ਨਵੀਂ ਦਿੱਲੀ- ਕੱਚੇ ਮਾਲ ਦੀ ਲਾਗਤ 'ਚ ਵਾਧੇ ਨੇ ਮੁੱਖ ਸਟੀਲ ਕੰਪਨੀਆਂ ਨੂੰ ਅਪ੍ਰੈਲ 'ਚ ਕੀਮਤਾਂ ਵਧਾਉਣ ਲਈ ਉਤਸ਼ਾਹਿਤ ਕੀਤਾ। ਇਸ ਤੋਂ ਪਹਿਲੇ ਲਗਾਤਾਰ ਦੋ ਮਹੀਨੇ ਇਹ ਕੰਪਨੀਆਂ ਸਟੀਲ ਦੇ ਭਾਅ ਵਧਾ ਚੁੱਕੀਆਂ ਹਨ।
ਦੇਸ਼ ਦੀ ਵੱਡੀ ਸਟੀਲ ਕੰਪਨੀਆਂ ਜੇ.ਐੱਸ.ਡਬਲਿਊ ਸਟੀਲ, ਆਰਸੇਲਰਮਿੱਤਲ ਨਿੱਪਾਨ ਸਟੀਲ ਇੰਡੀਆ (ਏ.ਐੱਮ./ਐੱਨ.ਐੱਸ. ਇੰਡੀਆ) ਅਤੇ ਜਿੰਦਲ ਸਟੀਲ ਐਂਡ ਪਾਵਰ (ਜੇ.ਐੱਸ.ਪੀ.ਐੱਲ) ਨੇ ਹਾਟ ਰੋਲਡ ਕਾਇਲ (ਐੱਚ.ਆਰ.ਸੀ.) ਦੀਆਂ ਕੀਮਤਾਂ 'ਚ 4 ਤੋਂ 5 ਹਜ਼ਾਰ ਪ੍ਰਤੀ ਟਨ ਦਾ ਵਾਧਾ ਕੀਤਾ ਹੈ। ਐੱਚ.ਆਰ.ਸੀ. ਨੂੰ ਫਲੈਟ ਲਟੀਲ ਦੇ ਲਈ ਬੈਂਚਮਾਰਕ ਮੰਨਿਆ ਜਾਂਦਾ ਹੈ।
ਲਾਂਗ ਪ੍ਰਾਡੈਕਟ ਬਣਾਉਣ ਵਾਲੀ ਜੇ.ਐੱਸ.ਡਬਲਿਊ ਸਟੀਲ ਅਤੇ ਜੇ.ਐੱਸ.ਪੀ.ਐੱਲ. ਨੇ ਰੀਬਾਰ ਦੀਆਂ ਕੀਮਤਾਂ 'ਚ ਲੜੀਵਾਰ: 2,250 ਰੁਪਏ ਅਤੇ 3,000 ਰੁਪਏ ਪ੍ਰਤੀ ਟਨ ਦਾ ਵਾਧਾ ਕੀਤਾ ਹੈ। ਸਟੀਲਮਿੰਟ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਕੀਮਤ ਵਾਧੇ ਤੋਂ ਬਾਅਦ ਐੱਚ.ਆਰ.ਸੀ. ਦਾ ਭਾਅ ਹੁਣ ਜੇ.ਐੱਸ.ਡਬਲਿਊ ਸਟੀਲ ਅਤੇ ਏ.ਐੱਮ./ਐੱਨ.ਐੱਸ. ਇੰਡੀਆ ਦੇ ਲਈ ਹੁਣ 79,000-79,500 ਰੁਪਏ ਪ੍ਰਤੀ ਟਨ ਬੈਠਦਾ ਹੈ। ਜੇ.ਐੱਸ.ਡਬਲਿਊ ਦੇ ਰੀਬਾਰ ਦੀਆਂ ਸੰਸ਼ੋਧਿਤ ਕੀਮਤਾਂ ਹੁਣ 73,000 ਤੋਂ 73,500 ਰੁਪਏ ਪ੍ਰਤੀ ਟਨ ਹੈ। ਸਟੀਲਮਿੰਟ ਦੇ ਵਿਸ਼ਲੇਸ਼ਕਾਂ ਦੇ ਮੁਤਾਬਕ, ਇਹ ਕੀਮਤਾਂ ਪਿਛਲੀ ਉਚਾਈ ਦੇ ਪਾਰ ਚਲੀਆਂ ਗਈਆਂ ਹਨ।
