ਮੁੰਬਈ- ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ ਦੇ ਦੇਹਾਂਤ ਤੋਂ ਬਾਅਦ ਸਿਨੇਮਾ ਜਗਤ ਵਿੱਚ ਡੂੰਘੇ ਸੋਗ ਦਾ ਮਾਹੌਲ ਹੈ ਅਤੇ ਪ੍ਰਸ਼ੰਸਕਾਂ ਦੇ ਚਿਹਰੇ 'ਤੇ ਮਾਯੂਸੀ ਛਾਈ ਹੋਈ ਹੈ। ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਨੂੰ ਆਖਰੀ ਵਿਦਾਈ ਦੇਣ ਦਾ ਮੌਕਾ ਵੀ ਨਹੀਂ ਮਿਲਿਆ, ਕਿਉਂਕਿ ਅੰਤਿਮ ਸੰਸਕਾਰ ਬਹੁਤ ਜਲਦਬਾਜ਼ੀ ਵਿੱਚ ਕੀਤਾ ਗਿਆ ਸੀ। ਹੁਣ, ਧਰਮਿੰਦਰ ਦੀ ਪਤਨੀ ਅਤੇ 'ਡਰੀਮ ਗਰਲ' ਹੇਮਾ ਮਾਲਿਨੀ ਨੇ ਇਸ ਫੈਸਲੇ ਪਿੱਛੇ ਲੁਕੇ ਕਾਰਨਾਂ ਦਾ ਭਾਵੁਕ ਖੁਲਾਸਾ ਕੀਤਾ ਹੈ।
ਇਹ ਵੀ ਪੜ੍ਹੋ: 9XL ਤੋਂ XL ਤੱਕ ! ਅਦਨਾਨ ਸਾਮੀ ਨੇ ਬਿਨਾਂ ਸਰਜਰੀ ਤੋਂ ਘਟਾਇਆ 120 ਕਿੱਲੋ ਭਾਰ, ਜਾਣੋ ਕਿਵੇਂ ਹਾਸਲ ਕੀਤੀ 'ਫਿੱਟ ਬੌਡੀ'
ਆਖਰੀ ਦਿਨਾਂ ਦੀ ਤਕਲੀਫ ਅਤੇ ਜਲਦਬਾਜ਼ੀ ਦਾ ਕਾਰਨ:
ਯੂਏਈ ਦੇ ਫਿਲਮਮੇਕਰ ਹਮਾਦ ਅਲ ਰੇਯਾਮੀ ਨੇ ਸੋਸ਼ਲ ਮੀਡੀਆ 'ਤੇ ਹੇਮਾ ਮਾਲਿਨੀ ਨਾਲ ਆਪਣੀ ਮੁਲਾਕਾਤ ਦੀ ਕਹਾਣੀ ਸਾਂਝੀ ਕੀਤੀ ਹੈ, ਜੋ ਕਿ ਧਰਮਿੰਦਰ ਦੇ ਸ਼ੋਕ ਦੇ ਤੀਜੇ ਦਿਨ ਹੋਈ ਸੀ। ਰੇਯਾਮੀ ਨੇ ਦੱਸਿਆ ਕਿ ਹੇਮਾ ਮਾਲਿਨੀ ਦੇ ਚਿਹਰੇ 'ਤੇ ਇੱਕ ਅੰਦਰੂਨੀ ਉਥਲ-ਪੁਥਲ ਸੀ, ਜਿਸ ਨੂੰ ਉਹ ਪੂਰੀ ਤਰ੍ਹਾਂ ਲੁਕਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਹਮਾਦ ਅਲ ਰੇਯਾਮੀ ਅਨੁਸਾਰ, ਹੇਮਾ ਮਾਲਿਨੀ ਨੇ ਕੰਬਦੀ ਹੋਈ ਆਵਾਜ਼ ਵਿੱਚ ਅੰਤਿਮ ਸੰਸਕਾਰ ਜਲਦਬਾਜ਼ੀ ਵਿੱਚ ਕੀਤੇ ਜਾਣ ਦਾ ਕਾਰਨ ਦੱਸਿਆ। ਉਨ੍ਹਾਂ ਨੇ ਇੱਕ ਮਾਂ ਵਰਗੇ ਲਹਿਜੇ ਵਿੱਚ ਕਿਹਾ: "ਧਰਮਿੰਦਰ, ਆਪਣੀ ਪੂਰੀ ਜ਼ਿੰਦਗੀ ਵਿੱਚ ਕਦੇ ਨਹੀਂ ਚਾਹੁੰਦੇ ਸਨ ਕਿ ਕੋਈ ਉਨ੍ਹਾਂ ਨੂੰ ਕਮਜ਼ੋਰ ਜਾਂ ਬਿਮਾਰ ਦੇਖੇ। ਉਨ੍ਹਾਂ ਨੇ ਆਪਣਾ ਦਰਦ ਆਪਣੇ ਸਭ ਤੋਂ ਕਰੀਬੀ ਰਿਸ਼ਤੇਦਾਰਾਂ ਤੋਂ ਵੀ ਲੁਕਾ ਕੇ ਰੱਖਿਆ। ਹੇਮਾ ਮਾਲਿਨੀ ਨੇ ਅੱਗੇ ਕਿਹਾ ਕਿ ਜੋ ਹੋਇਆ ਉਹ ਅਸਲ ਵਿੱਚ ਰਹਿਮ ਸੀ, ਕਿਉਂਕਿ, ਹਮਦ, ਤੁਸੀਂ ਵੀ ਉਨ੍ਹਾਂ ਨੂੰ ਉਸ ਹਾਲਤ ਵਿੱਚ ਨਹੀਂ ਦੇਖ ਸਕਦੇ ਸੀ। ਧਰਮਿੰਦਰ ਦੀ ਆਖਰੀ ਦਿਨਾਂ ਵਿੱਚ ਹਾਲਤ ਬਹੁਤ ਖਰਾਬ ਸੀ ਅਤੇ ਦਰਦਨਾਕ ਸੀ। ਪਰਿਵਾਰ ਲਈ ਵੀ ਉਨ੍ਹਾਂ ਨੂੰ ਉਸ ਹਾਲਤ ਵਿੱਚ ਦੇਖਣਾ ਮੁਸ਼ਕਿਲ ਸੀ।" ਹੇਮਾ ਮਾਲਿਨੀ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਕਿਸੇ ਵੀ ਇਨਸਾਨ ਦੇ ਗੁਜ਼ਰ ਜਾਣ ਤੋਂ ਬਾਅਦ ਅੰਤਿਮ ਫੈਸਲਾ ਪਰਿਵਾਰ ਦਾ ਹੁੰਦਾ ਹੈ। ਰੇਯਾਮੀ ਨੇ ਇਸ ਦਰਦਨਾਕ ਸੱਚਾਈ ਨੂੰ ਸੁਣਨ ਤੋਂ ਬਾਅਦ ਲਿਖਿਆ ਕਿ ਉਨ੍ਹਾਂ ਦੇ ਸ਼ਬਦ ਤੀਰਾਂ ਵਾਂਗ ਸਨ—ਦਰਦਨਾਕ ਅਤੇ ਸੱਚੇ।
ਇਹ ਵੀ ਪੜ੍ਹੋ: 'ਆਸਮਾਨ ਮੇਂ ਗੁਰੂ ਕੇ ਬਾਜ਼ ਪਹਿਰਾ ਦੇਤੇ ਹੈਂ..!', 'ਬਾਰਡਰ 2' 'ਚ ਏਅਰ ਫੋਰਸ ਅਫਸਰ ਵਜੋਂ ਛਾ ਗਿਆ ਦੁਸਾਂਝਾਂਵਾਲਾ
