ਨਵੀਂ ਦਿੱਲੀ : ਪ੍ਰਮੁੱਖ ਐਡਟੈਕ ਕੰਪਨੀ ਬਾਈਜੂ ਦੇ ਮੌਜੂਦਾ ਨਿਵੇਸ਼ਕ ਕੰਪਨੀ ਦੇ ਬੋਰਡ ਢਾਂਚੇ ਵਿੱਚ ਬਦਲਾਅ ਦੀ ਮੰਗ ਕਰ ਰਹੇ ਹਨ। ਇਸ ਤੋਂ ਬਾਅਦ ਕੰਪਨੀ ਦੇ ਸੰਸਥਾਪਕ ਅਤੇ ਸੀਈਓ ਬਾਈਜੂ ਰਵੀਨਦਰਨ ਨੇ ਉਨ੍ਹਾਂ ਨੂੰ ਹੋਰ ਕੰਟਰੋਲ ਦੇ ਬਦਲੇ ਕੰਪਨੀ ਵਿੱਚ 300 ਕਰੋੜ ਡਾਲਰ ਦਾ ਨਿਵੇਸ਼ ਕਰਨ ਲਈ ਕਿਹਾ ਹੈ। ਕੰਪਨੀ ਨੇ ਜਨਰਲ ਅਟਲਾਂਟਿਕ, ਸੋਫੀਨਾ, ਕਤਰ ਇਨਵੈਸਟਮੈਂਟ ਅਥਾਰਟੀ (ਕਿਊਆਈਏ), ਸੁਮੇਰੂ ਵੈਂਚਰਸ, ਵਿਟਰੂਵਿਅਨ ਪਾਰਟਨਰਜ਼, ਬਲੈਕਰੌਕ, ਚੈਨ ਜ਼ੁਕਰਬਰਗ ਇਨੀਸ਼ੀਏਟਿਵ, ਸੇਕੋਆ, ਸਿਲਵਰ ਲੇਕ, ਬਾਂਡ ਕੈਪੀਟਲ, ਟੈਨਸੈਂਟ ਅਤੇ ਟਾਈਗਰ ਗਲੋਬਲ ਵਰਗੇ ਨਿਵੇਸ਼ਕਾਂ ਤੋਂ ਕਰੀਬ 5.8 ਅਰਬ ਡਾਲਰ ਇਕੱਠੇ ਕੀਤੇ ਹਨ।
ਇਹ ਵੀ ਪੜ੍ਹੋ - ਨਵੇਂ ਸਾਲ ਤੋਂ ਪਹਿਲਾਂ Paytm ਨੇ ਦਿੱਤਾ ਵੱਡਾ ਝਟਕਾ, 1000 ਤੋਂ ਵੱਧ ਕਰਮਚਾਰੀ ਕੱਢੇ ਨੌਕਰੀ ਤੋਂ ਬਾਹਰ
ਇਸ ਮਾਮਲੇ ਤੋਂ ਜਾਣੂ ਇਕ ਵਿਅਕਤੀ ਨੇ ਕਿਹਾ, “ਮੌਜੂਦਾ ਸ਼ੇਅਰਧਾਰਕਾਂ ਨੇ ਕੰਪਨੀ ਨੂੰ ਚਲਾਉਣ ਵਿਚ ਆਪਣੀ ਭੂਮਿਕਾ ਵਧਾਉਣ ਲਈ ਰਵੀਨਦਰਨ ਨੂੰ ਬੋਰਡ ਢਾਂਚੇ ਨੂੰ ਬਦਲਣ ਲਈ ਕਿਹਾ ਹੈ। ਰਵਿੰਦਰਨ ਨੇ ਉਨ੍ਹਾਂ ਨੂੰ ਕੰਪਨੀ 'ਚ ਹੋਰ ਕੰਟਰੋਲ ਦੇ ਬਦਲੇ ਕਰੀਬ 30 ਕਰੋੜ ਡਾਲਰ ਦਾ ਨਿਵੇਸ਼ ਕਰਨ ਲਈ ਕਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਸਬੰਧ 'ਚ ਗੱਲਬਾਤ ਚੱਲ ਰਹੀ ਹੈ ਅਤੇ ਕੁਝ ਮਹੀਨਿਆਂ 'ਚ ਸੌਦਾ ਤੈਅ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ - ਕੈਨੇਡਾ ਰਹਿ ਰਹੇ ਪੰਜਾਬ ਦੇ ਵਿਦਿਆਰਥੀਆਂ ਲਈ ਖ਼ਾਸ ਖ਼ਬਰ, ਓਰੇਨ ਦੇ ਰਿਹਾ 'ਸੁਨਹਿਰੀ ਤੋਹਫ਼ਾ'
ਜੇਕਰ ਇਸ ਨੂੰ ਨਿਵੇਸ਼ਕਾਂ ਤੋਂ ਜ਼ਿਆਦਾ ਪੈਸਾ ਮਿਲਦਾ ਹੈ, ਤਾਂ ਨਕਦੀ ਦੀ ਕਿੱਲਤ ਦਾ ਸਾਹਮਣਾ ਕਰ ਰਹੀ ਬਾਈਜੂ ਲਈ ਆਪਣੀਆਂ ਸਾਰੀਆਂ ਵਿੱਤੀ ਦੇਣਦਾਰੀਆਂ ਨੂੰ ਪੂਰਾ ਕਰਨਾ, ਕੰਪਨੀ ਚਲਾਉਣਾ ਅਤੇ ਰਿਣਦਾਤਿਆਂ ਨਾਲ ਕਾਨੂੰਨੀ ਵਿਵਾਦਾਂ ਨੂੰ ਸੁਲਝਾਉਣਾ ਆਸਾਨ ਹੋ ਜਾਵੇਗਾ। BYJU'S