ਜਲੰਧਰ- ਸੋਮਵਾਰ ਨੂੰ ਡੇਰਾਬੱਸੀ, ਪੰਜਾਬ ਵਿੱਚ ਜਨਤਾ ਸੇਵਾ ਸਮਿਤੀ ਵੱਲੋਂ 13ਵੇਂ ਵਿਸ਼ਵਕਰਮਾ ਦਿਵਸ ਮੌਕੇ ਇੱਕ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ 'ਚ ਪੰਜਾਬੀ ਗਾਇਕ ਜੀ ਖਾਨਨੂੰ ਪਰਫਾਰਮ ਕਰਨ ਲਈ ਬੁਲਾਇਆ ਗਿਆ ਸੀ ਪਰ ਪਰਫਾਰਮੈਂਸ ਦੀ ਤਾਂ ਗੱਲ ਹੀ ਛੱਡੋ, ਉਹ ਸਟੇਜ ‘ਤੇ ਵੀ ਨਹੀਂ ਗਏ ਅਤੇ ਵਾਪਸ ਪਰਤ ਗਏ ਅਤੇ ਪ੍ਰੋਗਰਾਮ 'ਚ ਨਾ ਸਿਰਫ ਗਾਇਕ ਸਗੋਂ ਮੁੱਖ ਮਹਿਮਾਨ ਵੀ ਨਹੀਂ ਪਹੁੰਚਿਆ।
ਸਟੇਜ 'ਤੇ ਬਿਨਾਂ ਗਾਏ ਵਾਪਸ ਪਰਤੇ ਗਾਇਕ
ਦਰਅਸਲ ਹੋਇਆ ਇਹ ਕਿ ਸੋਮਵਾਰ ਸ਼ਾਮ 4 ਵਜੇ ਡੇਰਾਬੱਸੀ ਦੇ ਰਾਮਲੀਲਾ ਮੈਦਾਨ 'ਚ ਮੰਚ ਸਜਾਇਆ ਗਿਆ। ਫੈਨਜ਼ ਵੀ ਜ਼ੀ ਖਾਨ ਦੇ ਆਉਣ ਅਤੇ ਪਰਫਾਰਮੈਂਸ ਕਰਨ ਦਾ ਇੰਤਜ਼ਾਰ ਕਰ ਰਹੇ ਸਨ। ਮਿਊਜ਼ਿਕ ਸਿਸਟਮ ਤੋਂ ਲੈ ਕੇ ਚਮਕਦੇ ਟੈਂਟ ਲਗਾਏ ਗਏ ਸਨ ਅਤੇ ਦਰਸ਼ਕਾਂ ਲਈ 500 ਦੇ ਕਰੀਬ ਕੁਰਸੀਆਂ ਲਗਾਈਆਂ ਗਈਆਂ ਸਨ। ਸਟੇਜ ਤੋਂ ਲਗਾਤਾਰ ਐਲਾਨ ਹੋ ਰਿਹਾ ਸੀ ਕਿ ਕੁਝ ਸਮੇਂ ਬਾਅਦ ਗਾਇਕ ਜੀ ਖਾਨ ਤੁਹਾਡੇ ਸਾਹਮਣੇ ਹੋਣਗੇ ਪਰ ਅਜਿਹਾ ਨਹੀਂ ਹੋਇਆ। ਗਾਇਕ ਡੇਰਾਬੱਸੀ ਮੌਜੂਦ ਸਨ ਪਰ ਪਰਫਾਰਮ ਕੀਤੇ ਬਿਨਾਂ ਹੀ ਵਾਪਸ ਪਰਤ ਗਏ। ਕਿਉਂਕਿ ਪ੍ਰਬੰਧਕਾਂ ਨੇ ਉਨ੍ਹਾਂ ਦੀ ਪੈਮੇਂਟ (ਭੁਗਤਾਨ) ਨਹੀਂ ਕੀਤੀ ਸੀ।
ਕਾਂਗਰਸੀ ਆਗੂਆਂ ਨੂੰ ਠਹਿਰਾਇਆ ਜ਼ਿੰਮੇਵਾਰ
