ਮੁੰਬਈ — ਅੰਬਾਨੀ ਨੇ ਕੋਵਿਡ -19 ਲਾਗ ਦੌਰਾਨ ਆਪਣੇ ਤਕਨੀਕੀ ਅਤੇ ਪ੍ਰਚੂਨ ਕਾਰੋਬਾਰਾਂ ਲਈ 6.5 ਬਿਲੀਅਨ ਡਾਲਰ ਇਕੱਠੇ ਕੀਤੇ। ਹੁਣ ਅੰਬਾਨੀ ਤੇਲ ਦੇ ਕਾਰੋਬਾਰ 'ਤੇ ਨਿਰਭਰਤਾ ਘਟਾਉਣਾ ਅਤੇ ਕਾਰੋਬਾਰ ਨੂੰ ਵੱਖ-ਵੱਖ ਸੈਕਟਰਾਂ 'ਚ ਫੈਲਾਉਣਾ ਚਾਹੁੰਦੇ ਹਨ। ਇਸਦੇ ਨਾਲ ਹੀ ਉਹ ਆਪਣੇ ਬੱਚਿਆਂ ਆਕਾਸ਼, ਈਸ਼ਾ ਅਤੇ ਅਨੰਤ ਵਿਚਕਾਰ ਕਾਰੋਬਾਰ ਨੂੰ ਵੰਡਣਾ ਚਾਹੁੰਦੇ ਹਨ। ਅੰਬਾਨੀ ਨੇ ਆਪਣੀ ਉੱਤਰਾਧਿਕਾਰੀ ਯੋਜਨਾ ਬਾਰੇ ਕੋਈ ਜਨਤਕ ਘੋਸ਼ਣਾ ਨਹੀਂ ਕੀਤੀ ਹੈ, ਪਰ ਮਾਹਰ ਕਹਿੰਦੇ ਹਨ ਕਿ ਜਿਸ ਤਰ੍ਹਾਂ ਅੰਬਾਨੀ ਨੇ ਪ੍ਰਚੂਨ ਅਤੇ ਡਿਜੀਟਲ ਵਿਚ ਕਾਰੋਬਾਰ ਦਾ ਵਾਧਾ ਕੀਤਾ ਹੈ, ਇਸ ਤੋਂ ਇਹ ਸਪੱਸ਼ਟ ਹੈ ਕਿ ਉਹ ਕਾਰੋਬਾਰ ਦੀ ਕਮਾਨ ਅਗਲੀ ਪੀੜ੍ਹੀ ਨੂੰ ਸੌਂਪਣ ਦੀ ਤਿਆਰੀ ਕਰ ਰਹੇ ਹਨ।
ਰਿਫਾਇਨਿੰਗ ਅਤੇ ਪੈਟਰੋ ਕੈਮੀਕਲਜ਼ 'ਤੇ ਨਿਰਭਰਤਾ
ਰਿਲਾਇੰਸ ਦਾ ਕਾਰੋਬਾਰ ਅਜੇ ਵੀ ਵੱਡੇ ਪੱਧਰ 'ਤੇ ਕੱਚੇ ਤੇਲ ਦੀ ਸੋਧਣ ਅਤੇ ਪੈਟਰੋ ਕੈਮੀਕਲ 'ਤੇ ਨਿਰਭਰ ਕਰਦਾ ਹੈ ਪਰ ਇਸ ਦੀ ਰਿਟੇਲ ਕੰਪਨੀ ਰਿਲਾਇੰਸ ਰਿਟੇਲ ਮਾਲੀਆ ਦੁਆਰਾ ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਹੈ। ਜੇ ਫਿਊਚਰ ਗਰੁੱਪ ਨਾਲ ਇਸਦਾ ਸੌਦਾ ਪੂਰਾ ਹੋ ਜਾਂਦਾ ਹੈ ਤਾਂ ਰਿਟੇਲ ਵਿਚ ਰਿਲਾਇੰਸ ਦਾ ਦਬਦਬਾ ਸਥਾਪਤ ਹੋ ਜਾਵੇਗਾ। ਫੇਸਬੁੱਕ ਅਤੇ ਗੂਗਲ ਵਰਗੀਆਂ ਪ੍ਰਮੁੱਖ ਤਕਨੀਕੀ ਕੰਪਨੀਆਂ ਨੇ ਰਿਲਾਇੰਸ ਦੀ ਡਿਜੀਟਲ ਕੰਪਨੀ ਜਿਓ ਪਲੇਟਫਾਰਮਸ ਵਿਚ ਨਿਵੇਸ਼ ਕੀਤਾ ਹੈ। ਅੰਬਾਨੀ ਦੇ ਬੱਚੇ ਪਹਿਲਾਂ ਹੀ ਰਿਲਾਇੰਸ ਦੇ ਕਾਰੋਬਾਰ ਵਿਚ ਆਪਣੀ ਪਸੰਦ ਅਨੁਸਾਰ ਮਹੱਤਵਪੂਰਣ ਭੂਮਿਕਾ ਨਿਭਾ ਰਹੇ ਹਨ। ਅੰਬਾਨੀ ਦੇ ਜੁੜਵਾ ਬੱਚੇ ਈਸ਼ਾ ਅਤੇ ਆਕਾਸ਼ ਨੇ ਕੰਪਨੀ ਨੂੰ ਡਿਜੀਟਲ ਕਾਰੋਬਾਰ ਵਿਚ ਦਾਖ਼ਲ ਹੋਣ ਲਈ ਜ਼ੋਰ ਪਾਇਆ ਸੀ।
ਇਹ ਵੀ ਪੜ੍ਹੋ : ਦੀਵਾਲੀ 'ਤੇ ਤੋਹਫ਼ੇ ਲੈਣਾ ਅਤੇ ਦੇਣਾ ਪੈ ਸਕਦਾ ਹੈ ਬਹੁਤ ਭਾਰੀ! ਮਿਲ ਸਕਦੈ ਟੈਕਸ ਨੋਟਿਸ
ਪਰਿਵਾਰਕ ਕੌਂਸਲ
ਪਹਿਲਾਂ ਇਹ ਖ਼ਬਰ ਆਈ ਸੀ ਕਿ ਮੁਕੇਸ਼ ਅੰਬਾਨੀ 'ਫੈਮਲੀ ਕੌਂਸਲ' ਯਾਨੀ ਫੈਮਲੀ ਪਰੀਸ਼ਦ ਦਾ ਗਠਨ ਕਰਨ ਜਾ ਰਹੇ ਹਨ ਤਾਂ ਜੋ ਉਨ੍ਹਾਂ ਦਾ ਕਾਰੋਬਾਰ ਆਸਾਨੀ ਨਾਲ ਅਗਲੀ ਪੀੜ੍ਹੀ ਵਿਚ ਤਬਦੀਲ ਹੋ ਸਕੇ। ਇਸ ਪਰਿਵਾਰਕ ਕੌਂਸਲ ਵਿਚ ਅੰਬਾਨੀ ਦੇ ਤਿੰਨ ਬੱਚੇ ਆਕਾਸ਼, ਈਸ਼ਾ ਅਤੇ ਅਨੰਤ, ਪਰਿਵਾਰ ਦਾ ਇੱਕ ਬਾਲਗ ਵੀ ਇਸ ਕੌਂਸਲ ਦਾ ਮੈਂਬਰ ਹੋਵੇਗਾ। ਹਾਲਾਂਕਿ ਇਸ ਬਾਰੇ ਰਿਲਾਇੰਸ ਇੰਡਸਟਰੀਜ਼ ਵਲੋਂ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਦੀਵਾਲੀ ਮੌਕੇ ਹੋਰ ਵਧ ਸਕਦੀਆਂ ਹਨ ਸਰ੍ਹੋਂ ਦੇ ਤੇਲ ਦੀਆਂ ਕੀਮਤਾਂ! ਇਸ ਸਾਲ ਰਾਹਤ ਦੀ ਕੋਈ ਉਮੀਦ ਨਹੀਂ
ਅਨਿਲ ਅੰਬਾਨੀ ਨਾਲ ਵਿਵਾਦ
