ਮੁੰਬਈ (ਬਿਊਰੋ)– ਅਕਸ਼ੇ ਕੁਮਾਰ ਇਸ ਸਮੇਂ ਆਪਣੀ ਨਵੀਂ ਫ਼ਿਲਮ ‘OMG 2’ ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਹਨ। 2012 ਦੀ ਬਲਾਕਬਸਟਰ ਫ਼ਿਲਮ ‘OMG’ ਦੇ ਇਸ ਸੀਕਵਲ ’ਚ ਅਕਸ਼ੇ ਕੁਮਾਰ ਤੇ ਪੰਕਜ ਤ੍ਰਿਪਾਠੀ ਮੁੱਖ ਭੂਮਿਕਾ ’ਚ ਹਨ ਤੇ ਯਾਮੀ ਗੌਤਮ ਉਨ੍ਹਾਂ ਦਾ ਸਮਰਥਨ ਕਰਦੀ ਹੈ। ਇਹ ਸੀਕਵਲ ਲੋਕਾਂ ਨੂੰ ਸਿਨੇਮਾਘਰਾਂ ਵੱਲ ਆਕਰਸ਼ਿਤ ਕਰਨ ’ਚ ਸਫਲ ਹੁੰਦਾ ਨਜ਼ਰ ਆ ਰਿਹਾ ਹੈ। ਸ਼ੁਰੂਆਤ ’ਚ ਫ਼ਿਲਮ ਦੀ ਰਫ਼ਤਾਰ ਥੋੜ੍ਹੀ ਹੌਲੀ ਸੀ ਪਰ ਹੁਣ ਇਸ ਨੇ ਬਾਕਸ ਆਫਿਸ ’ਤੇ ਜ਼ਬਰਦਸਤ ਰਫ਼ਤਾਰ ਫੜ ਲਈ ਹੈ। ਭਗਵਾਨ ਸ਼ਿਵ ਦੇ ਦੂਤ ਦੀ ਭੂਮਿਕਾ ’ਚ ਅਕਸ਼ੇ ਕੁਮਾਰ ਦੀ ਅਦਾਕਾਰੀ ਤੋਂ ਦਰਸ਼ਕ ਕਾਫੀ ਪ੍ਰਭਾਵਿਤ ਹੋਏ ਹਨ। ਇਸ ਤੋਂ ਇਲਾਵਾ ਉਹ ਫ਼ਿਲਮ ਦੀ ਕਹਾਣੀ ਤੇ ਇਸ ਨੂੰ ਪੇਸ਼ ਕਰਨ ਦੇ ਅੰਦਾਜ਼ ਦੀ ਵੀ ਤਾਰੀਫ਼ ਕਰ ਰਹੇ ਹਨ। ਹੁਣ ਜਦੋਂ ਅਕਸ਼ੇ ਤੇ ਪੰਕਜ ਤ੍ਰਿਪਾਠੀ ਆਪਣੀ ਨਵੀਂ ਫ਼ਿਲਮ ਦੀ ਵੱਡੀ ਸਫਲਤਾ ਤੋਂ ਖ਼ੁਸ਼ ਹਨ, ਉਥੇ 16 ਸਾਲ ਦਾ ਆਰੁਸ਼ ਵਰਮਾ, ਜਿਸ ਨੇ ਫ਼ਿਲਮ ’ਚ ਪੰਕਜ ਤ੍ਰਿਪਾਠੀ ਦੇ ਪੁੱਤਰ ਦੀ ਭੂਮਿਕਾ ਨਿਭਾਈ ਸੀ, ਇਹ ਫ਼ਿਲਮ ਨਹੀਂ ਦੇਖ ਸਕਿਆ। ਤੁਹਾਨੂੰ ਸੁਣ ਕੇ ਹੈਰਾਨੀ ਹੋਵੇਗੀ ਪਰ ਉਹ ਆਪਣੀ ਉਮਰ ਕਾਰਨ ਇਹ ਫ਼ਿਲਮ ਨਹੀਂ ਦੇਖ ਸਕਿਆ। ਦਰਅਸਲ ‘OMG 2’ ਨੂੰ A ਰੇਟਿੰਗ ਮਿਲੀ ਹੈ।
ਇਕ ਇੰਟਰਵਿਊ ’ਚ ‘OMG 2’ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਵਾਲੇ ਬਾਲ ਕਲਾਕਾਰ ਨੇ ਇਸ ਬਾਰੇ ਖੁੱਲ੍ਹ ਕੇ ਦੱਸਿਆ ਕਿ ਕਿਵੇਂ ਉਹ ਸੈਂਸਰ ਬੋਰਡ ਦੀ ਰੇਟਿੰਗ ਕਾਰਨ ਆਪਣੀ ਫ਼ਿਲਮ ਨਹੀਂ ਦੇਖ ਸਕਿਆ ਤੇ ਇਸ ਕਾਰਨ ਉਹ ਕਿੰਨਾ ਨਾਰਾਜ਼ ਸੀ। ਇਸ ਬਾਰੇ ਗੱਲ ਕਰਦਿਆਂ ਆਰੁਸ਼ ਨੇ ਕਿਹਾ, ‘‘ਇਹ ਇਕ ਤਰ੍ਹਾਂ ਨਾਲ ਬਹੁਤ ਪ੍ਰੇਸ਼ਾਨ ਸੀ ਕਿਉਂਕਿ ਇਹ ਮੇਰੀ ਪਹਿਲੀ ਫ਼ਿਲਮ ਹੈ ਤੇ ਮੇਰਾ ਪਰਿਵਾਰ, ਦੋਸਤ ਤੇ ਹਰ ਕੋਈ ਲਗਾਤਾਰ ਉਤਸ਼ਾਹ ਦਿਖਾ ਰਿਹਾ ਹੈ, ਉਹ ਫ਼ਿਲਮ ਦੇਖਣ ਲਈ ਇੰਤਜ਼ਾਰ ਕਰ ਰਹੇ ਸਨ। ਨਾਲ ਹੀ ਜੇਕਰ ਕੋਈ ਫ਼ਿਲਮ ਦੇਖਦਾ ਹੈ ਤਾਂ ਉਨ੍ਹਾਂ ਨੂੰ ਪਤਾ ਲੱਗ ਜਾਵੇਗਾ ਕਿ ਫ਼ਿਲਮ ਦਾ ਪੂਰਾ ਮਕਸਦ ਹਰ ਕਿਸੇ ਨੂੰ ਇਹ ਸਿਖਾਉਣਾ ਹੈ ਕਿ ਬੱਚਿਆਂ ਨੂੰ ਛੋਟੀ ਉਮਰ ’ਚ ਹੀ ਸੈਕਸ ਐਜੂਕੇਸ਼ਨ ਤੇ ਅਜਿਹੇ ਵਿਸ਼ਿਆਂ ਨੂੰ ਸਿਖਾਉਣ ਦੀ ਜ਼ਰੂਰਤ ਹੈ ਤਾਂ ਜੋ ਉਨ੍ਹਾਂ ਦਾ ਦਿਮਾਗ ਇਸ ਦੇ ਆਲੇ-ਦੁਆਲੇ ਵਿਕਸਿਤ ਹੋ ਸਕੇ।’’
ਇਹ ਖ਼ਬਰ ਵੀ ਪੜ੍ਹੋ : ਮੂਸੇ ਵਾਲਾ ਦੇ ਪਿਤਾ ਬਲਕੌਰ ਸਿੰਘ ਦਾ ਬਿਆਨ, ‘‘ਯੂ. ਪੀ. ਵਿਚਲੇ ਮਦਦਗਾਰਾਂ ਦੀ ਪਛਾਣ ਛੇਤੀ ਜਨਤਕ ਕਰੇ ਸਰਕਾਰ’’
‘OMG 2’ ਸੈਕਸ ਸਿੱਖਿਆ ਤੇ ਸਨਾਤਨ ਧਰਮ ਦੀਆਂ ਸਿੱਖਿਆਵਾਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਕਹਾਣੀ ਦਾ ਇਕੋ ਇਕ ਮਕਸਦ ਨੌਜਵਾਨ ਪੀੜ੍ਹੀ ਨੂੰ ਸੈਕਸ ਐਜੂਕੇਸ਼ਨ ਤੇ ਇਸ ਦੀ ਮਹੱਤਤਾ ਬਾਰੇ ਦੱਸਣਾ ਸੀ। ਇਸ ਬਾਰੇ ਗੱਲ ਕਰਦਿਆਂ ਕਿ ਕਿਵੇਂ ‘ਏ’ ਸਰਟੀਫਿਕੇਟ ‘OMG 2’ ਦੇ ਉਦੇਸ਼ ਨੂੰ ਹਰਾ ਦਿੰਦਾ ਹੈ ਆਰੁਸ਼ ਨੇ ਕਿਹਾ ‘‘ਜੇਕਰ ਉਹ (ਸੀ. ਬੀ. ਐੱਫ. ਸੀ.) ਉਹੀ ਫ਼ਿਲਮ 18 ਪਲੱਸ ਬਣਾ ਰਹੇ ਹਨ ਤਾਂ ਇਹ ਅਜਿਹੀ ਫ਼ਿਲਮ ਬਣਾਉਣ ਦੇ ਉਦੇਸ਼ ਨੂੰ ਹਰਾ ਦਿੰਦੀ ਹੈ। ਨਾਲ ਹੀ ਮੇਰੀ ਸਭ ਤੋਂ ਵੱਡੀ ਇੱਛਾ ਤੇ ਇੱਛਾਵਾਂ ’ਚੋਂ ਇਕ ਹੈ ਖ਼ੁਦ ਨੂੰ ਵੱਡੇ ਪਰਦੇ ’ਤੇ ਦੇਖਣਾ, ਜੋ ਮੈਂ ਨਹੀਂ ਕਰ ਸਕਿਆ ਤੇ ਇਸ ਨੇ ਮੈਨੂੰ ਬਹੁਤ ਨਿਰਾਸ਼ ਕੀਤਾ। ਮੈਂ ਇਸ ਨੂੰ ਨਹੀਂ ਦੇਖ ਸਕਿਆ ਕਿਉਂਕਿ ਉਨ੍ਹਾਂ ਨੇ ਇਸ ਨੂੰ ਇਕ A ਰੇਟਿਡ ਫ਼ਿਲਮ ’ਚ ਬਦਲ ਦਿੱਤਾ ਹੈ। ਇਹ ਬਹੁਤ ਬੁਰਾ ਲੱਗਾ।’’
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
72 ਲੱਖ ਲੋਕਾਂ ਨੇ ਦੇਖਿਆ BB OTT 2 Finale : IPL ਤੋਂ ਬਾਅਦ ਮਿਲੇ ਸਭ ਤੋਂ ਵੱਧ ਦਰਸ਼ਕ, 15 ਮਿੰਟਾਂ ’ਚ 25 ਕਰੋੜ ਵੋਟਾਂ
NEXT STORY 