ਕਵਿਤਾਵਾਂ ਨਾ ਛਪ ਸਕਣ ਦਾ ਅਫਸੋਸ:
ਮੁਲਾਕਾਤ ਦੌਰਾਨ, ਹੇਮਾ ਮਾਲਿਨੀ ਨੇ ਮਰਹੂਮ ਅਦਾਕਾਰ ਨਾਲ ਜੁੜੀ ਇੱਕ ਹੋਰ ਭਾਵੁਕ ਯਾਦ ਸਾਂਝੀ ਕੀਤੀ। ਉਨ੍ਹਾਂ ਨੇ ਉਦਾਸ ਹੋ ਕੇ ਕਿਹਾ ਕਿ ਉਹ ਹਮੇਸ਼ਾ ਧਰਮਿੰਦਰ ਤੋਂ ਪੁੱਛਦੀ ਰਹਿੰਦੀ ਸੀ ਕਿ ਉਹ ਆਪਣੀਆਂ ਖੂਬਸੂਰਤ ਕਵਿਤਾਵਾਂ ਅਤੇ ਲੇਖ ਕਿਉਂ ਨਹੀਂ ਛਾਪਦੇ। ਧਰਮਿੰਦਰ ਹਮੇਸ਼ਾ ਜਵਾਬ ਦਿੰਦੇ ਸਨ, 'ਅਜੇ ਨਹੀਂ... ਪਹਿਲਾਂ ਮੈਨੂੰ ਕੁਝ ਕਵਿਤਾਵਾਂ ਖਤਮ ਕਰਨ ਦਿਓ'। ਹੇਮਾ ਮਾਲਿਨੀ ਨੂੰ ਇਸ ਗੱਲ ਦਾ ਡੂੰਘਾ ਅਫਸੋਸ ਹੈ ਕਿ ਸਮੇਂ ਨੇ ਉਨ੍ਹਾਂ ਨੂੰ ਅਜਿਹਾ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ। ਉਨ੍ਹਾਂ ਦੁੱਖ ਨਾਲ ਕਿਹਾ, "ਹੁਣ ਅਜਨਬੀ ਆਉਣਗੇ... ਉਹ ਉਨ੍ਹਾਂ ਬਾਰੇ ਲਿਖਣਗੇ, ਉਹ ਕਿਤਾਬਾਂ ਲਿਖਣਗੇ... ਜਦੋਂ ਕਿ ਉਨ੍ਹਾਂ ਦੇ ਸ਼ਬਦ ਕਦੇ ਸਾਹਮਣੇ ਨਹੀਂ ਆਉਣਗੇ।"। ਹਮਾਦ ਅਲ ਰੇਯਾਮੀ ਨੇ ਕਿਹਾ ਕਿ ਧਰਮਿੰਦਰ ਲਈ ਹੇਮਾ ਮਾਲਿਨੀ ਦਾ ਪਿਆਰ ਕਦੇ ਨਹੀਂ ਬਦਲੇਗਾ ਅਤੇ ਉਨ੍ਹਾਂ ਦੀਆਂ ਯਾਦਾਂ ਹਮੇਸ਼ਾ ਜ਼ਿੰਦਾ ਰਹਿਣਗੀਆਂ।
ਇਹ ਵੀ ਪੜ੍ਹੋ: Pak; ਆਮ ਜਨਤਾ ਨੂੰ ਰਾਹਤ, ਪੈਟਰੋਲ 2 ਰੁਪਏ ਅਤੇ ਡੀਜ਼ਲ 4 ਰੁਪਏ ਹੋਇਆ ਸਸਤਾ
ਸੋਸ਼ਲ ਮੀਡੀਆ 'ਤੇ ਇਕ ਵਾਰ ਫਿਰ ਛਾਇਆ 'ਨਿੱਕਾ ਸਿੱਧੂ': ਪੋਸਟ ਦੇਖ ਭਾਵੁਕ ਹੋਏ ਫੈਨਜ਼
NEXT STORY 
