ਮੁੰਬਈ— ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਸਰਕਾਰੀ ਰਿਣਦਾਤਾ ਪੰਜਾਬ ਨੈਸ਼ਨਲ ਬੈਂਕ (ਪੀ. ਐੱਨ. ਬੀ.) ਨੇ ਸੋਮਵਾਰ ਨੂੰ ਕਿਹਾ ਕਿ ਉਸ ਨੇ ਆਪਣੀ ਰੇਪੋ ਲਿੰਕਡ ਉਧਾਰ ਦਰ (ਆਰ. ਐੱਲ. ਐੱਲ. ਆਰ.) ਨੂੰ 40 ਬੇਸਿਸ ਅੰਕ (ਬੀ. ਪੀ. ਐੱਸ.) ਘਟਾ ਕੇ 7.05 ਫੀਸਦੀ ਤੋਂ 6.65 ਫੀਸਦੀ ਕਰ ਦਿੱਤੀ ਹੈ। ਬੈਂਕ ਨੇ ਐੱਮ. ਸੀ. ਐੱਲ. ਆਰ. ਆਧਾਰਿਤ ਕਰਜ਼ ਦਰਾਂ 'ਚ ਵੀ 0.15 ਫੀਸਦੀ ਤੱਕ ਦੀ ਕਟੌਤੀ ਕੀਤੀ ਹੈ।
ਪੀ. ਐੱਨ. ਬੀ. ਨੇ ਬਚਤ ਖਾਤੇ ਦੀ ਵਿਆਜ ਦਰ ਵੀ 0.50 ਫੀਸਦੀ ਘਟਾ ਦਿੱਤੀ ਹੈ, ਹੁਣ ਵੱਧ ਤੋਂ ਵੱਧ ਇਹ ਦਰ 3.25 ਫੀਸਦੀ ਰਹਿ ਗਈ ਹੈ, ਜੋ 1 ਜੁਲਾਈ ਤੋਂ ਲਾਗੂ ਹੋਵੇਗੀ। ਇਸ ਦੇ ਨਾਲ ਬੈਂਕ ਨੇ ਫਿਕਸਡ ਡਿਪਾਜ਼ਿਟ (ਐੱਫ. ਡੀ.) ਦਰਾਂ ਨੂੰ ਵੀ ਹੋਰ ਘਟਾ ਦਿੱਤਾ ਹੈ, ਹੁਣ ਐੱਫ. ਡੀ. 'ਤੇ ਵੱਧ ਤੋਂ ਵੱਧ ਵਿਆਜ ਦਰ 5.50 ਫੀਸਦੀ ਰਹਿ ਗਈ ਹੈ, ਜੋ ਸੋਮਵਾਰ ਤੋਂ ਲਾਗੂ ਹੋ ਚੁੱਕੀ ਹੈ।ਉੱਥੇ ਹੀ, 60 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਪੀ. ਐੱਨ. ਬੀ. ਹੁਣ ਐੱਫ. ਡੀ. 'ਤੇ ਜਨਰਲ ਪਬਿਲਕ ਨਾਲੋਂ 0.75 ਫੀਸਦੀ ਵਿਆਜ ਦੇ ਰਿਹਾ ਹੈ। ਇਸ ਤੋਂ ਪਿਛਲੇ ਹਫਤੇ ਬੈਂਕ ਆਫ ਇੰਡੀਆ (ਬੀ. ਆਈ. ਓ.) ਤੇ ਯੂਕੋ ਬੈਂਕ ਨੇ ਰੇਪੋ ਦਰ ਨਾਲ ਲਿੰਕਡ ਬਾਹਰੀ ਬੈਂਚਮਾਰਕ ਦਰਾਂ 'ਚ 0.40 ਫੀਸਦੀ ਦੀ ਕਟੌਤੀ ਕੀਤੀ ਸੀ।
ਬੀ. ਆਈ. ਓ. ਦੀ ਬਾਹਰੀ ਬੈਂਚਮਾਰਕ ਦਰ 6.85 ਫੀਸਦੀ, ਜਦੋਂ ਕਿ ਯੂਕੋ ਬੈਂਕ ਦੀ ਰੇਪੋ ਆਧਾਰਿਤ ਉਧਾਰ 6.90 ਫੀਸਦੀ ਹੈ। ਸਰਕਾਰੀ ਬੈਂਕਾਂ ਨੇ ਇਹ ਕਦਮ ਭਾਰਤੀ ਰਿਜ਼ਰਵ ਬੈਂਕ ਵੱਲੋਂ ਉਸ ਦੀ ਰੇਪੋ ਦਰ 'ਚ ਕੀਤੀ ਗਈ 0.40 ਫੀਸਦੀ ਦੀ ਕਟੌਤੀ ਮਗਰੋਂ ਚੁੱਕਿਆ ਹੈ। ਹੁਣ ਭਾਰਤੀ ਰਿਜ਼ਰਵ ਬੈਂਕ ਦੀ ਰੇਪੋ ਦਰ 4.40 ਫੀਸਦੀ ਹੈ, ਜਿਸ 'ਤੇ ਵਪਾਰਕ ਬੈਂਕਾਂ ਨੂੰ ਰੋਜ਼ਾਨਾ ਜ਼ਰੂਰਤ ਲਈ ਉਧਾਰ ਮਿਲਦਾ ਹੈ। ਇਸ 'ਚ ਕਟੌਤੀ ਹੋਣ ਨਾਲ ਬੈਂਕਾਂ ਨੇ ਗਾਹਕਾਂ ਨੂੰ ਕਰਜ਼ ਦਰਾਂ 'ਚ ਰਾਹਤ ਦਿੱਤੀ ਹੈ।
ਹੀਰੋ ਮੋਟੋਕਾਰਪ ਦੀ ਵਿਕਰੀ ਮਈ ਵਿਚ 83 ਫੀਸਦੀ ਡਿੱਗੀ
NEXT STORY 
