ਬਿਜ਼ਨੈੱਸ ਡੈਸਕ : ਨਵੇਂ ਸਾਲ 'ਚ ਵਿੱਤੀ ਖੇਤਰ 'ਚ ਨਵੇਂ ਚਿਹਰੇ ਦੇਖਣ ਨੂੰ ਮਿਲਣ ਵਾਲੇ ਹਨ। ਭਾਰਤੀ ਸਟੇਟ ਬੈਂਕ (SBI) ਦੇ ਚੇਅਰਮੈਨ ਦਿਨੇਸ਼ ਖਾਰਾ ਨੂੰ 2023 ਵਿੱਚ ਵਿਸਤਾਰ ਮਿਲਿਆ ਸੀ। ਉਹ ਅਗਲੇ ਸਾਲ ਅਗਸਤ ਵਿੱਚ 63 ਸਾਲ ਦੀ ਉਮਰ ਵਿੱਚ ਆਪਣਾ ਮੌਜੂਦਾ ਕਾਰਜਕਾਲ ਪੂਰਾ ਕਰਨਗੇ। ਦੋ ਹੋਰ ਜਨਤਕ ਖੇਤਰ ਦੇ ਬੈਂਕਾਂ ਦੇ ਐੱਮਡੀ ਅਤੇ ਸੀਈਓ, ਪੰਜਾਬ ਨੈਸ਼ਨਲ ਬੈਂਕ (ਪੀਐੱਨਬੀ) ਦੇ ਅਤੁਲ ਕੁਮਾਰ ਗੋਇਲ ਅਤੇ ਇੰਡੀਅਨ ਬੈਂਕ ਦੇ ਐੱਸਐੱਲ ਜੈਨ ਦਾ ਮੌਜੂਦਾ ਕਾਰਜਕਾਲ ਦਸੰਬਰ 2024 ਦੇ ਅੰਤ ਵਿੱਚ ਖ਼ਤਮ ਹੋਵੇਗਾ।
ਇਹ ਵੀ ਪੜ੍ਹੋ - ਟਿਕਟ ਬੁੱਕ ਕਰਾਉਣ ਦੇ ਬਾਵਜੂਦ ਮੁਸਾਫਰ ਨੂੰ ਨਹੀਂ ਮਿਲੀ ਬੈਠਣ ਲਈ ਸੀਟ, ਰੇਲਵੇ ਨੂੰ ਹੋਇਆ ਜੁਰਮਾਨਾ
ਜਿੱਥੋਂ ਤੱਕ ਨਿੱਜੀ ਖੇਤਰ ਦੇ ਬੈਂਕਾਂ ਦਾ ਸਵਾਲ ਹੈ ਤਾਂ ਨਵੇਂ ਸਾਲ ਵਿੱਚ ਕੋਟਕ ਮਹਿੰਦਰਾ ਬੈਂਕ ਨੂੰ ਇੱਕ ਨਵਾਂ ਐੱਮਡੀ ਅਤੇ ਸੀਈਓ ਮਿਲੇਗਾ। ਅਸ਼ੋਕ ਵਾਸਵਾਨੀ ਜਨਵਰੀ 2024 ਵਿੱਚ ਕੋਟਕ ਮਹਿੰਦਰਾ ਬੈਂਕ ਦੇ ਨਵੇਂ ਐੱਮਡੀ ਅਤੇ ਸੀਈਓ ਵਜੋਂ ਅਹੁਦਾ ਸੰਭਾਲਣਗੇ। ਨਿੱਜੀ ਖੇਤਰ ਦੇ ਰਿਣਦਾਤਾ DCB ਬੈਂਕ ਨੇ ਇੱਕ ਨਵੇਂ ਸੀਈਓ ਦੀ ਭਾਲ ਲਈ ਇੱਕ ਖੋਜ ਕਮੇਟੀ ਦਾ ਗਠਨ ਕੀਤਾ ਹੈ। ਬੈਂਕ ਦੇ ਮੌਜੂਦਾ ਐੱਮਡੀ ਅਤੇ ਸੀਈਓ ਮੁਰਲੀ ਨਟਰਾਜਨ ਦਾ ਕਾਰਜਕਾਲ ਅਪ੍ਰੈਲ 2024 ਵਿੱਚ ਖ਼ਤਮ ਹੋਣ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ - ਲਸਣ ਨੇ ਕੱਢੇ ਮਹਿੰਗਾਈ ਦੇ ਵੱਟ, 200 ਰੁਪਏ ਕਿਲੋ ਹੋਈ ਕੀਮਤ, ਕਿਸਾਨ ਮਾਲਾਮਾਲ
ਆਰਬੀਆਈ ਦੇ ਨਿਯਮਾਂ ਮੁਤਾਬਕ ਕੋਈ ਵਿਅਕਤੀ ਨਿੱਜੀ ਬੈਂਕ ਦਾ ਸੀਈਓ ਵੱਧ ਤੋਂ ਵੱਧ 15 ਸਾਲ ਤੱਕ ਹੀ ਰਹਿ ਸਕਦਾ ਹੈ। ਫੈਡਰਲ ਬੈਂਕ ਦੇ ਐੱਮਡੀ ਅਤੇ ਸੀਈਓ ਸ਼ਿਆਮ ਸ੍ਰੀਨਿਵਾਸਨ ਦਾ ਮੌਜੂਦਾ ਕਾਰਜਕਾਲ ਸਤੰਬਰ 2024 ਵਿੱਚ ਖ਼ਤਮ ਹੋਵੇਗਾ। ਉਹ 14 ਸਾਲ ਪੂਰੇ ਕਰੇਗਾ ਅਤੇ ਉਸ ਨੂੰ ਇੱਕ ਸਾਲ ਦਾ ਵਾਧਾ ਦਿੱਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ - ਕੈਨੇਡਾ ਰਹਿ ਰਹੇ ਪੰਜਾਬ ਦੇ ਵਿਦਿਆਰਥੀਆਂ ਲਈ ਖ਼ਾਸ ਖ਼ਬਰ, ਓਰੇਨ ਦੇ ਰਿਹਾ 'ਸੁਨਹਿਰੀ ਤੋਹਫ਼ਾ'
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
1000 ਰੁਪਏ ਤੋਂ ਪਾਰ ਲਿਸਟ ਹੋਇਆ ਪੰਜਾਬ ਦੀ ਇਸ ਮਸ਼ਹੂਰ ਕੰਪਨੀ ਦਾ IPO, ਨਿਵੇਸ਼ਕ ਹੋਏ ਮਾਲਾਮਾਲ
NEXT STORY 
