ਭਾਰਤੀ ਰਾਜਨੀਤੀ ਵਿਚ ਜਦੋਂ ਵੀ ਮਜ਼ਬੂਤ ਲੀਡਰਸ਼ਿਪ, ਵੱਡੇ ਬਦਲਾਅ, ਦੂਰਦਰਸ਼ੀ ਸੋਚ ਅਤੇ ਲੋਕਾਂ ਦੀ ਸੇਵਾ ਦੀ ਉਦਾਹਰਣ ਦਿੱਤੀ ਜਾਵੇਗੀ ਅਤੇ ਇਸ ਦੇ ਲਈ ਕਿਸੇ ਵੀ ਲੀਡਰਸ਼ਿਪ ਜਾਂ ਨੇਤਾ ਨੂੰ ਯਾਦ ਕੀਤਾ ਜਾਵੇਗਾ, ਤਾਂ ਸਤਿਕਾਰਯੋਗ ਨਰਿੰਦਰ ਮੋਦੀ ਦਾ ਨਾਂ ਸਭ ਤੋਂ ਪਹਿਲਾਂ ਲਿਆ ਜਾਵੇਗਾ। ਪ੍ਰਧਾਨ ਮੰਤਰੀ ਮੋਦੀ ਸਿਰਫ਼ ਗੱਲਾਂ ਨਹੀਂ ਕਰਦੇ, ਸਗੋਂ ਜੋ ਵੀ ਸੰਕਲਪ ਲੈਂਦੇ ਹਨ, ਉਹ ਉਸ ਨੂੰ ਪੂਰੀ ਲਗਨ, ਵਚਨਬੱਧਤਾ ਅਤੇ ਸਖ਼ਤ ਮਿਹਨਤ ਨਾਲ ਪੂਰਾ ਕਰਦੇ ਹਨ। ਉਨ੍ਹਾਂ ਦਾ ਉਦੇਸ਼ ਸਿਰਫ਼ ਸੱਤਾ ਵਿਚ ਬਣੇ ਰਹਿਣਾ ਨਹੀਂ ਹੈ, ਸਗੋਂ ਦੇਸ਼ ਦੇ ਹਰ ਲੋੜਵੰਦ ਵਿਅਕਤੀ ਦੀ ਸੇਵਾ ਕਰਨਾ ਅਤੇ ਭਾਰਤ ਨੂੰ ਤਰੱਕੀ ਦੀਆਂ ਨਵੀਆਂ ਉਚਾਈਆਂ ’ਤੇ ਲਿਜਾਣਾ ਹੈ।
ਮੋਦੀ ਸਰਕਾਰ ਦੀ ਹਰ ਯੋਜਨਾ, ਭਾਵੇਂ ਉਹ ਜੀ. ਐੱਸ. ਟੀ. ਸੁਧਾਰ ਹੋਵੇ, ਟੈਕਸ ਸਲੈਬਾਂ ਨੂੰ ਸਰਲ ਬਣਾਉਣਾ ਹੋਵੇ, ਵਿੱਤੀ ਰਾਹਤ ਦੇਣਾ ਹੋਵੇ ਜਾਂ ਲੋਕਾਂ ਦੇ ਜੀਵਨ ਵਿਚ ਸਿੱਧੇ ਤੌਰ ’ਤੇ ਬਦਲਾਅ ਲਿਆਉਣ ਵਾਲੀਆਂ ਯੋਜਨਾਵਾਂ ਸ਼ੁਰੂ ਕਰਨਾ ਹੋਵੇ, ਇਹ ਉਨ੍ਹਾਂ ਦੀ ਜਨਤਕ ਸੇਵਾ ਦੀ ਭਾਵਨਾ ਨੂੰ ਸਪੱਸ਼ਟ ਤੌਰ ’ਤੇ ਦਰਸਾਉਂਦਾ ਹੈ।
