ਨਵੀਂ ਦਿੱਲੀ (ਭਾਸ਼ਾ) - ਸਰਕਾਰੀ ਮਾਲਕੀ ਵਾਲੀ ਆਇਲ ਇੰਡੀਆ ਲਿਮਟਿਡ (ਓਆਈਐਲ) ਨੇ ਅਮਰੀਕਾ ਦੇ ਸ਼ੈਲ ਆਇਲ ਉੱਦਮ ਤੋਂ ਬਾਹਰ ਹੋ ਗਈ ਹੈ। ਕੰਪਨੀ ਨੇ ਉੱਦਮ ਵਿੱਚ ਆਪਣੀ 20 ਪ੍ਰਤੀਸ਼ਤ ਹਿੱਸੇਦਾਰੀ ਇੱਕ ਉੱਦਮ ਭਾਈਵਾਲ ਨੂੰ 2.5 ਕਰੋੜ ਡਾਲਰ ਵਿੱਚ ਵੇਚ ਦਿੱਤੀ ਹੈ। ਇਸ ਫ਼ੈਸਲੇ ਦੇ ਨਾਲ ਹੀ ਇਹ ਦੋ ਮਹੀਨਿਆਂ ਵਿੱਚ ਅਮਰੀਕੀ ਸ਼ੈਲ ਕਾਰੋਬਾਰ ਤੋਂ ਬਾਹਰ ਨਿਕਲਣ ਵਾਲੀ ਦੂਜੀ ਭਾਰਤੀ ਕੰਪਨੀ ਬਣ ਗਈ ਹੈ।
ਕੰਪਨੀ ਨੇ ਸਟਾਕ ਐਕਸਚੇਂਜਾਂ ਨੂੰ ਇੱਕ ਸੰਚਾਰ ਵਿੱਚ ਕਿਹਾ, "ਆਇਲ ਇੰਡੀਆ (ਯੂਐਸਏ) ਇੰਕ. (ਓਆਈਐਲ ਦੀ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ) ਨੇ ਨਿਓਬਰਾਰਾ ਸ਼ੈੱਲ ਸੰਪਤੀਆਂ ਵਿੱਚ ਆਪਣੀ ਪੂਰੀ ਹਿੱਸੇਦਾਰੀ ਵੇਚ ਦਿੱਤੀ ਹੈ।"
ਆਇਲ ਇੰਡੀਆ ਅਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ (OIC) ਨੇ ਅਕਤੂਬਰ 2012 ਵਿੱਚ ਕੋਲੋਰਾਡੋ ਵਿੱਚ ਹਿਊਸਟਨ ਸਥਿਤ ਕੈਰੀਜ਼ੋ ਆਇਲ ਐਂਡ ਗੈਸ ਦੀ ਨਿਓਬਰਾਰਾ ਸ਼ੈਲ ਸੰਪਤੀਆਂ ਵਿੱਚ 30 ਪ੍ਰਤੀਸ਼ਤ ਹਿੱਸੇਦਾਰੀ 8.25 ਕਰੋੜ ਡਾਲਰ ਵਿੱਚ ਖਰੀਦੀ ਸੀ।
ਇਹ ਵੀ ਪੜ੍ਹੋ : ਲਾਈਫ ਇੰਸ਼ੋਰੈਂਸ ਲੈਣ ਲਈ ਇਨ੍ਹਾਂ ਲੋਕਾਂ ਨੂੰ ਕਰਨੀ ਪੈ ਰਹੀ ਹੈ ਲੰਮੀ ਉਡੀਕ, 6 ਮਹੀਨਿਆਂ ਦਾ ਵੇਟਿੰਗ ਪੀਰੀਅਡ
