ਬਿਜ਼ਨੈੱਸ ਡੈਸਕ - ਖੇਤੀ ’ਚ ਵਧਦੀ ਲਾਗਤ ਅਤੇ ਘਟਦੀ ਉਪਜ ਵਿਚਕਾਰ ਕਿਸਾਨਾਂ ਲਈ ਇਕ ਸਸਤਾ ਅਤੇ ਅਸਰਦਾਰ ਹੱਲ ਸਾਹਮਣੇ ਆਇਆ ਹੈ। ਇਕ ਰਿਪੋਰਟ ਮੁਤਾਬਕ ਟ੍ਰਾਈਕੋਡਰਮਾ ਦੀ ਵਰਤੋਂ ਨਾਲ ਨਾ ਸਿਰਫ਼ ਮਿੱਟੀ ਦੀ ਜੈਵਿਕ ਸਰਗਰਮੀ ਵਧਦੀ ਹੈ, ਸਗੋਂ ਫਸਲਾਂ ਰੋਗਾਂ ਤੋਂ ਸੁਰੱਖਿਅਤ ਰਹਿੰਦੀਆਂ ਹਨ ਅਤੇ ਪੈਦਾਵਾਰ ’ਚ ਵੀ ਜ਼ਿਕਰਯੋਗ ਸੁਧਾਰ ਹੁੰਦਾ ਹੈ। ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਟ੍ਰਾਈਕੋਡਰਮਾ ਵਰਗੀਆਂ ਜੈਵਿਕ ਤਕਨੀਕਾਂ ਅਤੇ ਕਿਚਨ ਗਾਰਡਨਿੰਗ ਦੇ ਛੋਟੇ ਯਤਨ ਨਾ ਸਿਰਫ਼ ਖੇਤੀ ਨੂੰ ਲਾਭਕਾਰੀ ਬਣਾ ਸਕਦੇ ਹਨ, ਸਗੋਂ ਵਾਤਾਵਰਣ ਸੰਭਾਲ ਅਤੇ ਸਿਹਤਮੰਦ ਜੀਵਨ ਦੀ ਦਿਸ਼ਾ ’ਚ ਵੀ ਅਹਿਮ ਭੂਮਿਕਾ ਨਿਭਾਉਂਦੇ ਹਨ।
ਇਹ ਵੀ ਪੜ੍ਹੋ : 10 ਸਾਲ ਪੁਰਾਣਾ ਆਧਾਰ ਕਾਰਡ ਰੱਖਣ ਵਾਲਿਆਂ ਲਈ ਅਹਿਮ ਖ਼ਬਰ, 14 ਜੂਨ ਤੱਕ ਮਿਲੇਗੀ ਖ਼ਾਸ ਸਹੂਲਤ
ਮਿੱਟੀ ਦੀ ਸਿਹਤ ਸੁਧਾਰਨ ਦਾ ਕਾਰਗਰ ਉਪਾਅ
ਟ੍ਰਾਈਕੋਡਰਮਾ ਇਕ ਈਕੋ-ਫ੍ਰੈਂਡਲੀ ਅਤੇ ਮਿੱਤਰ ਉੱਲੀ ਹੈ, ਜੋ ਮਿੱਟੀ ਦੀ ਬਣਤਰ ਨੂੰ ਸੁਧਾਰਦਾ ਹੈ ਅਤੇ ਲਾਭਕਾਰੀ ਸੂਖਮ ਜੀਵਾਂ ਦੀ ਸੰਖਿਆ ਵਧਾਉਂਦਾ ਹੈ। ਇਹ ਫਸਲਾਂ ਦੀਆਂ ਜੜ੍ਹਾਂ ਨੂੰ ਸੜਨ, ਗਲਣ ਅਤੇ ਹੋਰ ਉੱਲੀ ਜਨਿਤ ਬੀਮਾਰੀਆਂ ਤੋਂ ਬਚਾਉਂਦਾ ਹੈ। ਨਾਲ ਹੀ ਪੌਦਿਆਂ ਦੀਆਂ ਜੜ੍ਹਾਂ ਦੇ ਵਿਕਾਸ ਨੂੰ ਤੇਜ਼ ਕਰਕੇ ਪੋਸ਼ਕ ਤੱਤਾਂ ਨੂੰ ਸੋਖਣ ਦੀ ਸਮਰੱਥਾ ਨੂੰ ਵਧਾਉਂਦਾ ਹੈ।
