ਨਵੀਂ ਦਿੱਲੀ– ਕੀ ਤੁਸੀਂ ਜਾਣਦੇ ਹੋ ਕਿ ਕਿਹੜਾ ਵਾਹਨ ਸੈਗਮੈਂਟ ਇਸ ਸਾਲ ਸਭ ਤੋਂ ਕਮਜ਼ੋਰ ਵਾਧਾ ਦਰਜ ਕਰ ਰਿਹਾ ਹੈ? ਇਹ ਮੋਟਰਸਾਈਕਲ, ਤਿੰਨ ਪਹੀਆ ਜਾਂ ਹਲਕੇ ਵਪਾਰਕ ਵਾਹਨ (ਐੱਲ.ਸੀ.ਵੀ.) ਸੈਗਮੈਂਟ ਨਹੀਂ ਹੈ। ਇਹ ਸਕੂਟਰ ਹੈ ਜਿਸ ਨੇ 2017-18 (ਵਿੱਤੀ ਸਾਲ 2018) ਤਕ ਮਜਬੂਤ ਦੋ ਅੰਕ ਦੇ ਵਾਧੇ ਨਾਲ 7 ਸਾਲਾਂ ਬਾਅਦ ਕਮਜ਼ੋਰੀ ਦਰਜ ਕੀਤੀ ਹੈ।
ਸਾਲ 2018-19 ਦੇ ਪਹਿਲੇ 5 ਮਹੀਨਿਆਂ ’ਚ ਸਕੂਟਰ ਵਿਕਰੀ (ਨਿਰਮਾਤਾਵਾਂ ਦੁਆਰਾ ਡੀਲਰਸ਼ਿੱਪ ਲਈ) ’ਚ ਵਾਧਾ ਵਿੱਤੀ ਸਾਲ 2018 ’ਚ 18 ਫੀਸਦੀ ਦੇ ਕੁਲ ਵਾਧੇ ਦੇ ਮੁਕਾਬਲੇ 7 ਫੀਸਦੀ ਤੋਂ ਘੱਟ ਹੈ। ਵਿੱਤੀ ਸਾਲ 2018 ਦੇ ਪਹਿਲੇ ਪੰਜ ਮਹੀਨਿਆਂ ’ਚ ਸਿਰਫ 8 ਫੀਸਦੀ ਦਾ ਵਾਧਾ ਦਰਜ ਕਰਨ ਵਾਲਾ ਮੋਟਰਸਾਈਕਲ ਸੈਗਮੈਂਟ ਵੀ ਇਸ ਸਾਲ ਵਧ ਕੇ ਲਗਭਗ 15 ਫੀਸਦੀ ਤਕ ਪਹੁੰਚ ਗਿਆ। ਉਦਯੋਗ ਦੇ ਕੁਝ ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਸਕੂਟਰ ਦੀ ਲੋਕਪ੍ਰਿਅਤਾ ਦਾ ਪੱਧਰ ਕਾਫੀ ਵਧ ਗਿਆਅਤੇ ਉੱਚੀ ਵਾਧਾ ਦਰ ਦਾ ਸਿਲਸਿਲਾ ਲੰਬੇ ਸਮੇਂ ਤਕ ਟਿਕਾਊ ਨਹੀਂ ਹੈ।
ਵਾਹਨ ਉਦਯੋਗ ਦੀ ਸੰਸਥਾ ਸਾਯਮ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਘਰੇਲੂ ਯਾਤਰੀ ਵਾਹਨ ਸੈਗਮੈਂਟ ਅਪ੍ਰੈਲ-ਅਗਸਤ ’ਚ ਲਗਭਗ 10 ਫੀਸਦੀ ਦੀ ਦਰ ਨਾਲ ਵਧਿਆ। ਦਰਮਿਆਨੇ ਅਤੇ ਭਾਰੀ ਵਪਾਰਕ ਵਾਹਨ ਅਤੇ ਹਲਕੇ ਵਪਾਰਕ ਵਾਹਨ ਸੈਗਮੈਂਟ ’ਚ 55 ਅਤੇ 34 ਫੀਸਦੀ ਦੀ ਤੇਜ਼ੀ ਦਰਜ ਕੀਤੀ ਗਈ। ਤਿੰਨ ਪਹੀਆ ਵਾਹਨ ’ਚ 44 ਫੀਸਦੀ ਦੀਾ ਸ਼ਾਨਦਾਰ ਵਾਧਾ ਦਰਜ ਕੀਤਾ ਗਿਆ। ਦੋ ਪਹੀਆ ਵਾਹਨ ਨੇ 11.50 ਫੀਸਦੀ ਦੀ ਦੋ ਅੰਕ ਦਾ ਵਾਧਾ ਦਰ ਦਰਜ ਕੀਤੀ। ਹਾਲਾਂਕਿ ਦੋਪਹੀਆ ’ਚ ਇਹ ਵਾਧਾ ਮੋਟਰਸਾਈਕਲ ਕੇਂਦਰਿਤ (ਪਿਛਲੇ ਕੁਝ ਸਾਲਾਂ ਦੇ ਉਲਟ) ਰਹੀ। ਮੋਟਰਸਾਈਕਲ ਸੈਗਮੈਂਟ 14.67 ਫੀਸਦੀ ਦੀ ਦਰ ਨਾਲ ਵਧਿਆ। ਉਥੇ ਹੀ 6.77 ਫੀਸਦੀ ਦੇ ਨਾਲ ਸਕੂਟਰ ਵਾਹਨ ਉਦਯੋਗ ਦਾ ਇਕ ਅੰਕ ਦੇ ਵਾਧੇ ਵਾਲਾ ਇਕਮਾਤਰ ਵੱਡਾ ਸੈਗਮੈਂਟ ਹੈ।
ਦੋਪਹੀਆ ਨਿਰਮਾਤਾ ਯਾਮਾਹਾ ਮੋਟਰ ਇੰਡੀਆ ਦੇ ਸੀਨੀਅਰ ਉਪ ਪ੍ਰਧਾਨ (ਵਿਕਰੀ ਅਤੇ ਮਾਰਕੀਟਿੰਗ) ਰੌਏ ਕੂਰੀਅਨ ਇਸ ਨੂੰ ਲੈ ਕੇ ਹੈਰਾਨ ਹਨ। ਕੂਰੀਅਨ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਵਾਧਾ ਦਰ ’ਚ ਗਿਰਾਵਟ ਸਾਡੇ ਲਈ ਹੈਰਾਨੀਜਨਕ ਹੈ। ਅਸੀਂ ਪਿਛਲੇ ਸਾਲ ਦੀਆਂ ਉੱਚ ਵਿਕਾਸ ਦਰ ਨੂੰ ਬਰਕਰਾਰ ਰੱਖਣਾ ਚਾਹੁੰਦੇ ਸੀ। ਮੇਰੀ ਨਜ਼ਰ ’ਚ ਸਕੂਟਰਾਂ ਦੀ ਵਰਤੋਂ ਦੀ ਧਾਰਨਾ ਸੰਪੂਰਨ ਸੰਤੁਸ਼ਟੀ ਦਾ ਸਰੋਤ ਬਣ ਗਈ ਹੈ।
ਟੈਸਲਾ ਮਾਡਲ 3 ਦੇ ਕਰੈਸ਼ 'ਚ ਮਿਲੀ 5 ਸਟਾਰ ਰੇਟਿੰਗ
NEXT STORY 
