ਨਵੀਂ ਦਿੱਲੀ - ਹਰ ਕੋਈ ਚਾਹੁੰਦਾ ਹੈ ਕਿ ਉਹ ਆਪਣੀ ਮਿਹਨਤ ਦੀ ਕਮਾਈ ਨਾਲ ਜਿਥੇ ਵੀ ਨਿਵੇਸ਼ ਕਰੇ ਉਥੇ ਉਸ ਦਾ ਨਿਵੇਸ਼ ਸੁਰੱਖਿਅਤ ਹੋਣ ਦੇ ਨਾਲ-ਨਾਲ ਵਧੀਆ ਰਿਟਰਨ ਵੀ ਦਵੇ। ਇਸ ਲਈ ਪੋਸਟ ਆਫ਼ਿਸ ਜ਼ਰੀਏ ਕੀਤੇ ਗਏ ਨਿਵੇਸ਼ ਵਿਚ ਜੋਖ਼ਮ ਨਾ ਦੇ ਬਰਾਬਰ ਹੁੰਦਾ ਹੈ। ਪੋਸਟ ਆਫ਼ਿਸ ਗਰਾਮ ਸੁਰੱਖਿਆ ਯੋਜਨਾ ਜ਼ਰੀਏ ਬਿਨਾਂ ਜੋਖ਼ਮ ਜ਼ਿਆਦਾ ਨਿਵੇਸ਼ ਕਮਾਇਆ ਜਾ ਸਕਦਾ ਹੈ।
ਇਸ ਯੋਜਨਾ ਵਿਚ ਨਿਯਮਿਤ ਨਿਵੇਸ਼ ਦੇ ਬਾਅਦ ਤੁਸੀਂ ਇਕਮੁਸ਼ਤ 35 ਲੱਖ ਰੁਪਏ ਤੱਕ ਕਮਾ ਲਾਭ ਕਮਾ ਸਕਦੇ ਹੋ। ਪੋਸਟ ਆਫ਼ਿਸ ਗਰਾਮ ਸੁਰੱਖਿਆ ਯੋਜਨਾ ਤਹਿਤ ਬਿਹਤਰ ਰਿਟਰਨ ਦੇ ਨਾਲ-ਨਾਲ ਲਾਈਫ ਇੰਸ਼ੋਰੈਂਸ ਦਾ ਵੀ ਲਾਭ ਕਮਾ ਸਕਦੇ ਹੋ।
ਇਹ ਵੀ ਪੜ੍ਹੋ : ਮੁਕੇਸ਼ ਅੰਬਾਨੀ ਨੇ ਲੰਡਨ 'ਚ ਖ਼ਰੀਦਿਆ ਆਲੀਸ਼ਾਨ ਮਹਿਲ, ਨਵੇਂ ਘਰ 'ਚ ਮਨਾਈ ਦੀਵਾਲੀ
ਗਰਾਮ ਸੁਰੱਖਿਆ ਯੋਜਨਾ ਦੇ ਲਾਭ
ਗਰਾਮ ਸੁਰੱਖਿਆ ਸਕੀਮ ਵਿਚ ਨਿਵੇਸ਼ ਲਈ ਉਮਰ 19 ਤੋਂ 55 ਸਾਲ ਦਰਮਿਆਨ ਹੋਣੀ ਚਾਹੀਦੀ ਹੈ। ਇਸ ਸਕੀਮ ਵਿਚ 10,000 ਤੋਂ ਲੈ ਕੇ 10 ਲੱਖ ਰੁਪਏ ਤੱਕ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ। ਇਸ ਦਾ ਪ੍ਰੀਮੀਅਮ ਤੁਸੀਂ ਮਹੀਨਾਵਾਰ, ਤਿਮਾਹੀ, ਛਿਮਾਹੀ ਅਤੇ ਸਾਲਾਨਾ ਆਧਾਰ 'ਤੇ ਭੁਗਤਾਨ ਕਰ ਸਕਦੇ ਹੋ। ਪ੍ਰੀਮੀਅਮ ਦੇ ਭੁਗਤਾਨ ਲਈ ਤੁਹਾਨੂੰ 30 ਦਿਨਾਂ ਦੀ ਛੋਟ ਮਿਲੇਗੀ।
ਇਸ ਪਾਲਸੀ ਨੂੰ ਖ਼ਰੀਦਣ ਦੇ 4 ਸਾਲ ਦੇ ਬਾਅਦ ਲੋਨ ਲਿਆ ਜਾ ਸਕਦਾ ਹੈ।ਯੋਜਨਾ ਦੇ ਤਹਿਤ ਜੇਕਰ ਤੁਸੀਂ 19 ਸਾਲ ਦੀ ਉਮਰ ਵਿਚ 10 ਲੱਖ ਰੁਪਏ ਦੀ ਗਰਾਮ ਸੁਰੱਖਿਆ ਯੋਜਨਾ ਖ਼ਰੀਦਦੇ ਹੋ ਤਾਂ 55 ਸਾਲ ਲਈ ਤੁਹਾਨੂੰ ਹਰ ਮਹੀਨੇ 1515 ਰੁਪਏ ਪ੍ਰੀਮੀਅਮ ਭਰਨਾ ਹੋਵੇਗਾ। ਜਦੋਂਕਿ 58 ਸਾਲ ਲਈ 1463 ਰੁਪਏ ਅਤੇ 60 