ਨਵੀਂ ਦਿੱਲੀ - ਖਾਣ ਵਾਲੇ ਤੇਲਾਂ ਦੀਆਂ ਕੀਮਤਾਂ ਨਿਰੰਤਰ ਵੱਧ ਰਹੀਆਂ ਹਨ। ਪਿਛਲੇ 1 ਸਾਲ ਵਿਚ ਕੀਮਤਾਂ 35% ਤੋਂ 95% ਤੱਕ ਵੱਧ ਗਈਆਂ ਹਨ। ਇਸ ਕਾਰਨ ਆਮ ਲੋਕਾਂ ਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਆਮ ਲੋਕਾਂ ਦਾ ਰਸੋਈ ਦਾ ਬਜਟ ਖਰਾਬ ਹੋ ਗਿਆ ਹੈ। ਸਰ੍ਹੋਂ ਦੇ ਤੇਲ ਦੀ ਕੀਮਤ 150 ਰੁਪਏ ਪ੍ਰਤੀ ਲਿਟਰ ਤੱਕ ਪਹੁੰਚ ਗਈ ਹੈ। ਮੰਤਰੀਆਂ ਦਾ ਸਮੂਹ ਜਲਦੀ ਹੀ ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ ਵਿਚ ਵਾਧੇ ਦੇ ਕਾਰਨਾਂ ਦੀ ਸਮੀਖਿਆ ਕਰਨ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : RTGS ਅਤੇ NEFT ਲਈ ਹੁਣ ਨਹੀਂ ਲਗਾਉਣੇ ਪੈਣਗੇ ਬੈਂਕਾਂ ਦੇ ਚੱਕਰ, RBI ਨੇ ਦਿੱਤੀ ਇਹ ਸਹੂਲਤ
ਜਾਣੋ ਕੀਮਤਾਂ ਕਦੋਂ ਘਟਣਗੀਆਂ
ਸਰਕਾਰੀ ਸੂਤਰਾਂ ਅਨੁਸਾਰ ਇੱਕ ਸਾਲ ਦਰਮਿਆਨ ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ ਵਿਚ ਭਾਰੀ ਵਾਧਾ ਦਰਜ ਕੀਤਾ ਗਿਆ ਹੈ। ਇਕ ਸਾਲ ਵਿਚ ਕੀਮਤਾਂ ਵਿਚ 95 ਪ੍ਰਤੀਸ਼ਤ ਤੱਕ ਦਾ ਵਾਧਾ ਹੋਇਆ ਹੈ। ਸੂਤਰਾਂ ਅਨੁਸਾਰ ਇਸ ਵਾਧੇ ਦੇ ਮੱਦੇਨਜ਼ਰ ਸਰਕਾਰ ਆਯਾਤ ਡਿਊਟੀ ਦੀ ਸਮੀਖਿਆ ਕਰੇਗੀ, ਜਿਸ 'ਤੇ ਮੰਤਰੀਆਂ ਦੇ ਅਧਿਕਾਰਤ ਸਮੂਹ ਦੀ ਬੈਠਕ ਜਲਦੀ ਹੋਵੇਗੀ। ਸੂਤਰਾਂ ਅਨੁਸਾਰ ਖਾਣ ਵਾਲੇ ਤੇਲਾਂ ਦੀ ਡਿਊਟੀ ਵਿਚ ਕਟੌਤੀ ਲਈ ਵਿਚਾਰ ਹੋ ਸਕਦਾ ਹੈ। ਖਪਤਕਾਰਾਂ ਦੇ ਮੰਤਰਾਲੇ ਨੇ ਦੁਬਾਰਾ ਪ੍ਰਸਤਾਵ ਭੇਜਿਆ ਹੈ। ਸੋਇਆਬੀਨ ਦੇ ਮਜ਼ਬੂਤ ਵਾਧੇ ਤੋਂ ਬਾਅਦ ਹੁਣ ਇਸ ਦਾ ਕਾਰੋਬਾਰ ਥੋੜੀ ਜਿਹੀ ਮਾਤਰਾ ਵਿਚ ਹੋ ਰਿਹਾ ਹੈ, ਪਰ ਕੀਮਤਾਂ ਫਿਰ ਵੀ ਰਿਕਾਰਡ ਪੱਧਰ ਦੇ ਨੇੜੇ ਹਨ। ਇਸ ਸਾਲ ਸੋਇਆਬੀਨ ਦੇ ਤੇਲ ਦੀ ਕੀਮਤ ਵਿਚ ਹੁਣ ਤਕ 40 ਫੀਸਦੀ ਦਾ ਵਾਧਾ ਹੋਇਆ ਹੈ। ਸਪਲਾਈ ਦੀ ਘਾਟ ਅਤੇ ਚੀਨ ਤੋਂ ਚੰਗੀ ਮੰਗ ਕਾਰਨ ਸੋਇਆਬੀਨ ਦੀ ਰੈਲੀ ਜਾਰੀ ਹੈ।
