ਮੁੰਬਈ- ਮਸ਼ਹੂਰ ਅਦਾਕਾਰਾ ਸੁਰੇਖਾ ਸੀਕਰੀ ਦਾ ਬੀਤੇ ਦਿਨ 75 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਹਨਾਂ ਦੇ ਦਿਹਾਂਤ ਨਾਲ ਫ਼ਿਲਮ ਇੰਡਸਟਰੀ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਫ਼ਿਲਮ ‘ਬਧਾਈ ਹੋ’ ‘ਚ ਸੁਰੇਖਾ ਸੀਕਰੀ ਨਾਲ ਕੰਮ ਕਰਨ ਵਾਲੇ ਆਯੁਸ਼ਮਾਨ ਖੁਰਾਨਾ ਨੇ ਵੀ ਉਹਨਾਂ ਦੇ ਦਿਹਾਂਤ ਤੇ ਦੁੱਖ ਜਤਾਇਆ ਹੈ। ਅਯੁਸ਼ਮਾਨ ਖੁਰਾਨਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ‘ਤੇ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ।
ਇਸ ਦੇ ਨਾਲ ਆਯੁਸ਼ਮਾਨ ਖੁਰਾਣਾ ਨੇ ਲਿਖਿਆ, ‘ਹਰ ਫ਼ਿਲਮ ਨਾਲ ਅਸੀਂ ਇਕ ਪਰਿਵਾਰ ਬਣਦੇ ਹਾਂ ਅਤੇ ਅਸੀਂ ਆਪਣੇ ਅਸਲ ਪਰਿਵਾਰ ਨਾਲੋਂ ਫ਼ਿਲਮ ਪਰਿਵਾਰ ਨਾਲ ਜ਼ਿਆਦਾ ਸਮਾਂ ਬਿਤਾਉਂਦੇ ਹਾਂ। ਅਜਿਹਾ ਹੀ ਇੱਕ ਖ਼ੂਬਸੂਰਤ ਪਰਿਵਾਰ ‘ਬਧਾਈ ਹੋ’ ਵਿੱਚ ਸੀ। ਮੇਰੀਆਂ ਸਾਰੀਆਂ ਫ਼ਿਲਮਾਂ ਵਿਚੋਂ, ਇਹ ਸਭ ਤੋਂ ਸੰਪੂਰਣ ਕਾਸਟ ਦੇ ਨਾਲ ਸੰਪੂਰਣ ਪਰਿਵਾਰ ਸੀ। ਸੁਰੇਖਾ ਸੀਕਰੀ ਸਾਡੇ ਪਰਿਵਾਰ ਦੀ ਮੁਖੀ ਸੀ ਜੋ ਪੂਰੇ ਪਰਿਵਾਰ ਵਿਚ ਸਭ ਤੋਂ ਵੱਧ ਪ੍ਰਗਤੀਸ਼ੀਲ ਸੀ।
ਤੁਸੀਂ ਜਾਣਦੇ ਹੋ ਅਸਲ ਜ਼ਿੰਦਗੀ ਵਿਚ ਵੀ ਉਹ ਇਸ ਤਰ੍ਹਾਂ ਸੀ। ਪੂਰੀ ਤਰ੍ਹਾਂ ਆਧੁਨਿਕ ਅਤੇ ਦਿਲ ਦੀ ਜਵਾਨ'। ‘ਆਯੁਸ਼ਮਾਨ ਖੁਰਾਨਾ ਨੇ ਅੱਗੇ ਲਿਖਿਆ, ‘ਮੈਨੂੰ ਯਾਦ ਹੈ ਜਦੋਂ ਉਹ ਫ਼ਿਲਮ ਦੀ ਸਕ੍ਰੀਨਿੰਗ ਤੋਂ ਬਾਅਦ ਆਟੋਰਿਕਸ਼ਾ ਲੈ ਰਹੀ ਸੀ ਤਾਂ ਮੈਂ ਅਤੇ ਤਾਹਿਰਾ ਨੇ ਉਸ ਨੂੰ ਘਰ ਤੱਕ ਲਿਫਟ ਦਿੱਤੀ। ਰਸਤੇ ਵਿਚ ਅਸੀਂ ਕਿਹਾ ਕਿ ਮੈਮ, ਤੁਸੀਂ ਸਾਡੀ ਫ਼ਿਲਮ ਦੇ ਅਸਲ ਸਟਾਰ ਹੋ ਅਤੇ ਉਸਨੇ ਜਵਾਬ ਦਿੱਤਾ– ਕਾਸ਼ ਕਿ ਮੈਂ ਹੋਰ ਕੰਮ ਪ੍ਰਾਪਤ ਕਰ ਸਕਦੀ’।
ਰੇਡੀਓ ਹੋਸਟ ਦੀ ਟਿੱਪਣੀ ਦਾ ਸਿੱਧੂ ਮੂਸੇ ਵਾਲਾ ਨੇ ਦਿੱਤਾ ਜਵਾਬ, ਹੋਰ ਗਾਇਕ ਵੀ ਆਏ ਸੁਪੋਰਟ ’ਚ
NEXT STORY 