ਇਹ ਵੀ ਪੜ੍ਹੋ : ਕਰਮਚਾਰੀਆਂ ਨੂੰ ਲੱਗੇਗਾ ਝਟਕਾ! ਅਪ੍ਰੈਲ ਮਹੀਨੇ ਤੋਂ ਘਟ ਕੇ ਆਵੇਗੀ ਤੁਹਾਡੀ ਸੈਲਰੀ, ਜਾਣੋ ਕਾਰਨ
ਖੁਦ ਤਿਆਰ ਕਰੋ ‘ਕ੍ਰਿਸ਼ੀ ਅਸਤਰ’
ਕਿਸਾਨ ਟ੍ਰਾਈਕੋਡਰਮਾ ਨੂੰ ਘਰ ’ਤੇ ਹੀ ਬੇਹੱਦ ਘੱਟ ਲਾਗਤ ’ਚ ਤਿਆਰ ਕਰ ਸਕਦੇ ਹਨ। ਇਸ ਦੇ ਲਈ ਸੜੀ ਹੋਈ ਗੋਹੇ ਦੀ ਖਾਦ ਜਾਂ ਵਰਮੀ ਕੰਪੋਸਟ ’ਚ ਚੋਕਰ ਮਿਲਾ ਕੇ ਉਸ ’ਚ ਟ੍ਰਾਈਕੋਡਰਮਾ ਕਲਚਰ ਪਾਓ ਅਤੇ 5-7 ਦਿਨ ਤੱਕ ਛਾਂ ’ਚ ਰੱਖ ਕੇ ਤਿਆਰ ਕਰੋ। ਜਦੋਂ ਮਿਸ਼ਰਣ ’ਤੇ ਹਰੀ ਪਰਤ ਦਿਸੇ ਤਾਂ ਸਮਝ ਲਓ ਕਿ ਇਹ ਵਰਤਣ ਲਈ ਤਿਆਰ ਹੈ।
ਇਹ ਵੀ ਪੜ੍ਹੋ : ਬੱਚਿਆਂ ਨੂੰ ਨਕਦ ਦੇਣ ਤੋਂ ਮਿਲੇਗਾ ਛੁਟਕਾਰਾ, ਜੇਬਖ਼ਰਚ 'ਤੇ ਵੀ ਰਹੇਗੀ ਨਜ਼ਰ, ਲਾਂਚ ਹੋਇਆ ਨਵਾਂ ਫ਼ੀਚਰ
ਬੀਜ ਤੋਂ ਖੇਤ ਤੱਕ ਆਸਾਨ ਤਰੀਕੇ
5-10 ਗ੍ਰਾਮ ਟ੍ਰਾਈਕੋਡਰਮਾ ਪਾਊਡਰ ਨਾਲ ਪ੍ਰਤੀ ਕਿਲੋ ਬੀਜ ਉਪਚਾਰ ਕਰਨ ਨਾਲ ਪੌਦਿਆਂ ਨੂੰ ਸ਼ੁਰੂਆਤੀ ਰੋਗਾਂ ਤੋਂ ਬਚਾਅ ਮਿਲਦਾ ਹੈ। ਨਰਸਰੀ ’ਚ 5-10 ਗ੍ਰਾਮ ਪ੍ਰਤੀ ਵਰਗ ਮੀਟਰ ਵਰਤੋਂ ਨਾਲ ਜੜ੍ਹ-ਤਣਾ ਸੜਨਾ ਕੰਟਰੋਲ ਹੁੰਦਾ ਹੈ। ਖੇਤ ਦੀ ਤਿਆਰੀ ਦੇ ਸਮੇਂ 4-5 ਕਿਲੋ ਪ੍ਰਤੀ ਏਕੜ ਮਿਲਾਉਣ ਨਾਲ ਕਈ ਖ਼ਤਰਨਾਕ ਰੋਗਜਨਕਾਂ ’ਤੇ ਕੰਟਰੋਲ ਰਹਿੰਦਾ ਹੈ।
ਇਹ ਵੀ ਪੜ੍ਹੋ : Lenskart 'ਤੇ ਲੱਗੇ ਧਾਰਮਿਕ ਵਿਤਕਰੇ ਦੇ ਇਲਜ਼ਾਮ: ਹਿਜਾਬ ਨੂੰ ਇਜਾਜ਼ਤ ਪਰ ਬਿੰਦੀ-ਤਿਲਕ 'ਤੇ ਪਾਬੰਦੀ!
