਨੇ ਕਿਹਾ ਸੀ ਕਿ ਟਵਿੱਟਰ ਇੱਕ ਨਿੱਜੀ ਕੰਪਨੀ ਹੈ... ਇਸ ਉੱਪਰ ਫਰੀ ਸਪੀਚ ਲਈ ਕੋਈ ਥਾਂ ਨਹੀਂ ਹੈ... ਇਹ ਲੈਫ਼ਟਿਸਟ ਵਿਚਾਰਾਂ ਨੂੰ ਹੁੰਗਾਰਾ ਦੇਣ ਵਾਲਾ ਪਲੇਟਫਾਰਮ ਬਣ ਗਿਆ ਹੈ...।
ਉਨ੍ਹਾਂ ਨੇ ਇਹ ਵੀ ਕਿਹਾ ਅਸੀਂ ਜਲਦੀ ਹੀ ਆਪਣਾ ਪਲੇਟਫਾਰਮ ਖੜ੍ਹਾ ਕਰਨ ਬਾਰੇ ਵਿਚਾਰ ਕਰ ਰਹੇ ਹਾਂ। ਉਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੇ ਹਮਾਇਤੀਆਂ ਨੂੰ ਦੇਸ਼ ਭਗਤ ਦੱਸਿਆ।
ਇਹ ਵੀਡੀਓ ਵੀ ਦੇਖੋ:
https://www.youtube.com/watch?v=SsJvWd7_Ix4
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)
!function(s,e,n,c,r){if(r=s._ns_bbcws=s._ns_bbcws||r,s[]r]||(s[]r+"_d"]=s[]r+"_d"]||[]],s[]r]=function(){s[]r+"_d"].push(arguments)},s[]r].sources=[]]),c&&s[]r].sources.indexOf(c)<0){var t=e.createElement(n);t.async=1,t.src=c;var a=e.getElementsByTagName(n)[]0];a.parentNode.insertBefore(t,a),s[]r].sources.push(c)}}(window,document,"script","https://news.files.bbci.co.uk/ws/partner-analytics/js/fullTracker.min","s_bbcws");s_bbcws('syndSource','ISAPI');s_bbcws('orgUnit','ws');s_bbcws('platform','partner');s_bbcws('partner','jagbani');s_bbcws('producer','punjabi');s_bbcws('language','pa');s_bbcws('setStory', {'origin': 'cps','guid': 'b42bcb67-5972-4298-9ac2-1a18e30e58ac','assetType': 'STY','pageCounter': 'punjabi.international.story.55599831.page','title': 'ਟਰੰਪ ਨੇ ਅਸਤੀਫ਼ਾ ਨਾ ਦਿੱਤਾ ਤਾਂ ਉਨ੍ਹਾਂ ਖਿਲਾਫ਼ ਮਹਾਂਦੋਸ਼ ਦਾ ਮਤਾ ਲਿਆਉਣ ਦੀ ਤਿਆਰੀ','published': '2021-01-09T07:09:48Z','updated': '2021-01-09T07:09:48Z'});s_bbcws('track','pageView');
ਬ੍ਰਿਟੇਨ ਦੇ 100 MPs ਨੇ ਬੌਰਿਸ ਜੌਨਸਨ ਨੂੰ ਕਿਸਾਨ ਅੰਦਲੋਨ ਬਾਰੇ ਲਿਖੀ ਚਿੱਠੀ ਵਿੱਚ ਕੀ ਲਿਖਿਆ
NEXT STORY 
