ਐਂਟਰਟੇਨਮੈਂਟ ਡੈਸਕ- ਡੀਜੇ ਵਾਲੇ ਬਾਬੂ, ਕਾਲਾ ਚਸ਼ਮਾ, ਪ੍ਰੋਪਰ ਪਟੋਲਾ, ਕਰ ਗਈ ਚੁੱਲ ਅਤੇ ਗੇਂਦਾ ਫੂਲ ਵਰਗੇ ਸੁਪਰਹਿੱਟ ਗੀਤਾਂ ਲਈ ਜਾਣੇ ਜਾਂਦੇ ਰੈਪਰ ਬਾਦਸ਼ਾਹ ਇਨ੍ਹੀਂ ਦਿਨੀਂ ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਹਾਲ ਹੀ ਵਿੱਚ ਬਾਦਸ਼ਾਹ ਅਤੇ ਬਾਲੀਵੁੱਡ ਅਦਾਕਾਰਾ ਤਾਰਾ ਸੁਤਾਰੀਆ ਬਾਰੇ ਅਫਵਾਹਾਂ ਸੋਸ਼ਲ ਮੀਡੀਆ 'ਤੇ ਫੈਲੀਆਂ ਜਿਸ ਵਿੱਚ ਦੋਵਾਂ ਦੇ ਸਬੰਧਾਂ ਦੀਆਂ ਚਰਚਾਵਾਂ ਜ਼ੋਰ ਫੜਨ ਲੱਗੀਆਂ। ਬਾਦਸ਼ਾਹ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਪਿਆਰੀ ਧੀ ਜੈਸੇਮੀ ਨਾਲ ਖਰੀਦਦਾਰੀ ਕਰਦੇ ਹੋਏ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ ਵਿੱਚ ਪਿਤਾ-ਧੀ ਦਾ ਰਿਸ਼ਤਾ ਬਹੁਤ ਪਿਆਰਾ ਲੱਗ ਰਿਹਾ ਹੈ। ਇੰਸਟਾਗ੍ਰਾਮ 'ਤੇ ਬਾਦਸ਼ਾਹ ਨੇ ਆਪਣੀ ਧੀ ਜੈਸੇਮੀ ਨਾਲ ਤਿੰਨ ਪਿਆਰੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਜੋ ਇੱਕ ਦੁਕਾਨ ਦੇ ਬਾਹਰ ਕਲਿੱਕ ਕੀਤੀਆਂ ਗਈਆਂ ਸਨ ਜਿੱਥੋਂ ਪਿਤਾ-ਧੀ ਦੀ ਜੋੜੀ ਆਪਣੀ ਖਰੀਦਦਾਰੀ ਪੂਰੀ ਕਰਕੇ ਬਾਹਰ ਆ ਰਹੀ ਸੀ। ਦੋਵਾਂ ਦੇ ਹੱਥਾਂ ਵਿੱਚ ਵੱਡੇ-ਵੱਡੇ ਸ਼ਾਪਿੰਗ ਬੈਗ ਸਨ ਅਤੇ ਛੋਟੀ ਜੈਸੇਮੀ ਨੇ ਆਪਣੀਆਂ ਸ਼ਰਾਰਤੀ ਹਰਕਤਾਂ ਅਤੇ ਚਿਹਰੇ ਦੇ ਹਾਵ-ਭਾਵ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ। ਉਹ ਕੈਮਰੇ ਵੱਲ ਦੇਖ ਕੇ ਮਜ਼ੇਦਾਰ ਮੂੰਹ ਬਣਾ ਰਹੀ ਸੀ। ਲੁੱਕ ਬਾਰੇ ਗੱਲ ਕਰੀਏ ਤਾਂ ਬਾਦਸ਼ਾਹ ਨੇ ਆਲ ਬਲੈਕ ਆਊਟਫਿੱਟ ਪਹਿਨੀ ਹੋਈ ਸੀ ਜਿਸਨੂੰ ਉੁਨ੍ਹਾਂ ਨੇ ਚਿੱਟੇ ਸਨੀਕਰਾਂ ਨਾਲ ਸਟਾਈਲ ਕੀਤਾ ਸੀ।
