ਨਵੀਂ ਦਿੱਲੀ — ਕੋਰੋਨਾ ਵਿਸ਼ਾਣੂ ਦੇ ਮੱਦੇਨਜ਼ਰ ਦੇਸ਼ 'ਚ ਲਾਗੂ ਤਾਲਾਬੰਦੀ ਕਾਰਨ ਤੁਹਾਨੂੰ ਆਪਣੇ ਬਹੁਤ ਸਾਰੇ ਮਹੱਤਵਪੂਰਨ ਕੰਮਾਂ ਨੂੰ ਮੁਲਤਵੀ ਕਰਨਾ ਪਿਆ ਹੋਵੇਗਾ। ਇਸ ਦੌਰਾਨ ਸਰਕਾਰ ਵਲੋਂ ਤਾਲਾਬੰਦੀ ਦੌਰਾਨ ਕਈ ਕੰਮਾਂ ਨੂੰ ਪੂਰਾ ਕਰਨ ਲਈ ਰਾਹਤ ਵੀ ਦਿੱਤੀ ਗਈ ਸੀ। ਪਰ ਹੁਣ ਇਨ੍ਹਾਂ ਕੰਮਾਂ ਦੀ ਅੰਤਮ ਤਾਰੀਖ ਨੂੰ ਵੀ ਧਿਆਨ 'ਚ ਰੱਖਦੇ ਹੋਏ, ਤੁਹਾਨੂੰ ਆਪਣੇ ਸਾਰੇ ਲੋੜੀਂਦੇ ਕੰਮਾਂ ਨੂੰ ਸਮੇਂ ਸਿਰ ਪੂਰਾ ਕਰਨਾ ਪਏਗਾ, ਨਹੀਂ ਤਾਂ ਇਸ ਨਾਲ ਨੁਕਸਾਨ ਵੀ ਹੋ ਸਕਦਾ ਹੈ। ਇਨ੍ਹਾਂ ਵਿਚੋਂ ਇਕ ਬਹੁਤ ਜ਼ਰੂਰੀ ਕੰਮ ਹੈ ਪੈਨ-ਆਧਾਰ ਨੂੰ ਲਿੰਕ ਕਰਵਾਉਣਾ। ਪੈਨ-ਆਧਾਰ ਨੂੰ ਜੋੜਨ ਦੀ ਆਖ਼ਰੀ ਤਰੀਕ 30 ਜੂਨ 2020 ਹੈ। ਇਹ ਤੁਹਾਡਾ ਆਖਰੀ ਮੌਕਾ ਹੈ ਕਿਉਂਕਿ ਇਸ ਤੋਂ ਬਾਅਦ ਸਰਕਾਰ ਵਲੋਂ ਪੈਨ-ਅਧਾਰ ਨੂੰ ਜੋੜਨ ਦੀ ਮਿਤੀ ਅੱਗੇ ਨਹੀਂ ਵਧਾਈ ਜਾਏਗੀ। ਜੇ ਤੁਸੀਂ 30 ਜੂਨ ਤੱਕ ਆਪਣਾ ਪੈਨ ਅਤੇ ਆਧਾਰ ਲਿੰਕ ਨਹੀਂ ਕਰਵਾਉਂਦੇ ਤਾਂ ਤੁਹਾਡਾ ਪੈਨ ਕਾਰਡ ਰੱਦ ਮੰਨਿਆ ਜਾਵੇਗਾ। ਆਓ ਜਾਣਦੇ ਹਾਂ ਇਸ ਨਾਲ ਜੁੜੀਆਂ ਕੁਝ ਮਹੱਤਵਪੂਰਣ ਗੱਲਾਂ।
ਸਰਕਾਰ ਨੇ ਕਿਹਾ ਹੈ ਕਿ ਜੇ ਨਿਰਧਾਰਤ ਮਿਤੀ ਤੋਂ ਪਹਿਲਾਂ ਪੈਨ-ਆਧਾਰ ਲਿੰਕਿੰਗ ਦੀ ਪ੍ਰਕਿਰਿਆ ਨੂੰ ਪੂਰਾ ਨਹੀਂ ਕੀਤਾ ਜਾਂਦਾ ਤਾਂ ਆਮਦਨ ਟੈਕਸ ਐਕਟ ਦੀ ਧਾਰਾ 139ਏਏ ਦੇ ਤਹਿਤ ਤੁਹਾਡਾ ਪੈਨ ਅਵੈਧ ਮੰਨਿਆ ਜਾਵੇਗਾ। ਜੇ ਇਹ ਦੋਵੇਂ ਦਸਤਾਵੇਜ਼ ਆਪਸ 'ਚ ਲਿੰਕ ਨਹੀਂ ਕਰਵਾਏ ਗਏ ਤਾਂ ਤੁਸੀਂ ਇਨਕਮ ਟੈਕਸ ਰਿਟਰਨ ਆਨਲਾਈਨ ਭਰਨ ਦੇ ਯੋਗ ਨਹੀਂ ਹੋਵੋਗੇ।
