ਇਸਲਾਮਾਬਾਦ : ਹਿਮਾਲਿਆ ਤੋਂ ਨਿਕਲ ਕੇ ਭਾਰਤ ਦੇ ਰਸਤੇ ਪਾਕਿਸਤਾਨ ਵਿੱਚ ਵਹਿੰਦੀ ਸਿੰਧ ਨਦੀ ਪੁਰਾਣੇ ਸਮੇਂ ਤੋਂ ਸਭਿਅਤਾ ਦਾ ਕੇਂਦਰ ਰਹੀ ਹੈ। ਸਿੰਧੂ ਘਾਟੀ ਦੀ ਸਭਿਅਤਾ ਵੀ ਇਸ ਨਦੀ ਦੇ ਕੰਢੇ ਵਸੀ ਸੀ। ਇਸ ਨਦੀ ਦਾ ਜ਼ਿਕਰ ਰਿਗਵੇਦ ਵਿੱਚ ਵੀ ਮਿਲਦਾ ਹੈ। ਸਿੰਧੂ ਨਦੀ 3200 ਕਿਲੋਮੀਟਰ ਲੰਬੀ ਹੈ ਅਤੇ ਇਸ ਨੂੰ ਦੁਨੀਆ ਦੀਆਂ ਸਭ ਤੋਂ ਲੰਬੀਆਂ ਨਦੀਆਂ ਵਿੱਚ ਗਿਣਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : Siri 'ਤੇ ਜਾਸੂਸੀ ਦਾ ਦੋਸ਼! Apple ਨੂੰ ਦੇਣਾ ਪਵੇਗਾ 790 ਕਰੋੜ ਦਾ ਮੁਆਵਜ਼ਾ, ਜਾਣੋ ਪੂਰਾ ਮਾਮਲਾ
ਜਿੱਥੇ ਸਿੰਧੂ ਨਦੀ ਆਪਣੇ ਪਾਣੀ ਨਾਲ ਲੱਖਾਂ ਲੋਕਾਂ ਨੂੰ ਜਿਉਂਦਾ ਰੱਖਣ ਵਿੱਚ ਮਦਦ ਕਰਦੀ ਹੈ, ਉੱਥੇ ਇਸ ਦੇ ਅੰਦਰ 600 ਅਰਬ ਪਾਕਿਸਤਾਨੀ ਰੁਪਏ ਦਾ ਅਨਮੋਲ ਖਜ਼ਾਨਾ ਵੀ ਛੁਪਿਆ ਹੋਇਆ ਹੈ। ਜੀ ਹਾਂ, ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਅਟਕ ਜ਼ਿਲ੍ਹੇ ਵਿਚ ਸਿੰਧੂ ਨਦੀ ਵਿਚ ਸੋਨਾ ਅਤੇ ਹੋਰ ਕੀਮਤੀ ਖਣਿਜ ਵੱਡੇ ਪੱਧਰ 'ਤੇ ਪਾਏ ਜਾਂਦੇ ਹਨ। ਇਸ ਕਾਰਨ ਇਸ ਇਲਾਕੇ ਵਿੱਚ ਨਾਜਾਇਜ਼ ਮਾਈਨਿੰਗ ਸ਼ੁਰੂ ਹੋ ਗਈ ਹੈ। ਪਾਕਿਸਤਾਨੀ ਸਰਕਾਰ ਨੂੰ ਪਿਛਲੇ ਸਾਲ ਗੈਰ-ਕਾਨੂੰਨੀ ਮਾਈਨਿੰਗ 'ਤੇ ਪਾਬੰਦੀ ਲਗਾਉਣੀ ਪਈ ਸੀ। ਪਾਕਿਸਤਾਨ ਦੇ ਜਿਓਲਾਜੀਕਲ ਸਰਵੇ ਦੀ ਰਿਪੋਰਟ ਮੁਤਾਬਕ ਸਿੰਧੂ ਨਦੀ 'ਚ ਅਰਬਾਂ ਰੁਪਏ ਦੇ ਸੋਨੇ ਦੇ ਭੰਡਾਰ ਹੋ ਸਕਦੇ ਹਨ।
