ਬਿਜ਼ਨੈੱਸ ਡੈਸਕ : ਭਾਰਤ ਦੀ ਦਿੱਗਜ ਵਾਹਨ ਨਿਰਮਾਤਾ ਕੰਪਨੀ ਟਾਟਾ ਮੋਟਰਜ਼ (Tata Motors) ਨੇ ਆਪਣੇ ਪੈਸੇਂਜਰ ਵ੍ਹੀਕਲ (ਕਾਰ) ਕਾਰੋਬਾਰ ਨੂੰ ਇੱਕ ਨਵੀਂ ਪਛਾਣ ਦਿੰਦੇ ਹੋਏ ਵੱਡਾ ਐਲਾਨ ਕੀਤਾ ਹੈ। ਹੁਣ ਕੰਪਨੀ ਆਪਣੀਆਂ ਕਾਰਾਂ ਨੂੰ ਗਾਹਕਾਂ ਦੇ ਸਾਹਮਣੇ 'Tata.cars' ਦੇ ਨਵੇਂ ਬ੍ਰਾਂਡ ਨਾਂਅ ਹੇਠ ਪੇਸ਼ ਕਰੇਗੀ। ਇਹ ਬਦਲਾਅ ਸਿਰਫ਼ ਨਾਂਅ ਤੱਕ ਹੀ ਸੀਮਤ ਨਹੀਂ ਰਹੇਗਾ, ਸਗੋਂ ਆਉਣ ਵਾਲੇ ਸਮੇਂ ਵਿੱਚ ਕੰਪਨੀ ਦੀਆਂ ਡੀਲਰਸ਼ਿਪਾਂ, ਸ਼ੋਅਰੂਮਾਂ, ਡਿਜੀਟਲ ਪਲੇਟਫਾਰਮਾਂ, ਸਰਵਿਸ ਸੈਂਟਰਾਂ ਅਤੇ ਮਾਰਕੀਟਿੰਗ ਨਾਲ ਜੁੜੇ ਹਰ ਕੰਮ ਵਿੱਚ ਵੀ ਪੂਰੀ ਤਰ੍ਹਾਂ ਨਵੀਂ ਦਿੱਖ ਦੇ ਰੂਪ ਵਿੱਚ ਨਜ਼ਰ ਆਵੇਗਾ। ਹਾਲਾਂਕਿ, ਕੰਪਨੀ ਦੇ ਕਾਨੂੰਨੀ ਨਾਂਅ (Legal Identity) ਅਤੇ ਕਾਰਪੋਰੇਟ ਢਾਂਚੇ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਸਰਕਾਰੀ ਅਤੇ ਕਾਨੂੰਨੀ ਦਸਤਾਵੇਜ਼ਾਂ, ਰੈਗੂਲੇਟਰੀ ਫਾਈਲਿੰਗ ਅਤੇ ਮੈਨੂਫੈਕਚਰਿੰਗ ਪਲਾਂਟਾਂ ਲਈ ਪਹਿਲਾਂ ਵਾਂਗ 'ਟਾਟਾ ਮੋਟਰਜ਼ ਪੈਸੇਂਜਰ ਵ੍ਹੀਕਲ' ਨਾਂਅ ਦੀ ਹੀ ਵਰਤੋਂ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : EPFO ਦੇ ਰਡਾਰ 'ਚ ਆਈਆਂ 800 ਕੰਪਨੀਆਂ ! 31 ਅਕਤੂਬਰ ਤੱਕ ਜਾਰੀ ਕਰ 'ਤਾ ਅਲਟੀਮੇਟਮ
ਕਿਉਂ ਚੁਣਿਆ ਗਿਆ 'Tata.cars' ਨਾਂਅ?