ਐਸਐਮਐਸ ਭੇਜ ਕੇ ਵੀ ਲਿੰਕ ਕੀਤੇ ਜਾ ਸਕਦੇ ਹਨ ਦੋਵੇਂ ਦਸਤਾਵੇਜ਼
ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਤੁਹਾਡੇ ਪੈਨ ਅਤੇ ਆਧਾਰ ਨੂੰ ਜੋੜਨ ਦੀ ਪ੍ਰਕਿਰਿਆ (ਪੈਨ-ਆਧਾਰ ਲਿੰਕਿੰਗ ਪ੍ਰਕਿਰਿਆ) ਬਹੁਤ ਅਸਾਨ ਹੈ ਅਤੇ ਇਸ ਨੂੰ ਘਰੋਂ ਬਹੁਤ ਘੱਟ ਸਮੇਂ 'ਚ ਵੀ ਬੈਠ ਕੇ ਪੂਰਾ ਕੀਤਾ ਜਾ ਸਕਦਾ ਹੈ। ਇਸਦੇ ਲਈ ਤੁਹਾਨੂੰ ਆਪਣੇ ਪੈਨ ਅਤੇ ਆਧਾਰ ਨੂੰ ਜੋੜਨ ਲਈ ਇੱਕ ਫਾਰਮੈਟ ਵਿਚ UIDPAN12digit Aadhaar> 10digitPAN> 567678 ਜਾਂ 56161 'ਤੇ SMS ਵੀ ਭੇਜ ਸਕਦੇ ਹੋ।
ਇਹ ਵੀ ਪੜ੍ਹੋ : ਰਾਮਦੇਵ ਦਾ ਦਾਅਵਾ : 100 ਫ਼ੀਸਦੀ ਰਿਕਵਰੀ ਦਰ ਨਾਲ ਪਤੰਜਲੀ ਨੇ ਬਣਾ ਲਈ ਕੋਵਿਡ-19 ਦੀ ਦਵਾਈ
ਪੈਨ-ਆਧਾਰ ਲਿੰਕ ਨਾ ਕਰਵਾਉਣ 'ਤੇ ਹੋ ਸਕਦੇ ਹਨ ਇਹ ਨੁਕਸਾਨ
ਜੇਕਰ ਆਨ ਲਾਈਨ ਇਨ੍ਹਾਂ ਦਸਤਾਵੇਜ਼ਾਂ ਨੂੰ ਲਿੰਕ ਨਹੀਂ ਕਰਵਾ ਪਾ ਰਹੇ ਤਾਂ ਤੁਸੀਂ ਐਨਐਸਡੀਐਲ(NSDL) ਜਾਂ ਯੂਟੀਆਈਟੀਐਸਐਲ(UTITSL) ਦੇ ਪੈਨ ਸਰਵਿਸ ਸੈਂਟਰ ਵਿਚ ਜਾ ਕੇ ਆਫਲਾਈਨ ਵੀ ਇਸ ਨੂੰ ਲਿੰਕ ਕਰਵਾ ਸਕਦੇ ਹੋ। ਜੇਕਰ ਸਮੇਂ ਸਿਰ ਇਨ੍ਹਾਂ ਦੋਵਾਂ ਦਸਤਾਵੇਜ਼ ਨੂੰ ਲਿੰਕ ਨਹੀਂ ਕੀਤਾ ਜਾਂਦਾ ਤਾਂ ਆਮਦਨ ਟੈਕਸ ਵਿਭਾਗ ਤੁਹਾਡੇ ਪੈਨ ਨੂੰ ਅਵੈਧ ਪੈਨ ਕਰਾਰ ਦੇ ਸਕਦਾ ਹੈ। ਪੈਨ ਕਾਰਡ ਅਵੈਧ ਹੋ ਜਾਣ ਤੋਂ ਬਾਅਦ ਇਸ ਦੀ ਸਹਾਇਤਾ ਨਾਲ ਨਾ ਤਾਂ ਤੁਸੀਂ ਆਮਦਨ ਟੈਕਸ ਰਿਟਰਨ ਦਾਖਲ ਕਰ ਸਕੋਗੇ ਅਤੇ ਨਾ ਹੀ ਤੁਸੀਂ ਕੋਈ ਬੈਂਕ ਖਾਤਾ ਖੋਲ੍ਹ ਸਕੋਗੇ। ਜੇ ਤੁਸੀਂ 50,000 ਰੁਪਏ ਤੋਂ ਵੱਧ ਦਾ ਬੈਂਕਿੰਗ ਟ੍ਰਾਂਜੈਕਸ਼ਨ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਨੂੰ ਵੀ ਪੂਰਾ ਨਹੀਂ ਕਰ ਸਕੋਗੇ।
