ਨਵੀਂ ਦਿੱਲੀ - ਆਪਣੇ ਕਰਮਚਾਰੀਆਂ ਨੂੰ ਫਲੈਟ ਅਤੇ ਮਰਸਡੀਜ਼ ਵਰਗੇ ਮਹਿੰਗੇ ਤੋਹਫੇ ਦੇਣ ਲਈ ਮਸ਼ਹੂਰ ਸੂਰਤ ਦੇ ਹੀਰਾ ਵਪਾਰੀ ਸਾਵਜੀ ਢੋਲਕੀਆ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ। ਉਨ੍ਹਾਂ ਨੇ ਮੁੰਬਈ ਦੇ ਆਲੀਸ਼ਾਨ ਵਰਲੀ ਸੀ ਫੇਸ ਇਲਾਕੇ ਵਿੱਚ 6 ਮੰਜ਼ਿਲਾ ਇਮਾਰਤ 185 ਕਰੋੜ ਰੁਪਏ ਵਿੱਚ ਖਰੀਦੀ ਹੈ। ਐੱਸ.ਆਰ ਗਰੁੱਪ ਦੀ ਕੰਪਨੀ ਆਰ.ਕੇ. ਹੋਲਡਿੰਗਜ਼ ਨੇ ਇਹ ਸੰਪਤੀ ਸਾਵਜੀ ਢੋਲਕੀਆ ਦੀ ਕੰਪਨੀ ਹਰੀ ਕ੍ਰਿਸ਼ਨਾ ਐਕਸਪੋਰਟਸ ਨੂੰ ਵੇਚ ਦਿੱਤੀ ਹੈ।
ਇਸ ਸੰਪਤੀ ਦਾ ਨਾਮ ਪਨਹਾਰ(Panhar ) ਹੈ ਅਤੇ ਇਸ ਵਿੱਚ ਲਗਭਗ 20,000 ਵਰਗ ਫੁੱਟ ਕਾਰਪੇਟ ਏਰੀਆ ਹੈ। ਇਸ ਵਿੱਚ ਬੇਸਮੈਂਟ ਗ੍ਰਾਉਂਡ ਫਲੋਰ ਅਤੇ 6 ਮੰਜ਼ਲਾਂ ਹਨ। ਸੌਦੇ ਲਈ ਇਸ ਸੰਪਤੀ ਦੀ ਪ੍ਰਤੀ ਵਰਗ ਫੁੱਟ ਕੀਮਤ 93,000 ਰੁਪਏ ਰੱਖੀ ਗਈ ਸੀ। ਲੈਣ -ਦੇਣ ਦੀ ਰਕਮ ਵਿੱਚ ਦੋ ਰਜਿਸਟ੍ਰੇਸ਼ਨ ਵੀ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਇੱਕ 1350 ਵਰਗ ਮੀਟਰ ਜ਼ਮੀਨ 47 ਕਰੋੜ ਰੁਪਏ ਵਿੱਚ ਪਟੇ ਨਾਲ ਸਬੰਧਤ ਹੈ। ਇਸ 'ਤੇ 5 ਫੀਸਦੀ ਦੀ ਸਟੈਂਪ ਡਿਊਟੀ ਭਾਵ 2.57 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਗਿਆ ਸੀ। 36.5 ਕਰੋੜ ਰੁਪਏ ਦਾ ਭੁਗਤਾਨ ਸਿੱਧੇ ਇੰਡੀਆਬੁਲਸ ਹਾਊਸਿੰਗ ਫਾਈਨਾਂਸ ਨੂੰ ਜ਼ਮੀਨ ਦੇ ਕਰਜ਼ੇ ਲਈ ਕੀਤਾ ਗਿਆ।
