ਨਵੀਂ ਦਿੱਲੀ — ਡਾਲਰ ਦੀ ਮਜ਼ਬੂਤੀ ਦਾ ਅਸਰ ਬਨਾਰਸ ਦੇ ਸਿਲਕ ਉਦਯੋਗ 'ਤੇ ਵੀ ਸਾਫ ਨਜ਼ਰ ਆਉਣ ਲੱਗਾ ਹੈ। ਮਹਿੰਗੇ ਹੁੰਦੇ ਡਾਲਰ ਕਾਰਨ ਸਿਲਕ ਉਦਯੋਗ ਵਿਚ ਇਸਤੇਮਾਲ ਹੋਣ ਵਾਲੇ ਕੱਚੇ ਮਾਲ ਦੀਆਂ ਕੀਮਤਾਂ 'ਤੇ ਜ਼ਿਆਦਾ ਅਸਰ ਪਿਆ ਹੈ। ਇਕ ਪਾਸੇ ਘਰੇਲੂ ਬਜ਼ਾਰ 'ਚ ਸਿਲਕ ਦੀਆਂ ਸਾੜ੍ਹੀਆਂ ਅਤੇ ਕੱਪੜਿਆਂ ਦੀਆਂ ਕੀਮਤਾਂ ਵਿਚ ਵਾਧਾ ਹੋਇਆ ਹੈ ਅਤੇ ਦੂਜੇ ਪਾਸੇ ਵਿਦੇਸ਼ਾਂ ਤੋਂ ਮਿਲਣ ਵਾਲੇ ਨਿਰਯਾਤ ਦੇ ਆਰਡਰ ਵੀ ਘਟੇ ਹਨ। ਵਿਦੇਸ਼ਾਂ ਤੋਂ ਡਾਲਰ ਦੀ ਪੁਰਾਣੀ ਦਰ 'ਤੇ ਆਰਡਰ ਲੈ ਚੁੱਕੇ ਵਪਾਰੀਆਂ 'ਤੇ ਹੁਣ ਉਸੇ ਦਰ ਨਾਲ ਡਿਲਵਰੀ ਦੇਣ ਦਾ ਦਬਾਅ ਹੈ ਜਿਸ ਦਰ 'ਤੇ ਉਨ੍ਹਾਂ ਨੇ ਆਰਡਰ ਲਿਆ ਸੀ, ਜਦੋਂਕਿ ਡਾਲਰ ਕਾਫੀ ਮਜ਼ਬੂਤ ਹੋ ਚੁੱਕਾ ਹੈ।
ਕੱਚਾ ਮਾਲ ਮਹਿੰਗਾ
ਬਨਾਰਸ ਸਿਲਕ ਉਦਯੋਗ 'ਚ ਇਸਤੇਮਾਲ ਹੋਣ ਵਾਲਾ ਕਰੀਬ 100 ਫੀਸਦੀ ਕੱਚਾ ਮਾਲ ਅੱਜ ਕੱਲ੍ਹ ਬਾਹਰੋਂ ਆਉਂਦਾ ਹੈ। ਸਿਲਕ ਦੇ ਧਾਗੇ ਦੀ ਕੀਮਤ 'ਚ ਬੀਤੇ ਇਕ ਸਾਲ 'ਚ ਹੀ 25-30 ਫੀਸਦੀ ਤੋਂ ਜ਼ਿਆਦਾ ਦਾ ਵਾਧਾ ਦਰਜ ਕੀਤਾ ਗਿਆ ਹੈ ਜਦੋਂਕਿ ਬਾਕੀ ਤਿਆਰ ਕੱਪੜੇ, ਸਾੜ੍ਹੀਆਂ ਦੀ ਰੰਗਾਈ-ਛਪਾਈ ਲਈ ਕੰਮ ਆਉਣ ਵਾਲੇ ਰੰਗ ਦੀ ਕੀਮਤ ਵਿਚ ਵੀ ਵਾਧਾ ਹੋਇਆ ਹੈ। ਮਹਿੰਗੇ ਡਾਲਰ ਕਾਰਨ ਨਾ ਸਿਰਫ ਘਰੇਲੂ ਬਜ਼ਾਰ ਵਿਚ ਬਨਾਰਸੀ ਸਿਲਕ ਉਦਯੋਗ ਦੀ ਕੀਮਤ ਵਧੀ ਹੈ ਸਗੋਂ ਤਿਉਹਾਰੀ ਸੀਜ਼ਨ 'ਚ ਵਿਦੇਸ਼ਾਂ ਤੋਂ ਆਉਣ ਵਾਲੀ ਮੰਗ ਵੀ ਘਟੀ ਹੈ। ਕ੍ਰਿਸਮਸ ਅਤੇ ਨਵੇਂ ਸਾਲ ਕਾਰਨ ਵਿਦੇਸ਼ਾਂ ਵਿਚ ਬਨਾਰਸੀ ਸਿਲਕ ਦੀ ਸਭ ਤੋਂ ਜ਼ਿਆਦਾ ਮੰਗ ਅਗਸਤ ਤੋਂ ਨਵੰਬਰ ਵਿਚਕਾਰ ਹੁੰਦੀ ਹੈ। ਕਰੀਬ ਅੱਧੇ ਤੋਂ ਜ਼ਿਆਦਾ ਨਿਰਯਾਤ ਆਰਡਰ ਇਸੇ ਸੀਜ਼ਨ ਵਿਚ ਮਿਲਦੇ ਹਨ।