ਇਹ ਵੀ ਪੜ੍ਹੋ : ਟੈਸਲਾ ਕਾਰ ਕੰਪਨੀ ਦਾ ਵੱਡਾ ਐਲਾਨ, ਨੌਕਰੀ ਲਈ ਨਹੀਂ ਹੋਵੇਗੀ ਕਿਸੇ ਡਿਗਰੀ ਦੀ ਲੋੜ
ਕਾਰੋਬਾਰੀਆਂ ਦੀ ਸਮੱਸਿਆ
ਥੋਕ ਵਪਾਰੀਆਂ ਦਾ ਕਹਿਣਾ ਹੈ ਕਿ ਇਸ ਸਮੇਂ ਸਰ੍ਹੋਂ ਜਾਂ ਸੁਧਿਆ ਹੋਇਆ ਤੇਲ 140 ਰੁਪਏ ਤੋਂ ਹੇਠਾਂ ਆਉਣ ਦੇ ਆਸਾਰ ਨਹੀਂ ਹਨ। ਜਦੋਂ ਪਿਛਲੇ ਸਾਲ 24 ਮਾਰਚ ਨੂੰ ਤਾਲਾਬੰਦੀ ਲਗਾਈ ਗਈ ਸੀ, ਉਦੋਂ ਸਰ੍ਹੋਂ ਦਾ ਤੇਲ ਬਾਜ਼ਾਰ ਵਿਚ 90-95 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਸੀ। ਉਦੋਂ ਸਮੇਂ ਤੋਂ ਲੈ ਕੇ ਹੁਣ ਤੱਕ ਨਿਰੰਤਰ ਕੀਮਤ 100 ਅਤੇ ਇਸ ਤੋਂ ਵੱਧ ਦੇ ਪੱਧਰ ਉੱਤੇ ਬਣੀ ਹੋਈ ਹੈ। ਕਿਸਾਨ ਮੰਡੀਆਂ ਵਿਚ ਘੱਟ ਮਾਤਰਾ ਵਿਚ ਸਰ੍ਹੋਂ ਲਿਆ ਰਹੇ ਹਨ, ਜਿਸ ਕਾਰਨ ਇਸ ਮੰਗ ਜ਼ਿਆਦਾ ਹੈ। ਸਭ ਤੋਂ ਸਸਤਾ ਅਤੇ ਮਿਲਾਵਟਖੋਰੀ ਤੋਂ ਮੁਕਤ ਹੋਣ ਕਰਕੇ, ਇਹ ਲੋਕਾਂ ਲਈ ਸਭ ਤੋਂ ਸਿਹਤਮੰਦ ਤੇਲ ਹੈ। ਵਿਸ਼ਵਵਿਆਪੀ ਵੱਧ ਰਹੀ ਮੰਗ ਦੇ ਵਿੱਚਕਾਰ, ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਪਜ ਦੇ ਚੰਗੇ ਭਾਅ ਮਿਲ ਰਹੇ ਹਨ। ਜੇ ਸਰਕਾਰ ਦਾ ਸਮਰਥਨ ਜਾਰੀ ਰਿਹਾ ਤਾਂ ਤੇਲ ਬੀਜਾਂ ਦੇ ਉਤਪਾਦਨ ਦੇ ਮਾਮਲੇ ਵਿਚ ਸਵੈ-ਨਿਰਭਰਤਾ ਪ੍ਰਾਪਤ ਕਰਨਾ ਕੋਈ ਦੂਰ ਦੀ ਗੱਲ ਨਹੀਂ ਹੋਵੇਗੀ। ਬੁੱਧਵਾਰ ਨੂੰ ਛੋਲਿਆਂ ਦੀ ਦਾਲ ਦੀ ਕੀਮਤ 100 ਰੁਪਏ, ਮਸਰਾਂ ਦੀ ਦਾਲ ਦੀ ਕੀਮਤ 50 ਰੁਪਏ, ਮੂੰਗੀ ਦੀ ਦਾਲ 100 ਰੁਪਏ, ਮੂੰਗੀ ਮੋਗਰ 100 ਰੁਪਏ ਅਤੇ ਤੂਰ (ਅਰਹਰ) ਦਾਲਾਂ ਦੀ ਕੀਮਤ 100 ਰੁਪਏ ਪ੍ਰਤੀ ਕੁਇੰਟਲ ਸੀ।
ਇਹ ਵੀ ਪੜ੍ਹੋ : ਹੁਣ ਦੁਕਾਨਾਂ 'ਚ ਵਿਕੇਗੀ Dhoni ਦੇ 'ਹੈਲੀਕਾਪਟਰ ਸ਼ਾਟ' ਵਾਲੀ ਚਾਕਲੇਟ, ਮਾਹੀ ਨੇ ਇਸ ਕੰਪਨੀ 'ਚ ਖ਼ਰੀਦੀ ਹਿੱਸੇਦਾਰੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸੈਂਸੈਕਸ 84 ਅੰਕਾਂ ਦੇ ਵਾਧੇ ਨਾਲ 49700 'ਤੇ ਬੰਦ, ਨਿਫਟੀ ਵੀ ਚੜ੍ਹਿਆ
NEXT STORY 