ਇਹ ਵੀ ਪੜ੍ਹੋ : ਇਨਕਮ ਟੈਕਸ ਨਾਲ ਜੁੜੇ ਇਹ ਨਵੇਂ ਬਦਲਾਅ ਬਚਾ ਸਕਦੇ ਹਨ ਤੁਹਾਡਾ ਟੈਕਸ, ਵਧਾ ਸਕਦੇ ਹਨ ਬਚਤ
ਪਾਕਿਸਤਾਨ ਸਰਕਾਰ ਹੁਣ ਇਸ ਦਾ ਮੋਟਾ ਫ਼ਾਇਦਾ ਲੈਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਇਲਾਕੇ ਦੇ ਲੋਕ ਰੇਤ ਜਾਂ ਬਜਰੀ ਦੇ ਅੰਦਰ ਛੁਪਿਆ ਸੋਨਾ ਕੱਢਣ ਲਈ ਵੱਡੇ ਪੱਧਰ 'ਤੇ ਨਾਜਾਇਜ਼ ਮਾਈਨਿੰਗ ਕਰ ਰਹੇ ਹਨ। ਪਾਕਿਸਤਾਨ ਸਰਕਾਰ ਨੇ ਧਾਰਾ 144 ਲਾਗੂ ਕਰ ਦਿੱਤੀ ਹੈ ਅਤੇ ਇੱਥੋਂ ਸੋਨਾ ਕੱਢਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਗ੍ਰਹਿ ਵਿਭਾਗ ਨੇ ਕਿਹਾ ਹੈ ਕਿ ਪਲੇਸਰ ਸੋਨੇ ਵਰਗੇ ਕੀਮਤੀ ਖਣਿਜਾਂ ਤੋਂ ਸਰਕਾਰੀ ਖਜ਼ਾਨੇ ਨੂੰ ਕਾਫੀ ਪੈਸਾ ਮਿਲ ਸਕਦਾ ਹੈ। ਪਾਕਿਸਤਾਨੀ ਮੀਡੀਆ ਮੁਤਾਬਕ ਇਹ ਸੋਨਾ ਪਾਕਿਸਤਾਨ ਦੇ ਉੱਤਰੀ ਇਲਾਕਿਆਂ 'ਚ ਪਹਾੜੀ ਇਲਾਕਿਆਂ ਤੋਂ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਸਿੰਧ ਨਦੀ 'ਚ ਆ ਗਿਆ।
ਇਹ ਵੀ ਪੜ੍ਹੋ : ਸਰਕਾਰ ਨੇ Tata Motors ਅਤੇ M&M ਨੂੰ ਦਿੱਤਾ ਨਵੇਂ ਸਾਲ ਦਾ ਤੋਹਫ਼ਾ
ਸਿੰਧੂ ਨਦੀ ਵਿੱਚ ਸੋਨਾ ਕਿੱਥੋਂ ਆਉਂਦਾ ਹੈ?
ਸਰਦੀਆਂ ਦੇ ਮੌਸਮ ਦੌਰਾਨ ਜਦੋਂ ਸਿੰਧੂ ਨਦੀ ਦੇ ਪਾਣੀ ਦਾ ਪੱਧਰ ਘੱਟ ਜਾਂਦਾ ਹੈ ਤਾਂ ਸਥਾਨਕ ਲੋਕ ਗੈਰ-ਕਾਨੂੰਨੀ ਢੰਗ ਨਾਲ ਸੋਨੇ ਦੇ ਕਣ ਇਕੱਠੇ ਕਰਨ ਜਾਂਦੇ ਹਨ। ਇਸ ਵਿੱਚ ਹੈਵੀ ਮਸ਼ੀਨਾਂ ਦੀ ਵੀ ਵਰਤੋਂ ਕੀਤੀ ਜਾ ਰਹੀ ਹੈ। ਮੰਨਿਆ ਜਾਂਦਾ ਹੈ ਕਿ 100 ਮਿਲੀਅਨ ਤੋਂ 60 ਮਿਲੀਅਨ ਸਾਲ ਪਹਿਲਾਂ ਧਰਤੀ ਦੀਆਂ ਦੋ ਪਲੇਟਾਂ ਵਿਚਕਾਰ ਟਕਰਾਉਣ ਤੋਂ ਬਾਅਦ ਹਿਮਾਲਿਆ ਦਾ ਜਨਮ ਹੋਇਆ ਸੀ ਅਤੇ ਇਸ ਤੋਂ ਸਿੰਧੂ ਨਦੀ ਨਿਕਲੀ ਸੀ। ਸਿੰਧੂ ਨਦੀ ਦੇ ਨਾਲ ਲੱਗਦੇ ਇਲਾਕੇ ਹਜ਼ਾਰਾਂ ਸਾਲ ਪਹਿਲਾਂ ਸਿੰਧੂ ਘਾਟੀ ਦੀ ਸਭਿਅਤਾ ਦਾ ਗੜ੍ਹ ਬਣ ਗਏ ਸਨ। ਸਿੰਧ ਨਦੀ ਸਦੀਆਂ ਤੋਂ ਹਿਮਾਲਿਆ ਦੀਆਂ ਪਹਾੜੀਆਂ ਤੋਂ ਸੋਨਾ ਵਹਾਅ ਕੇ ਲਿਆਂਦੀ ਰਹੀ ਹੈ। ਪਾਣੀ ਦੇ ਵਹਾਅ ਕਾਰਨ ਦਰਿਆ ਦੇ ਕੰਢੇ ਸੋਨੇ ਦੇ ਕਣ ਜਮ੍ਹਾਂ ਹੋ ਜਾਂਦੇ ਹਨ। ਇਸ ਨੂੰ ਪਲੇਸਰ ਡਿਪਾਜ਼ਿਟ ਕਿਹਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : SEBI ਦੀ ਰਿਪੋਰਟ 'ਚ ਸਾਹਮਣੇ ਆਇਆ ਭਾਰਤੀ ਸ਼ੇਅਰ ਬਾਜ਼ਾਰ ਦਾ ਨਵਾਂ ਵੱਡਾ ਘਪਲਾ, 65.77 ਕਰੋੜ ਰੁਪਏ ਜ਼ਬਤ
ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਸੂਬੇ ਦੀ ਸਰਕਾਰ ਨੇ ਵੀ ਸਿੰਧ ਨਦੀ ਦੇ ਖੇਤਰ ਦਾ ਸਰਵੇਖਣ ਕੀਤਾ ਹੈ। ਇਸ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸੋਨਾ ਹਿਮਾਲਿਆ ਖੇਤਰ ਤੋਂ ਵਹਿ ਕੇ ਪੇਸ਼ਾਵਰ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ਵਿਚ ਪਹੁੰਚ ਰਿਹਾ ਹੈ। ਸਿੰਧ ਅਤੇ ਕਾਬੁਲ ਨਦੀਆਂ ਸੋਨੇ ਦੇ ਕਣ ਵਹਾ ਰਹੀਆਂ ਹਨ। ਇਹ ਕਣ ਖਾਸ ਤੌਰ 'ਤੇ ਖੈਬਰ ਸੂਬੇ ਦੇ ਪੇਸ਼ਾਵਰ ਬੇਸਿਨ ਅਤੇ ਮਰਦਾਨ ਇਲਾਕੇ 'ਚ ਪਾਏ ਗਏ ਹਨ। ਇਹ ਸੋਨੇ ਦੇ ਕਣ ਸਮਤਲ, ਗੋਲ ਜਾਂ ਲਗਭਗ ਗੋਲ ਹੁੰਦੇ ਹਨ। ਇਹ ਦਰਸਾਉਂਦਾ ਹੈ ਕਿ ਸੋਨੇ ਦਾ ਸਰੋਤ ਹਿਮਾਲਿਆ ਦੇ ਦੂਰ-ਦੁਰਾਡੇ ਦੇ ਖੇਤਰਾਂ ਵਿੱਚ ਹੈ।