ਸਰਕਾਰ ਭਾਰਤ ਨੂੰ ਮਜ਼ਬੂਤ, ਸਵੈ-ਨਿਰਭਰ ਅਤੇ ਦੁਨੀਆ ਵਿਚ ਮੋਹਰੀ ਬਣਾਉਣ ਲਈ ਲਗਾਤਾਰ ਕੰਮ ਕਰ ਰਹੀ ਹੈ। ਇਹੀ ਕਾਰਨ ਹੈ ਕਿ ਮੋਦੀ ਜੀ ਦੀ ਅਗਵਾਈ ਵਿਚ ਲਏ ਗਏ ਫੈਸਲੇ ਪਿੰਡ ਤੋਂ ਲੈ ਕੇ ਸ਼ਹਿਰ ਤੱਕ ਹਰ ਵਰਗ ਦੇ ਲੋਕਾਂ ਦੇ ਦਿਲਾਂ ਵਿਚ ਜਗ੍ਹਾ ਬਣਾ ਰਹੇ ਹਨ ਕਿਉਂਕਿ ਇਹ ਫੈਸਲੇ ਸਿੱਧੇ ਤੌਰ ’ਤੇ ਉਨ੍ਹਾਂ ਦੀਆਂ ਰੋਜ਼ਾਨਾ ਦੀਆਂ ਜ਼ਰੂਰਤਾਂ, ਪਰਿਵਾਰਕ ਖੁਸ਼ੀ ਅਤੇ ਸਮਾਜ ਦੇ ਵਿਕਾਸ ਨਾਲ ਜੁੜੇ ਹੋਏ ਹਨ।
ਜੀ. ਐੱਸ. ਟੀ. ਸੁਧਾਰ 2.0 ਇਸ ਦੀ ਸਭ ਤੋਂ ਤਾਜ਼ਾ ਅਤੇ ਪ੍ਰਭਾਵਸ਼ਾਲੀ ਉਦਾਹਰਣ ਹੈ। ਆਜ਼ਾਦੀ ਦਿਵਸ ’ਤੇ ਲਾਲ ਕਿਲੇ ਤੋਂ ਪ੍ਰਧਾਨ ਮੰਤਰੀ ਨੇ ਵਾਅਦਾ ਕੀਤਾ ਸੀ ਕਿ ਜੀ. ਐੱਸ. ਟੀ. ਨੂੰ ਹੋਰ ਸਰਲ, ਪਾਰਦਰਸ਼ੀ ਅਤੇ ਜਨਤਾ ਦੇ ਹਿੱਤ ਵਿਚ ਬਣਾਇਆ ਜਾਵੇਗਾ। ਉਨ੍ਹਾਂ ਨੇ ਇਹ ਵਾਅਦਾ ਸਿਰਫ਼ 20 ਦਿਨਾਂ ਵਿਚ ਪੂਰਾ ਕੀਤਾ। ਕਾਂਗਰਸ ਸਰਕਾਰਾਂ ਵਿਚ ਇੰਨੀ ਮਜ਼ਬੂਤ ਰਾਜਨੀਤਿਕ ਇੱਛਾ ਸ਼ਕਤੀ ਪਹਿਲਾਂ ਕਦੇ ਨਹੀਂ ਦੇਖੀ ਗਈ। ਜੀ. ਐੱਸ. ਟੀ. ਕੌਂਸਲ ਦੀ 56ਵੀਂ ਮੀਟਿੰਗ ਵਿਚ ਕਈ ਵੱਡੇ ਅਤੇ ਲੋਕ ਭਲਾਈ ਵਾਲੇ ਫੈਸਲੇ ਲਏ ਗਏ, ਜਿਸ ਨਾਲ ਆਮ ਆਦਮੀ, ਵਪਾਰੀਆਂ ਅਤੇ ਛੋਟੇ ਕਾਰੋਬਾਰੀਆਂ ਨੂੰ ਫਾਇਦਾ ਹੋਵੇਗਾ। ਹੁਣ ਸਿਰਫ਼ ਦੋ ਸਲੈਬ ਹੋਣਗੇ-5 ਫੀਸਦੀ ਅਤੇ 18 ਫੀਸਦੀ। ਪਹਿਲਾਂ ਦੀ 12 ਅਤੇ 28 ਫੀਸਦੀ ਦੀ ਗੁੰਝਲਦਾਰ ਪ੍ਰਣਾਲੀ ਨੂੰ ਖਤਮ ਕਰ ਦਿੱਤਾ ਗਿਆ ਹੈ, ਜਿਸ ਨਾਲ ਲੋਕਾਂ ਦਾ ਵਿੱਤੀ ਬੋਝ ਘਟੇਗਾ ਅਤੇ ਉਨ੍ਹਾਂ ਦੀ ਜੇਬ ’ਚ ਬੱਚਤ ਵਧੇਗੀ। ਕਾਂਗਰਸ ਦੇ ਦੌਰ ਵਿਚ ਟੈਕਸ ਪ੍ਰਣਾਲੀ ਲੋਕਾਂ ਲਈ ਗੁੰਝਲਦਾਰ ਅਤੇ ਪ੍ਰੇਸ਼ਾਨੀ ਵਾਲੀ ਸੀ। ਵੈਟ ਦੇ ਨਾਂ ’ਤੇ 30 ਫੀਸਦੀ ਤੱਕ ਟੈਕਸ ਲਗਾਇਆ ਜਾਂਦਾ ਸੀ, ਜਿਸ ਕਾਰਨ ਆਮ ਆਦਮੀ ਦਾ ਰੋਜ਼ਾਨਾ ਜੀਵਨ ਮਹਿੰਗਾ ਹੋ ਗਿਆ। ਸੁਧਾਰ ਦੇ ਨਾਂ ’ਤੇ ਕਾਂਗਰਸ ਨੇ ਸਿਰਫ਼ ਗੱਲਾਂ ਕੀਤੀਆਂ ਅਤੇ ਲੋਕਾਂ ਦੀ ਮਿਹਨਤ ਦੀ ਕਮਾਈ ਨੂੰ ਭ੍ਰਿਸ਼ਟਾਚਾਰ ਅਤੇ ਘਪਲਿਆਂ ਵਿਚ ਬਰਬਾਦ ਕੀਤਾ। ਟੈਕਸ ਇਕੱਠਾ ਕਰਨਾ ਉਨ੍ਹਾਂ ਦੀ ਪਛਾਣ ਬਣ ਗਈ, ਜਿਸ ਕਾਰਨ ਸਮਾਜ ਵਿਚ ਅਸੰਤੁਸ਼ਟੀ ਫੈਲ ਗਈ।
ਇਸ ਦੇ ਉਲਟ, ਮੋਦੀ ਸਰਕਾਰ ਨੇ ਟੈਕਸ ਪ੍ਰਣਾਲੀ ਨੂੰ ਸਰਲ, ਪਾਰਦਰਸ਼ੀ ਅਤੇ ਜਨਤਾ-ਪੱਖੀ ਬਣਾਇਆ ਹੈ। ਅੱਜ, ਬਹੁਤ ਸਾਰੀਆਂ ਜ਼ਰੂਰੀ ਵਸਤਾਂ ’ਤੇ ਜ਼ੀਰੋ ਅਤੇ 5 ਫੀਸਦੀ ਤੋਂ ਘੱਟ ਟੈਕਸ ਲਗਾਇਆ ਜਾਂਦਾ ਹੈ ਅਤੇ ਜੀਵਨ ਰੱਖਿਅਕ ਦਵਾਈਆਂ ਅਤੇ ਬੀਮਾ ਯੋਜਨਾਵਾਂ ਪੂਰੀ ਤਰ੍ਹਾਂ ਟੈਕਸ-ਮੁਕਤ ਹਨ। ਕੈਂਸਰ ਵਰਗੀਆਂ ਗੰਭੀਰ ਬੀਮਾਰੀਆਂ ਲਈ ਦਵਾਈਆਂ ’ਤੇ ਕੋਈ ਟੈਕਸ ਨਹੀਂ ਲਗਾਇਆ ਗਿਆ, ਸਿਹਤ ਅਤੇ ਜੀਵਨ ਬੀਮਾ ਯੋਜਨਾਵਾਂ ਨੂੰ ਪੂਰੀ ਤਰ੍ਹਾਂ ਟੈਕਸ-ਮੁਕਤ ਕਰ ਦਿੱਤਾ ਗਿਆ ਹੈ ਅਤੇ ਪਨੀਰ, ਦੁੱਧ, ਪਰੌਂਠਾ, ਖਾਖਰਾ ਵਰਗੀਆਂ ਆਮ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਨੂੰ ਜੀ. ਐੱਸ. ਟੀ. ਤੋਂ ਛੋਟ ਦਿੱਤੀ ਗਈ ਹੈ। ਇਸ ਨਾਲ ਗਰੀਬਾਂ, ਕਿਸਾਨਾਂ ਅਤੇ ਮੱਧ ਵਰਗ ਨੂੰ ਸਿੱਧਾ ਫਾਇਦਾ ਹੋ ਰਿਹਾ ਹੈ, ਜਿਸ ਨਾਲ ਉਨ੍ਹਾਂ ਦੇ ਪਰਿਵਾਰਾਂ ਦੀ ਆਰਥਿਕ ਸਥਿਤੀ ਮਜ਼ਬੂਤ ਹੋ ਰਹੀ ਹੈ।
ਕਿਸਾਨਾਂ ਦੇ ਹਿੱਤ ਵਿਚ ਜੀ. ਐੱਸ. ਟੀ. ਦਰਾਂ ਵਿਚ ਬਦਲਾਅ ਇਤਿਹਾਸਕ ਸਾਬਤ ਹੋਇਆ ਹੈ। ਟਰੈਕਟਰਾਂ, ਟਾਇਰਾਂ ਅਤੇ ਸਪੇਅਰ ਪਾਰਟਸ ’ਤੇ ਜੀ. ਐੱਸ. ਟੀ. ਘਟਾ ਕੇ 5 ਫੀਸਦੀ ਕਰ ਦਿੱਤਾ ਗਿਆ ਹੈ। ਕੀਟਨਾਸ਼ਕ, ਸੂਖਮ ਪੋਸ਼ਕ ਤੱਤ, ਡਰਿੱਪ ਇਰੀਗੇਸ਼ਨ ਉਪਕਰਣ ਅਤੇ ਖੇਤੀ ਮਸ਼ੀਨਰੀ ਹੁਣ ਕਿਫਾਇਤੀ ਹੋ ਗਈ ਹੈ। ਇਸ ਨਾਲ ਖੇਤੀ ਦੀ ਲਾਗਤ ਘੱਟ ਜਾਵੇਗੀ ਅਤੇ ਕਿਸਾਨਾਂ ਨੂੰ ਵਧੇਰੇ ਮੁਨਾਫ਼ਾ ਮਿਲੇਗਾ। ਇਹ ਸਵੈ-ਨਿਰਭਰ ਭਾਰਤ ਦੀ ਅਸਲ ਸ਼ਕਤੀ ਹੈ ਜੋ ਹਰ ਪਿੰਡ ਵਿਚ ਆਰਥਿਕ ਤਰੱਕੀ ਅਤੇ ਸਮਾਜਿਕ ਸਸ਼ਕਤੀਕਰਨ ਦਾ ਰਾਹ ਖੋਲ੍ਹ ਰਹੀ ਹੈ।
ਸਿਹਤ ਅਤੇ ਸਿੱਖਿਆ ਵਿਚ ਮਿਲਣ ਵਾਲੀ ਰਾਹਤ ਸਮਾਜ ਦੇ ਹਰ ਪਰਿਵਾਰ ਲਈ ਸੰਜੀਵਨੀ ਸਾਬਤ ਹੋਵੇਗੀ। ਮੈਡੀਕਲ ਆਕਸੀਜਨ, ਥਰਮਾਮੀਟਰ, ਡਾਇਗਨੌਸਟਿਕ ਕਿੱਟ, ਗਲੂਕੋਮੀਟਰ ਅਤੇ ਐਨਕਾਂ ’ਤੇ ਜੀ. ਐੱਸ. ਟੀ. 18 ਫੀਸਦੀ ਤੋਂ ਘਟਾ ਕੇ 5 ਫੀਸਦੀ ਕਰ ਦਿੱਤਾ ਗਿਆ ਹੈ। ਇਲਾਜ ਹੁਣ ਸਸਤਾ ਹੋਵੇਗਾ ਅਤੇ ਪਰਿਵਾਰਾਂ ’ਤੇ ਵਿੱਤੀ ਬੋਝ ਘੱਟ ਜਾਵੇਗਾ। ਦੂਜੇ ਪਾਸੇ ਪੈਨਸਿਲ, ਨੋਟਬੁੱਕ, ਅਭਿਆਸ ਪੁਸਤਕਾਂ, ਕ੍ਰੇਅਾਂਸ ਅਤੇ ਗਲੋਬ ਵਰਗੀਆਂ ਜ਼ਰੂਰੀ ਚੀਜ਼ਾਂ ਹੁਣ ਟੈਕਸ ਮੁਕਤ ਹੋ ਗਈਆਂ ਹਨ। ਇਸ ਨਾਲ ਬੱਚਿਆਂ ਦੀ ਸਿੱਖਿਆ ਆਸਾਨ ਹੋ ਜਾਵੇਗੀ ਅਤੇ ਪਰਿਵਾਰਾਂ ’ਤੇ ਖਰਚਿਆਂ ਦਾ ਬੋਝ ਘੱਟ ਜਾਵੇਗਾ।
ਇਹ ਸੁਧਾਰ ਸਿਰਫ਼ ਟੈਕਸ ਘਟਾਉਣ ਦਾ ਮਾਮਲਾ ਨਹੀਂ ਹੈ, ਸਗੋਂ ਇਕ ਵੱਡਾ ਢਾਂਚਾਗਤ ਬਦਲਾਅ ਹੈ। ਟੈਕਸਾਂ ਦਾ ਭੁਗਤਾਨ ਕਰਨਾ ਹੁਣ ਆਸਾਨ ਹੋ ਗਿਆ ਹੈ। ਸਿੰਗਲ ਮਾਸਿਕ ਰਿਟਰਨ, ਪਹਿਲਾਂ ਤੋਂ ਭਰੀਆਂ ਰਿਟਰਨਾਂ, ਆਧਾਰ ਅਾਧਾਰਿਤ ਪ੍ਰਮਾਣੀਕਰਨ ਅਤੇ ਇਨਵਾਇਸ ਟਰੈਕਿੰਗ ਨੇ ਪੂਰੀ ਪ੍ਰਣਾਲੀ ਨੂੰ ਪਾਰਦਰਸ਼ੀ ਅਤੇ ਭ੍ਰਿਸ਼ਟਾਚਾਰ ਮੁਕਤ ਬਣਾਇਆ ਹੈ। ਛੋਟੇ ਵਪਾਰੀਆਂ ਨੂੰ ਵੀ ਇਸ ਤੋਂ ਬਹੁਤ ਫਾਇਦਾ ਹੋਇਆ ਹੈ। ਰਜਿਸਟ੍ਰੇਸ਼ਨ ਦੀ ਹੱਦ ਵਧਾਈ ਗਈ ਹੈ, ਤਿਮਾਹੀ ਰਿਟਰਨ ਦੀ ਸੁਵਿਧਾ ਦਿੱਤੀ ਗਈ ਹੈ ਅਤੇ ਕੰਪੋਜ਼ੀਸ਼ਨ ਸਕੀਮ ਦਾ ਵਿਸਥਾਰ ਕੀਤਾ ਗਿਆ ਹੈ, ਜਿਸ ਨਾਲ ਕਾਰੋਬਾਰ ਮਜ਼ਬੂਤ ਹੋਏ ਹਨ।
ਇਹ ਕਾਂਗਰਸ ਅਤੇ ਮੋਦੀ ਸਰਕਾਰ ਵਿਚ ਅਸਲ ਫਰਕ ਹੈ। ਕਾਂਗਰਸ ਦੇ ਸਮੇਂ ਟੈਕਸ ਦਾ ਅਰਥ ਜਨਤਾ ’ਤੇ ਬੋਝ ਅਤੇ ਮਹਿੰਗਾਈ ਸੀ। ਅੱਜ, ਮੋਦੀ ਸਰਕਾਰ ਦੇ ਸਮੇਂ ਟੈਕਸ ਦਾ ਅਰਥ ਹੈ ਜੇਬ ਵਿਚ ਬੱਚਤ, ਖਰੀਦਦਾਰੀ ਵਿਚ ਵਾਧਾ ਅਤੇ ਅਰਥਵਿਵਸਥਾ ਵਿਚ ਮਜ਼ਬੂਤੀ।
