ਮੁੰਬਈ— ਵਾਰ-ਵਾਰ ਮੁਨਾਫਾਖੋਰੀ ਰੋਧਕ ਨੋਟਿਸ ਮਿਲਣ ਦੇ ਬਾਅਦ ਦੇਸ਼ ਦੀ ਸਭ ਤੋਂ ਵੱਡੀ ਐੱਫ. ਐੱਮ. ਸੀ. ਜੀ. ਕੰਪਨੀ ਹਿੰਦੁਸਤਾਨ ਯੂਨੀਲੀਵਰ (ਐੱਚ. ਯੂ. ਐੱਲ.) ਨੇ ਸਰਕਾਰ ਤੋਂ ਇਸ ਮਾਮਲੇ 'ਤੇ ਨਿਯਮਾਂ ਨੂੰ ਸਪੱਸ਼ਟ ਕਰਨ ਨੂੰ ਕਿਹਾ ਹੈ। ਐੱਚ. ਯੂ. ਐੱਲ. ਨੇ ਜੀ. ਐੱਸ. ਟੀ. ਦਾ ਫਾਇਦਾ ਗਾਹਕਾਂ ਤਕ ਪਹੁੰਚਾਉਣ ਲਈ ਪੋਰਟਫੋਲੀਓ ਦ੍ਰਿਸ਼ਟੀਕੋਣ ਅਪਣਾਇਆ ਹੈ, ਜਿਸ 'ਚ ਕੀਮਤ ਦੇ ਨਾਲ ਹੀ ਕੁਝ ਉਤਪਾਦਾਂ ਦੇ ਪੈਕੇਟਾਂ ਦੇ ਵਜ਼ਨ 'ਚ ਬਦਲਾਵ ਕੀਤਾ ਹੈ ਪਰ ਇਨ੍ਹਾਂ ਤਰੀਕਿਆਂ ਨੂੰ ਮੁਨਾਫਾਖੋਰੀ ਰੋਧਕ ਡਾਇਰੈਕਟੋਰੇਟ ਵੱਲੋਂ ਸਵੀਕਾਰ ਨਹੀਂ ਕੀਤਾ ਗਿਆ। ਮੁਨਾਫਾਖੋਰੀ ਰੋਧਕ ਡਾਇਰੈਕਟੋਰੇਟ ਰੈਵੇਨਿਊ ਵਿਭਾਗ ਦੀ ਜਾਂਚ ਇਕਾਈ ਹੈ। ਐੱਚ. ਯੂ. ਐੱਲ. ਦੇ ਚੇਅਰਮੈਨ ਅਤੇ ਸਹਿ ਪ੍ਰਬੰਧਕ ਨਿਰਦੇਸ਼ਕ ਸੰਜੀਵ ਮਹਿਤਾ ਨੇ ਕਿਹਾ ਕਿ ਜੇਕਰ ਸਰਕਾਰ ਸਪੱਸ਼ਟ ਮੁਨਾਫਾਖੋਰੀ-ਰੋਧਕ ਨਿਯਮ ਲੈ ਕੇ ਆਉਂਦੀ ਹੈ, ਤਾਂ ਇਸ ਨਾਲ ਸਾਰਿਆਂ ਨੂੰ ਫਾਇਦਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਜੀ. ਐੱਸ. ਟੀ. ਲਾਗੂ ਹੋਣ ਦੇ ਬਾਅਦ ਵਿਆਖਿਆ ਕਰਨ ਦੀ ਬਜਾਏ ਪਹਿਲਾਂ ਹੀ ਟੈਕਸ ਵਿਭਾਗ ਵੱਲੋਂ ਨਿਯਮ ਬਣਾ ਦਿੱਤੇ ਗਏ ਹੁੰਦੇ ਤਾਂ ਇਸ ਨਾਲ ਮਦਦ ਮਿਲਦੀ।
ਮੁਨਾਫਾਖੋਰੀ ਰੋਧਕ ਡਾਇਰੈਕਟੋਰੇਟ ਨੇ ਪਿਛਲੇ ਮਹੀਨੇ ਐੱਚ. ਯੂ. ਐੱਲ. ਨੂੰ 4.95 ਅਰਬ ਰੁਪਏ ਦਾ ਨੋਟਿਸ ਭੇਜਿਆ ਸੀ, ਜਿਸ 'ਚ ਕਿਹਾ ਗਿਆ ਸੀ ਕਿ ਨਵੰਬਰ 2017 'ਚ ਜੀ. ਐੱਸ. ਟੀ. ਦਰਾਂ 'ਚ ਕੀਤੀ ਗਈ ਕਟੌਤੀ ਦਾ ਫਾਇਦਾ ਗਾਹਕਾਂ ਨੂੰ ਨਹੀਂ ਪਹੁੰਚਾਇਆ ਗਿਆ। ਇਸ ਤੋਂ ਪਹਿਲਾਂ ਜਨਵਰੀ 'ਚ ਵੀ ਕੰਪਨੀ ਨੂੰ ਇਸ ਤਰਕ ਦਾ ਹਵਾਲਾ ਦਿੰਦੇ ਹੋਏ ਨੋਟਿਸ ਭੇਜਿਆ ਗਿਆ ਸੀ। ਉਸ ਸਮੇਂ ਐੱਚ. ਯੂ. ਐੱਲ. ਨੇ ਕਿਹਾ ਸੀ ਕਿ ਉਸ ਨੇ ਕਮੇਟੀ ਨੂੰ ਦੱਸਿਆ ਸੀ ਕਿ ਜੀ. ਐੱਸ. ਟੀ. ਤਹਿਤ ਸਾਰੇ ਫਾਇਦੇ ਗਾਹਕਾਂ ਨੂੰ ਪਹੁੰਚਾਏ ਗਏ ਸਨ ਅਤੇ ਨੋਟਿਸ 'ਚ ਇਸ ਦਾ ਪੂਰਾ ਵੇਰਵਾ ਦਿੱਤਾ ਸੀ। ਕੰਪਨੀ ਨੇ ਸਰਕਾਰ ਨੂੰ 1.6 ਅਰਬ ਰੁਪਏ ਭੁਗਤਾਨ ਕਰਨ ਦੀ ਪੇਸ਼ਕਸ਼ ਕੀਤੀ, ਜਿਸ ਨੂੰ ਸਰਕਾਰ ਦੇ ਗਾਹਕ ਕਲਿਆਣ ਫੰਡ 'ਚ ਜਮ੍ਹਾ ਕੀਤਾ ਗਿਆ ਸੀ।
ਸ਼ੁੱਕਰਵਾਰ ਮਹਿਤਾ ਨੇ ਕਿਹਾ ਕਿ ਸਰਕਾਰ ਨੇ ਉਕਤ ਰਕਮ ਸਵੀਕਾਰ ਕੀਤੀ ਸੀ ਅਤੇ ਇਸ ਮਾਮਲੇ 'ਚ ਕੰਪਨੀ ਨੇ ਪੂਰੀ ਪਾਰਦਰਸ਼ਤਾ ਵਰਤੀ ਸੀ। ਉਨ੍ਹਾਂ ਕਿਹਾ, ''ਅਸੀਂ ਦੱਸਿਆ ਸੀ ਕਿ ਜੀ. ਐੱਸ. ਟੀ. ਤਹਿਤ ਦਰਾਂ 'ਚ ਕਟੌਤੀ ਨੂੰ ਲਾਗੂ ਕਰਨ ਲਈ ਕਿਸ ਤਰ੍ਹਾਂ ਦਾ ਬਦਲਾਅ ਕੀਤਾ ਗਿਆ। ਇਸ ਤਹਿਤ ਕੀਮਤਾਂ ਘਟ ਕੀਤੀਆਂ ਗਈਆਂ ਅਤੇ ਕੁਝ ਮਾਮਲਿਆਂ 'ਚ ਉਤਪਾਦ ਦਾ ਵਜ਼ਨ ਵਧਾਇਆ ਗਿਆ। 1 ਰੁਪਏ ਮੁੱਲ ਵਾਲੇ ਪਾਊਚ ਦੀ ਕੀਮਤ ਘਟਣਾ ਸੰਭਵ ਨਹੀਂ ਹੈ। ਅਜਿਹੇ 'ਚ ਉਸ ਦਾ ਵਜ਼ਨ ਵਧਾ ਕੇ ਕਟੌਤੀ ਦਾ ਫਾਇਦਾ ਦਿੱਤਾ ਗਿਆ। ਅਸੀਂ ਮੁਨਾਫਾਖੋਰੀ-ਰੋਧਕ ਅਥਾਰਟੀ ਨੂੰ ਆਪਣੇ ਵੱਲੋਂ ਸੰਤੁਸ਼ਟ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਹੁਣ ਆਖਰੀ ਫੈਸਲੇ ਦੀ ਉਡੀਕ ਹੈ।
ਵਿਆਹਾਂ ਦਾ ਖਰਚ ਵਧਾਏਗਾ ਸੋਨਾ, ਇੰਨਾ ਮਹਿੰਗਾ ਹੋ ਸਕਦੈ 10 ਗ੍ਰਾਮ ਗੋਲਡ
NEXT STORY