ਮੁੰਬਈ (ਬਿਊਰੋ)– ਅਦਾਕਾਰਾ ਕੰਗਨਾ ਰਣੌਤ ਅਕਸਰ ਆਪਣੇ ਬਿਆਨਾਂ ਨੂੰ ਲੈ ਕੇ ਵਿਵਾਦਾਂ ’ਚ ਰਹਿੰਦੀ ਹੈ। ਉਹ ਸੋਸ਼ਲ ਮੀਡੀਆ ਰਾਹੀਂ ਲਗਾਤਾਰ ਆਪਣੀਆਂ ਗੱਲਾਂ ਲੋਕਾਂ ਸਾਹਮਣੇ ਰੱਖਦੀ ਹੈ। ਕਈ ਵਾਰ ਉਹ ਵਿਵਾਦਿਤ ਟਵੀਟ ਵੀ ਕਰ ਦਿੰਦੀ ਹੈ। ਹਾਲ ਹੀ ’ਚ ਉਸ ਨੇ ਖੇਤੀ ਕਾਨੂੰਨਾਂ ਖ਼ਿਲਾਫ਼ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ ਨੂੰ ਅੱਤਵਾਦੀ ਦੱਸਿਆ ਸੀ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ’ਤੇ ਲੋਕਾਂ ਨੇ ਉਸ ਦੀ ਖੂਬ ਖਿਚਾਈ ਕੀਤੀ।
ਇਸ ਤੋਂ ਪਹਿਲਾਂ 30 ਜਨਵਰੀ ਨੂੰ ਉਸ ਨੇ ਮਹਾਤਮਾ ਗਾਂਧੀ ਦੀ ਹੱਤਿਆ ਕਰਨ ਵਾਲੇ ਨਾਥੂਰਾਮ ਗੋਡਸੇ ਦੀ ਤਸਵੀਰ ਟਵਿਟਰ ’ਤੇ ਸਾਂਝੀ ਕਰਕੇ ਵਿਵਾਦ ਪੈਦਾ ਕੀਤਾ ਸੀ।
ਦਰਅਸਲ ਸ਼ਨੀਵਾਰ ਨੂੰ ਇਕ ਟਵਿਟਰ ਯੂਜ਼ਰ ਨੇ ਟਵੀਟ ਕਰਕੇ ਪੁੱਛਿਆ ਸੀ, ‘ਕੀ ਕੋਈ ਸਾਨੂੰ ਕੰਗਨਾ ਰਣੌਤ ਤੋਂ ਬਚਾਉਣ ਦੀ ਵੈਕਸੀਨ ਬਣਾ ਰਿਹਾ ਹੈ?’ ਇਸ ਟਵੀਟ ’ਤੇ ਗਾਇਕਾ ਸੋਨਾ ਮੋਹਾਪਾਤਰਾ ਨੇ ਜ਼ਬਰਦਸਤ ਟਵੀਟ ਕਰਕੇ ਕੰਗਨਾ ’ਤੇ ਨਿਸ਼ਾਨਾ ਵਿੰਨ੍ਹਿਆ। ਉਸ ਨੇ ਆਪਣੇ ਟਵੀਟ ’ਚ ਲਿਖਿਆ, ‘ਤੂੰ ਕੌਣ? ਮੈਂ ਆਈਕਨ! ਇਹ ਦਿਨ ਦੀ ਸ਼ੁਰੂਆਤ ’ਚ ਹੈ, ਇਸ ਲਈ ਮੇਰੇ ਕੋਲ ਹਾਸਾ ਬਰਕਰਾਰ ਹੈ।’
ਇਸ ਤੋਂ ਇਲਾਵਾ ਇਸੇ ਕੁਮੈਂਟ ’ਤੇ ਸੋਨਾ ਮੋਹਾਪਾਤਰਾ ਨੇ ਇਕ ਹੋਰ ਟਵੀਟ ਕੀਤਾ ਹੈ, ਜਿਸ ’ਚ ਉਹ ਲਿਖਦੀ ਹੈ, ‘ਮੈਂ ਆਖਿਰਕਾਰ ਜਵਾਬ ਲੱਭ ਹੀ ਲਿਆ ਸਮੀਰਾ ਸੂਦ, ਕੰਗਨਾ ਖੁਦ ਹੀ ਕਿਉਂਕਿ ਉਹੀ ਇੰਨੀ ਸਮਰੱਥ ਹੈ ਕਿ ਉਹ ਅਜਿਹਾ ਟੀਕਾ ਬਣਾ ਸਕੇ। ਉਹੀ ਸਵਾਲ ਹੈ ਤੇ ਉਹੀ ਜਵਾਬ ਹੈ।’
ਦੱਸਣਯੋਗ ਹੈ ਕਿ ਕੰਗਨਾ ਤੇ ਬਾਲੀਵੁੱਡ ਦੇ ਹੋਰਨਾਂ ਸਿਤਾਰਿਆਂ ਦੀ ਸੋਸ਼ਲ ਮੀਡੀਆ ’ਤੇ ਨੋਕ-ਝੋਕ ਹੁੰਦੀ ਰਹਿੰਦੀ ਹੈ ਪਰ ਸੋਨਾ ਮੋਹਾਪਾਤਰਾ ਨਾਲ ਉਸ ਦੀ ਕਈ ਮੁੱਦਿਆਂ ਨੂੰ ਲੈ ਕੇ ਨੋਕ-ਝੋਕ ਹੋ ਚੁੱਕੀ ਹੈ। ਹਾਲ ਹੀ ’ਚ ਕੰਗਨਾ ਨੇ ਇਕ ਟਵੀਟ ਕੀਤਾ ਸੀ, ਜਿਸ ’ਚ ਉਸ ਨੇ ਖੁਦ ਨੂੰ ਰਾਣੀ ਦੱਸਿਆ ਸੀ। ਇਸ ਟਵੀਟ ’ਤੇ ਟਿੱਪਣੀ ਕਰਦਿਆਂ ਸੋਨਾ ਮੋਹਾਪਾਤਰਾ ਨੇ ਇਹ ਟਵੀਟ ਕੀਤਾ ਸੀ।
ਨੋਟ– ਤੁਸੀਂ ਕੰਗਨਾ ਦੇ ਸਮਰਥਨ ’ਚ ਹੋ ਜਾਂ ਵਿਰੋਧ ’ਚ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਹੰਸਿਕਾ ਮੋਟਵਾਨੀ ਆਪਣੀ ਪੰਜਾਬੀ ਪਾਰੀ ਦੀ ਸ਼ੁਰੂਆਤ ਕਰਨ ਲਈ ਤਿਆਰ
NEXT STORY 