ਜੇ.ਐੱਸ.ਡਬਲਿਊ ਦੇ ਨਿਰਦੇਸ਼ਕ (ਵਪਾਰਕ ਅਤੇ ਮਾਰਕਟਿੰਗ) ਜਯੰਤ ਆਚਾਰਿਆ ਨੇ ਕਿਹਾ ਕਿ ਕੰਪਨੀ ਨੇ ਲਾਂਗ ਅਤੇ ਫਲੈਟ ਉਤਪਾਦਾਂ ਦੀਆਂ ਕੀਮਤਾਂ 3 ਤੋਂ 5 ਫੀਸਦੀ ਤੱਕ ਵਧਾਈਆਂ ਹਨ ਪਰ ਇਹ ਲਾਗਤ ਦੇ ਅਸਰ ਦੇ ਅੰਸ਼ਕ ਭਰਪਾਈ ਦੇ ਲਈ ਹੈ। ਉਨ੍ਹਾਂ ਨੇ ਕਿਹੀ ਕਿ ਅਪ੍ਰੈਲ 2022 'ਚ ਹੋਈ ਕੋਕਿੰਗ ਕੋਲ ਦਾ ਖਰੀਦ ਅਪ੍ਰੈਲ-ਮਈ ਦੇ ਉਤਪਾਦਨ 'ਚ ਜਾਵੇਗੀ। ਅਜਿਹੇ 'ਚ ਜੂਨ ਉਤਪਾਦਨ ਲਾਗਤ ਦੇ ਲਿਹਾਜ਼ ਨਾਲ ਪੀਕ ਸੀਜ਼ਨ ਹੋ ਸਕਦੇ ਹਨ।
ਕੱਚੇ ਮਾਲ ਦੀਆਂ ਕੀਮਤਾਂ ਵਧਦੀਆਂ ਰਹੀਆਂ ਹਨ ਪਰ ਰੂਸ ਵਲੋਂ ਯੂਕ੍ਰੇਨ 'ਤੇ ਹਮਲੇ ਤੋਂ ਬਾਅਦ ਕੀਮਤਾਂ ਵਧੀਆਂ ਹਨ। ਆਚਾਰਿਆ ਨੇ ਕਿਹਾ ਕਿ ਕੱਚੇ ਮਾਲ ਦੀ ਲਾਗਤ 'ਚ ਵਾਧਾ ਚਿੰਤਾ ਦਾ ਵਿਸ਼ਾ ਹੈ ਅਤੇ ਅਸੀਂ ਉਮੀਦ ਕਰ ਰਹੇ ਹਾਂ ਕਿ ਇਹ ਹੇਠਾਂ ਆਵੇਗੀ। ਕੁਝ ਹੱਦ ਤੱਕ ਇਹ ਹੇਠਾਂ ਆਉਣੀ ਸ਼ੁਰੂ ਹੋ ਗਈ ਹੈ ਅਤੇ ਅਗਲੇ ਕੁਝ ਮਹੀਨਿਆਂ 'ਚ ਹੋਰ ਘਟੇਗੀ। ਇਹ ਸਟੀਲ ਦੀ ਲਾਗਤ ਹੇਠਾਂ ਲਿਆਵੇਗੀ। ਪਰ ਜਦ ਤੱਕ ਸਿਸਟਮ ਦੀ ਲਾਗਤ ਵਧਦੀ ਰਹੇਗੀ, ਸਾਨੂੰ ਦੇਖਣਾ ਹੋਵੇਗਾ ਕਿ ਅਸੀਂ ਇਸ ਨਾਲ ਕਿੰਝ ਨਿਪਟਾਂਗੇ ਅਤੇ ਸਾਨੂੰ ਕੁਝ ਲਾਗਤ ਦਾ ਭਾਰ ਗਾਹਕਾਂ 'ਤੇ ਪਾਉਣਾ ਹੋਵੇਗਾ।
ਟਵਿਟਰ ਦੇ ਬੋਰਡ ’ਚ ਸ਼ਾਮਿਲ ਹੋਏ ਏਲਨ ਮਸਕ, CEO ਪਰਾਗ ਨੇ ਇਸ ਅੰਦਾਜ਼ ’ਚ ਕੀਤਾ ਸਵਾਗਤ
NEXT STORY 
