ਮੁੰਬਈ (ਬਿਊਰੋ) : ਕੋਰੋਨਾ ਮਹਾਂਮਾਰੀ ਹੋਈ ਤਾਲਾਬੰਦੀ ਤੋਂ ਬਾਅਦ ਜਦੋਂ ਸਿਨੇਮਾਘਰ ਖੁੱਲ੍ਹੇ ਤਾਂ ਬਾਕਸ ਆਫਿਸ 'ਤੇ ਜ਼ਿਆਦਾਤਰ ਬਾਲੀਵੁੱਡ ਫ਼ਿਲਮਾਂ ਮੂਧੇ ਮੂੰਹ ਡਿੱਗਦੀਆਂ ਨਜ਼ਰ ਆ ਰਹੀਆਂ ਹਨ। ਅਜਿਹੇ 'ਚ 9 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ 'ਬ੍ਰਹਮਾਸਤਰ' ਨੇ ਬਾਕਸ ਆਫਿਸ 'ਤੇ ਚੰਗਾ ਕਾਰੋਬਾਰ ਕੀਤਾ। 'ਬ੍ਰਹਮਾਸਤਰ' ਨੇ ਪਹਿਲੇ ਦਿਨ ਸ਼ਾਨਦਾਰ ਓਪਨਿੰਗ ਕਰਦੇ ਹੋਏ ਹੁਣ ਤੱਕ ਦੁਨੀਆ ਭਰ 'ਚ 420 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਖ਼ਬਰ ਹੈ ਕਿ 'ਬ੍ਰਹਮਾਸਤਰ' 2022 'ਚ ਨੰਬਰ ਵਨ ਦੀ ਸੂਚੀ 'ਚ ਸ਼ਾਮਲ ਹੋ ਗਈ ਹੈ।
ਦੱ ਦਈਏ ਕਿ ਨਰਾਤਿਆਂ 'ਚ ਨੌਮੀ ਦੇ ਮੌਕੇ 'ਤੇ ਫ਼ਿਲਮ ਨਿਰਮਾਤਾ ਅਯਾਨ ਮੁਖਰਜੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਕਿਹਾ ਕਿ 'ਬ੍ਰਹਮਾਸਤਰ' ਸਾਲ 2022 ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫ਼ਿਲਮ ਬਣ ਗਈ ਹੈ। ਅਯਾਨ ਮੁਖਰਜੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ 'ਬ੍ਰਹਮਾਸਤਰ' ਦਾ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ 'ਚ ਰਣਬੀਰ ਕਪੂਰ ਆਪਣੇ 'ਅਗਨੀ ਅਸਤਰ' 'ਚ ਨਜ਼ਰ ਆ ਰਹੇ ਹਨ। ਪੋਸਟਰ 'ਤੇ ਲਿਖਿਆ ਸੀ ਕਿ 25 ਦਿਨਾਂ 'ਚ ਫ਼ਿਲਮ ਨੇ ਵਰਲਡ ਵਾਈਡ 425 ਕਰੋੜ ਦੀ ਕਮਾਈ ਕਰ ਲਈ ਹੈ।
ਲਾਗਤ ਤੋਂ ਵੱਧ ਕੀਤੀ ਕਮਾਈ
ਫ਼ਿਲਮ 'ਬ੍ਰਹਮਾਸਤਰ' ਨੂੰ ਬਣਾਉਣ 'ਚ 410 ਕਰੋੜ ਰੁਪਏ ਦੀ ਲਾਗਤ ਆਈ ਹੈ, ਜਿਸ 'ਚ ਫ਼ਿਲਮ ਦੇ ਪ੍ਰਮੋਸ਼ਨ ਦਾ ਖਰਚਾ ਵੀ ਸ਼ਾਮਲ ਸੀ। ਫ਼ਿਲਮ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਆਪਣੇ ਬਜਟ ਤੋਂ ਵੱਧ ਕਮਾਈ ਕੀਤੀ ਹੈ। ਦੁਨੀਆ ਭਰ 'ਚ 'ਬ੍ਰਹਮਾਸਤਰ' ਦੀ ਕੁੱਲ ਕਮਾਈ 425 ਕਰੋੜ ਰੁਪਏ ਹੋ ਗਈ ਹੈ।