ਕੰਪਨੀ ਮੁਤਾਬਕ, ਭਾਰਤ ਵਿੱਚ ਲੋਕ ਲੰਬੇ ਸਮੇਂ ਤੋਂ ਆਮ ਬੋਲਚਾਲ ਦੀ ਭਾਸ਼ਾ ਵਿੱਚ ਟਾਟਾ ਦੀਆਂ ਕਾਰਾਂ ਨੂੰ 'ਟਾਟਾ ਕਾਰਸ' (Tata cars) ਦੇ ਨਾਂਅ ਨਾਲ ਹੀ ਪਛਾਣਦੇ ਆ ਰਹੇ ਹਨ। ਇਸ ਲਈ ਕੰਪਨੀ ਨੇ ਇਸ ਪ੍ਰਸਿੱਧ ਪਛਾਣ ਨੂੰ ਅਧਿਕਾਰਤ ਤੌਰ 'ਤੇ ਅਪਣਾਉਣ ਦਾ ਫੈਸਲਾ ਕੀਤਾ ਹੈ। ਟਾਟਾ ਮੋਟਰਜ਼ ਪੈਸੇਂਜਰ ਵ੍ਹੀਕਲਜ਼ ਦੇ ਮੈਨੇਜਿੰਗ ਡਾਇਰੈਕਟਰ ਸ਼ੈਲੇਸ਼ ਚੰਦਰਾ ਨੇ ਦੱਸਿਆ ਕਿ ਇਹ ਇੱਕ ਅਜਿਹੀ ਪਛਾਣ ਹੈ ਜੋ ਭਾਰਤ ਦੇ ਲੋਕਾਂ ਨੇ ਖੁਦ ਕੰਪਨੀ ਨੂੰ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ 'ਟਾਟਾ' ਨਾਮ ਕੰਪਨੀ ਦੀ ਅਮੀਰ ਵਿਰਾਸਤ, ਕਦਰਾਂ-ਕੀਮਤਾਂ ਅਤੇ ਪੀੜ੍ਹੀਆਂ ਦੇ ਭਰੋਸੇ ਨੂੰ ਦਰਸਾਉਂਦਾ ਹੈ, ਜਦਕਿ 'Tata.cars' ਇਸ ਨੂੰ ਇੱਕ ਆਧੁਨਿਕ ਅਤੇ ਭਵਿੱਖਮੁਖੀ (futuristic) ਪਛਾਣ ਪ੍ਰਦਾਨ ਕਰੇਗਾ।
ਸ਼ੋਅਰੂਮਾਂ ਅਤੇ ਸਰਵਿਸ ਸੈਂਟਰਾਂ 'ਚ ਹੋਣਗੇ ਵੱਡੇ ਬਦਲਾਅ
ਆਉਣ ਵਾਲੇ ਕੁਝ ਮਹੀਨਿਆਂ ਵਿੱਚ ਟਾਟਾ ਮੋਟਰਜ਼ ਦੇ ਦੇਸ਼ ਭਰ ਵਿੱਚ ਸਥਿਤ ਸ਼ੋਅਰੂਮਾਂ ਦੀ ਦਿੱਖ ਨੂੰ ਨਵੇਂ ਡਿਜ਼ਾਈਨ ਨਾਲ ਅਪਡੇਟ ਕਰਨਾ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਸ਼ੋਅਰੂਮਾਂ ਦੇ ਬਾਹਰੀ ਅਤੇ ਅੰਦਰੂਨੀ ਹਿੱਸੇ (Exterior and Interior) ਨੂੰ ਬਦਲਿਆ ਜਾਵੇਗਾ ਅਤੇ ਇਨ੍ਹਾਂ ਨੂੰ ਸਟੇਨਲੈੱਸ-ਸਟੀਲ ਦੇ ਨਵੇਂ ਫਰੰਟ ਫੇਸ ਅਤੇ ਲੂਵਰਡ ਪੈਨਲਾਂ ਨਾਲ ਸਜਾਇਆ ਜਾਵੇਗਾ। ਟਾਟਾ ਪੈਸੇਂਜਰ ਇਲੈਕਟ੍ਰਿਕ ਮੋਬਿਲਿਟੀ ਦੇ ਚੀਫ਼ ਕਮਰਸ਼ੀਅਲ ਅਫ਼ਸਰ ਵਿਵੇਕ ਸ਼੍ਰੀਵਤਸਾ ਨੇ ਦੱਸਿਆ ਕਿ ਕੰਪਨੀ ਇਸ ਬਦਲਾਅ ਦੇ ਨਾਲ ਇੱਕ ਨਵੀਂ ਵਿਜ਼ੂਅਲ ਅਤੇ ਸੈਂਸਰੀ ਪ੍ਰਣਾਲੀ ਪੇਸ਼ ਕਰ ਰਹੀ ਹੈ। ਇਸ ਨੂੰ 'ਪੈਰਲਲ ਪਾਥਵੇਅ' (Parallel Pathway) ਡਿਜ਼ਾਈਨ ਫਿਲਾਸਫੀ ਦੇ ਆਧਾਰ 'ਤੇ ਤਿਆਰ ਕੀਤਾ ਗਿਆ ਹੈ। ਇਸ ਨਵੀਂ ਬ੍ਰਾਂਡਿੰਗ ਵਿੱਚ ਖ਼ਾਸ ਤੌਰ 'ਤੇ 'ਐਂਬੀਸ਼ਨ ਬਲੂ' (Ambition Blue) ਰੰਗ ਦੀ ਵਰਤੋਂ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਇੱਕ ਨਵਾਂ ਸੋਨਿਕ ਆਈਡੈਂਟਿਟੀ ਸਿਸਟਮ (sonical identity system) ਵੀ ਲਾਗੂ ਕੀਤਾ ਜਾਵੇਗਾ, ਜਿਸ ਨਾਲ ਇਹ ਬ੍ਰਾਂਡ ਸਿਰਫ਼ ਦੇਖਣ ਵਿੱਚ ਹੀ ਨਹੀਂ ਬਲਕਿ ਸੁਣਨ ਵਿੱਚ ਵੀ ਬਿਲਕੁਲ ਵੱਖਰਾ ਅਤੇ ਵਿਲੱਖਣ ਮਹਿਸੂਸ ਹੋਵੇਗਾ।
ਇਹ ਵੀ ਪੜ੍ਹੋ : ਪੰਜਾਬ ਪੁਲਸ ਦੇ ਤਤਕਾਲੀ SHO ਨੂੰ ਹੋਈ 3 ਸਾਲ ਦੀ ਜੇਲ੍ਹ, ਅੰਮ੍ਰਿਤਧਾਰੀ ਸਿੰਘ ਦੀ ਸ਼ਿਕਾਇਤ 'ਤੇ ਹੋਈ ਕਾਰਵਾਈ
ਇਲੈਕਟ੍ਰਿਕ ਵਾਹਨਾਂ ਲਈ ਚੱਲਦਾ ਰਹੇਗਾ 'Tata.ev'
ਕੰਪਨੀ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਆਪਣੇ ਇਲੈਕਟ੍ਰਿਕ ਵਾਹਨ (EV) ਕਾਰੋਬਾਰ ਲਈ ਪਹਿਲਾਂ ਵਾਂਗ ਹੀ 'Tata.ev' ਨਾਂਅ ਦੀ ਵਰਤੋਂ ਜਾਰੀ ਰੱਖੇਗੀ। ਗਾਹਕਾਂ ਲਈ ਇਹ ਨਵਾਂ ਬਦਲਾਅ ਆਉਣ ਵਾਲੇ ਦਿਨਾਂ ਵਿੱਚ ਡਿਜੀਟਲ ਪਲੇਟਫਾਰਮਾਂ ਅਤੇ ਡੀਲਰਸ਼ਿਪਾਂ 'ਤੇ ਹੌਲੀ-ਹੌਲੀ ਲਾਗੂ ਹੁੰਦਾ ਦਿਖਾਈ ਦੇਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
EPFO ਦੇ ਰਡਾਰ 'ਚ ਆਈਆਂ 800 ਕੰਪਨੀਆਂ ! 31 ਅਕਤੂਬਰ ਤੱਕ ਜਾਰੀ ਕਰ 'ਤਾ ਅਲਟੀਮੇਟਮ
NEXT STORY 
