ਮੁੰਬਈ- ਸਾਮੰਥਾ ਰੂਥ ਪ੍ਰਭੂ ਨੇ ਹਾਲ ਹੀ 'ਚ ਸਿਹਤ ਨਾਲ ਜੁੜੀ ਇੱਕ ਪੋਸਟ ਲਿਖੀ ਹੈ। ਪੋਸਟ 'ਚ ਉਨ੍ਹਾਂ ਨੇ ਲੋਕਾਂ ਨੂੰ ਬਿਨਾਂ ਲੋੜ ਤੋਂ ਦਵਾਈਆਂ ਲੈਣ ਤੋਂ ਮਨ੍ਹਾ ਕਰਨ ਦਾ ਟਿਪ ਦਿੱਤਾ ਸੀ। ਉਸ ਨੇ ਕਦਮ-ਦਰ-ਕਦਮ ਸਮਝਾਇਆ ਵੀ ਸੀ। ਆਪਣੇ ਸੁਝਾਵਾਂ 'ਚ ਉਸ ਨੇ ਨੈਬੂਲਾਈਜ਼ਰ 'ਚ ਹਾਈਡ੍ਰੋਜਨ ਪਰਆਕਸਾਈਡ ਅਤੇ ਡਿਸਟਿਲਡ ਪਾਣੀ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਸ ਦਾ ਮਿਸ਼ਰਣ ਜਾਦੂ ਦੀ ਤਰ੍ਹਾਂ ਕੰਮ ਕਰਦਾ ਹੈ। ਇਸ ਦੇ ਨਾਲ ਹੀ ਇਹ ਬੇਲੋੜੀਆਂ ਦਵਾਈਆਂ ਦੀ ਵਰਤੋਂ ਨੂੰ ਰੋਕਦਾ ਹੈ। ਹੁਣ ਸਾਮੰਥਾ ਦੀ ਇਸ ਸਲਾਹ ਨੇ ਡਾਕਟਰ ਏ.ਬੀ. ਫਿਲਿਪਸ ਦਾ ਧਿਆਨ ਖਿੱਚਿਆ। ਉਸ ਨੇ ਇੰਸਟਾਗ੍ਰਾਮ 'ਤੇ ਇਸ ਤਰ੍ਹਾਂ ਦੇ ਟਿਪਸ ਨੂੰ ਖਤਰਨਾਕ ਦੱਸਿਆ ਅਤੇ ਸਾਮੰਥਾ ਰੂਥ ਦੀ ਕਾਫੀ ਆਲੋਚਨਾ ਕੀਤੀ।
ਇਹ ਵੀ ਪੜ੍ਹੋ- ਆਲੀਆ ਭੱਟ ਦੀ ਸਪਾਈ ਯੂਨੀਵਰਸ ਫ਼ਿਲਮ ਦੇ ਨਾਂ ਤੋਂ ਉਠਿਆ ਪਰਦਾ, ਅਦਾਕਾਰਾ ਨੇ ਸਾਂਝੀ ਕੀਤੀ ਵੀਡੀਓ
ਡਾਕਟਰ ਨੇ ਅੱਗੇ ਲਿਖਿਆ, ਕਿ ਅਮਰੀਕਾ ਦੀ ਅਸਥਮਾ ਐਂਡ ਐਲਰਜੀ ਫਾਊਂਡੇਸ਼ਨ, ਲੋਕਾਂ ਨੂੰ ਹਾਈਡ੍ਰੋਜਨ ਪਰਆਕਸਾਈਡ ਨੂੰ ਨੈਬੂਲਾਈਜ਼ ਨਾ ਕਰਨ ਜਾਂ ਸਾਹ ਨਾ ਲੈਣ ਦੀ ਚੇਤਾਵਨੀ ਦੇ ਰਹੀ ਹੈ ਕਿਉਂਕਿ ਇਹ ਸਿਹਤ ਲਈ ਖਤਰਨਾਕ ਹੈ। ਇੱਕ ਤਰਕਸ਼ੀਲ ਅਤੇ ਵਿਗਿਆਨਕ ਤੌਰ 'ਤੇ ਅਗਾਂਹਵਧੂ ਸਮਾਜ 'ਚ ਇਸ ਔਰਤ 'ਤੇ ਜਨਤਕ ਸਿਹਤ ਨੂੰ ਖ਼ਤਰੇ 'ਚ ਪਾਉਣ ਦਾ ਦੋਸ਼ ਲਗਾਇਆ ਜਾਵੇਗਾ ਅਤੇ ਜੁਰਮਾਨਾ ਲਗਾਇਆ ਜਾਵੇਗਾ ਜਾਂ ਜੇਲ੍ਹ 'ਚ ਸੁੱਟਿਆ ਜਾਵੇਗਾ। ਸਾਮੰਥਾ ਨੂੰ ਆਪਣੀ ਟੀਮ ਲਈ ਕੁਝ ਬਿਹਤਰ ਸਲਾਹਕਾਰਾਂ ਦੀ ਲੋੜ ਹੈ। ਕੀ ਭਾਰਤ ਦਾ ਸਿਹਤ ਮੰਤਰਾਲਾ ਜਾਂ ਕੋਈ ਵੀ ਸਿਹਤ ਰੈਗੂਲੇਟਰੀ ਸੰਸਥਾ ਇਨ੍ਹਾਂ ਸੋਸ਼ਲ ਮੀਡੀਆ ਹੈਲਥ ਫਲੂਆਂ ਬਾਰੇ ਕੁਝ ਕਰੇਗੀ ਜੋ ਜਨਤਕ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ?
ਡਾਕਟਰ ਦੀ ਪੋਸਟ ਤੋਂ ਬਾਅਦ ਹੋਰ ਲੋਕਾਂ ਨੇ ਵੀ ਸਾਮੰਥਾ ਦੀ ਪੋਸਟ ਦੀ ਆਲੋਚਨਾ ਸ਼ੁਰੂ ਕਰ ਦਿੱਤੀ। ਜਿਸ ਤੋਂ ਬਾਅਦ ਅੱਜ ਸ਼ੁੱਕਰਵਾਰ ਨੂੰ ਅਦਾਕਾਰਾ ਨੇ ਇੰਸਟਾਗ੍ਰਾਮ 'ਤੇ ਇਕ ਲੰਬੀ ਪੋਸਟ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਇਸ ਸਬੰਧੀ ਸਪੱਸ਼ਟੀਕਰਨ ਪੇਸ਼ ਕੀਤਾ ਹੈ। ਅਦਾਕਾਰਾ ਨੇ ਕਿਹਾ, 'ਮੈਂ ਪਿਛਲੇ ਕੁਝ ਮਹੀਨਿਆਂ ਤੋਂ ਵੱਖ-ਵੱਖ ਦਵਾਈਆਂ ਲੈ ਰਹੀ ਹਾਂ। ਮੈਂ ਬਹੁਤ ਸਾਰੀਆਂ ਦਵਾਈਆਂ ਦੀ ਵਰਤੋਂ ਕੀਤੀ ਹੈ। ਮੈਂ ਆਪ ਉਹ ਦਵਾਈ ਵਰਤੀ ਹੈ ਜਿਸ ਦੀ ਮੈਂ ਸਲਾਹ ਦਿੱਤੀ ਹੈ। ਮੈਨੂੰ ਲਗਦਾ ਹੈ ਕਿ ਇਹਨਾਂ ਵਿੱਚੋਂ ਬਹੁਤ ਸਾਰੇ ਇਲਾਜ ਕਾਫ਼ੀ ਮਹਿੰਗੇ ਹਨ। ਮੈਂ ਆਪਣੇ ਆਪ ਨੂੰ ਖੁਸ਼ਕਿਸਮਤ ਸਮਝਦੀ ਹਾਂ ਕਿ ਮੈਂ ਇਹ ਇਲਾਜ ਬਰਦਾਸ਼ਤ ਕਰ ਸਕਦੀ ਹਾਂ ਪਰ ਹਰ ਕੋਈ ਵਿੱਤੀ ਤੌਰ 'ਤੇ ਇੰਨਾ ਸਮਰੱਥ ਨਹੀਂ ਹੈ। ਮੇਰਾ ਮੰਨਣਾ ਹੈ ਕਿ ਮੈਂ ਜੋ ਸਲਾਹ ਦਿੱਤੀ ਹੈ, ਉਹ ਦੂਜਿਆਂ ਲਈ ਵੀ ਲਾਹੇਵੰਦ ਸਾਬਤ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ- ਮੁਸਲਿਮ ਲੜਕੇ ਨਾਲ ਵਿਆਹ ਕਰਵਾਉਣ ਦੇ ਬਿਆਨ 'ਤੇ ਦੇਵੋਲੀਨਾ ਨੇ ਪਾਇਲ ਨੂੰ ਸੁਣਾਈਆਂ ਖਰੀਆਂ ਖੋਟੀਆਂ
ਸਾਮੰਥਾ ਨੇ ਅੱਗੇ ਲਿਖਿਆ, 'ਮੈਂ ਇੰਨੀ ਮੂਰਖ ਨਹੀਂ ਹਾਂ ਕਿ ਕਿਸੇ ਇਲਾਜ ਦੀ ਵਕਾਲਤ ਕਰ ਸਕਾਂ। ਮੇਰੇ ਵੱਲੋਂ ਦਿੱਤੇ ਸੁਝਾਅ ਪਿੱਛੇ ਮੇਰਾ ਇਰਾਦਾ ਸਾਫ਼ ਸੀ। ਮੈਂ ਪਿਛਲੇ ਕੁਝ ਸਾਲਾਂ 'ਚ ਬਹੁਤ ਕੁਝ ਝੱਲਿਆ ਹੈ ਅਤੇ ਬਹੁਤ ਕੁਝ ਸਿੱਖਿਆ ਹੈ। ਇਹ ਇਲਾਜ ਮੈਨੂੰ ਕਿਸੇ ਯੋਗ ਡਾਕਟਰ ਨੇ ਖ਼ੁਦ ਸੁਝਾਇਆ ਸੀ। ਉਹ ਇੱਕ ਐਮ.ਡੀ ਹੈ ਅਤੇ 25 ਸਾਲਾਂ ਤੋਂ ਡੀ.ਆਰ.ਡੀ.ਓ. 'ਚ ਕੰਮ ਕੀਤਾ ਹੈ। ਅਦਾਕਾਰਾ ਨੇ ਅੱਗੇ ਲਿਖਿਆ, 'ਇਕ ਵਿਅਕਤੀ ਨੇ ਮੇਰੇ 'ਤੇ ਬਹੁਤ ਸਖ਼ਤ ਸ਼ਬਦਾਂ ਨਾਲ ਹਮਲਾ ਕੀਤਾ ਹੈ। ਮੈਂ ਜਾਣਦਾ ਹਾਂ ਕਿ ਉਹ ਮੇਰੇ ਨਾਲੋਂ ਵੱਧ ਜਾਣਦੇ ਹਨ, ਪਰ ਉਸ ਨੂੰ ਆਪਣੀ ਭਾਸ਼ਾ ਸਰਲ ਰੱਖਣੀ ਚਾਹੀਦੀ ਸੀ। ਮੈਂ ਆਪਣੀਆਂ ਪੋਸਟਾਂ ਅਤੇ ਸਲਾਹਾਂ ਤੋਂ ਕੋਈ ਪੈਸਾ ਨਹੀਂ ਕਮਾ ਰਹੀ ਹਾਂ। ਨਾ ਹੀ ਮੈਂ ਕਿਸੇ ਦਾ ਸਮਰਥਨ ਕਰ ਰਹੀ ਹਾਂ। ਵਰੁਣ ਧਵਨ ਤੋਂ ਲੈ ਕੇ ਕਿਆਰਾ ਅਡਵਾਨੀ ਤੱਕ ਕਈ ਸਿਤਾਰੇ ਇਸ ਮਾਮਲੇ 'ਤੇ ਸਾਮੰਥਾ ਦਾ ਸਮਰਥਨ ਕਰਦੇ ਨਜ਼ਰ ਆ ਚੁੱਕੇ ਹਨ।
ਗਾਇਕਾ ਕੌਰ ਬੀ ਮੁੜ ਛਾਈ ਸੁਰਖੀਆਂ 'ਚ, ਵ੍ਹਾਈਟ ਸੂਟ 'ਚ ਫਲਾਂਟ ਕੀਤਾ ਕਾਤਿਲਾਨਾ ਅੰਦਾਜ਼
NEXT STORY 