ਧਾਗੇ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ
ਬਨਾਰਸੀ ਸਿਲਕ ਦੇ ਪ੍ਰਮੁੱਖ ਕਾਰੋਬਾਰੀ ਅਤੇ ਨਿਰਯਾਤਕ ਦੱਸਦੇ ਹਨ ਕਿ ਬੀਤੇ ਸਾਲ ਚੀਨ ਤੋਂ ਆਉਣ ਵਾਲਾ ਮਲਬਰੀ ਸਿਲਕ ਧਾਗਾ 4,000 ਤੋਂ 4,200 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ ਜੋ ਕਿ ਹੁਣ 6,000 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ ਉੱਪਰ ਮਿਲ ਰਿਹਾ ਹੈ। ਬਨਾਰਸੀ ਸਿਲਕ ਦੀਆਂ ਸਾੜ੍ਹੀਆਂ 'ਚ ਦੇਸੀ ਰੇਸ਼ਮ ਦੇ ਧਾਗੇ ਦੀ ਥਾਂ 90 ਫੀਸਦੀ ਚਾਇਨਾ ਸਿਲਕ ਧਾਗੇ ਦਾ ਹੀ ਇਸਤੇਮਾਲ ਹੁੰਦਾ ਹੈ। ਵਧਿਆ ਫਿਨੀਸ਼ਿੰਗ ਅਤੇ ਖਿੜ੍ਹੇ ਰੰਗ ਲਈ ਬਨਾਰਸੀ ਸਿਲਕ ਕਾਰੋਬਾਰੀ ਜ਼ਿਆਦਾਤਰ ਚਾਈਨੀਜ਼ ਸਿਲਕ ਧਾਗੇ 'ਤੇ ਹੀ ਭਰੋਸਾ ਕਰਦੇ ਹਨ। ਪਾਠਕ ਦਾ ਕਹਿਣਾ ਹੈ ਕਿ ਸਿਲਕ ਦੇ ਕੱਪੜੇ ਦੀ ਰੰਗਾਈ ਅਤੇ ਛਪਾਈ ਲਈ ਇਸਤੇਮਾਲ ਹੋਣ ਵਾਲੇ ਰੰਗ ਸੀਬਾ ਆਦਿ ਜਰਮਨੀ-ਯੂਰਪ ਦੀਆਂ ਕੰਪਨੀਆਂ ਤੋਂ ਮੰਗਵਾਏ ਜਾਂਦੇ ਹਨ। ਇਸ ਕਾਰਨ ਸਿਲਕ ਦੇ ਕੱਪੜੇ ਦੀਆਂ ਕੀਮਤਾਂ ਵਿਚ ਵਾਧਾ ਹੋਇਆ ਹੈ।
ਮਸ਼ੀਨਾਂ ਵੀ ਹੋਈਆਂ ਮਹਿੰਗੀਆਂ
ਸਿਰਫ ਇੰਨਾ ਹੀ ਨਹੀਂ ਮਹਿੰਗੇ ਡਾਲਰ ਦਾ ਅਸਰ ਮਸ਼ੀਨਾਂ ਅਤੇ ਉਨ੍ਹਾਂ ਦੇ ਪੁਰਜਿਆਂ 'ਤੇ ਵੀ ਪਿਆ ਹੈ ਜਿਨ੍ਹਾਂ ਦਾ ਇਸਤੇਮਾਲ ਸਿਲਕ ਕਾਰੋਬਾਰੀ ਕਰਦੇ ਹਨ। ਮਾਹਰ ਦੱਸਦੇ ਹਨ ਕਿ ਸਿਲਕ ਦੀਆਂ ਸਾੜ੍ਹੀਆਂ ਅਤੇ ਕੱਪੜਿਆਂ ਦੀਆਂ ਕੀਮਤਾਂ ਵਿਚ 25 ਫੀਸਦੀ ਦਾ ਵਾਧਾ ਹੋਇਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੁਰਾਣੇ ਨਿਰਯਾਤ ਆਰਡਰ ਤਾਂ ਤਿਆਰ ਹਨ ਪਰ ਨਵੇਂ ਆਰਡਰ ਮਿਲਣ 'ਚ ਮੁਸ਼ਕਲ ਆ ਰਹੀ ਹੈ।
ਚਾਂਦੀ 100 ਰੁਪਏ ਹੋਈ ਸਸਤੀ, ਜਾਣੋ ਸੋਨੇ ਦੇ ਰੇਟ
NEXT STORY 