OIL ਦੀ ਸਹਾਇਕ ਕੰਪਨੀ ਨੇ 20 ਫੀਸਦੀ ਹਿੱਸੇਦਾਰੀ ਹਾਸਲ ਕੀਤੀ ਸੀ, ਆਈਓਸੀ ਨੇ ਆਪਣੀ ਸਬੰਧਤ ਸਹਾਇਕ ਕੰਪਨੀ ਰਾਹੀਂ ਕੈਰੀਜ਼ੋ ਦੇ ਨਿਓਬਰਾਰਾ ਬੇਸਿਨ ਸੰਪਤੀਆਂ ਵਿੱਚ 10 ਫੀਸਦੀ ਹਿੱਸੇਦਾਰੀ ਹਾਸਲ ਕੀਤੀ ਸੀ।
8.25 ਕਰੋੜ ਡਾਲਰ ਦੇ ਕੁੱਲ ਨਿਵੇਸ਼ ਵਿੱਚ 4.12 ਕਰੋੜ ਡਾਲਰ ਦਾ ਅਗਾਊਂ ਭੁਗਤਾਨ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਬਾਕੀ 4.12 ਕਰੋੜ ਡਾਲਰ ਦਾ ਭੁਗਤਾਨ ਕੈਰੀਜ਼ੋ ਦੇ ਭਵਿੱਖ ਦੀ ਡ੍ਰਿਲੰਗ ਅਤੇ ਵਿਕਾਸ ਲਾਗਤਾਂ ਲਈ ਅਦਾ ਕੀਤੇ ਜਾਣੇ ਸਨ।
ਆਇਲ ਇੰਡੀਆ ਨੇ ਇਹ ਹਿੱਸੇਦਾਰੀ ਵੇਰਦਾਦ ਰਿਸੋਰਸਜ਼ ਐਲਐਲਸੀ ਨੂੰ ਵੇਚ ਦਿੱਤੀ ਹੈ, ਜੋ ਸੰਪਤੀ ਦੇ ਸੰਚਾਲਕ ਹੈ। ਕੈਰੀਜ਼ੋ ਨੇ ਜਨਵਰੀ 2018 ਵਿੱਚ ਵੇਰਦਾਦ ਰਿਸੋਰਸਜ਼ ਨੂੰ ਨਿਓਬਰਾਰਾ ਦੀ ਜਾਇਦਾਦ ਵੇਚ ਦਿੱਤੀ। ਇਸ ਤੋਂ ਬਾਅਦ ਉਹ ਇਸ ਜਾਇਦਾਦ ਦੀ ਨਵੀਂ ਸੰਚਾਲਕ ਬਣ ਗਈ।
ਓਆਈਐਲ ਤੋਂ ਪਹਿਲਾਂ, ਰਿਲਾਇੰਸ ਇੰਡਸਟਰੀਜ਼ ਨੇ ਅਮਰੀਕਾ ਵਿੱਚ ਸ਼ੈਲ ਸੰਪਤੀਆਂ ਤੋਂ ਬਾਹਰ ਨਿਕਲਣ ਦਾ ਐਲਾਨ ਕੀਤਾ ਸੀ। ਰਿਲਾਇੰਸ ਨੇ ਇਹ ਕਦਮ ਇਸ ਲਈ ਚੁੱਕਿਆ ਸੀ ਕਿਉਂਕਿ ਯੂਐਸ ਸ਼ੈਲ ਅਸੈਟਸ ਵਿੱਚ ਰਿਟਰਨ ਆਕਰਸ਼ਕ ਨਹੀਂ ਸੀ।
ਇਹ ਵੀ ਪੜ੍ਹੋ : ਕੋਰੋਨਾ ਦੇ ਦੌਰ 'ਚ ਬੈਂਕਾਂ ਦੇ ਕਰਜ਼ੇ 'ਚ ਆਇਆ ਭਾਰੀ ਉਛਾਲ, 9.16 ਫੀਸਦੀ ਵਧਿਆ ਕਰਜ਼ਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸਟਾਰਟਅਪ ’ਚ ਸਾਲਾਨਾ ਨਿਵੇਸ਼ ਵਧ ਕੇ 36 ਅਰਬ ਡਾਲਰ ਹੋਇਆ : ਅਨੁਰਾਗ ਜੈਨ
NEXT STORY 
