ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਕਿਆਰਾ ਅਡਵਾਨੀ 'ਮੇਟ ਗਾਲਾ' ਦੀ ਗਲੋਬਲ 'ਟੌਪ ਵੌਇਸਿਜ਼' ਸੂਚੀ ਵਿੱਚ ਸਿਖਰ 'ਤੇ ਰਹੀ। ਮੇਟ ਗਾਲਾ 2025 ਨੇ ਸੋਸ਼ਲ ਮੀਡੀਆ 'ਤੇ ਤੂਫਾਨ ਮਚਾ ਦਿੱਤਾ। ਜਿੱਥੇ ਸ਼ਾਹਰੁਖ ਖਾਨ ਨੇ ਆਪਣੇ ਮੇਟ ਗਾਲਾ ਡੈਬਿਊ ਨਾਲ ਸੁਰਖੀਆਂ ਬਟੋਰੀਆਂ ਅਤੇ ਰਿਹਾਨਾ ਨੇ ਹਮੇਸ਼ਾ ਵਾਂਗ ਇੱਕ ਫੈਸ਼ਨ ਸਟੇਟਮੈਂਟ ਪੇਸ਼ ਕੀਤੀ, ਉੱਥੇ ਹੀ ਕਿਆਰਾ ਨੇ ਆਪਣੀ ਪਹਿਲੀ ਮੇਟ ਗਾਲਾ ਪੇਸ਼ਕਾਰੀ ਵਿੱਚ ਹੀ ਸਭ ਨੂੰ ਹੈਰਾਨ ਕਰ ਦਿੱਤਾ ਅਤੇ ਸਭ ਤੋਂ ਵੱਧ ਚਰਚਾ ਵਿੱਚ ਰਹੀ। ਮਾਂ ਬਣਨ ਦੀ ਖੁਸ਼ੀ ਨਾਲ ਕਿਆਰਾ ਨੇ 'ਬਲੂ ਕਾਰਪੇਟ' 'ਤੇ ਬ੍ਰੇਵਹਾਰਟਸ ਨਾਮਕ ਇੱਕ ਦਮਦਾਰ ਕਾਊਚਰ ਲੁੱਕ ਵਿੱਚ ਡੈਬਿਊ ਕੀਤਾ, ਜਿਸਨੂੰ ਭਾਰਤੀ ਫੈਸ਼ਨ ਡਿਜ਼ਾਈਨਰ ਗੌਰਵ ਗੁਪਤਾ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਸੀ। ਕਾਲੇ ਰੰਗ ਦੇ ਇਸ ਗਾਊਨ ਵਿੱਚ ਐਂਗਲਡ ਸਲੀਵਜ਼, ਘੁੰਗਰੂਆਂ ਅਤੇ ਕ੍ਰਿਸਟਲਾਂ ਨਾਲ ਸਜੀ ਇੱਕ ਬ੍ਰੈਸਟਪਲੇਟ ਸੀ, ਜੋ ਕਿਆਰਾ ਦੇ ਬੇਬੀ ਬੰਪ ਨੂੰ ਖੂਬਸੂਰਤੀ ਨਾਲ ਫਰੇਮ ਕਰ ਰਹੀ ਸੀ।
ਇਸ ਪਹਿਰਾਵੇ ਦਾ ਸਭ ਤੋਂ ਵਿਲੱਖਣ ਹਿੱਸਾ ਸੀ ਇੱਕ Metallic Umbilical Cord, ਜੋ 'ਮਾਂ ਦੇ ਦਿਲ' ਅਤੇ 'ਬੱਚੇ ਦੇ ਦਿਲ' ਨੂੰ ਜੋੜਦਾ ਸੀ। ਫੈਸ਼ਨ ਸ਼ੋਅ ਦੇ ਅਗਲੇ ਹੀ ਦਿਨ, ਸੋਸ਼ਲ ਐਨਾਲਿਟਿਕਸ ਪਲੇਟਫਾਰਮ ਲੈਫਟੀ ਨੇ ਮੇਟ ਗਾਲਾ 2025 ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਚਿਹਰਿਆਂ ਦੀ ਸੂਚੀ ਜਾਰੀ ਕੀਤੀ। ਕਿਆਰਾ ਇਸ ਗਲੋਬਲ 'ਟੌਪ ਵੌਇਸਿਜ਼' ਸੂਚੀ ਵਿੱਚ ਸਿਖਰ 'ਤੇ ਰਹੀ, ਜਿਨ੍ਹਾਂ ਦਾ ਅੰਡਰ ਮੀਡੀਆ ਵੈਲਿਊ 15.3 ਮਿਲੀਅਨ ਡਾਲਰ ਰਿਹਾ। ਕਾਇਲੀ ਜੇਨਰ 15.2 ਮਿਲੀਅਨ ਡਾਲਰ ਨਾਲ ਦੂਜੇ ਸਥਾਨ 'ਤੇ ਰਹੀ, ਜਦੋਂ ਕਿ ਲੇਵਿਸ ਹੈਮਿਲਟਨ, ਫ੍ਰੀਨ ਅਤੇ ਹੈਲੀ ਬੀਬਰ ਨੇ ਟੌਪ-5 ਵਿੱਚ ਜਗ੍ਹਾ ਬਣਾਈ। ਕਿਆਰਾ ਦੀ ਇਹ ਸਫਲਤਾ ਸਿਰਫ਼ ਪਹੁੰਚ ਦੀ ਨਹੀਂ, ਸਗੋਂ ਪ੍ਰਭਾਵ ਦੀ ਕਹਾਣੀ ਸੀ। ਉਨ੍ਹਾਂ ਦਾ0 ਸੋਸ਼ਲ ਮੀਡੀਆ ਅੰਗੇਜ਼ਮੈਂਟ ਰੇਟ 3.5 ਫੀਸਦੀ ਰਿਹਾ, ਜੋ ਕਿ ਕਾਇਲੀ ਜੇਨਰ ਦੇ 0.3 ਫੀਸਦੀ ਨਾਲੋਂ ਬਹੁਤ ਜ਼ਿਆਦਾ ਹੈ। ਇਹ ਸਾਬਤ ਕਰਦਾ ਹੈ ਕਿ ਕਿਆਰਾ ਦਾ ਡੈਬਿਊ ਨਾ ਸਿਰਫ਼ ਖੂਬਸੂਰਤ ਸੀ, ਸਗੋਂ ਡੂੰਘਾਈ ਨਾਲ ਵੀ ਸੰਬੰਧਿਤ ਸੀ।
ਪਿਤਾ ਇਰਫਾਨ ਖਾਨ ਦੀ ਮੌਤ ਨਾਲ ਟੁੱਟ ਗਏ ਸਨ ਬਾਬਿਲ : ਪ੍ਰਤੀਕ ਬੱਬਰ
NEXT STORY 