ਅਜਿਹੀ ਸਥਿਤੀ ਵਿੱਚ ਸਜਾਈ ਸਟੇਜ, ਚਮਕਦੇ ਟੈਂਟ ਅਤੇ ਕੁਰਸੀਆਂ ਦੇ ਸਾਰੇ ਪ੍ਰਬੰਧ ਅਧੂਰੇ ਰਹਿ ਗਏ। ਇਸ ਦੇ ਲਈ ਪ੍ਰਬੰਧਕਾਂ ਨੇ ਕਾਂਗਰਸੀ ਆਗੂਆਂ ਨੂੰ ਦੋਸ਼ੀ ਠਹਿਰਾਉਂਦਿਆਂ ਇਸ ਸਭ ਲਈ ਜ਼ਿੰਮੇਵਾਰ ਠਹਿਰਾਇਆ ਅਤੇ ਇਸ ਤਰ੍ਹਾਂ ਜਨਤਾ ਸੇਵਾ ਸਮਿਤੀ ਦਾ ਵਿਸ਼ਵਕਰਮਾ ਦਿਵਸ ਪ੍ਰੋਗਰਾਮ ਕਾਂਗਰਸੀ ਆਗੂਆਂ ਦੇ ਹੱਥੇ ਚੜ੍ਹ ਗਿਆ। ਜ਼ੀ ਖਾਨ ਦੇ ਸ਼ੋਅ ਦਾ ਇੰਤਜ਼ਾਰ ਕਰਨ ਤੋਂ ਬਾਅਦ ਲੋਕ ਨਿਰਾਸ਼ ਹੋ ਕੇ ਵਾਪਸ ਚਲੇ ਗਏ।
ਹੋਰ ਮਹਿਮਾਨ ਵੀ ਨਹੀਂ ਹੋਏ ਸ਼ਾਮਲ
ਦੱਸ ਦੇਈਏ ਕਿ ਪੰਜਾਬੀ ਗਾਇਕ ਜੀ ਖ਼ਾਨ ਤੋਂ ਇਲਾਵਾ ਕਾਂਗਰਸ ਦੇ ਹਲਕਾ ਇੰਚਾਰਜ ਦੀਪਇੰਦਰ ਢਿੱਲੋਂ ਅਤੇ ਉਨ੍ਹਾਂ ਦੇ ਪੁੱਤਰ ਦੀਪਇੰਦਰ ਢਿੱਲੋਂ, ਅੰਕਿਤ ਜੈਨ ਅਤੇ ਅਮਰਿੰਦਰ ਸ੍ਰੀਵਾਸਤਵ ਨੂੰ ਵੀ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਗਿਆ ਸੀ ਪਰ ਕੋਈ ਵੀ ਮਹਿਮਾਨ ਹਾਜ਼ਰ ਨਹੀਂ ਹੋਇਆ। ਵਿਸ਼ਵਕਰਮਾ ਦਿਵਸ 'ਤੇ ਕਰਵਾਏ ਸਮਾਗਮ ਦੇ ਪ੍ਰਬੰਧਕਾਂ ਨੂੰ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪਿਆ। ਕਿਸੇ ਸ਼ੋਅ ਵਿੱਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਕੋਈ ਗਾਇਕ ਬਿਨਾਂ ਸਟੇਜ ਤੇ ਗਏ ਵਾਪਸ ਪਰਤ ਆਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕਾਰਤਿਕ ਆਰੀਅਨ ਵਾਰਾਣਸੀ ਹੋਏ ਰਵਾਨਾ, ਕਾਸ਼ੀ 'ਚ ਸ਼ਾਮ ਨੂੰ ਕਰਨਗੇ ਗੰਗਾ ਆਰਤੀ
NEXT STORY 