ਇਹ ਵੀ ਪੜ੍ਹੋ : RBI ਦੇ ਨਿਯਮਾਂ ਦਾ ਅਸਰ : ਲੱਖਾਂ CA ਹੋਏ ਬੰਦ, ਖ਼ਾਤਾਧਾਰਕਾਂ ਨੂੰ ਈ-ਮੇਲ ਭੇਜ ਕੇ ਦਿੱਤੀ ਜਾਣਕਾਰੀ
ਦੂਜੀ ਰਜਿਸਟ੍ਰੇਸ਼ਨ 138 ਕਰੋੜ ਰੁਪਏ ਵਿੱਚ ਰਿਹਾਇਸ਼ੀ ਇਮਾਰਤ ਦੇ ਤਬਾਦਲੇ ਲਈ ਕੀਤੀ ਗਈ ਹੈ। ਇਸ 'ਤੇ 6 ਫ਼ੀਸਦੀ ਦੀ ਦਰ ਨਾਲ 8.3 ਕਰੋੜ ਰੁਪਏ ਦੀ ਸਟਾਂਪ ਡਿਊਟੀ ਬਣਦੀ ਹੈ। ਇਸ ਵਿਚੋਂ 1 ਫ਼ੀਸਦੀ ਸੈੱਸ ਘਟਾ ਕੇ 6.91 ਕਰੋੜ ਰੁਪਏ ਦੀ ਸਟਾਂਪ ਡਿਊਟੀ ਚੁਕਾਈ ਗਈ ਹੈ। ਦਸਤਾਵੇਜ਼ਾਂ ਅਨੁਸਾਰ 108.25 ਕਰੋੜ ਰੁਪਏ ਦਾ ਭੁਗਤਾਨ ਸਿੱਧਾ ਇੰਡੀਆਬੁਲਜ਼ ਨੂੰ ਕੀਤਾ ਗਿਆ ਸੀ। ਐੱਸਾਰ ਨੇ ਇਸ ਸੌਦੇ ਤੋਂ ਪ੍ਰਾਪਤ ਫੰਡਾਂ ਦੀ ਵਰਤੋਂ ਆਪਣੇ ਕਰਜ਼ੇ ਦਾ ਭੁਗਤਾਨ ਕਰਨ ਲਈ ਕੀਤਾ ਹੈ। ਆਰ.ਕੇ. ਹੋਲਡਿੰਗਸ ਨੇ ਲੋਨ ਲੈਣ ਲਈ ਇਸ ਪ੍ਰਾਪਰਟੀ ਨੂੰ ਸਕਿਊਰਿਟੀ ਲਈ ਰੱਖਿਆ ਸੀ।
ਇਹ ਵੀ ਪੜ੍ਹੋ : PM ਮੋਦੀ ਨੇ ਲਾਂਚ ਕੀਤਾ e-RUPI, ਭੁਗਤਾਨ ਕਰਨਾ ਹੋਵੇਗਾ ਹੋਰ ਵੀ ਆਸਾਨ(Video)
ਕਰਮਚਾਰੀਆਂ ਨੂੰ ਮਹਿੰਗੇ ਤੋਹਫ਼ੇ ਦੇਣ ਲਈ ਮਸ਼ਹੂਰ
ਸਾਵਜੀ ਢੋਲਕੀਆ ਦੀਵਾਲੀ ਦੇ ਦੌਰਾਨ ਆਪਣੇ ਕਰਮਚਾਰੀਆਂ ਨੂੰ ਖੁੱਲ੍ਹੇ ਦਿਲ ਨਾਲ ਤੋਹਫ਼ੇ ਦੇਣ ਲਈ ਮਸ਼ਹੂਰ ਹਨ। ਇਸ ਤੋਂ ਪਹਿਲਾਂ ਉਸ ਨੇ ਆਪਣੇ ਤਿੰਨ ਕਰਮਚਾਰੀਆਂ ਨੂੰ ਮਰਸਡੀਜ਼ ਕਾਰ ਗਿਫਟ ਕੀਤੀ ਸੀ। 2016 ਵਿੱਚ ਉਸਨੇ ਦੀਵਾਲੀ ਤੇ ਆਪਣੇ ਕਰਮਚਾਰੀਆਂ ਨੂੰ 400 ਫਲੈਟ ਅਤੇ 1260 ਕਾਰਾਂ ਦਾ ਤੋਹਫ਼ਾ ਦਿੱਤਾ। ਰਿਪੋਰਟਾਂ ਅਨੁਸਾਰ ਹਰੀ ਕ੍ਰਿਸ਼ਨਾ ਐਕਸਪੋਰਟਸ ਵਿੱਚ 5000 ਕਰਮਚਾਰੀ ਕੰਮ ਕਰਦੇ ਹਨ ਅਤੇ ਕੰਪਨੀ ਦਾ ਟਰਨਓਵਰ 6,000 ਕਰੋੜ ਰੁਪਏ ਹੈ।