ਇਹ ਸੁਧਾਰ ਅਜਿਹੇ ਸਮੇਂ ਆਇਆ ਹੈ ਜਦੋਂ ਦੁਰਗਾ ਪੂਜਾ, ਦੀਵਾਲੀ ਅਤੇ ਛੱਠ ਵਰਗੇ ਵੱਡੇ ਤਿਉਹਾਰ ਆਉਣ ਵਾਲੇ ਹਨ। ਇਸ ਨਾਲ ਦੇਸ਼ ਭਰ ਵਿਚ ਖੁਸ਼ੀਆਂ ਆਈਆਂ ਹਨ। 175 ਤੋਂ ਵੱਧ ਚੀਜ਼ਾਂ ਸਸਤੀਆਂ ਹੋ ਗਈਆਂ ਹਨ, ਜਿਸ ਨਾਲ ਤਿਉਹਾਰ ਹੋਰ ਵੀ ਸ਼ਾਨਦਾਰ ਅਤੇ ਸਾਰਿਆਂ ਲਈ ਪਹੁੰਚਯੋਗ ਹੋ ਗਏ ਹਨ।
ਇਹ ਨਵੇਂ ਭਾਰਤ ਦੀ ਰਾਜਨੀਤੀ ਹੈ, ਜਿੱਥੇ ਲੋਕ ਕੇਂਦਰ ਵਿਚ ਹਨ, ਵਿਕਾਸ ਮੁੱਖ ਧਾਰਾ ਵਿਚ ਹੈ ਅਤੇ ਰਾਸ਼ਟਰੀ ਹਿੱਤ ਸਰਵਉੱਚ ਹੈ। ਨਰਿੰਦਰ ਮੋਦੀ ਦੀ ਅਗਵਾਈ ਹੇਠਲੀ ਸਰਕਾਰ ਨੇ ਭਾਰਤ ਨੂੰ ਇਕ ਆਰਥਿਕ ਮਹਾਸ਼ਕਤੀ ਬਣਾਉਣ ਦਾ ਰਾਹ ਖੋਲ੍ਹਿਆ ਹੈ। ਹਰ ਸੁਧਾਰ ਭਾਰਤ ਨੂੰ ਵਿਸ਼ਵ ਲੀਡਰਸ਼ਿਪ ਵੱਲ ਲਿਜਾ ਰਿਹਾ ਹੈ ਅਤੇ ਸਮਾਜ ਦੇ ਹਰ ਵਰਗ ਦੀ ਭਾਗੀਦਾਰੀ ਨੂੰ ਯਕੀਨੀ ਬਣਾਇਆ ਜਾ ਰਿਹਾ ਹੈ। ਅਟੁੱਟ ਸੰਕਲਪ, ਦੂਰਦਰਸ਼ੀ ਲੀਡਰਸ਼ਿਪ ਅਤੇ ਸ਼ਾਨਦਾਰ ਜਨਤਕ ਸੇਵਾ ਦੇ ਨਾਲ ਨਰਿੰਦਰ ਮੋਦੀ ਨੇ ਇਕ ਵਾਰ ਫਿਰ ਸਾਬਤ ਕਰ ਦਿੱਤਾ ਹੈ ਕਿ ਉਨ੍ਹਾਂ ਦਾ ਨਾਂ ਅਜਿਹਾ ਸ਼ਾਸਨ ਹੈ ਜੋ ਹਰ ਨਾਗਰਿਕ ਦੀ ਭਲਾਈ, ਸਮਾਜਿਕ ਖੁਸ਼ਹਾਲੀ ਅਤੇ ਰਾਸ਼ਟਰ ਦੀ ਤਰੱਕੀ ਲਈ ਸਮਰਪਿਤ ਹੈ। ਸੇਵਾ ਦੀ ਇਹ ਭਾਵਨਾ, ਇਹ ਸਮਰਪਣ ਅਤੇ ਇਹ ਦ੍ਰਿਸ਼ਟੀ ਭਾਰਤ ਨੂੰ ਦੁਨੀਆ ਵਿਚ ਮਾਣ ਦਿਵਾ ਰਹੀ ਹੈ।
ਪ੍ਰੇਮ ਸ਼ੁਕਲ (ਰਾਸ਼ਟਰੀ ਬੁਲਾਰਾ, ਭਾਜਪਾ)
ਭੰਗ ਹੋ ਰਹੀ ਦੁਨੀਆ ਦੀ ਸ਼ਾਂਤੀ, 87 ਦੇਸ਼ਾਂ ’ਚ ਹਾਲਾਤ ਹੋਏ ਬਦਤਰ!
NEXT STORY 