ਲੱਗਦਾ ਹੈ 10 ਹਜ਼ਾਰ ਰੁਪਏ ਤੱਕ ਦਾ ਜ਼ੁਰਮਾਨਾ
ਤੁਹਾਨੂੰ ਦੱਸ ਦੇਈਏ ਕਿ ਇਨਕਮ ਟੈਕਸ ਐਕਟ 1961 ਦੀ ਧਾਰਾ 272 ਬੀ ਦੇ ਤਹਿਤ ਅਯੋਗ ਪੈਨ ਕਾਰਡ ਦੀ ਵਰਤੋਂ ਕਰਨ 'ਤੇ 10,000 ਰੁਪਏ ਜੁਰਮਾਨੇ ਦੀ ਵਿਵਸਥਾ ਵੀ ਹੈ। ਇਸ ਦੇ ਨਾਲ ਹੀ ਇਹ ਵੀ ਧਿਆਨ 'ਚ ਰੱਖਣਾ ਪਏਗਾ ਕਿ ਪੈਨ ਕਾਰਡ ਦੀ ਕੋਈ ਜਾਣਕਾਰੀ ਭਰਨ ਵੇਲੇ ਪੂਰੀ ਸਾਵਧਾਨੀ ਵਰਤੀ ਜਾਵੇ। ਇਸ ਵਿਚ ਕੀਤੀ ਕੋਈ ਵੀ ਗੜਬੜੀ ਤੁਹਾਨੂੰ ਜੁਰਮਾਨਾ ਭਰਨ ਲਈ ਮਜਬੂਰ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ: US ਨੇ H1-B ਵੀਜ਼ਾ ਦੀ ਮੁਅੱਤਲੀ ਵਧਾਈ, ਸੁੰਦਰ ਪਿਚਾਈ ਸਮੇਤ ਕਈ ਲੋਕਾਂ ਨੇ ਜ਼ਾਹਰ ਕੀਤਾ ਇਤਰਾਜ਼
ਨਿਯਮਾਂ ਅਨੁਸਾਰ ਇੱਕ ਵਿਅਕਤੀ ਲਈ ਸਿਰਫ ਇੱਕ ਪੈਨ ਕਾਰਡ ਜਾਰੀ ਕੀਤਾ ਜਾਂਦਾ ਹੈ। ਜੇ ਕਿਸੇ ਵਿਅਕਤੀ ਕੋਲ ਇਕ ਤੋਂ ਵੱਧ ਪੈਨ ਕਾਰਡ ਹਨ, ਤਾਂ ਉਸ ਵਿਅਕਤੀ ਨੂੰ ਵੀ ਭਾਰੀ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਜੇਕਰ ਤੁਹਾਡਾ ਪੈਨ ਕਾਰਡ ਕਿਧਰੇ ਗੁੰਮ ਗਿਆ ਹੈ, ਤਾਂ ਨਵੇਂ ਪੈਨ ਲਈ ਅਰਜ਼ੀ ਦੇਣ ਦੀ ਬਜਾਏ, ਤੁਸੀਂ ਆਸਾਨੀ ਨਾਲ ਡੁਪਲੀਕੇਟ ਪੈਨ ਕਾਰਡ ਪ੍ਰਾਪਤ ਕਰ ਸਕਦੇ ਹੋ।
ਸਰਕਾਰ ਦੁਆਰਾ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਗੈਰ-ਰਿਹਾਇਸ਼ੀ ਭਾਰਤੀਆਂ (NRI) ਲਈ ਪੈਨ ਕਾਰਡ ਅਤੇ ਆਧਾਰ ਕਾਰਡ ਨੂੰ ਜੋੜਨ ਦੀ ਕੋਈ ਜ਼ਰੂਰਤ ਨਹੀਂ ਹੈ। ਹਾਲਾਂਕਿ ਇਕ ਐਨਆਰਆਈ ਨੂੰ ਕਿਸੇ ਵਿੱਤੀ ਲੈਣਦੇਣ ਲਈ ਇੱਕ ਅਧਾਰ ਕਾਰਡ ਦੀ ਜ਼ਰੂਰਤ ਹੋ ਸਕਦੀ ਹੈ। ਉਹ ਵੀ ਇਸ ਲਈ ਅਰਜ਼ੀ ਦੇਣ ਦੇ ਯੋਗ ਹਨ। ਜੇਕਰ ਤੁਹਾਡੇ ਕੋਲ ਅਧਾਰ ਹੈ ਤਾਂ ਉਹ ਵੀ ਇਸ ਨੂੰ ਪੈਨ ਨਾਲ ਜੋੜ ਸਕਦੇ ਹਨ।