ਸਾਲ ਲਈ 1411 ਰੁਪਏ ਮਹੀਨੇ ਜਮ੍ਹਾ ਕਰਨਾ ਹੋਵੇਗਾ। ਇਸ ਸਕੀਮ ਦੇ ਤਹਿਤ ਨਿਵੇਸ਼ਕਾਂ ਨੂੰ ਹਰ ਰੋਜ਼ ਕਰੀਬ 50 ਰੁਪਏ ਭਾਵ ਮਹੀਨੇ ਵਿਚ 1500 ਰੁਪਏ ਜਮ੍ਹਾ ਕਰਨੇ ਹੋਣਗੇ। ਨਿਵੇਸ਼ਕਾਂ ਨੂੰ 55 ਸਾਲ ਲਈ 31.60 ਲੱਖ ਰੁਪਏ, 58 ਸਾਲ ਲਈ 33.40 ਲੱਖ ਰੁਪਏ ਅਤੇ 60 ਸਾਲ ਲਈ 34.60 ਲੱਖ ਰੁਪਏ ਦਾ ਮਚਿਊਰਿਟੀ ਲਾਭ ਮਿਲੇਗਾ। ਗਰਾਮ ਸੁਰੱਖਿਆ ਯੋਜਨਾ ਦੇ ਤਹਿਤ ਇਹ ਰਕਮ ਵਿਅਕਤੀ ਦੇ 80 ਸਾਲ ਦੇ ਹੋਣ 'ਤੇ ਉਸ ਨੂੰ ਸੌਂਪ ਦਿੱਤੀ ਜਾਂਦੀ ਹੈ। ਹਾਲਾਂਕਿ ਜੇਕਰ ਵਿਅਕਤੀ ਦੀ ਮੌਤ ਹੋ ਜਾਂਦੀ ਹੈ ਤਾਂ ਇਹ ਰਾਸ਼ੀ ਵਿਅਕਤੀ ਦੇ ਕਾਨੂੰਨੀ ਉੱਤਰਾਧਿਕਾਰੀ ਨੂੰ ਮਿਲਦੀ ਹੈ।
ਇਹ ਵੀ ਪੜ੍ਹੋ : ‘ਬਾਜ਼ਾਰ ’ਚ ਰੌਣਕ ਵਧੀ, ਦੀਵਾਲੀ ਤੋਂ ਪਹਿਲਾਂ ਧਨਤੇਰਸ ਮੌਕੇ ਸੋਨੇ ਦੀ ਵਿਕਰੀ ਤੇਜ਼’
3 ਸਾਲ ਬਾਅਦ ਸਰੰਡਰ ਦਾ ਵਿਕਲਪ
ਖ਼ਾਤਾਧਾਰਕ 3 ਸਾਲ ਬਾਅਦ ਪਾਲਸੀ ਸਰੰਡਰ ਕਰਨ ਦਾ ਵਿਕਲਪ ਚੁਣ ਸਕਦੇ ਹਨ। ਹਾਲਾਂਕਿ ਉਸ ਸਥਿਤੀ ਵਿਚ ਲਾਭ ਦੀ ਗੁੰਜਾਇਸ਼ ਨਾ ਦੇ ਬਰਾਬਰ ਹੋਵੇਗੀ। ਪਾਲਸੀ ਦਾ ਸਭ ਤੋਂ ਵੱਡਾ ਆਕਰਸ਼ਨ ਇੰਡੀਆ ਪੋਸਟ ਵਲੋਂ ਦਿੱਤਾ ਜਾਣ ਵਾਲਾ ਬੋਨਸ ਹੈ ਅਤੇ ਆਖ਼ਰੀ ਘੋਸ਼ਿਤ ਬੋਨਸ ਹਰੇਕ ਸਾਲ 60 ਰੁਪਏ ਪ੍ਰਤੀ 1,000 ਰੁਪਏ ਦਾ ਬੋਨਸ ਦਿੱਤਾ ਜਾਂਦਾ ਹੈ। ਵਧੇਰੇ ਜਾਣਕਾਰੀ ਲਈ ਡਾਕਘਰ ਵਿਚ ਸੰਪਰਕ ਕਰਕੇ ਜਾਣਕਾਰੀ ਲਈ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ : ‘ਇਸ ਦੀਵਾਲੀ ‘ਚਮਕੇਗਾ’ ਸੋਨਾ’, ਪਿਛਲੇ ਕੁੱਝ ਮਹੀਨਿਆਂ ’ਚ ਕੀਮਤੀ ਧਾਤੂ ਨੇ ਦਿੱਤਾ ਚੰਗਾ ਰਿਟਰਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਹਵਾਈ ਯਾਤਰੀਆਂ ਲਈ ਖ਼ੁਸ਼ਖ਼ਬਰੀ! ਸਿਰਫ਼ 325 ਰੁਪਏ 'ਚ ਘਰੋਂ ਸਮਾਨ ਚੁੱਕੇਗੀ ਇਹ ਏਅਰਲਾਈਨ
NEXT STORY 
