ਨਵੀਂ ਦਿੱਲੀ— ਬੈਂਕਾਂ ਦਾ ਕਰਜ਼ਾ ਨਾ ਮੋੜਨ ਵਾਲੇ ਲੋਕਾਂ ਗਿਣਤੀ ਲਗਾਤਾਰ ਵਧਦੀ ਜਾ ਰਹੀ ਹੈ। ਹੁਣ ਸਿੱਖਿਆ ਕਰਜ਼ (ਐਜ਼ੂਕੇਸ਼ਨ ਲੋਨ) ਨੇ ਬੈਂਕਾਂ ਦੀ ਪ੍ਰੇਸ਼ਾਨੀ ਹੋਰ ਵਧਾ ਦਿੱਤੀ ਹੈ। 31 ਮਾਰਚ 2017 ਤਕ ਬੈਂਕਾਂ ਦੇ 5,192 ਕਰੋੜ ਰੁਪਏ ਸਿੱਖਿਆ ਲਈ ਦਿੱਤੇ ਗਏ ਕਰਜ਼ੇ 'ਚ ਫਸ ਚੁੱਕੇ ਹਨ, ਯਾਨੀ ਇੰਨੇ ਕਰੋੜ ਰੁਪਏ ਵਾਪਸ ਨਹੀਂ ਮੁੜੇ ਹਨ। ਮਾਰਚ 2015 ਤਕ ਇਹ ਅੰਕੜਾ 3,536 ਕਰੋੜ ਰੁਪਏ ਤਕ ਸੀ, ਯਾਨੀ ਮਾਰਚ 2015 ਦੇ ਮੁਕਾਬਲੇ ਇਸ 'ਚ 47 ਫੀਸਦਾ ਦਾ ਵਾਧਾ ਹੋਇਆ ਹੈ।
ਭਾਰਤੀ ਬੈਂਕ ਸੰਘ (ਆਈ. ਬੀ. ਏ.) ਦੇ ਅੰਕੜਿਆਂ ਮੁਤਾਬਕ ਮਾਲੀ ਵਰ੍ਹੇ 2016-17 ਯਾਨੀ ਮਾਰਚ 2017 ਦੇ ਅੰਤ ਤਕ ਬੈਂਕ ਨੇ ਸਿੱਖਿਆ ਲਈ ਕੁੱਲ 67,678 ਕਰੋੜ ਰੁਪਏ ਲੋਨ ਦਿੱਤੇ, ਜਿਸ 'ਚੋਂ 5,192 ਕਰੋੜ ਰੁਪਏ ਐੱਨ. ਪੀ. ਏ. ਸਾਬਤ ਹੋਏ। ਆਈ. ਬੀ. ਏ. ਮੁਤਾਬਕ ਮਾਰਚ 2017 ਦੇ ਅੰਤ ਤਕ ਸਰਕਾਰੀ ਬੈਂਕਾਂ 'ਚ ਇੰਡੀਅਨ ਬੈਂਕ ਦਾ ਸਿੱਖਿਆ ਸੈਕਟਰ 'ਚ ਫਸਿਆ ਕਰਜ਼ਾ 671.37 ਕਰੋੜ ਰੁਪਏ ਰਿਹਾ। ਇਸ ਦੇ ਬਾਅਦ ਭਾਰਤੀ ਸਟੇਟ ਬੈਂਕ (538.17 ਕਰੋੜ) ਅਤੇ ਪੰਜਾਬ ਨੈਸ਼ਨਲ ਬੈਂਕ (478.03 ਕਰੋੜ) ਦਾ ਨੰਬਰ ਹੈ। ਜ਼ਿਕਰਯੋਗ ਹੈ ਕਿ ਸਰਕਾਰ ਨੇ ਹਾਲ ਹੀ 'ਚ ਆਈ. ਬੀ. ਏ. ਦੀ ਸਿੱਖਿਆ ਕਰਜ਼ ਯੋਜਨਾ ਦੇ ਮਾਡਲ 'ਚ ਸੋਧ ਕੀਤਾ ਸੀ, ਜਿਸ ਦਾ ਮਕਸਦ ਇਸ ਖੇਤਰ 'ਚ ਐੱਨ. ਪੀ. ਏ. ਦੇ ਪ੍ਰਭਾਵ ਨੂੰ ਘੱਟ ਕਰਨਾ ਸੀ। ਯੋਜਨਾ 'ਚ ਜੋ ਬਦਲਾਅ ਕੀਤੇ ਗਏ, ਉਸ 'ਚ ਭੁਗਤਾਨ ਦੀ ਮਿਆਦ ਵਧਾ ਕੇ 15 ਸਾਲ ਕਰਨਾ ਅਤੇ 7.5 ਲੱਖ ਰੁਪਏ ਤਕ ਦੇ ਸਿੱਖਿਆ ਕਰਜ਼ ਲਈ 'ਕ੍ਰੈਡਿਟ ਗਾਰੰਟੀ ਫੰਡ ਸਕੀਮ ਫਾਰ ਐਜ਼ੂਕੇਸ਼ਨ ਲੋਨ' ਦੀ ਸ਼ੁਰੂਆਤ ਸ਼ਾਮਲ ਹਨ।
ਦੇਸ਼ 'ਚ 4 ਕਰੋੜ ਘਰਾਂ 'ਚ ਨਹੀਂ ਬਿਜਲੀ, ਪੰਜਾਬ ਸੌ ਫੀਸਦੀ ਰੌਸ਼ਨ
NEXT STORY 