ਇਹ ਵੀ ਪੜ੍ਹੋ:
ਇਹ ਵੀ ਪੜ੍ਹੋ: ਭਾਰਤ ਦੀ ਜੀਡੀਪੀ 'ਚ ਇਸ ਸਾਲ ਆ ਸਕਦੀ ਹੈ 3.1 ਫੀਸਦੀ ਦੀ ਗਿਰਾਵਟ : ਮੂਡੀਜ਼
ਇਸ ਤਰ੍ਹਾਂ ਕਰੋ ਆਨਲਾਈਨ ਲਿੰਕ
ਜੇਕਰ ਤੁਸੀਂ ਘਰ ਬੈਠੇ ਆਨਲਾਈਨ ਪੈਨ-ਆਧਾਰ ਨੂੰ ਲਿੰਕ(Online Aadhaar-PAN Liking Process) ਕਰਨਾ ਚਾਹੁੰਦੇ ਹੋ ਤਾਂ ਇਸ ਲਈ ਤੁਹਾਨੂੰ ਇਨਕਮ ਟੈਕਸ ਈ-ਫਾਈਲਿੰਗ ਵੈਬਸਾਈਟ (www,incometaxindiaefiling.gov.in) 'ਤੇ ਜਾਣਾ ਪਏਗਾ। ਵੈਬਸਾਈਟ 'ਤੇ ਇੱਕ ਆਪਸ਼ਨ ਦਿਖਾਈ ਦੇਵੇਗਾ 'ਲਿੰਕ ਆਧਾਰ' ਇਥੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਇਕ ਨਵਾਂ ਪੇਜ ਖੁੱਲੇਗਾ। ਇਸ ਪੇਜ 'ਤੇ ਤੁਹਾਨੂੰ ਆਪਣਾ ਨਾਮ ਪੈਨ ਕਾਰਡ ਨੰਬਰ, ਆਧਾਰ ਕਾਰਡ, ਆਧਾਰ ਕਾਰਡ 'ਤੇ ਆਪਣਾ ਨਾਮ ਭਰਨਾ ਪਵੇਗਾ। ਜੇ ਤੁਹਾਡੇ ਆਧਾਰ ਕਾਰਡ ਜਨਮ ਮਿਤੀ 'ਚ ਸਿਰਫ ਸਾਲ ਹੈ ਤਾਂ ਹੇਠਾਂ ਦਿੱਤੇ ਚੈਕ ਬਾਕਸ 'ਤੇ ਕਲਿੱਕ ਕਰਨਾ ਹੋਏਗਾ। ਇਸ ਤੋਂ ਬਾਅਦ ਤੁਹਾਨੂੰ ਦਿੱਤੇ ਗਏ ਕੈਪਚਾ ਕੋਡ ਨੂੰ ਭਰਨਾ ਪਏਗਾ। ਆਖਿਰ 'ਚ ਤੁਹਾਨੂੰ 'ਲਿੰਕ ਆਧਾਰ' ਦੇ 'ਵਿਕਲਪ' 'ਤੇ ਕਲਿੱਕ ਕਰਨਾ ਪਏਗਾ। ਲਿੰਕਿੰਗ ਦੀ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ਤੇ ਇੱਕ ਮੈਸੇਜ ਆ ਜਾਵੇਗਾ।
ਕੋਵਿਡ-19 ਦੇ ਟੀਕੇ ਨੂੰ ਬਣਾਉਣ ਦੀ ਅਗਲੇ ਸਾਲ ਮਿਲ ਸਕਦੀ ਹੈ ਇਜਾਜ਼ਤ : ਸਨੋਫੀ
NEXT STORY 
