ਨਵੀਂ ਦਿੱਲੀ : ਬਾਲੀਵੁੱਡ ਅਦਾਕਾਰ ਰਿਤਿਕ ਰੋਸ਼ਨ ਨੇ ਆਪਣੇ ਵੱਡੇ ਬੇਟੇ ਰੇਹਾਨ ਰੋਸ਼ਨ ਦੇ 20ਵੇਂ ਜਨਮਦਿਨ ਦੇ ਖਾਸ ਮੌਕੇ 'ਤੇ ਇੱਕ ਬਹੁਤ ਹੀ ਪਿਆਰੀ ਅਤੇ ਭਾਵੁਕ ਪੋਸਟ ਸਾਂਝੀ ਕੀਤੀ ਹੈ। ਰਿਤਿਕ ਨੇ ਇੰਸਟਾਗ੍ਰਾਮ 'ਤੇ ਬੇਟੇ ਨਾਲ ਕੁਝ ਯਾਦਗਾਰ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕਰਦੇ ਹੋਏ ਉਸ ਨੂੰ ਅਗਲੇਰੀ ਜ਼ਿੰਦਗੀ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
ਰਿਤਿਕ ਨੇ ਆਪਣੀ ਪੋਸਟ ਵਿੱਚ ਲਿਖਿਆ, "ਮੇਰੇ ਪਿਆਰੇ ਰੇ (Ray), ਜਿਵੇਂ ਹੀ ਤੂੰ ਬਾਲਗ ਹੋਣ ਦੀ ਦਹਿਲੀਜ਼ 'ਤੇ ਕਦਮ ਰੱਖ ਰਿਹਾ ਹੈਂ, ਮੈਂ ਤੈਨੂੰ ਇਹ ਯਾਦ ਦਿਵਾਉਣਾ ਚਾਹੁੰਦਾ ਹਾਂ ਕਿ ਇਹ ਇੰਨਾ ਅਹਿਮ ਕਿਉਂ ਹੈ। ਇੱਕ ਅਜਿਹਾ ਜੀਵਨ ਬਣਾਉਣਾ ਜੋ ਇੰਨਾ ਮਜ਼ਬੂਤ, ਜ਼ਿੰਮੇਵਾਰ ਅਤੇ ਸਿਆਣਪ ਭਰਿਆ ਹੋਵੇ ਕਿ ਤੇਰੇ ਅੰਦਰ ਦਾ ਬੱਚਾ ਬੇਰੋਕ ਖੁਸ਼ੀ ਦੇ ਪਲਾਂ ਦਾ ਆਨੰਦ ਮਾਣ ਸਕੇ ਤੇ ਉੱਡਣ ਲਈ ਵੀ ਆਜ਼ਾਦ ਰਹੇ।'
ਦੱਸ ਦੇਈਏ ਕਿ ਰੇਹਾਨ, ਰਿਤਿਕ ਰੋਸ਼ਨ ਅਤੇ ਇੰਟੀਰੀਅਰ ਡਿਜ਼ਾਈਨਰ ਸੁਜ਼ੈਨ ਖਾਨ ਦਾ ਵੱਡਾ ਬੇਟਾ ਹੈ। ਰੇਹਾਨ ਦਾ ਇਕ ਛੋਟਾ ਭਰਾ ਵੀ ਹੈ, ਜਿਸਦਾ ਨਾਂ ਰਿਧਾਨ ਰੋਸ਼ਨ ਹੈ ਅਤੇ ਉਸਦਾ ਜਨਮ 2008 ਵਿੱਚ ਹੋਇਆ ਸੀ।
ਕੈਨੇਡਾ 'ਚ ਗੁਰਦਾਸ ਮਾਨ ਦੇ ਪ੍ਰੋਗਰਾਮਾਂ ‘ਤੇ ਵਿਰੋਧ ਦੀਆਂ ਆਵਾਜ਼ਾਂ ਤੇਜ਼
NEXT STORY 
