ਮੁੰਬਈ (ਬਿਊਰੋ)– ‘ਬਿੱਗ ਬੌਸ ਓ. ਟੀ. ਟੀ.’ ਨੂੰ ਅਜੇ ਇਕ ਹਫ਼ਤਾ ਵੀ ਨਹੀਂ ਹੋਇਆ ਹੈ ਕਿ ਸ਼ੋਅ ਦੇ ਮੁਕਾਬਲੇਬਾਜ਼ਾਂ ਬਾਰੇ ਹੈਰਾਨੀਜਨਕ ਖ਼ੁਲਾਸੇ ਹੋ ਰਹੇ ਹਨ। ਪ੍ਰਤੀਕ-ਦਿਵਿਆ ਦੀ ਲੜਾਈ ਸ਼ੋਅ ਦੇ ਪਹਿਲੇ ਦਿਨ ਤੋਂ ਹੀ ਸੁਰਖ਼ੀਆਂ ’ਚ ਰਹੀ ਹੈ। ਇਸ ਦੌਰਾਨ ਸ਼ੋਅ ਦੇ ਇਕ ਹੋਰ ਮੁਕਾਬਲੇਬਾਜ਼ ਬਾਰੇ ਇਕ ਹੈਰਾਨ ਕਰਨ ਵਾਲੀ ਗੱਲ ਸਾਹਮਣੇ ਆਈ ਹੈ। ਇਹ ਮੁਕਾਬਲੇਬਾਜ਼ ਕੋਈ ਹੋਰ ਨਹੀਂ, ਸਗੋਂ ਪੰਜਾਬ ਦੇ ਮੋਹਾਲੀ ਸ਼ਹਿਰ ਦੀ ਰਹਿਣ ਵਾਲੀ ਮੂਸ ਜੱਟਾਣਾ ਹੈ।
ਸਪਾਟਬੁਆਏ ’ਚ ਛਪੀ ਰਿਪੋਰਟ ਅਨੁਸਾਰ ਯੂਟਿਊਬਰ ਮੂਸ ਜੱਟਾਣਾ ਨੇ ‘ਬਿੱਗ ਬੌਸ ਓ. ਟੀ. ਟੀ.’ ਦੇ ਲਾਈਵ ਸ਼ੋਅ ’ਚ ਮੰਨਿਆ ਹੈ ਕਿ ਉਹ ਬਾਏਸੈਕਸੂਅਲ (Bisexual) ਹੈ। ਰਿਪੋਰਟ ਅਨੁਸਾਰ ਜਦੋਂ ਪ੍ਰਤੀਕ ਨੇ ਮੂਸ ਨੂੰ ਉਸ ਦੇ ਬਾਰੇ ਪੁੱਛਿਆ ਤਾਂ ਮੂਸ ਨੇ ਦੱਸਿਆ ਕਿ ਉਹ ਇਕ ਬਾਏਸੈਕਸੂਅਲ (Bisexual) ਹੈ।
ਮੂਸ ਨੇ ਇਹ ਵੀ ਕਿਹਾ ਕਿ ਉਹ ਮੁੰਡਿਆਂ ਪ੍ਰਤੀ ਵਧੇਰੇ ਆਕਰਸ਼ਿਤ ਮਹਿਸੂਸ ਕਰਦੀ ਹੈ ਪਰ ਲੜਕੀਆਂ ਨਾਲ ਉਸ ਦਾ ਸਬੰਧ ਬਰਾਬਰ ਮਹੱਤਵਪੂਰਨ ਹੈ। ਮੂਸ ਨੇ ਕਿਹਾ ਕਿ ਜੇ ਉਸ ਦਾ ਕਿਸੇ ਲੜਕੀ ਨਾਲ ਰਿਸ਼ਤਾ ਮਜ਼ਬੂਤ ਹੁੰਦਾ ਹੈ ਤਾਂ ਉਹ ਲੜਕੇ ਦੀ ਬਜਾਏ ਲੜਕੀ ਨਾਲ ਸੈਟਲ ਹੋਣ ਨੂੰ ਜ਼ਿਆਦਾ ਮਹੱਤਵ ਦੇਵੇਗੀ।
ਦੱਸ ਦੇਈਏ ਕਿ ਮੂਸ ਨਿਸ਼ਾਂਤ ਭੱਟ ਦੀ ਕਨੈਕਸ਼ਨ ਬਣ ਕੇ ‘ਬਿੱਗ ਬੌਸ’ ਦੇ ਘਰ ਗਈ ਪਰ ਉਹ ਪ੍ਰਤੀਕ ਨਾਲ ਸਭ ਤੋਂ ਵਧੀਆ ਰਿਸ਼ਤਾ ਸਾਂਝਾ ਕਰਦੀ ਹੈ ਤੇ ਜ਼ਿਆਦਾਤਰ ਉਸ ਦੇ ਨਾਲ ਵੇਖੀ ਜਾਂਦੀ ਹੈ।
ਹਾਲ ਹੀ ’ਚ ਮੂਸ ਦੀ ਮਿਲਿੰਦ ਗਾਬਾ ਨਾਲ ਬਹਿਸ ਹੋਈ, ਜਦੋਂ ਉਸ ਨੇ ਪ੍ਰਤੀਕ ਨੂੰ ਕੁਮੈਂਟ ਪਾਸ ਕੀਤਾ ਤੇ ਉਸ ’ਤੇ ਟਿੱਪਣੀ ਕੀਤੀ। ਇਸ ਤੋਂ ਇਲਾਵਾ ਮੂਸ ਦੀ ਅਕਸ਼ਰਾ ਸਿੰਘ ਨਾਲ ਵੀ ਲੜਾਈ ਹੋ ਚੁੱਕੀ ਹੈ।
ਮੂਸ ਨੇ ਅਕਸ਼ਰਾ ਸਿੰਘ ਦੇ ਪੇਸ਼ੇ ’ਤੇ ਟਿੱਪਣੀ ਕੀਤੀ ਸੀ, ਜੋ ਅਕਸ਼ਰਾ ਨੂੰ ਬਿਲਕੁਲ ਪਸੰਦ ਨਹੀਂ ਸੀ। ਕੁਲ ਮਿਲਾ ਕੇ ਮੂਸ ਦੀ ਘਰ ’ਚ ਸਿਰਫ 3-4 ਮੁਕਾਬਲੇਬਾਜ਼ਾਂ ਦੇ ਨਾਲ ਬਣਦੀ ਹੈ ਤੇ ਉਹ ਉਨ੍ਹਾਂ ਦੇ ਨਾਲ ਦਿਖਾਈ ਦਿੰਦੀ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।
ਸਿਧਾਰਥ-ਸ਼ਹਿਨਾਜ਼ ਦੀ 'ਬਿੱਗ ਬੌਸ' ਦੇ ਘਰ 'ਚ ਧਮਾਕੇਦਾਰ ਐਂਟਰੀ, ਹੁਣ ਲੱਗਣਗੀਆਂ ਰੌਣਕਾਂ
NEXT STORY 