ਇਸ ਦੌਰਾਨ ਜੈਸੇਮੀ ਨੀਲੇ ਰੰਗ ਦੀ ਹੂਡੀ, ਚਿੱਟੀ ਪੈਂਟ ਅਤੇ ਮੈਚਿੰਗ ਸਨੀਕਰਾਂ ਵਿੱਚ ਬਹੁਤ ਪਿਆਰੀ ਲੱਗ ਰਹੀ ਸੀ। ਬਾਦਸ਼ਾਹ ਨੇ ਪੋਸਟ ਦਾ ਕੈਪਸ਼ਨ ਦਿੱਤਾ: "ਬੜੇ ਮੀਆਂ ਬੜੇ ਮੀਆਂ, ਛੋਟੇ ਮੀਆਂ ਸੁਭਾਨ ਅੱਲ੍ਹਾ।" ਬਾਦਸ਼ਾਹ ਦੇ ਇਸ ਫੈਮਿਲੀ ਸਾਈਡ ਨੂੰ ਪ੍ਰਸ਼ੰਸਕਾਂ ਵੱਲੋਂ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।
ਬਾਦਸ਼ਾਹ ਅਤੇ ਤਾਰਾ ਸੁਤਾਰੀਆ ਵਿਚਕਾਰ ਸਬੰਧਾਂ ਦੀਆਂ ਅਫਵਾਹਾਂ ਹਾਲ ਹੀ ਵਿੱਚ ਤੇਜ਼ ਹੋ ਗਈਆਂ ਜਦੋਂ ਸ਼ਿਲਪਾ ਸ਼ੈੱਟੀ ਨੇ ਰਿਐਲਿਟੀ ਸ਼ੋਅ 'ਇੰਡੀਅਨ ਆਈਡਲ 15' ਦੇ ਸੈੱਟ 'ਤੇ ਬਾਦਸ਼ਾਹ ਨੂੰ ਮਜ਼ਾਕੀਆ ਢੰਗ ਨਾਲ ਛੇੜਿਆ। ਇੱਕ ਵਾਇਰਲ ਵੀਡੀਓ ਵਿੱਚ, ਸ਼ਿਲਪਾ ਨੂੰ ਬਾਦਸ਼ਾਹ ਦੀ ਲੱਤ ਖਿੱਚਦੇ ਹੋਏ ਦੇਖਿਆ ਗਿਆ ਅਤੇ ਕਿਹਾ: "ਮੈਂ ਸੁਣਿਆ ਹੈ ਕਿ ਤੁਸੀਂ ਦਿਨ ਵੇਲੇ ਵੀ 'ਤਾਰਾ' ਦੇਖ ਰਹੇ ਹੋ!" ਇਸ ਮਜ਼ਾਕ 'ਤੇ ਬਾਦਸ਼ਾਹ ਸ਼ਰਮਿੰਦਾ ਹੋ ਕੇ ਮੁਸਕਰਾਉਣ ਲੱਗੇ। ਇਸ ਬਿਆਨ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਬਾਦਸ਼ਾਹ ਅਤੇ ਤਾਰਾ ਸੁਤਾਰੀਆ ਦੇ ਸਬੰਧਾਂ ਬਾਰੇ ਅਟਕਲਾਂ ਅਤੇ ਚਰਚਾਵਾਂ ਜ਼ੋਰਾਂ 'ਤੇ ਹਨ।
ਬਾਦਸ਼ਾਹ ਨੇ ਸਾਲ 2012 ਵਿੱਚ ਜੈਸਮੀਨ ਨਾਲ ਵਿਆਹ ਕੀਤਾ। ਜਨਵਰੀ 2017 ਵਿੱਚ ਇਸ ਜੋੜੇ ਨੂੰ ਇੱਕ ਪਿਆਰੀ ਧੀ ਦਾ ਆਸ਼ੀਰਵਾਦ ਮਿਲਿਆ ਜਿਸਦਾ ਨਾਮ ਉਨ੍ਹਾਂ ਨੇ ਜੈਸੇਮੀ ਗ੍ਰੇਸ ਮਸੀਹ ਸਿੰਘ ਰੱਖਿਆ। ਹਾਲਾਂਕਿ ਕੁਝ ਸਾਲਾਂ ਬਾਅਦ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਦਰਾਰ ਆ ਗਈ ਅਤੇ 2020 ਵਿੱਚ ਬਾਦਸ਼ਾਹ ਅਤੇ ਜੈਸਮੀਨ ਨੇ ਵੱਖ ਹੋਣ ਦਾ ਫੈਸਲਾ ਕੀਤਾ।
ਰੈਸਟੋਸਰੈਂਟ 'ਚ ਨਕਲੀ ਪਨੀਰ ਖਵਾ ਰਹੀ ਸ਼ਾਹਰੁਖ ਖਾਨ ਦੀ ਘਰਵਾਲੀ ! Influencer ਦੇ ਦਾਅਵੇ ਨੇ ਮਚਾਈ ਤਰਥੱਲੀ
NEXT STORY 