ਕਿਵੇਂ ਕੰਮ ਕਰਦਾ ਹੈ ਟ੍ਰਾਈਕੋਡਰਮਾ
ਖੇਤੀ ’ਚ ਟ੍ਰਾਈਕੋਡਰਮਾ ਹਾਰਜੀਆਨਮ ਅਤੇ ਟ੍ਰਾਈਕੋਡਰਮਾ ਵਿਰਿਡੇ ਦੀ ਸਭ ਤੋਂ ਜ਼ਿਆਦਾ ਵਰਤੋਂ ਹੁੰਦੀ ਹੈ। ਇਹ ਫਸਲ ਨੂੰ ਜੜ੍ਹੋਂ ਸੜਨ ਅਤੇ ਤਣਾ ਸੜਨ ਵਰਗੇ ਰੋਗਾਂ ਤੋਂ ਬਚਾਉਂਦੇ ਹਨ ਅਤੇ ਮਿੱਟੀ ਦੀ ਉਪਜਾਊ ਸ਼ਕਤੀ ਵਧਾਉਂਦੇ ਹਨ। ਟ੍ਰਾਈਕੋਡਰਮਾ ਨੁਕਸਾਨਦੇਹ ਉੱਲੀ ਦੇ ਆਲੇ-ਦੁਆਲੇ ਫੈਲ ਕੇ ਉਨ੍ਹਾਂ ਦੇ ਪੋਸ਼ਕ ਤੱਤਾਂ ਨੂੰ ਖਤਮ ਕਰ ਦਿੰਦਾ ਹੈ। ਇਹ ਵਿਸ਼ੇਸ਼ ਐਂਜ਼ਾਈਮ ਬਣਾ ਕੇ ਉਨ੍ਹਾਂ ਦੀ ਕੋਸ਼ਿਕਾ ਦੀਵਾਰ ਨੂੰ ਤੋੜਦਾ ਹੈ ਅਤੇ ਪੌਦਿਆਂ ’ਚ ਕੁਦਰਤੀ ਰੋਗ-ਪ੍ਰਤੀਰੋਧਕ ਸਮਰੱਥਾ ਵਿਕਸਤ ਕਰਦਾ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਪੈਸਾ ਮੰਗਵਾਉਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ, RBI ਨੇ ਨਿਯਮਾਂ 'ਚ ਕੀਤਾ ਵੱਡਾ ਬਦਲਾਅ
ਫਲ-ਸਬਜ਼ੀਆਂ ’ਚ ਬਿਹਤਰ ਨਤੀਜੇ
ਟਮਾਟਰ, ਮਿਰਚ, ਗੋਭੀ, ਬੈਂਗਣ, ਪਿਆਜ਼, ਅਦਰਕ, ਹਲਦੀ, ਕੇਲਾ, ਅਮਰੂਦ ਅਤੇ ਪਪੀਤਾ ਵਰਗੀਆਂ ਫਸਲਾਂ ’ਚ ਟ੍ਰਾਈਕੋਡਰਮਾ ਦੀ ਵਰਤੋਂ ਬੇਹੱਦ ਲਾਭਕਾਰੀ ਸਾਬਿਤ ਹੁੰਦੀ ਹੈ। ਕਿਸਾਨ ਇਸ ਨੂੰ ਬੀਜ ਉਪਚਾਰ, ਨਰਸਰੀ ਅਤੇ ਖੇਤ ਦੀ ਮਿੱਟੀ ’ਚ ਮਿਲਾ ਕੇ ਆਸਾਨੀ ਨਾਲ ਵਰਤੋਂ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ : ਅਕਸ਼ੈ ਤ੍ਰਿਤੀਆ ਦੇ ਤਿਉਹਾਰ ਮੌਕੇ ਘਰ ਬੈਠੇ ਖ਼ਰੀਦੋ ਸਿਰਫ਼ 1 ਰੁਪਏ 'ਚ Gold, ਜਾਣੋ ਨਿਵੇਸ਼ ਦੇ ਤਰੀਕੇ
ਲੌਂਗ ਨਾਲ ਜੁੜਿਆ 2 ਕਰੋੜ ਸਾਲ ਪੁਰਾਣਾ ਭੇਤ
ਦੱਸਦੇ ਹਨ ਕਿ ਹਿਮਾਲਿਆ ਦੀ ਤਲਹਟੀ ’ਚ ਵਿਗਿਆਨੀਆਂ ਨੇ ਲੱਗਭਗ 2 ਕਰੋੜ ਸਾਲ ਪੁਰਾਣੇ ਪੱਤਿਆਂ ਦਾ ਜੀਵਾਸ਼ਮ ਖੋਜਿਆ ਹੈ, ਜੋ ਸਿਜੀਜੀਅਮ ਵੰਸ਼ ਨਾਲ ਜੁੜਿਆ ਹੈ। ਇਸੇ ਵੰਸ਼ ’ਚ ਆਧੁਨਿਕ ਲੌਂਗ ਦਾ ਪੌਦਾ ਵੀ ਸ਼ਾਮਲ ਹੈ। ਬੀਰਬਲ ਸਾਹਨੀ ਇੰਸਟੀਚਿਊਟ ਆਫ ਪੈਲੀਓਸਾਇੰਸਿਜ਼, ਅਕੈਡਮੀ ਆਫ ਸਾਇੰਟਿਫਿਕ ਐਂਡ ਇਨੋਵੇਟਿਵ ਰਿਸਰਚ ਅਤੇ ਤ੍ਰਿਭੁਵਨ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨੇ ਇਸ ਜੀਵਾਸ਼ਮ ਦਾ ਅਧਿਐਨ ਕਰਕੇ ਇਸ ਨੂੰ ਨਵੀਂ ਪ੍ਰਜਾਤੀ ‘ਸਿਜੀਜੀਅਮ ਪੈਲੀਓਸੀਲੀਫੋਲੀਅਮ’ ਨਾਂ ਦਿੱਤਾ ਹੈ। ਇਸ ਖੋਜ ਨਾਲ ਵਿਗਿਆਨੀ ਇਹ ਸਮਝਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਮਹਾਦੀਪੀ ਵਹਾਅ ਅਤੇ ਪੌਣ-ਪਾਣੀ ਤਬਦੀਲੀ ਵਿਚਕਾਰ ਗਰਮ ਖੰਡੀ ਜੰਗਲ ਕਿਵੇਂ ਵਿਕਸਿਤ ਹੋਏ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਪੈਸਾ ਮੰਗਵਾਉਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ, RBI ਨੇ ਨਿਯਮਾਂ 'ਚ ਕੀਤਾ ਵੱਡਾ ਬਦਲਾਅ
ਕਾਗਜ਼ੀ ਨਿੰਬੂ ਦੇ ਪੌਦੇ ਜਲਦੀ ਦੇਣਗੇ ਫਲ
ਕਾਗਜ਼ੀ ਨਿੰਬੂ ਦਾ ਪੌਦਾ ਘਰ ਦੇ ਬਗੀਚੇ ਲਈ ਇਕ ਬਿਹਤਰ ਬਦਲ ਹੈ। ਇਹ ਘੱਟ ਜਗ੍ਹਾ ’ਚ ਆਸਾਨੀ ਨਾਲ ਉੱਗਦਾ ਹੈ ਅਤੇ ਭਰਪੂਰ ਫਲ ਦਿੰਦਾ ਹੈ। ਕਾਗਜ਼ੀ ਨਿੰਬੂ ਦੇ ਲਈ ਹਮੇਸ਼ਾ ਨਰਸਰੀ ਤੋਂ ਕਲਮੀ ਜਾਂ ਏਅਰ-ਲੇਅਰਿੰਗ ਵਾਲਾ ਪੌਦਾ ਹੀ ਖਰੀਦੋ। ਇਸ ਨਾਲ 1-2 ਸਾਲ ’ਚ ਹੀ ਉਤਪਾਦਨ ਸ਼ੁਰੂ ਹੋ ਜਾਂਦਾ ਹੈ ਅਤੇ ਬਿਹਤਰ ਗੁਣਵੱਤਾ ਦੇ ਫਲ ਮਿਲਦੇ ਹਨ।
ਇਹ ਵੀ ਪੜ੍ਹੋ : LPG ਸੰਕਟ ਦਰਮਿਆਨ ਸਰਕਾਰ ਦਾ ਵੱਡਾ ਐਲਾਨ; ਹੁਣ ਇਨ੍ਹਾਂ ਲੋਕਾਂ ਨੂੰ ਮਿਲਣਗੇ ਡਬਲ ਸਿਲੰਡਰ
ਦੇਖਭਾਲ ਦੇ ਆਸਾਨ ਟਿਪਸ
40 ਫੀਸਦੀ ਮਿੱਟੀ, 40 ਫੀਸਦੀ ਗੋਹੇ ਦੀ ਖਾਦ ਅਤੇ 20 ਫੀਸਦੀ ਰੇਤ ਦਾ ਮਿਸ਼ਰਣ ਤਿਆਰ ਕਰੋ।
ਰੋਜ਼ਾਨਾ 6-8 ਘੰਟੇ ਧੁੱਪ ਜ਼ਰੂਰੀ।
ਮਿੱਟੀ ਸੁੱਕਣ ’ਤੇ ਹੀ ਪਾਣੀ ਦਿਓ।
ਹਰ 15-20 ਦਿਨ ’ਚ ਵਰਮੀ ਕੰਪੋਸਟ ਪਾਓ।
ਸਾਲ ’ਚ ਇਕ ਵਾਰ ਛਾਂਟੀ ਕਰੋ, ਨਿੰਮ ਦੇ ਤੇਲ ਦਾ ਛਿੜਕਾਅ ਕਰੋ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਮਾਪਿਆਂ ਦੀ ਗਲਤੀ ਕਮਾਊ 'ਪੁੱਤ' 'ਤੇ ਪਈ ਭਾਰੀ, 65 ਲੱਖ ਦੇ ਕਰਜ਼ੇ ਹੇਠ ਦੱਬਿਆ ਨੌਜਵਾਨ
NEXT STORY 