ਜ਼ਿੰਦਗੀ ਦਾ ਸਫ਼ਰ
ਸਾਵਜੀ ਢੋਲਕੀਆ ਦਾ ਜਨਮ ਗੁਜਰਾਤ ਦੇ ਅਮਰੇਲੀ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਵਿੱਚ ਹੋਇਆ ਸੀ। ਉਸ ਦਾ ਪੜ੍ਹਾਈ ਵਿਚ ਮਨ ਨਹੀਂ ਸੀ ਲਗਦਾ। 13 ਸਾਲ ਦੀ ਉਮਰ ਵਿੱਚ ਸਾਵਜੀ ਸੂਰਤ ਆ ਗਏ ਅਤੇ ਇੱਕ ਛੋਟੀ ਫੈਕਟਰੀ ਵਿੱਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਸਾਵਜੀ ਦੇ ਅਨੁਸਾਰ ਉਨ੍ਹਾਂ ਨੇ ਲਗਭਗ 10 ਸਾਲ ਹੀਰਾ ਪੀਹਣ ਦਾ ਕੰਮ ਕੀਤਾ ਅਤੇ ਇਸਦੇ ਬਾਰੇ ਵਿੱਚ ਬਹੁਤ ਤਜਰਬਾ ਪ੍ਰਾਪਤ ਕਰਨ ਦੇ ਬਾਅਦ ਉਸਨੇ ਆਪਣੇ ਘਰ ਵਿੱਚ ਕੁੱਝ ਦੋਸਤਾਂ ਦੇ ਨਾਲ ਹੀਰਾ ਪੀਹਣ ਦਾ ਕੰਮ ਸ਼ੁਰੂ ਕੀਤਾ, ਜੋ ਕਿ ਹੌਲੀ - ਹੌਲੀ ਅੱਗੇ ਵਧਣਾ ਸ਼ੁਰੂ ਹੋ ਗਿਆ। ਅੱਜ ਉਸਦੀ ਕੰਪਨੀ ਕੰਪਨੀ 50 ਦੇਸ਼ਾਂ ਨੂੰ ਹੀਰੇ ਸਪਲਾਈ ਕਰਦੀ ਹੈ।
ਇਹ ਵੀ ਪੜ੍ਹੋ : ‘ਬਰਕਰਾਰ ਹੈ ਭਾਰਤੀਆਂ ਦਾ ਸੋਨੇ ਪ੍ਰਤੀ ਪਿਆਰ, ਅਪ੍ਰੈਲ-ਜੂਨ ਤਿਮਾਹੀ ’ਚ ਮੰਗ 19 ਫੀਸਦੀ ਵਧੀ ’
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਆਪਣੇ ਕੁਮੈਂਟ ਵਿਚ ਜ਼ਰੂਰ ਸਾਂਝੇ ਕਰੋ।
ਕਾਰਟ੍ਰੇਡ ਦਾ IPO ਖੁੱਲ੍ਹਣ ਦਾ ਇੰਤਜ਼ਾਰ ਖ਼ਤਮ, ਇਸ ਦਿਨ ਤੋਂ ਲਾ ਸਕੋਗੇ ਬੋਲੀ
NEXT STORY 