ਮੌਨੀ ਰਾਏ ਨੇ ਕਰਾਇਆ ਫ਼ਿਲਮ ਨੂੰ ਸੁਪਰਹਿੱਟ
ਅਯਾਨ ਮੁਖਰਜੀ ਦੀ ਇਸ ਪੋਸਟ 'ਤੇ ਬ੍ਰਹਮਾਸਤਰ ਦੇ ਪ੍ਰਸ਼ੰਸਕਾਂ ਨੇ ਕੁਮੈਂਟਸ ਕੀਤੇ ਹਨ। ਲੋਕ 'ਬ੍ਰਹਮਾਸਤਰ' ਦੀ ਤਾਰੀਫ਼ ਕਰਦੇ ਨਹੀਂ ਥੱਕਦੇ। ਇਸ ਲਈ ਕੁਝ ਸੋਸ਼ਲ ਮੀਡੀਆ ਯੂਜ਼ਰਸ ਖੁਸ਼ ਹਨ ਕਿ ਬਾਲੀਵੁੱਡ ਦੇ ਬਾਈਕਾਟ ਦੇ ਬਾਵਜੂਦ 'ਬ੍ਰਹਮਾਸਤਰ' ਨੇ ਇੰਨਾ ਵਧੀਆ ਪ੍ਰਦਰਸ਼ਨ ਕੀਤਾ। ਇੱਕ ਹੋਰ ਯੂਜ਼ਰਸ ਨੇ ਟਿੱਪਣੀ ਕੀਤੀ ਕਿ ''ਬਾਈਕਾਟ ਕਰਨ ਵਾਲੇ ਕਿੱਥੇ ਗਏ ਹਨ।'' ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ 'ਬ੍ਰਹਮਾਸਤਰ ਦੀ ਸਫ਼ਲਤਾ ਦਾ ਸਾਰਾ ਸਿਹਰਾ ਮੌਨੀ ਰਾਏ ਨੂੰ ਜਾਂਦਾ ਹੈ। ਉਹ ਭਾਰਤੀ ਸਿਨੇਮਾ ਦੇ ਇਤਿਹਾਸ 'ਚ ਅਜਿਹੀ ਗਤੀਸ਼ੀਲ ਖਲਨਾਇਕ ਦੀ ਭੂਮਿਕਾ ਨਿਭਾਉਣ ਵਾਲੀ ਇਕਲੌਤੀ ਔਰਤ ਹੈ। ਇਹ ਵੀ ਸੁਝਾਅ ਦਿੱਤਾ ਗਿਆ ਹੈ ਕਿ ਫ਼ਿਲਮ ਦੇ ਅਗਲੇ ਪਾਰਟ 'ਚ ਮੌਨੀ ਨੂੰ ਦੇਵ ਦੀ ਬੇਟੀ ਦੇ ਰੂਪ 'ਚ ਕਾਸਟ ਕੀਤਾ ਜਾਣਾ ਚਾਹੀਦਾ ਹੈ।''
ਵਿਲੇਨ ਦੇ ਕਿਰਦਾਰ 'ਚ ਛਾਈ ਮੌਨੀ
ਦੱਸ ਦੇਈਏ ਕਿ ਅਯਾਨ ਮੁਖਰਜੀ ਦੁਆਰਾ ਨਿਰਦੇਸ਼ਿਤ 'ਬ੍ਰਹਮਾਸਤਰ ਪਾਰਟ ਵਨ: ਸ਼ਿਵਾ' 9 ਸਤੰਬਰ ਨੂੰ ਰਿਲੀਜ਼ ਹੋਈ ਸੀ। ਫ਼ਿਲਮ 'ਚ ਰਣਬੀਰ ਅਤੇ ਆਲੀਆ ਤੋਂ ਇਲਾਵਾ ਅਮਿਤਾਭ ਬੱਚਨ, ਨਾਗਾਰਜੁਨ ਅਕੀਨੇਨੀ, ਸੌਰਵ ਗੁਰਜਰ ਦੀਆਂ ਵੀ ਅਹਿਮ ਭੂਮਿਕਾਵਾਂ ਹਨ। ਫ਼ਿਲਮ 'ਚ ਮੌਨੀ ਰਾਏ ਵਿਲੇਨ ਦਾ ਕਿਰਦਾਰ ਨਿਭਾਅ ਰਹੀ ਸੀ।
ਸੋਹਾ ਅਲੀ ਖ਼ਾਨ ਦੇ ਜਨਮਦਿਨ ’ਤੇ ਕਰੀਨਾ ਕਪੂਰ ਨੇ ਇਸ ਤਰ੍ਹਾਂ ਦਿੱਤੀ ਵਧਾਈ, ਕਿਹਾ- ਸਪੋਰਟਿਵ
NEXT STORY 