ਇਹ ਵੀ ਪੜ੍ਹੋ : EPFO Rules Change: ਨਵੇਂ ਸਾਲ 'ਚ EPFO ਨਾਲ ਜੁੜੇ ਅਹਿਮ ਬਦਲਾਅ, ਨੌਕਰੀ ਕਰਨ ਵਾਲਿਆਂ ਲਈ ਵੱਡੀ ਖ਼ਬਰ
ਸਿੰਧੂ ਨਦੀ 'ਚ 32.6 ਮੀਟ੍ਰਿਕ ਟਨ ਸੋਨਾ
ਪਾਕਿਸਤਾਨ ਦੇ ਡੇਲੀ ਪਾਰਲੀਮੈਂਟ ਟਾਈਮਜ਼ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਹੁਣ ਇਸ ਸੋਨੇ ਦੇ ਭੰਡਾਰ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਪਾਕਿਸਤਾਨੀ ਪੰਜਾਬ ਦੇ ਇੱਕ ਚੋਟੀ ਦੇ ਨੌਕਰਸ਼ਾਹ ਨੇ ਮੁੱਖ ਮੰਤਰੀ ਮਰੀਅਮ ਨਵਾਜ਼ ਦੇ ਮਾਈਨਿੰਗ ਆਰਡਰ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ। ਸੂਬੇ ਦੇ ਮਾਈਨਿੰਗ ਮੰਤਰੀ ਇਬਰਾਹਿਮ ਹਸਨ ਮੁਰਾਦ ਨੇ ਐਲਾਨ ਕੀਤਾ ਸੀ ਕਿ ਅਟੋਕ ਵਿੱਚ 32.6 ਮੀਟ੍ਰਿਕ ਟਨ ਸੋਨਾ ਹੈ।
ਪਾਕਿਸਤਾਨੀ ਰੁਪਏ 'ਚ ਇਸ ਦੀ ਕੀਮਤ 600 ਅਰਬ ਹੈ। ਇਹ ਸਾਰਾ ਸੋਨਾ 32 ਕਿਲੋਮੀਟਰ ਦੇ ਖੇਤਰ ਵਿੱਚ ਫੈਲਿਆ ਹੋਇਆ ਹੈ। ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ। ਸੂਬੇ ਦੇ ਅਧਿਕਾਰੀ ਚਾਹੁੰਦੇ ਹਨ ਕਿ ਇਸ ਖੇਤਰ ਵਿੱਚੋਂ ਸੋਨਾ ਕੱਢਣ ਦੀ ਬਜਾਏ ਪੱਥਰ ਅਤੇ ਜ਼ਿੰਕ ਦੀ ਮਾਈਨਿੰਗ ਨੂੰ ਦਿੱਤਾ ਜਾਵੇ। ਇਸ ਕਾਰਨ ਸੋਨਾ ਕੱਢਣ ਸਮੇਂ ਪੇਚ ਫਸ ਗਿਆ ਹੈ।
ਇਹ ਵੀ ਪੜ੍ਹੋ : Patanjali, Amul ਵਰਗੇ 18 ਵੱਡੇ ਬ੍ਰਾਂਡਾਂ ਦੇ ਘਿਓ 'ਚ ਮਿਲਿਆ ਖ਼ਤਰਨਾਕ ਕੈਮੀਕਲ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
HUL ਦਾ ਹੋ ਜਾਵੇਗਾ ਸਕਿਨਕੇਅਰ ਮਿਨਿਮਲਿਸਟ!
NEXT STORY 