ਨੂੰ ਲੰਬੇ ਸਮੇਂ ਦੇ ਮਾਡਲ ਬਣਾਉਣ ਲਈ ਆਪਣੇ ਨੁਕਸਾਨ ਨੂੰ ਮਹੱਤਵਪੂਰਨ ਤੌਰ 'ਤੇ ਘਟਾਉਣ ਦੀ ਚੁਣੌਤੀ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ। ਫੰਡ ਜੁਟਾਉਣ ਲਈ ਨਿਵੇਸ਼ਕਾਂ ਨਾਲ ਗੱਲਬਾਤ ਦੇ ਸਬੰਧ ਵਿੱਚ ਬਾਈਜੂ ਵੱਲੋਂ ਕੋਈ ਜਵਾਬ ਨਹੀਂ ਮਿਲ ਸਕਿਆ।
ਇਹ ਵੀ ਪੜ੍ਹੋ - ਵਿਦੇਸ਼ੀ ਦੌਰੇ ਤੋਂ ਪਰਤੇ ਮੁਸਾਫ਼ਰ ਦਾ ਚੈੱਕ-ਇਨ ਸਾਮਾਨ ਹੋਇਆ ਗੁੰਮ, ਏਅਰਲਾਈਨ ਨੂੰ ਲੱਗਾ ਇੰਨਾ ਜੁਰਮਾਨਾ
ਬਾਈਜੂ ਦੀ ਵਰਚੁਅਲ ਸਾਲਾਨਾ ਜਨਰਲ ਮੀਟਿੰਗ (ਏ.ਜੀ.ਐਮ.) 20 ਦਸੰਬਰ ਨੂੰ ਹੋਈ ਸੀ, ਜਿਸ ਵਿੱਚ ਸੰਸਾਧਨਾਂ ਅਤੇ ਲੇਖਾ-ਜੋਖਾ ਦੇ ਤਰੀਕਿਆਂ ਨੂੰ ਸੰਭਾਲਣ 'ਤੇ ਅੰਦਰੂਨੀ ਨਿਯੰਤਰਣ ਦੀ ਘਾਟ ਦਾ ਮੁੱਦਾ ਜ਼ੋਰ-ਸ਼ੋਰ ਨਾਲ ਉਠਾਇਆ ਗਿਆ ਸੀ। ਮੀਟਿੰਗ ਵਿੱਚ 60 ਦੇ ਕਰੀਬ ਸ਼ੇਅਰਧਾਰਕ ਸਨ। ਸੂਤਰਾਂ ਅਨੁਸਾਰ ਉਨ੍ਹਾਂ ਨੇ ਸੰਸਥਾਪਕ ਬੀਜੂ ਰਵੀਨਦਰਨ ਨੂੰ ਕੰਪਨੀ ਦੀ ਵਿੱਤੀ ਹਾਲਤ ਅਤੇ ਤੰਦਰੁਸਤੀ ਬਾਰੇ ਹੋਰ ਪਾਰਦਰਸ਼ੀ ਹੋਣ ਲਈ ਕਿਹਾ।
ਸ਼ੇਅਰਧਾਰਕਾਂ ਨੂੰ ਪੇਸ਼ ਕੀਤੇ ਵਿੱਤੀ ਅੰਕੜਿਆਂ ਦੇ ਅਨੁਸਾਰ, ਬਾਈਜੂ ਦੀ ਮੂਲ ਕੰਪਨੀ ਥਿੰਕ ਐਂਡ ਲਰਨ ਨੂੰ ਵਿੱਤੀ ਸਾਲ 2022 ਵਿੱਚ ਕੁੱਲ 8,245 ਕਰੋੜ ਰੁਪਏ ਦਾ ਘਾਟਾ ਹੋਇਆ ਸੀ। 2020-21 'ਚ ਨੁਕਸਾਨ ਸਿਰਫ 4,564 ਕਰੋੜ ਰੁਪਏ ਸੀ। ਬਾਈਜੂ ਨੇ 2020 ਵਿੱਚ ਕੋਡਿੰਗ ਸਟਾਰਟਅੱਪ ਵ੍ਹਾਈਟਹੈਟ ਜੂਨੀਅਰ ਨੂੰ 30 ਕਰੋੜ ਡਾਲਰ ਵਿੱਚ ਹਾਸਲ ਕੀਤਾ ਸੀ, ਜਿਸ ਨੂੰ ਰਾਈਟ ਆਫ ਕਰ ਦਿੱਤਾ ਗਿਆ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਕਾਰਨ ਕੰਪਨੀ ਦਾ ਘਾਟਾ ਵਧਿਆ ਹੈ।
ਇਹ ਵੀ ਪੜ੍ਹੋ - ਸ਼ੇਅਰ ਬਾਜ਼ਾਰ ’ਚ ਗਿਰਾਵਟ ਕਾਰਨ 288 ਅਰਬਪਤੀਆਂ ਨੂੰ ਪਿਆ ਘਾਟਾ, ਅਡਾਨੀ-ਮਸਕ ਹੋਏ ਸਭ ਤੋਂ ਵੱਧ ਕੰਗਾਲ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਚੀਨ ਨੇ ਅਰਬਾਂ ਡਾਲਰ ਦੇ ਨੁਕਸਾਨ ਦੇ ਬਾਅਦ 105 ਆਨਲਾਈਨ ਗੇਮਾਂ ਨੂੰ ਦਿੱਤੀ ਮਨਜ਼ੂਰੀ
NEXT STORY 