ਮਹੱਤਵਪੂਰਨ ਗੱਲ ਇਹ ਹੈ ਕਿ ਰਿਲਾਇੰਸ ਦੀ ਵਿਰਾਸਤ ਨੂੰ ਲੈ ਕੇ ਮੁਕੇਸ਼ ਅੰਬਾਨੀ ਅਤੇ ਉਸ ਦੇ ਭਰਾ ਅਨਿਲ ਅੰਬਾਨੀ ਵਿਚਕਾਰ ਲੰਮੇ ਸਮੇਂ ਤੋਂ ਵਿਵਾਦ ਚੱਲ ਰਿਹਾ ਸੀ। ਸ਼ਾਇਦ ਇਸ ਦੇ ਮੱਦੇਨਜ਼ਰ ਮੁਕੇਸ਼ ਅੰਬਾਨੀ ਨੇ ਇਸ ਕੌਂਸਲ ਨੂੰ ਬਣਾਉਣ ਦਾ ਫ਼ੈਸਲਾ ਕੀਤਾ ਹੈ। ਆਉਣ ਵਾਲੇ ਸਮੇਂ ਵਿਚ ਰਿਲਾਇੰਸ ਇੰਡਸਟਰੀਜ਼ ਦੀ ਕਮਾਂਡ ਮੁਕੇਸ਼ ਅੰਬਾਨੀ ਦੇ ਬੱਚਿਆਂ ਵਲੋਂ ਦਿੱਤੀ ਜਾਵੇਗੀ। ਸਪੱਸ਼ਟ ਹੈ ਕਿ ਇੰਨੀ ਵੱਡੀ ਜਾਇਦਾਦ ਦੇ ਬਾਅਦ ਦੇ ਹਿੱਸੇਦਾਰੀ ਨੂੰ ਲੈ ਕੇ ਵਿਵਾਦ ਵੀ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਆਫ਼ਤ 'ਚ ਘੱਟ ਹੋਈ ਵਿਦੇਸ਼ੀ ਸ਼ਰਾਬ ਦੀ ਵਿਕਰੀ, ਸੇਲ 9 ਫ਼ੀਸਦੀ ਡਿੱਗੀ
ਵਿਰਾਸਤ ਦਾ ਬਟਵਾਰਾ
ਧਿਆਨ ਯੋਗ ਹੈ ਕਿ ਸਾਲ 2002 ਵਿਚ ਧੀਰੂਭਾਈ ਅੰਬਾਨੀ ਦੀ ਮੌਤ ਤੋਂ ਬਾਅਦ ਰਿਲਾਇੰਸ ਵਿਰਾਸਤ ਨੂੰ ਲੈ ਕੇ ਮੁਕੇਸ਼ ਅੰਬਾਨੀ ਅਤੇ ਅਨਿਲ ਅੰਬਾਨੀ ਦੇ ਵਿਚਕਾਰ ਕਈ ਸਾਲਾਂ ਤੋਂ ਵਿਵਾਦ ਚੱਲ ਰਿਹਾ ਸੀ। ਕੰਪਨੀ ਕਈ ਸਾਲਾਂ ਦੇ ਦਖਲ ਅਤੇ ਮਾਂ ਕੋਕੀਲਾ ਬੇਨ ਦੇ ਦਖ਼ਲ ਤੋਂ ਬਾਅਦ ਦੋ ਹਿੱਸਿਆਂ ਵਿਚ ਜਾਇਦਾਦ ਵੰਡੀ ਗਈ ਸੀ। ਮੁਕੇਸ਼ ਅੰਬਾਨੀ ਨੂੰ ਰਿਲਾਇੰਸ ਇੰਡਸਟਰੀਜ਼ ਦਾ ਕਾਰੋਬਾਰ ਮਿਲਿਆ, ਜਦੋਂਕਿ ਅਨਿਲ ਅੰਬਾਨੀ ਦਾ ਹਿੱਸਾ ਸੰਚਾਰ, ਬਿਜਲੀ, ਵਿੱਤੀ ਕਾਰੋਬਾਰ ਵਿਚ ਆਇਆ।
ਇਹ ਵੀ ਪੜ੍ਹੋ : ਬਿਗਬਾਸਕਟ ਦੇ ਡਾਟਾ ’ਚ ‘ਸੰਨ੍ਹ’, 2 ਕਰੋਡ਼ ਯੂਜ਼ਰਜ਼ ਦਾ ਬਿਊਰਾ ‘ਲੀਕ’
ਪੈਟਰੋਲ-ਡੀਜ਼ਲ ਕੀਮਤਾਂ 'ਚ ਲਗਾਤਾਰ 38 ਦਿਨਾਂ ਤੋਂ ਕੋਈ ਕਟੌਤੀ ਤੇ ਵਾਧਾ ਨਹੀਂ
NEXT STORY 
