ਮੁੰਬਈ - ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਜੈ ਦੇਵਗਨ ਆਪਣੇ ਭਾਣਜੇ ਅਮਨ ਦੇਵਗਨ ਦੀ ਡੈਬਿਊ ਫਿਲਮ 'ਆਜ਼ਾਦ' ਦੇ ਰਿਲੀਜ਼ ਹੋਣ ਦੇ ਇਕ ਸਾਲ ਪੂਰੇ ਹੋਣ 'ਤੇ ਕਾਫੀ ਭਾਵੁਕ ਨਜ਼ਰ ਆਏ। ਅਜੈ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਭਾਵਨਾਵਾਂ ਸਾਂਝੀਆਂ ਕਰਦੇ ਹੋਏ ਦੱਸਿਆ ਕਿ ਉਹ ਅੱਜ ਬਿਲਕੁਲ ਉਹੀ ਮਹਿਸੂਸ ਕਰ ਰਹੇ ਹਨ ਜੋ ਉਨ੍ਹਾਂ ਨੇ ਉਦੋਂ ਮਹਿਸੂਸ ਕੀਤਾ ਸੀ ਜਦੋਂ ਅਮਨ ਦਾ ਪਹਿਲਾ ਜਨਮਦਿਨ ਸੀ।
ਅਜੈ ਦੇਵਗਨ ਨੇ ਜਤਾਇਆ ਮਾਣ
ਅਜੈ ਦੇਵਗਨ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਅਮਨ ਨੂੰ 'ਚੈਂਪ' ਕਹਿੰਦੇ ਹੋਏ ਲਿਖਿਆ, "ਬੱਚਾ ਵੱਡਾ ਹੋ ਗਿਆ, ਤੁਹਾਡੇ 'ਤੇ ਹਮੇਸ਼ਾ ਮਾਣ ਹੈ"। ਇਸ ਮੌਕੇ ਅਮਨ ਦੇਵਗਨ ਨੇ ਵੀ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਅਤੇ ਫਿਲਮ ਦੇ ਤਜ਼ਰਬੇ ਨੂੰ "ਰੰਗ-ਬਿਰੰਗਾ" ਦੱਸਦੇ ਹੋਏ ਕਿਹਾ ਕਿ ਇਸ ਫਿਲਮ ਨੇ ਉਸ ਦੀ ਜ਼ਿੰਦਗੀ ਬਦਲ ਦਿੱਤੀ ਹੈ। ਉਸ ਨੇ ਫਿਲਮ ਦੀ ਪੂਰੀ ਟੀਮ ਅਤੇ ਮਿਲੇ ਪਿਆਰ ਲਈ ਸਭ ਦਾ ਧੰਨਵਾਦ ਕੀਤਾ।
ਰਾਸ਼ਾ ਥਡਾਨੀ ਨੇ ਸਾਂਝੀਆਂ ਕੀਤੀਆਂ ਯਾਦਾਂ
ਫਿਲਮ ਦੀ ਮੁੱਖ ਅਦਾਕਾਰਾ ਰਾਸ਼ਾ ਥਡਾਨੀ, ਜਿਸ ਨੇ ਇਸੇ ਫਿਲਮ ਨਾਲ ਆਪਣਾ ਡੈਬਿਊ ਕੀਤਾ ਸੀ, ਨੇ ਵੀ ਸੈੱਟ ਤੋਂ ਕੁਝ ਅਣਦੇਖੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ। ਉਸਨੇ ਆਪਣੇ ਕਿਰਦਾਰ 'ਜਾਨਕੀ' ਦੀ ਪੁਸ਼ਾਕ ਵਿਚ ਤਸਵੀਰਾਂ ਪੋਸਟ ਕਰਦੇ ਹੋਏ ਲਿਖਿਆ ਕਿ ਉਹ ਇਸ ਸਫ਼ਰ ਲਈ ਹਮੇਸ਼ਾ ਰਿਣੀ ਰਹੇਗੀ। ਰਾਸ਼ਾ ਨੇ ਨਿਰਦੇਸ਼ਕ ਅਭਿਸ਼ੇਕ ਕਪੂਰ ਨੂੰ ਸਭ ਤੋਂ ਵਧੀਆ ਵਿਅਕਤੀ ਦੱਸਦਿਆਂ ਉਨ੍ਹਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ।
ਕੀ ਹੈ ਫਿਲਮ ਦੀ ਕਹਾਣੀ?
ਫਿਲਮ 'ਆਜ਼ਾਦ' 1920 ਦੇ ਦਹਾਕੇ ਦੇ ਭਾਰਤ ਦੇ ਪਿਛੋਕੜ 'ਤੇ ਅਧਾਰਿਤ ਹੈ। ਇਹ ਇਕ ਨੌਜਵਾਨ ਲੜਕੇ ਦੀ ਕਹਾਣੀ ਹੈ ਜੋ ਇਕ ਸ਼ਾਨਦਾਰ ਘੋੜੇ ਨਾਲ ਇਕ ਅਟੁੱਟ ਰਿਸ਼ਤਾ ਬਣਾਉਂਦਾ ਹੈ। ਉਸਦਾ ਇਹ ਸਫ਼ਰ ਨਾ ਸਿਰਫ਼ ਉਸਨੂੰ ਬਹਾਦਰ ਬਣਾਉਂਦਾ ਹੈ, ਬਲਕਿ ਉਸਨੂੰ ਦੇਸ਼ ਦੀ ਆਜ਼ਾਦੀ ਦੀ ਜੰਗ ਪ੍ਰਤੀ ਵੀ ਜਾਗਰੂਕ ਕਰਦਾ ਹੈ।
ਤਮੰਨਾ ਭਾਟੀਆ ਦੇ ‘ਆਜ ਕੀ ਰਾਤ’ ਗਾਣੇ ਨੇ ਰਚਿਆ ਇਤਿਹਾਸ; ਯੂਟਿਊਬ 'ਤੇ 100 ਕਰੋੜ ਦੇ ਪਾਰ ਹੋਏ ਵਿਊਜ਼
NEXT STORY 
