ਨਵੀਂ ਦਿੱਲੀ — ਮੁਕਾਬਲੇਬਾਜ਼ੀ ਦੇ ਦਬਾਅ ਅਤੇ ਅਸਥਿਰ ਬਾਜ਼ਾਰ ਹਾਲਾਤ ਦਰਮਿਆਨ ਨਵੇਂ ਠੇਕਿਆਂ ਅਤੇ ਉਤਪਾਦਨ ’ਚ ਸੁਸਤ ਵਾਧੇ ਦਰਮਿਆਨ ਨਵੰਬਰ ’ਚ ਮੈਨੂਫੈਕਚਰਿੰਗ ਸੈਕਟਰ ’ਚ ਮਾਮੂਲੀ ਵਾਧਾ ਦਰਜ ਕੀਤਾ ਗਿਆ। ਇਸ ’ਚ ਸੁਸਤ ਵਿਕਰੀ ਦੇ ਕਾਰਣ ਕੰਪਨੀਆਂ ਨੇ ਨਵੀਂ ਭਰਤੀ ਨਹੀਂ ਕੀਤੀ, ਉਲਟਾ 20 ਮਹੀਨਿਆਂ ’ਚ ਪਹਿਲੀ ਵਾਰ ਉਨ੍ਹਾਂ ਨੇ ਤਨਖਾਹਲਾਭਪਾਤਰੀ ਕਰਮਚਾਰੀਆਂ ਦੀ ਛਾਂਟੀ ਕਰ ਦਿੱਤੀ।
ਮਾਰਚ 2018 ਤੋਂ ਬਾਅਦ ਪਹਿਲੀ ਵਾਰ ਕਰਮਚਾਰੀਆਂ ਦੀ ਗਿਣਤੀ ’ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਹ ਗੱਲ ਅੱਜ ਜਾਰੀ ਮਹੀਨਾਵਾਰੀ ਪ੍ਰਚੇਜਿੰਗ ਮੈਨੇਜਰਸ ਸੂਚਕ ਅੰਕ (ਪੀ. ਐੱਮ. ਆਈ.) ਸਰਵੇਖਣ ’ਚ ਕਹੀ ਗਈ ਹੈ। ਅਕਤੂਬਰ ’ਚ ਮੈਨੂਫੈਕਚਰਿੰਗ ਸੈਕਟਰ ਦਾ ਸੂਚਕ ਅੰਕ 2 ਸਾਲ ਦੇ ਹੇਠਲੇ ਪੱਧਰ 50.6 ’ਤੇ ਰਿਹਾ ਸੀ, ਜੋ ਨਵੰਬਰ ’ਚ ਵਧ ਕੇ 51.2 ’ਤੇ ਪਹੁੰਚ ਗਿਆ। ਸੂਚਕ ਅੰਕ ਦਾ 50 ਤੋਂ ਉੱਪਰ ਹੋਣਾ ਵਾਧੇ ਨੂੰ ਅਤੇ 50 ਤੋਂ ਘੱਟ ਰਹਿਣਾ ਗਿਰਾਵਟ ਨੂੰ ਦਰਸਾਉਂਦਾ ਹੈ, ਜਦੋਂ ਕਿ ਇਸ ਦਾ 50 ’ਤੇ ਰਹਿਣਾ ਸਥਿਰਤਾ ਦਾ ਸੂਚਕ ਹੈ।
ਮੰਗ ’ਚ ਗਿਰਾਵਟ ਕਾਰਣ ਸੁਸਤੀ ਦੀ ਗ੍ਰਿਫਤ ’ਚ ਹੈ ਮੈਨੂਫੈਕਚਰਿੰਗ ਸੈਕਟਰ
ਆਈ. ਐੱਚ. ਐੱਸ. ਮਾਰਕੀਟ ਦੀ ਮੁੱਖ ਅਰਥਸ਼ਾਸਤਰੀ ਪਾਲਿਆਨਾ ਡੀ ਲੀਮਾ ਨੇ ਕਿਹਾ ਕਿ ਨਵੰਬਰ ’ਚ ਮੈਨੂਫੈਕਚਰਿੰਗ ਸੈਕਟਰ ਦੀਆਂ ਸਰਗਰਮੀਆਂ ’ਚ ਹਾਲਾਂਕਿ ਵਾਧਾ ਦਰਜ ਕੀਤਾ ਗਿਆ ਹੈ ਪਰ ਨਵੇਂ ਆਰਡਰ, ਉਤਪਾਦਨ ਅਤੇ ਬਰਾਮਦ ’ਚ ਵਾਧੇ ਦੀ ਰਫਤਾਰ 2019 ਦੀ ਸ਼ੁਰੂਆਤ ’ਚ ਦਰਜ ਕੀਤੀ ਗਈ ਰਫਤਾਰ ਨਾਲੋਂ ਕਾਫ਼ੀ ਘੱਟ ਹੈ। ਰਫਤਾਰ ’ਚ ਇਹ ਸੁਸਤੀ ਮੁੱਖ ਤੌਰ ’ਤੇ ਮੰਗ ’ਚ ਗਿਰਾਵਟ ਕਾਰਣ ਦਰਜ ਕੀਤੀ ਗਈ ਹੈ।
ਸੇਵਾਮੁਕਤ ਕਰਮਚਾਰੀਆਂ ਦੀ ਜਗ੍ਹਾ ਨਹੀਂ ਹੋਈ ਨਵੀਂ ਬਹਾਲੀ
ਸਰਵੇਖਣ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਮਾਰਚ 2018 ’ਚ ਪਹਿਲੀ ਵਾਰ ਕਰਮਚਾਰੀਆਂ ਦੀ ਗਿਣਤੀ ’ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਕਈ ਕੰਪਨੀਆਂ ਨੇ ਕਿਹਾ ਕਿ ਮੌਜੂਦਾ ਕਰਮਚਾਰੀ ਹੀ ਕਾਰੋਬਾਰ ਨੂੰ ਨਿਪਟਾ ਰਹੇ ਹਨ। ਕੁਝ ਹੋਰ ਕੰਪਨੀਆਂ ਨੇ ਕਿਹਾ ਕਿ ਸੇਵਾਮੁਕਤ ਹੋ ਚੁੱਕੇ ਕਰਮਚਾਰੀਆਂ ਦੀ ਜਗ੍ਹਾ ਨਵੀਂ ਬਹਾਲੀ ਨਹੀਂ ਕੀਤੀ ਗਈ ਹੈ। ਕੁਝ ਕੰਪਨੀਆਂ ਨੇ ਕਿਹਾ ਕਿ ਉਨ੍ਹਾਂ ਨੇ ਥੋੜ੍ਹਚਿਰੇ ਠੇਕਿਆਂ ਦਾ ਨਵੀਨੀਕਰਨ ਨਹੀਂ ਕੀਤਾ ਹੈ। ਰਿਪੋਰਟ ਮੁਤਾਬਕ ਨਵੰਬਰ ’ਚ ਕਾਰੋਬਾਰੀ ਮਾਹੌਲ ’ਚ ਸੁਧਾਰ ਦਰਜ ਕੀਤਾ ਗਿਆ। ਹਾਲਾਂਕਿ ਫਿਊਚਰ ਆਊਟਪੁਟ ਇੰਡੈਕਸ ਔਸਤ ਨਾਲੋਂ ਕਾਫ਼ੀ ਹੇਠਾਂ ਹੈ। ਇਸ ਦਾ ਕਾਰਣ ਇਹ ਹੈ ਕਿ ਕਈ ਕੰਪਨੀਆਂ ਅਰਥਵਿਵਸਥਾ ਦੀ ਸਥਿਤੀ ਨੂੰ ਲੈ ਕੇ ਚਿੰਤਿਤ ਹਨ। ਮਹਿੰਗਾਈ ਦੇ ਮੋਰਚੇ ’ਤੇ ਨਵੰਬਰ ’ਚ ਇਨਪੁਟ ਲਾਗਤ ਅਤੇ ਉਤਪਾਦਨ ਕੀਮਤ ਦੋਵਾਂ ’ਚ ਮਾਮੂਲੀ ਵਾਧਾ ਦਰਜ ਕੀਤਾ ਗਿਆ।
ਅੱਜ ਲਗਾਤਾਰ ਤੀਜਾ ਦਿਨ, ਪੈਟਰੋਲ ਅਤੇ ਡੀਜ਼ਲ ਦੇ ਭਾਅ ਸਥਿਰ
NEXT STORY 
