ਜਲੰਧਰ— ਗੂਗਲ ਨੇ ਐਲਾਨ ਕੀਤਾ ਹੈ ਕਿ 2017 ਦੀ ਸ਼ੁਰੂਆਤ 'ਚ ਗੂਗਲ ਪਲੇ ਸਰਵਿਸ ਫਾਇਰਵਰਕ ਜਿੰਜਰਬ੍ਰੈੱਡ ਅਤੇ ਹਨੀਕਾਮਬ ਵਰਜਨ ਲਈ ਸਪੋਰਟ ਬੰਦ ਕਰ ਦੇਵੇਗੀ। ਅਪਡੇਟ ਵਰਜਨ 10.2.0 ਨਾਲ ਗੂਗਲ ਪਲੇ ਸਰਵਿਸ ਸਿਰਫ ਉਨ੍ਹਾਂ ਐਂਡਰਾਇਡ ਡਿਵਾਇਸਿਸ ਨੂੰ ਸਪੋਰਟ ਕਰੇਗਾ ਜੋ ਆਈਸਕ੍ਰੀਮ ਸੈਂਡਵਿਚ 'ਤੇ ਚੱਲਦੇ ਹਨ।
ਗੂਗਲ ਪਲੇ ਸਰਵਿਸ ਇਕ ਏ. ਪੀ. ਆਈ. ਪੈਕੇਜ ਹੈ, ਜਿਸ 'ਚ ਅਪਡੇਟ ਨੂੰ ਪੇਸ਼ ਕੀਤਾ ਜਾਂਦਾ ਹੈ ਅਤੇ ਸਰਵਿਸ 'ਚ ਸੁਧਾਰ ਹੁੰਦਾ ਹੈ। ਇਸ ਲਈ ਸਾਰੇ ਆਪਰੇਟਿੰਗ ਸਿਸਟਮ ਨੂੰ ਅਪਡੇਟ ਕਰਨ ਦੀ ਜ਼ਰੂਰਤ ਨਹੀਂ ਪੈਂਦੀ। ਇਸ ਦਾ ਐਲਾਨ 2012 'ਚ ਕੀਤਾ ਗਿਆ ਸੀ ਅਤੇ ਇਹ ਐਂਡਰਾਇਡ ਦੇ ਸਾਰੇ ਵਰਜਨ ਨੂੰ ਸਪੋਰਟ ਕਰਦਾ ਹੈ। ਜਦ ਕਿ ਗੂਗਲ ਪਲੇ ਸਰਵਿਸਿਜ਼ ਦਾ 10.0.0 ਅਪਡੇਟ ਆਖਰੀ ਵਰਜਨ ਹੈ ਜੋ ਜਿੰਜਰਬ੍ਰੈੱਡ ਅਤੇ ਹਨੀਕਾਮਬ ਨੂੰ ਸਪੋਰਟ ਕਰਦਾ ਹੈ। ਸਾਲ 2017 'ਚ ਆਉਣ ਵਾਲੇ ਗੂਗਲ ਪਲੇ ਦੇ 10.2.0 ਵਰਜਨ ਦੇ ਕਾਰਨ ਗੂਗਲ ਪਲੇ ਸਰਵਿਸਿਜ਼ ਨੂੰ ਇਸਤੇਮਾਲ ਕਰਨ ਲਈ ਐਂਡਰਾਇਡ 4.0.1 ਆਈਸਕ੍ਰੀਮ ਸੈਂਡਵਿਚ ਵਰਜਨ ਹੋਣਾ ਜ਼ਰੂਰੀ ਹੋਵੇਗਾ।
ਗੂਗਲ ਨੇ ਇਸ ਦਾ ਕਾਰਨ ਦੱਸਦੇ ਹੋਏ ਕਿਹਾ ਹੈ ਕਿ ਜਿੰਜਰਬ੍ਰੈੱਡ ਨੂੰ ਲਾਂਚ ਹੋਏ 6 ਸਾਲ ਹੋ ਗਏ ਹਨ। ਕਈ ਡਿਵੈਲਪ੍ਰਾਂ ਨੇ ਜਿੰਜਰਬ੍ਰੈੱਡ ਲਈ ਐਪਸ ਦਾ ਸਪੋਰਟ ਵੀ ਬੰਦ ਕਰ ਦਿੱਤਾ ਹੈ। ਗੂਗਲ ਦੇ ਮੁਤਾਬਕ ਇਸ ਕਦਮ ਨਾਲ ਅਸੀਂ ਐਂਡਰਾਇਡ ਡਿਵੈਲਪ੍ਰਾਂ ਨੂੰ ਜ਼ਿਆਦਾ ਰੋਬਸਟ ਕੁਲੈਕਸ਼ਨ ਵਾਲੇ ਟੂਲਸ ਉਪਲੱਬਧ ਕਰਵਾ ਸਕਣਗੇ।
ਅਵਾਸਤ ਨੇ iOS ਯੂਜ਼ਰਸ ਲਈ ਪੇਸ਼ ਕੀਤੀ ਕਾਲ ਬਲਾਕਰ ਐਪ
NEXT STORY 
